Narayaniyam Dashakam 57 — Sinhala Script

Meaning —

Verse 1

රාමසඛඃ ක්වාපි දිනේ කාමද භගවන් ගතෝ භවාන් විපිනම් .
සූනුභිරපි ගෝපානාං ධේනුභිරභිසංවෘතෝ ලසද්වේෂඃ ..1..

rāmasakhaḥ kvāpi dine kāmada bhagavan gato bhavān vipinam |
sūnubhirapi gopānāṃ dhenubhirabhisaṃvṛto lasadveṣaḥ ||1||

Verse 2

සන්දර්ශයන් බලාය ස්වෛරං වෘන්දාවනශ්රියං විමලාම් .
කාණ්ඩීරෛඃ සහ බාලෛර්භාණ්ඩීරකමාගමෝ වටං ක්රීඩන් ..2..

sandarśayan balāya svairaṃ vṛndāvanaśriyaṃ vimalām |
kāṇḍīraiḥ saha bālairbhāṇḍīrakamāgamo vaṭaṃ krīḍan ||2||

Verse 3

තාවත්තාවකනිධනස්පෘහයාලුර්ගෝපමූර්තිරදයාලුඃ .
දෛත්යඃ ප්රලම්බනාමා ප්රලම්බබාහුං භවන්තමාපේදේ ..3..

tāvattāvakanidhanaspṛhayālurgopamūrtiradayāluḥ |
daityaḥ pralambanāmā pralambabāhuṃ bhavantamāpede ||3||

Verse 4

ජානන්නප්යවිජානන්නිව තේන සමං නිබද්ධසෞහාර්දඃ .
වටනිකටේ පටුපශුපව්යාබද්ධං ද්වන්ද්වයුද්ධමාරබ්ධාඃ ..4..

jānannapyavijānanniva tena samaṃ nibaddhasauhārdaḥ |
vaṭanikaṭe paṭupaśupavyābaddhaṃ dvandvayuddhamārabdhāḥ ||4||

Verse 5

ගෝපාන් විභජ්ය තන්වන් සඞ්ඝං බලභද්රකං භවත්කමපි .
ත්වද්බලභීරුං දෛත්යං ත්වද්බලගතමන්වමන්යථා භගවන් ..5..

gopān vibhajya tanvan saṅghaṃ balabhadrakaṃ bhavatkamapi |
tvadbalabhīruṃ daityaṃ tvadbalagatamanvamanyathā bhagavan ||5||

Verse 6

කල්පිතවිජේතෘවහනේ සමරේ පරයූථගං ස්වදයිතතරම් .
ශ්රීදාමානමධත්ථාඃ පරාජිතෝ භක්තදාසතාං ප්රථයන් ..6..

kalpitavijetṛvahane samare parayūthagaṃ svadayitataram |
śrīdāmānamadhatthāḥ parājito bhaktadāsatāṃ prathayan ||6||

Verse 7

ඒවං බහුෂු විභූමන් බාලේෂු වහත්සු වාහ්යමානේෂු .
රාමවිජිතඃ ප්රලම්බෝ ජහාර තං දූරතෝ භවද්භීත්යා ..7..

evaṃ bahuṣu vibhūman bāleṣu vahatsu vāhyamāneṣu |
rāmavijitaḥ pralambo jahāra taṃ dūrato bhavadbhītyā ||7||

Verse 8

ත්වද්දූරං ගමයන්තං තං දෘෂ්ට්වා හලිනි විහිතගරිමභරේ .
දෛත්යඃ ස්වරූපමාගාද්යද්රූපාත් ස හි බලෝ(අ)පි චකිතෝ(අ)භූත් ..8..

tvaddūraṃ gamayantaṃ taṃ dṛṣṭvā halini vihitagarimabhare |
daityaḥ svarūpamāgādyadrūpāt sa hi balo'pi cakito'bhūt ||8||

Verse 9

උච්චතයා දෛත්යතනෝස්ත්වන්මුඛමාලෝක්ය දූරතෝ රාමඃ .
විගතභයෝ දෘඪමුෂ්ට්යා භෘශදුෂ්ටං සපදි පිෂ්ටවානේනම් ..9..

uccatayā daityatanostvanmukhamālokya dūrato rāmaḥ |
vigatabhayo dṛḍhamuṣṭyā bhṛśaduṣṭaṃ sapadi piṣṭavānenam ||9||

Verse 10

හත්වා දානවවීරං ප්රාප්තං බලමාලිලිඞ්ගිථ ප්රේම්ණා .
තාවන්මිලතෝර්යුවයෝඃ ශිරසි කෘතා පුෂ්පවෘෂ්ටිරමරගණෛඃ ..10..

hatvā dānavavīraṃ prāptaṃ balamāliliṅgitha premṇā |
tāvanmilatoryuvayoḥ śirasi kṛtā puṣpavṛṣṭiramaragaṇaiḥ ||10||

Verse 11

ආලම්බෝ භුවනානාං ප්රාලම්බං නිධනමේවමාරචයන් .
කාලං විහාය සද්යෝ ලෝලම්බරුචේ හරේ හරේඃ ක්ලේශාන් ..11..

ālambo bhuvanānāṃ prālambaṃ nidhanamevamāracayan |
kālaṃ vihāya sadyo lolambaruce hare hareḥ kleśān ||11||

Sanskrit — Devanagari (original)

रामसखः क्वापि दिने कामद भगवन् गतो भवान् विपिनम् ।

सूनुभिरपि गोपानां धेनुभिरभिसंवृतो लसद्वेषः ॥1॥

सन्दर्शयन् बलाय स्वैरं वृन्दावनश्रियं विमलाम् ।

काण्डीरैः सह बालैर्भाण्डीरकमागमो वटं क्रीडन् ॥2॥

तावत्तावकनिधनस्पृहयालुर्गोपमूर्तिरदयालुः ।

दैत्यः प्रलम्बनामा प्रलम्बबाहुं भवन्तमापेदे ॥3॥

जानन्नप्यविजानन्निव तेन समं निबद्धसौहार्दः ।

वटनिकटे पटुपशुपव्याबद्धं द्वन्द्वयुद्धमारब्धाः ॥4॥

गोपान् विभज्य तन्वन् सङ्घं बलभद्रकं भवत्कमपि ।

त्वद्बलभीरुं दैत्यं त्वद्बलगतमन्वमन्यथा भगवन् ॥5॥

कल्पितविजेतृवहने समरे परयूथगं स्वदयिततरम् ।

श्रीदामानमधत्थाः पराजितो भक्तदासतां प्रथयन् ॥6॥

एवं बहुषु विभूमन् बालेषु वहत्सु वाह्यमानेषु ।

रामविजितः प्रलम्बो जहार तं दूरतो भवद्भीत्या ॥7॥

त्वद्दूरं गमयन्तं तं दृष्ट्वा हलिनि विहितगरिमभरे ।

दैत्यः स्वरूपमागाद्यद्रूपात् स हि बलोऽपि चकितोऽभूत् ॥8॥

उच्चतया दैत्यतनोस्त्वन्मुखमालोक्य दूरतो रामः ।

विगतभयो दृढमुष्ट्या भृशदुष्टं सपदि पिष्टवानेनम् ॥9॥

हत्वा दानववीरं प्राप्तं बलमालिलिङ्गिथ प्रेम्णा ।

तावन्मिलतोर्युवयोः शिरसि कृता पुष्पवृष्टिरमरगणैः ॥10॥

आलम्बो भुवनानां प्रालम्बं निधनमेवमारचयन् ।

कालं विहाय सद्यो लोलम्बरुचे हरे हरेः क्लेशान् ॥11॥

🕉️ This is the original Sanskrit rendered in Sinhala script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

නාරායණීයං දශක 57 - ප්රලම්බාසුරවධම්