Narayaniyam Dashaka 15 - Kapilopadesham — Sinhala Script

මතිරිහ ගුණසක්තා බන්ධකෘත්තේෂ්වසක්තා

ත්වමෘතකෘදුපරුන්ධේ භක්තියෝගස්තු සක්තිම් .

මහදනුගමලභ්යා භක්තිරේවාත්ර සාධ්යා

කපිලතනුරිති ත්වං දේවහූත්යෛ න්යගාදීඃ ..1..

ප්රකෘතිමහදහඞ්කාරාශ්ච මාත්රාශ්ච භූතා-

න්යපි හෘදපි දශාක්ෂී පූරුෂඃ පඤ්චවිංශඃ .

ඉති විදිතවිභාගෝ මුච්යතේ(අ)සෞ ප්රකෘත්යා

කපිලතනුරිති ත්වං දේවහූත්යෛ න්යගාදීඃ ..2..

ප්රකෘතිගතගුණෞඝෛර්නාජ්යතේ පූරුෂෝ(අ)යං

යදි තු සජති තස්යාං තත් ගුණාස්තං භජේරන් .

මදනුභජනතත්ත්වාලෝචනෛඃ සා(අ)ප්යපේයාත්

කපිලතනුරිති ත්වං දේවහූත්යෛ න්යගාදීඃ ..3..

විමලමතිරුපාත්තෛරාසනාද්යෛර්මදඞ්ගං

ගරුඩසමධිරූඪං දිව්යභූෂායුධාඞ්කම් .

රුචිතුලිතතමාලං ශීලයේතානුවේලං

කපිලතනුරිති ත්වං දේවහූත්යෛ න්යගාදීඃ ..4..

මම ගුණගණලීලාකර්ණනෛඃ කීර්තනාද්යෛ-

ර්මයි සුරසරිදෝඝප්රඛ්යචිත්තානුවෘත්තිඃ .

භවති පරමභක්තිඃ සා හි මෘත්යෝර්විජේත්රී

කපිලතනුරිති ත්වං දේවහූත්යෛ න්යගාදීඃ ..5..

අහහ බහුලහිංසාසඤ්චිතාර්ථෛඃ කුටුම්බං

ප්රතිදිනමනුපුෂ්ණන් ස්ත්රීජිතෝ බාලලාලී .

විශති හි ගෘහසක්තෝ යාතනාං මය්යභක්තඃ

කපිලතනුරිතිත්වං දේවහූත්යෛ න්යගාදීඃ ..6..

යුවතිජඨරඛින්නෝ ජාතබෝධෝ(අ)ප්යකාණ්ඩේ

ප්රසවගලිතබෝධඃ පීඩයෝල්ලඞ්ඝ්ය බාල්යම් .

පුනරපි බත මුහ්යත්යේව තාරුණ්යකාලේ

කපිලතනුරිති ත්වං දේවහූත්යෛ න්යගාදීඃ ..7..

පිතෘසුරගණයාජී ධාර්මිකෝ යෝ ගෘහස්ථඃ

ස ච නිපතති කාලේ දක්ෂිණාධ්වෝපගාමී .

මයි නිහිතමකාමං කර්ම තූදක්පථාර්ථං

කපිල්තනුරිති ත්වං දේවහූත්යෛ න්යගාදීඃ ..8..

ඉති සුවිදිතවේද්යාං දේව හේ දේවහූතිං

කෘතනුතිමනුගෘහ්ය ත්වං ගතෝ යෝගිසඞ්ඝෛඃ .

විමලමතිරථා(අ)සෞ භක්තියෝගේන මුක්තා

ත්වමපි ජනහිතාර්ථං වර්තසේ ප්රාගුදීච්යාම් ..9..

පරම කිමු බහූක්ත්යා ත්වත්පදාම්භෝජභක්තිං

සකලභයවිනේත්රීං සර්වකාමෝපනේත්රීම් .

වදසි ඛලු දෘඪං ත්වං තද්විධූයාමයාන් මේ

ගුරුපවනපුරේශ ත්වය්යුපාධත්ස්ව භක්තිම් ..10..

Roman (IAST) Transliteration

matiriha guṇasaktā bandhakṛtteṣvasaktā

tvamṛtakṛduparundhe bhaktiyogastu saktim |

mahadanugamalabhyā bhaktirevātra sādhyā

kapilatanuriti tvaṃ devahūtyai nyagādīḥ ||1||

prakṛtimahadahaṅkārāśca mātrāśca bhūtā-

nyapi hṛdapi daśākṣī pūruṣaḥ pañcaviṃśaḥ |

iti viditavibhāgo mucyate'sau prakṛtyā

kapilatanuriti tvaṃ devahūtyai nyagādīḥ ||2||

prakṛtigataguṇaughairnājyate pūruṣo'yaṃ

yadi tu sajati tasyāṃ tat guṇāstaṃ bhajeran |

madanubhajanatattvālocanaiḥ sā'pyapeyāt

kapilatanuriti tvaṃ devahūtyai nyagādīḥ ||3||

vimalamatirupāttairāsanādyairmadaṅgaṃ

garuḍasamadhirūḍhaṃ divyabhūṣāyudhāṅkam |

rucitulitatamālaṃ śīlayetānuvelaṃ

kapilatanuriti tvaṃ devahūtyai nyagādīḥ ||4||

mama guṇagaṇalīlākarṇanaiḥ kīrtanādyai-

rmayi surasaridoghaprakhyacittānuvṛttiḥ |

bhavati paramabhaktiḥ sā hi mṛtyorvijetrī

kapilatanuriti tvaṃ devahūtyai nyagādīḥ ||5||

ahaha bahulahiṃsāsañcitārthaiḥ kuṭumbaṃ

pratidinamanupuṣṇan strījito bālalālī |

viśati hi gṛhasakto yātanāṃ mayyabhaktaḥ

kapilatanurititvaṃ devahūtyai nyagādīḥ ||6||

yuvatijaṭharakhinno jātabodho'pyakāṇḍe

prasavagalitabodhaḥ pīḍayollaṅghya bālyam |

punarapi bata muhyatyeva tāruṇyakāle

kapilatanuriti tvaṃ devahūtyai nyagādīḥ ||7||

pitṛsuragaṇayājī dhārmiko yo gṛhasthaḥ

sa ca nipatati kāle dakṣiṇādhvopagāmī |

mayi nihitamakāmaṃ karma tūdakpathārthaṃ

kapiltanuriti tvaṃ devahūtyai nyagādīḥ ||8||

iti suviditavedyāṃ deva he devahūtiṃ

kṛtanutimanugṛhya tvaṃ gato yogisaṅghaiḥ |

vimalamatirathā'sau bhaktiyogena muktā

tvamapi janahitārthaṃ vartase prāgudīcyām ||9||

parama kimu bahūktyā tvatpadāmbhojabhaktiṃ

sakalabhayavinetrīṃ sarvakāmopanetrīm |

vadasi khalu dṛḍhaṃ tvaṃ tadvidhūyāmayān me

gurupavanapureśa tvayyupādhatsva bhaktim ||10||

Sanskrit — Devanagari (original)

मतिरिह गुणसक्ता बन्धकृत्तेष्वसक्ता

त्वमृतकृदुपरुन्धे भक्तियोगस्तु सक्तिम् ।

महदनुगमलभ्या भक्तिरेवात्र साध्या

कपिलतनुरिति त्वं देवहूत्यै न्यगादीः ॥1॥

प्रकृतिमहदहङ्काराश्च मात्राश्च भूता-

न्यपि हृदपि दशाक्षी पूरुषः पञ्चविंशः ।

इति विदितविभागो मुच्यतेऽसौ प्रकृत्या

कपिलतनुरिति त्वं देवहूत्यै न्यगादीः ॥2॥

प्रकृतिगतगुणौघैर्नाज्यते पूरुषोऽयं

यदि तु सजति तस्यां तत् गुणास्तं भजेरन् ।

मदनुभजनतत्त्वालोचनैः साऽप्यपेयात्

कपिलतनुरिति त्वं देवहूत्यै न्यगादीः ॥3॥

विमलमतिरुपात्तैरासनाद्यैर्मदङ्गं

गरुडसमधिरूढं दिव्यभूषायुधाङ्कम् ।

रुचितुलिततमालं शीलयेतानुवेलं

कपिलतनुरिति त्वं देवहूत्यै न्यगादीः ॥4॥

मम गुणगणलीलाकर्णनैः कीर्तनाद्यै-

र्मयि सुरसरिदोघप्रख्यचित्तानुवृत्तिः ।

भवति परमभक्तिः सा हि मृत्योर्विजेत्री

कपिलतनुरिति त्वं देवहूत्यै न्यगादीः ॥5॥

अहह बहुलहिंसासञ्चितार्थैः कुटुम्बं

प्रतिदिनमनुपुष्णन् स्त्रीजितो बाललाली ।

विशति हि गृहसक्तो यातनां मय्यभक्तः

कपिलतनुरितित्वं देवहूत्यै न्यगादीः ॥6॥

युवतिजठरखिन्नो जातबोधोऽप्यकाण्डे

प्रसवगलितबोधः पीडयोल्लङ्घ्य बाल्यम् ।

पुनरपि बत मुह्यत्येव तारुण्यकाले

कपिलतनुरिति त्वं देवहूत्यै न्यगादीः ॥7॥

पितृसुरगणयाजी धार्मिको यो गृहस्थः

स च निपतति काले दक्षिणाध्वोपगामी ।

मयि निहितमकामं कर्म तूदक्पथार्थं

कपिल्तनुरिति त्वं देवहूत्यै न्यगादीः ॥8॥

इति सुविदितवेद्यां देव हे देवहूतिं

कृतनुतिमनुगृह्य त्वं गतो योगिसङ्घैः ।

विमलमतिरथाऽसौ भक्तियोगेन मुक्ता

त्वमपि जनहितार्थं वर्तसे प्रागुदीच्याम् ॥9॥

परम किमु बहूक्त्या त्वत्पदाम्भोजभक्तिं

सकलभयविनेत्रीं सर्वकामोपनेत्रीम् ।

वदसि खलु दृढं त्वं तद्विधूयामयान् मे

गुरुपवनपुरेश त्वय्युपाधत्स्व भक्तिम् ॥10॥