𑌮𑌦𑌨𑌾𑌤𑍁𑌰𑌚𑍇𑌤𑌸𑍋𑌽𑌨𑍍𑌵𑌹𑌂 𑌭𑌵𑌦𑌙𑍍𑌘𑍍𑌰𑌿𑌦𑍍𑌵𑌯𑌦𑌾𑌸𑍍𑌯𑌕𑌾𑌮𑍍𑌯𑌯𑌾 ।
𑌯𑌮𑍁𑌨𑌾𑌤𑌟𑌸𑍀𑌮𑍍𑌨𑌿 𑌸𑍈𑌕𑌤𑍀𑌂 𑌤𑌰𑌲𑌾𑌕𑍍𑌷𑍍𑌯𑍋 𑌗𑌿𑌰𑌿𑌜𑌾𑌂 𑌸𑌮𑌾𑌰𑍍𑌚𑌿𑌚𑌨𑍍 ॥1॥
𑌤𑌵 𑌨𑌾𑌮𑌕𑌥𑌾𑌰𑌤𑌾𑌃 𑌸𑌮𑌂 𑌸𑍁𑌦𑍃𑌶𑌃 𑌪𑍍𑌰𑌾𑌤𑌰𑍁𑌪𑌾𑌗𑌤𑌾 𑌨𑌦𑍀𑌮𑍍 ।
𑌉𑌪𑌹𑌾𑌰𑌶𑌤𑍈𑌰𑌪𑍂𑌜𑌯𑌨𑍍 𑌦𑌯𑌿𑌤𑍋 𑌨𑌨𑍍𑌦𑌸𑍁𑌤𑍋 𑌭𑌵𑍇𑌦𑌿𑌤𑌿 ॥2॥
𑌇𑌤𑌿 𑌮𑌾𑌸𑌮𑍁𑌪𑌾𑌹𑌿𑌤𑌵𑍍𑌰𑌤𑌾𑌸𑍍𑌤𑌰𑌲𑌾𑌕𑍍𑌷𑍀𑌰𑌭𑌿𑌵𑍀𑌕𑍍𑌷𑍍𑌯 𑌤𑌾 𑌭𑌵𑌾𑌨𑍍 ।
𑌕𑌰𑍁𑌣𑌾𑌮𑍃𑌦𑍁𑌲𑍋 𑌨𑌦𑍀𑌤𑌟𑌂 𑌸𑌮𑌯𑌾𑌸𑍀𑌤𑍍𑌤𑌦𑌨𑍁𑌗𑍍𑌰𑌹𑍇𑌚𑍍𑌛𑌯𑌾 ॥3॥
𑌨𑌿𑌯𑌮𑌾𑌵𑌸𑌿𑌤𑍗 𑌨𑌿𑌜𑌾𑌮𑍍𑌬𑌰𑌂 𑌤𑌟𑌸𑍀𑌮𑌨𑍍𑌯𑌵𑌮𑍁𑌚𑍍𑌯 𑌤𑌾𑌸𑍍𑌤𑌦𑌾 ।
𑌯𑌮𑍁𑌨𑌾𑌜𑌲𑌖𑍇𑌲𑌨𑌾𑌕𑍁𑌲𑌾𑌃 𑌪𑍁𑌰𑌤𑌸𑍍𑌤𑍍𑌵𑌾𑌮𑌵𑌲𑍋𑌕𑍍𑌯 𑌲𑌜𑍍𑌜𑌿𑌤𑌾𑌃 ॥4॥
𑌤𑍍𑌰𑌪𑌯𑌾 𑌨𑌮𑌿𑌤𑌾𑌨𑌨𑌾𑌸𑍍𑌵𑌥𑍋 𑌵𑌨𑌿𑌤𑌾𑌸𑍍𑌵𑌮𑍍𑌬𑌰𑌜𑌾𑌲𑌮𑌨𑍍𑌤𑌿𑌕𑍇 ।
𑌨𑌿𑌹𑌿𑌤𑌂 𑌪𑌰𑌿𑌗𑍃𑌹𑍍𑌯 𑌭𑍂𑌰𑍁𑌹𑍋 𑌵𑌿𑌟𑌪𑌂 𑌤𑍍𑌵𑌂 𑌤𑌰𑌸𑌾𑌽𑌧𑌿𑌰𑍂𑌢𑌵𑌾𑌨𑍍 ॥5॥
𑌇𑌹 𑌤𑌾𑌵𑌦𑍁𑌪𑍇𑌤𑍍𑌯 𑌨𑍀𑌯𑌤𑌾𑌂 𑌵𑌸𑌨𑌂 𑌵𑌃 𑌸𑍁𑌦𑍃𑌶𑍋 𑌯𑌥𑌾𑌯𑌥𑌮𑍍 ।
𑌇𑌤𑌿 𑌨𑌰𑍍𑌮𑌮𑍃𑌦𑍁𑌸𑍍𑌮𑌿𑌤𑍇 𑌤𑍍𑌵𑌯𑌿 𑌬𑍍𑌰𑍁𑌵𑌤𑌿 𑌵𑍍𑌯𑌾𑌮𑍁𑌮𑍁𑌹𑍇 𑌵𑌧𑍂𑌜𑌨𑍈𑌃 ॥6॥
𑌅𑌯𑌿 𑌜𑍀𑌵 𑌚𑌿𑌰𑌂 𑌕𑌿𑌶𑍋𑌰 𑌨𑌸𑍍𑌤𑌵 𑌦𑌾𑌸𑍀𑌰𑌵𑌶𑍀𑌕𑌰𑍋𑌷𑌿 𑌕𑌿𑌮𑍍 ।
𑌪𑍍𑌰𑌦𑌿𑌶𑌾𑌮𑍍𑌬𑌰𑌮𑌮𑍍𑌬𑍁𑌜𑍇𑌕𑍍𑌷𑌣𑍇𑌤𑍍𑌯𑍁𑌦𑌿𑌤𑌸𑍍𑌤𑍍𑌵𑌂 𑌸𑍍𑌮𑌿𑌤𑌮𑍇𑌵 𑌦𑌤𑍍𑌤𑌵𑌾𑌨𑍍 ॥7॥
𑌅𑌧𑌿𑌰𑍁𑌹𑍍𑌯 𑌤𑌟𑌂 𑌕𑍃𑌤𑌾𑌞𑍍𑌜𑌲𑍀𑌃 𑌪𑌰𑌿𑌶𑍁𑌦𑍍𑌧𑌾𑌃 𑌸𑍍𑌵𑌗𑌤𑍀𑌰𑍍𑌨𑌿𑌰𑍀𑌕𑍍𑌷𑍍𑌯 𑌤𑌾𑌃 ।
𑌵𑌸𑌨𑌾𑌨𑍍𑌯𑌖𑌿𑌲𑌾𑌨𑍍𑌯𑌨𑍁𑌗𑍍𑌰𑌹𑌂 𑌪𑍁𑌨𑌰𑍇𑌵𑌂 𑌗𑌿𑌰𑌮𑌪𑍍𑌯𑌦𑌾 𑌮𑍁𑌦𑌾 ॥8॥
𑌵𑌿𑌦𑌿𑌤𑌂 𑌨𑌨𑍁 𑌵𑍋 𑌮𑌨𑍀𑌷𑌿𑌤𑌂 𑌵𑌦𑌿𑌤𑌾𑌰𑌸𑍍𑌤𑍍𑌵𑌿𑌹 𑌯𑍋𑌗𑍍𑌯𑌮𑍁𑌤𑍍𑌤𑌰𑌮𑍍 ।
𑌯𑌮𑍁𑌨𑌾𑌪𑍁𑌲𑌿𑌨𑍇 𑌸𑌚𑌨𑍍𑌦𑍍𑌰𑌿𑌕𑌾𑌃 𑌕𑍍𑌷𑌣𑌦𑌾 𑌇𑌤𑍍𑌯𑌬𑌲𑌾𑌸𑍍𑌤𑍍𑌵𑌮𑍂𑌚𑌿𑌵𑌾𑌨𑍍 ॥9॥
𑌉𑌪𑌕𑌰𑍍𑌣𑍍𑌯 𑌭𑌵𑌨𑍍𑌮𑍁𑌖𑌚𑍍𑌯𑍁𑌤𑌂 𑌮𑌧𑍁𑌨𑌿𑌷𑍍𑌯𑌨𑍍𑌦𑌿 𑌵𑌚𑍋 𑌮𑍃𑌗𑍀𑌦𑍃𑌶𑌃 ।
𑌪𑍍𑌰𑌣𑌯𑌾𑌦𑌯𑌿 𑌵𑍀𑌕𑍍𑌷𑍍𑌯 𑌵𑍀𑌕𑍍𑌷𑍍𑌯 𑌤𑍇 𑌵𑌦𑌨𑌾𑌬𑍍𑌜𑌂 𑌶𑌨𑌕𑍈𑌰𑍍𑌗𑍃𑌹𑌂 𑌗𑌤𑌾𑌃 ॥10॥
𑌇𑌤𑌿 𑌨𑌨𑍍𑌵𑌨𑍁𑌗𑍃𑌹𑍍𑌯 𑌵𑌲𑍍𑌲𑌵𑍀𑌰𑍍𑌵𑌿𑌪𑌿𑌨𑌾𑌨𑍍𑌤𑍇𑌷𑍁 𑌪𑍁𑌰𑍇𑌵 𑌸𑌞𑍍𑌚𑌰𑌨𑍍 ।
𑌕𑌰𑍁𑌣𑌾𑌶𑌿𑌶𑌿𑌰𑍋 𑌹𑌰𑍇 𑌹𑌰 𑌤𑍍𑌵𑌰𑌯𑌾 𑌮𑍇 𑌸𑌕𑌲𑌾𑌮𑌯𑌾𑌵𑌲𑌿𑌮𑍍 ॥11॥
Roman (IAST) Transliteration
madanāturacetaso'nvahaṃ bhavadaṅghridvayadāsyakāmyayā |
yamunātaṭasīmni saikatīṃ taralākṣyo girijāṃ samārcican ||1||
tava nāmakathāratāḥ samaṃ sudṛśaḥ prātarupāgatā nadīm |
upahāraśatairapūjayan dayito nandasuto bhavediti ||2||
iti māsamupāhitavratāstaralākṣīrabhivīkṣya tā bhavān |
karuṇāmṛdulo nadītaṭaṃ samayāsīttadanugrahecchayā ||3||
niyamāvasitau nijāmbaraṃ taṭasīmanyavamucya tāstadā |
yamunājalakhelanākulāḥ puratastvāmavalokya lajjitāḥ ||4||
trapayā namitānanāsvatho vanitāsvambarajālamantike |
nihitaṃ parigṛhya bhūruho viṭapaṃ tvaṃ tarasā'dhirūḍhavān ||5||
iha tāvadupetya nīyatāṃ vasanaṃ vaḥ sudṛśo yathāyatham |
iti narmamṛdusmite tvayi bruvati vyāmumuhe vadhūjanaiḥ ||6||
ayi jīva ciraṃ kiśora nastava dāsīravaśīkaroṣi kim |
pradiśāmbaramambujekṣaṇetyuditastvaṃ smitameva dattavān ||7||
adhiruhya taṭaṃ kṛtāñjalīḥ pariśuddhāḥ svagatīrnirīkṣya tāḥ |
vasanānyakhilānyanugrahaṃ punarevaṃ giramapyadā mudā ||8||
viditaṃ nanu vo manīṣitaṃ vaditārastviha yogyamuttaram |
yamunāpuline sacandrikāḥ kṣaṇadā ityabalāstvamūcivān ||9||
upakarṇya bhavanmukhacyutaṃ madhuniṣyandi vaco mṛgīdṛśaḥ |
praṇayādayi vīkṣya vīkṣya te vadanābjaṃ śanakairgṛhaṃ gatāḥ ||10||
iti nanvanugṛhya vallavīrvipinānteṣu pureva sañcaran |
karuṇāśiśiro hare hara tvarayā me sakalāmayāvalim ||11||
Sanskrit — Devanagari (original)
मदनातुरचेतसोऽन्वहं भवदङ्घ्रिद्वयदास्यकाम्यया ।
यमुनातटसीम्नि सैकतीं तरलाक्ष्यो गिरिजां समार्चिचन् ॥1॥
तव नामकथारताः समं सुदृशः प्रातरुपागता नदीम् ।
उपहारशतैरपूजयन् दयितो नन्दसुतो भवेदिति ॥2॥
इति मासमुपाहितव्रतास्तरलाक्षीरभिवीक्ष्य ता भवान् ।
करुणामृदुलो नदीतटं समयासीत्तदनुग्रहेच्छया ॥3॥
नियमावसितौ निजाम्बरं तटसीमन्यवमुच्य तास्तदा ।
यमुनाजलखेलनाकुलाः पुरतस्त्वामवलोक्य लज्जिताः ॥4॥
त्रपया नमिताननास्वथो वनितास्वम्बरजालमन्तिके ।
निहितं परिगृह्य भूरुहो विटपं त्वं तरसाऽधिरूढवान् ॥5॥
इह तावदुपेत्य नीयतां वसनं वः सुदृशो यथायथम् ।
इति नर्ममृदुस्मिते त्वयि ब्रुवति व्यामुमुहे वधूजनैः ॥6॥
अयि जीव चिरं किशोर नस्तव दासीरवशीकरोषि किम् ।
प्रदिशाम्बरमम्बुजेक्षणेत्युदितस्त्वं स्मितमेव दत्तवान् ॥7॥
अधिरुह्य तटं कृताञ्जलीः परिशुद्धाः स्वगतीर्निरीक्ष्य ताः ।
वसनान्यखिलान्यनुग्रहं पुनरेवं गिरमप्यदा मुदा ॥8॥
विदितं ननु वो मनीषितं वदितारस्त्विह योग्यमुत्तरम् ।
यमुनापुलिने सचन्द्रिकाः क्षणदा इत्यबलास्त्वमूचिवान् ॥9॥
उपकर्ण्य भवन्मुखच्युतं मधुनिष्यन्दि वचो मृगीदृशः ।
प्रणयादयि वीक्ष्य वीक्ष्य ते वदनाब्जं शनकैर्गृहं गताः ॥10॥
इति नन्वनुगृह्य वल्लवीर्विपिनान्तेषु पुरेव सञ्चरन् ।
करुणाशिशिरो हरे हर त्वरया मे सकलामयावलिम् ॥11॥
madanāturacetaso'nvahaṃ bhavadaṅghridvayadāsyakāmyayā |
yamunātaṭasīmni saikatīṃ taralākṣyo girijāṃ samārcican ||1||
tava nāmakathāratāḥ samaṃ sudṛśaḥ prātarupāgatā nadīm |
upahāraśatairapūjayan dayito nandasuto bhavediti ||2||
iti māsamupāhitavratāstaralākṣīrabhivīkṣya tā bhavān |
karuṇāmṛdulo nadītaṭaṃ samayāsīttadanugrahecchayā ||3||
niyamāvasitau nijāmbaraṃ taṭasīmanyavamucya tāstadā |
yamunājalakhelanākulāḥ puratastvāmavalokya lajjitāḥ ||4||
trapayā namitānanāsvatho vanitāsvambarajālamantike |
nihitaṃ parigṛhya bhūruho viṭapaṃ tvaṃ tarasā'dhirūḍhavān ||5||
iha tāvadupetya nīyatāṃ vasanaṃ vaḥ sudṛśo yathāyatham |
iti narmamṛdusmite tvayi bruvati vyāmumuhe vadhūjanaiḥ ||6||
ayi jīva ciraṃ kiśora nastava dāsīravaśīkaroṣi kim |
pradiśāmbaramambujekṣaṇetyuditastvaṃ smitameva dattavān ||7||
adhiruhya taṭaṃ kṛtāñjalīḥ pariśuddhāḥ svagatīrnirīkṣya tāḥ |
vasanānyakhilānyanugrahaṃ punarevaṃ giramapyadā mudā ||8||
viditaṃ nanu vo manīṣitaṃ vaditārastviha yogyamuttaram |
yamunāpuline sacandrikāḥ kṣaṇadā ityabalāstvamūcivān ||9||
upakarṇya bhavanmukhacyutaṃ madhuniṣyandi vaco mṛgīdṛśaḥ |
praṇayādayi vīkṣya vīkṣya te vadanābjaṃ śanakairgṛhaṃ gatāḥ ||10||
iti nanvanugṛhya vallavīrvipinānteṣu pureva sañcaran |
karuṇāśiśiro hare hara tvarayā me sakalāmayāvalim ||11||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.