𑌰𑌾𑌮𑌸𑌖𑌃 𑌕𑍍𑌵𑌾𑌪𑌿 𑌦𑌿𑌨𑍇 𑌕𑌾𑌮𑌦 𑌭𑌗𑌵𑌨𑍍 𑌗𑌤𑍋 𑌭𑌵𑌾𑌨𑍍 𑌵𑌿𑌪𑌿𑌨𑌮𑍍 ।
𑌸𑍂𑌨𑍁𑌭𑌿𑌰𑌪𑌿 𑌗𑍋𑌪𑌾𑌨𑌾𑌂 𑌧𑍇𑌨𑍁𑌭𑌿𑌰𑌭𑌿𑌸𑌂𑌵𑍃𑌤𑍋 𑌲𑌸𑌦𑍍𑌵𑍇𑌷𑌃 ॥1॥
𑌸𑌨𑍍𑌦𑌰𑍍𑌶𑌯𑌨𑍍 𑌬𑌲𑌾𑌯 𑌸𑍍𑌵𑍈𑌰𑌂 𑌵𑍃𑌨𑍍𑌦𑌾𑌵𑌨𑌶𑍍𑌰𑌿𑌯𑌂 𑌵𑌿𑌮𑌲𑌾𑌮𑍍 ।
𑌕𑌾𑌣𑍍𑌡𑍀𑌰𑍈𑌃 𑌸𑌹 𑌬𑌾𑌲𑍈𑌰𑍍𑌭𑌾𑌣𑍍𑌡𑍀𑌰𑌕𑌮𑌾𑌗𑌮𑍋 𑌵𑌟𑌂 𑌕𑍍𑌰𑍀𑌡𑌨𑍍 ॥2॥
𑌤𑌾𑌵𑌤𑍍𑌤𑌾𑌵𑌕𑌨𑌿𑌧𑌨𑌸𑍍𑌪𑍃𑌹𑌯𑌾𑌲𑍁𑌰𑍍𑌗𑍋𑌪𑌮𑍂𑌰𑍍𑌤𑌿𑌰𑌦𑌯𑌾𑌲𑍁𑌃 ।
𑌦𑍈𑌤𑍍𑌯𑌃 𑌪𑍍𑌰𑌲𑌮𑍍𑌬𑌨𑌾𑌮𑌾 𑌪𑍍𑌰𑌲𑌮𑍍𑌬𑌬𑌾𑌹𑍁𑌂 𑌭𑌵𑌨𑍍𑌤𑌮𑌾𑌪𑍇𑌦𑍇 ॥3॥
𑌜𑌾𑌨𑌨𑍍𑌨𑌪𑍍𑌯𑌵𑌿𑌜𑌾𑌨𑌨𑍍𑌨𑌿𑌵 𑌤𑍇𑌨 𑌸𑌮𑌂 𑌨𑌿𑌬𑌦𑍍𑌧𑌸𑍗𑌹𑌾𑌰𑍍𑌦𑌃 ।
𑌵𑌟𑌨𑌿𑌕𑌟𑍇 𑌪𑌟𑍁𑌪𑌶𑍁𑌪𑌵𑍍𑌯𑌾𑌬𑌦𑍍𑌧𑌂 𑌦𑍍𑌵𑌨𑍍𑌦𑍍𑌵𑌯𑍁𑌦𑍍𑌧𑌮𑌾𑌰𑌬𑍍𑌧𑌾𑌃 ॥4॥
𑌗𑍋𑌪𑌾𑌨𑍍 𑌵𑌿𑌭𑌜𑍍𑌯 𑌤𑌨𑍍𑌵𑌨𑍍 𑌸𑌙𑍍𑌘𑌂 𑌬𑌲𑌭𑌦𑍍𑌰𑌕𑌂 𑌭𑌵𑌤𑍍𑌕𑌮𑌪𑌿 ।
𑌤𑍍𑌵𑌦𑍍𑌬𑌲𑌭𑍀𑌰𑍁𑌂 𑌦𑍈𑌤𑍍𑌯𑌂 𑌤𑍍𑌵𑌦𑍍𑌬𑌲𑌗𑌤𑌮𑌨𑍍𑌵𑌮𑌨𑍍𑌯𑌥𑌾 𑌭𑌗𑌵𑌨𑍍 ॥5॥
𑌕𑌲𑍍𑌪𑌿𑌤𑌵𑌿𑌜𑍇𑌤𑍃𑌵𑌹𑌨𑍇 𑌸𑌮𑌰𑍇 𑌪𑌰𑌯𑍂𑌥𑌗𑌂 𑌸𑍍𑌵𑌦𑌯𑌿𑌤𑌤𑌰𑌮𑍍 ।
𑌶𑍍𑌰𑍀𑌦𑌾𑌮𑌾𑌨𑌮𑌧𑌤𑍍𑌥𑌾𑌃 𑌪𑌰𑌾𑌜𑌿𑌤𑍋 𑌭𑌕𑍍𑌤𑌦𑌾𑌸𑌤𑌾𑌂 𑌪𑍍𑌰𑌥𑌯𑌨𑍍 ॥6॥
𑌏𑌵𑌂 𑌬𑌹𑍁𑌷𑍁 𑌵𑌿𑌭𑍂𑌮𑌨𑍍 𑌬𑌾𑌲𑍇𑌷𑍁 𑌵𑌹𑌤𑍍𑌸𑍁 𑌵𑌾𑌹𑍍𑌯𑌮𑌾𑌨𑍇𑌷𑍁 ।
𑌰𑌾𑌮𑌵𑌿𑌜𑌿𑌤𑌃 𑌪𑍍𑌰𑌲𑌮𑍍𑌬𑍋 𑌜𑌹𑌾𑌰 𑌤𑌂 𑌦𑍂𑌰𑌤𑍋 𑌭𑌵𑌦𑍍𑌭𑍀𑌤𑍍𑌯𑌾 ॥7॥
𑌤𑍍𑌵𑌦𑍍𑌦𑍂𑌰𑌂 𑌗𑌮𑌯𑌨𑍍𑌤𑌂 𑌤𑌂 𑌦𑍃𑌷𑍍𑌟𑍍𑌵𑌾 𑌹𑌲𑌿𑌨𑌿 𑌵𑌿𑌹𑌿𑌤𑌗𑌰𑌿𑌮𑌭𑌰𑍇 ।
𑌦𑍈𑌤𑍍𑌯𑌃 𑌸𑍍𑌵𑌰𑍂𑌪𑌮𑌾𑌗𑌾𑌦𑍍𑌯𑌦𑍍𑌰𑍂𑌪𑌾𑌤𑍍 𑌸 𑌹𑌿 𑌬𑌲𑍋𑌽𑌪𑌿 𑌚𑌕𑌿𑌤𑍋𑌽𑌭𑍂𑌤𑍍 ॥8॥
𑌉𑌚𑍍𑌚𑌤𑌯𑌾 𑌦𑍈𑌤𑍍𑌯𑌤𑌨𑍋𑌸𑍍𑌤𑍍𑌵𑌨𑍍𑌮𑍁𑌖𑌮𑌾𑌲𑍋𑌕𑍍𑌯 𑌦𑍂𑌰𑌤𑍋 𑌰𑌾𑌮𑌃 ।
𑌵𑌿𑌗𑌤𑌭𑌯𑍋 𑌦𑍃𑌢𑌮𑍁𑌷𑍍𑌟𑍍𑌯𑌾 𑌭𑍃𑌶𑌦𑍁𑌷𑍍𑌟𑌂 𑌸𑌪𑌦𑌿 𑌪𑌿𑌷𑍍𑌟𑌵𑌾𑌨𑍇𑌨𑌮𑍍 ॥9॥
𑌹𑌤𑍍𑌵𑌾 𑌦𑌾𑌨𑌵𑌵𑍀𑌰𑌂 𑌪𑍍𑌰𑌾𑌪𑍍𑌤𑌂 𑌬𑌲𑌮𑌾𑌲𑌿𑌲𑌿𑌙𑍍𑌗𑌿𑌥 𑌪𑍍𑌰𑍇𑌮𑍍𑌣𑌾 ।
𑌤𑌾𑌵𑌨𑍍𑌮𑌿𑌲𑌤𑍋𑌰𑍍𑌯𑍁𑌵𑌯𑍋𑌃 𑌶𑌿𑌰𑌸𑌿 𑌕𑍃𑌤𑌾 𑌪𑍁𑌷𑍍𑌪𑌵𑍃𑌷𑍍𑌟𑌿𑌰𑌮𑌰𑌗𑌣𑍈𑌃 ॥10॥
𑌆𑌲𑌮𑍍𑌬𑍋 𑌭𑍁𑌵𑌨𑌾𑌨𑌾𑌂 𑌪𑍍𑌰𑌾𑌲𑌮𑍍𑌬𑌂 𑌨𑌿𑌧𑌨𑌮𑍇𑌵𑌮𑌾𑌰𑌚𑌯𑌨𑍍 ।
𑌕𑌾𑌲𑌂 𑌵𑌿𑌹𑌾𑌯 𑌸𑌦𑍍𑌯𑍋 𑌲𑍋𑌲𑌮𑍍𑌬𑌰𑍁𑌚𑍇 𑌹𑌰𑍇 𑌹𑌰𑍇𑌃 𑌕𑍍𑌲𑍇𑌶𑌾𑌨𑍍 ॥11॥
Roman (IAST) Transliteration
rāmasakhaḥ kvāpi dine kāmada bhagavan gato bhavān vipinam |
sūnubhirapi gopānāṃ dhenubhirabhisaṃvṛto lasadveṣaḥ ||1||
sandarśayan balāya svairaṃ vṛndāvanaśriyaṃ vimalām |
kāṇḍīraiḥ saha bālairbhāṇḍīrakamāgamo vaṭaṃ krīḍan ||2||
tāvattāvakanidhanaspṛhayālurgopamūrtiradayāluḥ |
daityaḥ pralambanāmā pralambabāhuṃ bhavantamāpede ||3||
jānannapyavijānanniva tena samaṃ nibaddhasauhārdaḥ |
vaṭanikaṭe paṭupaśupavyābaddhaṃ dvandvayuddhamārabdhāḥ ||4||
gopān vibhajya tanvan saṅghaṃ balabhadrakaṃ bhavatkamapi |
tvadbalabhīruṃ daityaṃ tvadbalagatamanvamanyathā bhagavan ||5||
kalpitavijetṛvahane samare parayūthagaṃ svadayitataram |
śrīdāmānamadhatthāḥ parājito bhaktadāsatāṃ prathayan ||6||
evaṃ bahuṣu vibhūman bāleṣu vahatsu vāhyamāneṣu |
rāmavijitaḥ pralambo jahāra taṃ dūrato bhavadbhītyā ||7||
tvaddūraṃ gamayantaṃ taṃ dṛṣṭvā halini vihitagarimabhare |
daityaḥ svarūpamāgādyadrūpāt sa hi balo'pi cakito'bhūt ||8||
uccatayā daityatanostvanmukhamālokya dūrato rāmaḥ |
vigatabhayo dṛḍhamuṣṭyā bhṛśaduṣṭaṃ sapadi piṣṭavānenam ||9||
hatvā dānavavīraṃ prāptaṃ balamāliliṅgitha premṇā |
tāvanmilatoryuvayoḥ śirasi kṛtā puṣpavṛṣṭiramaragaṇaiḥ ||10||
ālambo bhuvanānāṃ prālambaṃ nidhanamevamāracayan |
kālaṃ vihāya sadyo lolambaruce hare hareḥ kleśān ||11||
Sanskrit — Devanagari (original)
रामसखः क्वापि दिने कामद भगवन् गतो भवान् विपिनम् ।
सूनुभिरपि गोपानां धेनुभिरभिसंवृतो लसद्वेषः ॥1॥
सन्दर्शयन् बलाय स्वैरं वृन्दावनश्रियं विमलाम् ।
काण्डीरैः सह बालैर्भाण्डीरकमागमो वटं क्रीडन् ॥2॥
तावत्तावकनिधनस्पृहयालुर्गोपमूर्तिरदयालुः ।
दैत्यः प्रलम्बनामा प्रलम्बबाहुं भवन्तमापेदे ॥3॥
जानन्नप्यविजानन्निव तेन समं निबद्धसौहार्दः ।
वटनिकटे पटुपशुपव्याबद्धं द्वन्द्वयुद्धमारब्धाः ॥4॥
गोपान् विभज्य तन्वन् सङ्घं बलभद्रकं भवत्कमपि ।
त्वद्बलभीरुं दैत्यं त्वद्बलगतमन्वमन्यथा भगवन् ॥5॥
कल्पितविजेतृवहने समरे परयूथगं स्वदयिततरम् ।
श्रीदामानमधत्थाः पराजितो भक्तदासतां प्रथयन् ॥6॥
एवं बहुषु विभूमन् बालेषु वहत्सु वाह्यमानेषु ।
रामविजितः प्रलम्बो जहार तं दूरतो भवद्भीत्या ॥7॥
त्वद्दूरं गमयन्तं तं दृष्ट्वा हलिनि विहितगरिमभरे ।
दैत्यः स्वरूपमागाद्यद्रूपात् स हि बलोऽपि चकितोऽभूत् ॥8॥
उच्चतया दैत्यतनोस्त्वन्मुखमालोक्य दूरतो रामः ।
विगतभयो दृढमुष्ट्या भृशदुष्टं सपदि पिष्टवानेनम् ॥9॥
हत्वा दानववीरं प्राप्तं बलमालिलिङ्गिथ प्रेम्णा ।
तावन्मिलतोर्युवयोः शिरसि कृता पुष्पवृष्टिरमरगणैः ॥10॥
आलम्बो भुवनानां प्रालम्बं निधनमेवमारचयन् ।
कालं विहाय सद्यो लोलम्बरुचे हरे हरेः क्लेशान् ॥11॥
rāmasakhaḥ kvāpi dine kāmada bhagavan gato bhavān vipinam |
sūnubhirapi gopānāṃ dhenubhirabhisaṃvṛto lasadveṣaḥ ||1||
sandarśayan balāya svairaṃ vṛndāvanaśriyaṃ vimalām |
kāṇḍīraiḥ saha bālairbhāṇḍīrakamāgamo vaṭaṃ krīḍan ||2||
tāvattāvakanidhanaspṛhayālurgopamūrtiradayāluḥ |
daityaḥ pralambanāmā pralambabāhuṃ bhavantamāpede ||3||
jānannapyavijānanniva tena samaṃ nibaddhasauhārdaḥ |
vaṭanikaṭe paṭupaśupavyābaddhaṃ dvandvayuddhamārabdhāḥ ||4||
gopān vibhajya tanvan saṅghaṃ balabhadrakaṃ bhavatkamapi |
tvadbalabhīruṃ daityaṃ tvadbalagatamanvamanyathā bhagavan ||5||
kalpitavijetṛvahane samare parayūthagaṃ svadayitataram |
śrīdāmānamadhatthāḥ parājito bhaktadāsatāṃ prathayan ||6||
evaṃ bahuṣu vibhūman bāleṣu vahatsu vāhyamāneṣu |
rāmavijitaḥ pralambo jahāra taṃ dūrato bhavadbhītyā ||7||
tvaddūraṃ gamayantaṃ taṃ dṛṣṭvā halini vihitagarimabhare |
daityaḥ svarūpamāgādyadrūpāt sa hi balo'pi cakito'bhūt ||8||
uccatayā daityatanostvanmukhamālokya dūrato rāmaḥ |
vigatabhayo dṛḍhamuṣṭyā bhṛśaduṣṭaṃ sapadi piṣṭavānenam ||9||
hatvā dānavavīraṃ prāptaṃ balamāliliṅgitha premṇā |
tāvanmilatoryuvayoḥ śirasi kṛtā puṣpavṛṣṭiramaragaṇaiḥ ||10||
ālambo bhuvanānāṃ prālambaṃ nidhanamevamāracayan |
kālaṃ vihāya sadyo lolambaruce hare hareḥ kleśān ||11||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.