മദനാതുരചേതസോഽന്വഹം ഭവദങ്ഘ്രിദ്വയദാസ്യകാമ്യയാ ।
യമുനാതടസീമ്നി സൈകതീം തരലാക്ഷ്യോ ഗിരിജാം സമാര്ചിചന് ॥1॥
തവ നാമകഥാരതാഃ സമം സുദൃശഃ പ്രാതരുപാഗതാ നദീമ് ।
ഉപഹാരശതൈരപൂജയന് ദയിതോ നന്ദസുതോ ഭവേദിതി ॥2॥
ഇതി മാസമുപാഹിതവ്രതാസ്തരലാക്ഷീരഭിവീക്ഷ്യ താ ഭവാന് ।
കരുണാമൃദുലോ നദീതടം സമയാസീത്തദനുഗ്രഹേച്ഛയാ ॥3॥
നിയമാവസിതൌ നിജാമ്ബരം തടസീമന്യവമുച്യ താസ്തദാ ।
യമുനാജലഖേലനാകുലാഃ പുരതസ്ത്വാമവലോക്യ ലജ്ജിതാഃ ॥4॥
ത്രപയാ നമിതാനനാസ്വഥോ വനിതാസ്വമ്ബരജാലമന്തികേ ।
നിഹിതം പരിഗൃഹ്യ ഭൂരുഹോ വിടപം ത്വം തരസാഽധിരൂഢവാന് ॥5॥
ഇഹ താവദുപേത്യ നീയതാം വസനം വഃ സുദൃശോ യഥായഥമ് ।
ഇതി നര്മമൃദുസ്മിതേ ത്വയി ബ്രുവതി വ്യാമുമുഹേ വധൂജനൈഃ ॥6॥
അയി ജീവ ചിരം കിശോര നസ്തവ ദാസീരവശീകരോഷി കിമ് ।
പ്രദിശാമ്ബരമമ്ബുജേക്ഷണേത്യുദിതസ്ത്വം സ്മിതമേവ ദത്തവാന് ॥7॥
അധിരുഹ്യ തടം കൃതാഞ്ജലീഃ പരിശുദ്ധാഃ സ്വഗതീര്നിരീക്ഷ്യ താഃ ।
വസനാന്യഖിലാന്യനുഗ്രഹം പുനരേവം ഗിരമപ്യദാ മുദാ ॥8॥
വിദിതം നനു വോ മനീഷിതം വദിതാരസ്ത്വിഹ യോഗ്യമുത്തരമ് ।
യമുനാപുലിനേ സചന്ദ്രികാഃ ക്ഷണദാ ഇത്യബലാസ്ത്വമൂചിവാന് ॥9॥
ഉപകര്ണ്യ ഭവന്മുഖച്യുതം മധുനിഷ്യന്ദി വചോ മൃഗീദൃശഃ ।
പ്രണയാദയി വീക്ഷ്യ വീക്ഷ്യ തേ വദനാബ്ജം ശനകൈര്ഗൃഹം ഗതാഃ ॥10॥
ഇതി നന്വനുഗൃഹ്യ വല്ലവീര്വിപിനാന്തേഷു പുരേവ സഞ്ചരന് ।
കരുണാശിശിരോ ഹരേ ഹര ത്വരയാ മേ സകലാമയാവലിമ് ॥11॥
Roman (IAST) Transliteration
madanāturacetaso'nvahaṃ bhavadaṅghridvayadāsyakāmyayā |
yamunātaṭasīmni saikatīṃ taralākṣyo girijāṃ samārcican ||1||
tava nāmakathāratāḥ samaṃ sudṛśaḥ prātarupāgatā nadīm |
upahāraśatairapūjayan dayito nandasuto bhavediti ||2||
iti māsamupāhitavratāstaralākṣīrabhivīkṣya tā bhavān |
karuṇāmṛdulo nadītaṭaṃ samayāsīttadanugrahecchayā ||3||
niyamāvasitau nijāmbaraṃ taṭasīmanyavamucya tāstadā |
yamunājalakhelanākulāḥ puratastvāmavalokya lajjitāḥ ||4||
trapayā namitānanāsvatho vanitāsvambarajālamantike |
nihitaṃ parigṛhya bhūruho viṭapaṃ tvaṃ tarasā'dhirūḍhavān ||5||
iha tāvadupetya nīyatāṃ vasanaṃ vaḥ sudṛśo yathāyatham |
iti narmamṛdusmite tvayi bruvati vyāmumuhe vadhūjanaiḥ ||6||
ayi jīva ciraṃ kiśora nastava dāsīravaśīkaroṣi kim |
pradiśāmbaramambujekṣaṇetyuditastvaṃ smitameva dattavān ||7||
adhiruhya taṭaṃ kṛtāñjalīḥ pariśuddhāḥ svagatīrnirīkṣya tāḥ |
vasanānyakhilānyanugrahaṃ punarevaṃ giramapyadā mudā ||8||
viditaṃ nanu vo manīṣitaṃ vaditārastviha yogyamuttaram |
yamunāpuline sacandrikāḥ kṣaṇadā ityabalāstvamūcivān ||9||
upakarṇya bhavanmukhacyutaṃ madhuniṣyandi vaco mṛgīdṛśaḥ |
praṇayādayi vīkṣya vīkṣya te vadanābjaṃ śanakairgṛhaṃ gatāḥ ||10||
iti nanvanugṛhya vallavīrvipinānteṣu pureva sañcaran |
karuṇāśiśiro hare hara tvarayā me sakalāmayāvalim ||11||
Sanskrit — Devanagari (original)
मदनातुरचेतसोऽन्वहं भवदङ्घ्रिद्वयदास्यकाम्यया ।
यमुनातटसीम्नि सैकतीं तरलाक्ष्यो गिरिजां समार्चिचन् ॥1॥
तव नामकथारताः समं सुदृशः प्रातरुपागता नदीम् ।
उपहारशतैरपूजयन् दयितो नन्दसुतो भवेदिति ॥2॥
इति मासमुपाहितव्रतास्तरलाक्षीरभिवीक्ष्य ता भवान् ।
करुणामृदुलो नदीतटं समयासीत्तदनुग्रहेच्छया ॥3॥
नियमावसितौ निजाम्बरं तटसीमन्यवमुच्य तास्तदा ।
यमुनाजलखेलनाकुलाः पुरतस्त्वामवलोक्य लज्जिताः ॥4॥
त्रपया नमिताननास्वथो वनितास्वम्बरजालमन्तिके ।
निहितं परिगृह्य भूरुहो विटपं त्वं तरसाऽधिरूढवान् ॥5॥
इह तावदुपेत्य नीयतां वसनं वः सुदृशो यथायथम् ।
इति नर्ममृदुस्मिते त्वयि ब्रुवति व्यामुमुहे वधूजनैः ॥6॥
अयि जीव चिरं किशोर नस्तव दासीरवशीकरोषि किम् ।
प्रदिशाम्बरमम्बुजेक्षणेत्युदितस्त्वं स्मितमेव दत्तवान् ॥7॥
अधिरुह्य तटं कृताञ्जलीः परिशुद्धाः स्वगतीर्निरीक्ष्य ताः ।
वसनान्यखिलान्यनुग्रहं पुनरेवं गिरमप्यदा मुदा ॥8॥
विदितं ननु वो मनीषितं वदितारस्त्विह योग्यमुत्तरम् ।
यमुनापुलिने सचन्द्रिकाः क्षणदा इत्यबलास्त्वमूचिवान् ॥9॥
उपकर्ण्य भवन्मुखच्युतं मधुनिष्यन्दि वचो मृगीदृशः ।
प्रणयादयि वीक्ष्य वीक्ष्य ते वदनाब्जं शनकैर्गृहं गताः ॥10॥
इति नन्वनुगृह्य वल्लवीर्विपिनान्तेषु पुरेव सञ्चरन् ।
करुणाशिशिरो हरे हर त्वरया मे सकलामयावलिम् ॥11॥
madanāturacetaso'nvahaṃ bhavadaṅghridvayadāsyakāmyayā |
yamunātaṭasīmni saikatīṃ taralākṣyo girijāṃ samārcican ||1||
tava nāmakathāratāḥ samaṃ sudṛśaḥ prātarupāgatā nadīm |
upahāraśatairapūjayan dayito nandasuto bhavediti ||2||
iti māsamupāhitavratāstaralākṣīrabhivīkṣya tā bhavān |
karuṇāmṛdulo nadītaṭaṃ samayāsīttadanugrahecchayā ||3||
niyamāvasitau nijāmbaraṃ taṭasīmanyavamucya tāstadā |
yamunājalakhelanākulāḥ puratastvāmavalokya lajjitāḥ ||4||
trapayā namitānanāsvatho vanitāsvambarajālamantike |
nihitaṃ parigṛhya bhūruho viṭapaṃ tvaṃ tarasā'dhirūḍhavān ||5||
iha tāvadupetya nīyatāṃ vasanaṃ vaḥ sudṛśo yathāyatham |
iti narmamṛdusmite tvayi bruvati vyāmumuhe vadhūjanaiḥ ||6||
ayi jīva ciraṃ kiśora nastava dāsīravaśīkaroṣi kim |
pradiśāmbaramambujekṣaṇetyuditastvaṃ smitameva dattavān ||7||
adhiruhya taṭaṃ kṛtāñjalīḥ pariśuddhāḥ svagatīrnirīkṣya tāḥ |
vasanānyakhilānyanugrahaṃ punarevaṃ giramapyadā mudā ||8||
viditaṃ nanu vo manīṣitaṃ vaditārastviha yogyamuttaram |
yamunāpuline sacandrikāḥ kṣaṇadā ityabalāstvamūcivān ||9||
upakarṇya bhavanmukhacyutaṃ madhuniṣyandi vaco mṛgīdṛśaḥ |
praṇayādayi vīkṣya vīkṣya te vadanābjaṃ śanakairgṛhaṃ gatāḥ ||10||
iti nanvanugṛhya vallavīrvipinānteṣu pureva sañcaran |
karuṇāśiśiro hare hara tvarayā me sakalāmayāvalim ||11||
🕉️ This is the original Sanskrit rendered in Malayalam script.
Pronunciation is identical to the Sanskrit Devanagari version.