Narayaniyam Dashaka 11 - Sanakadinam Vaikunthadarshanam Cha Hiranyakshasya Tatha Hiranyakashipoh Jananam — Malayalam Script

ക്രമേണ സര്ഗേ പരിവര്ധമാനേ

കദാപി ദിവ്യാഃ സനകാദയസ്തേ ।

ഭവദ്വിലോകായ വികുണ്ഠലോകം

പ്രപേദിരേ മാരുതമന്ദിരേശ ॥1॥

മനോജ്ഞനൈശ്രേയസകാനനാദ്യൈ-

രനേകവാപീമണിമന്ദിരൈശ്ച ।

അനോപമം തം ഭവതോ നികേതം

മുനീശ്വരാഃ പ്രാപുരതീതകക്ഷ്യാഃ ॥2॥

ഭവദ്ദിദ്ദൃക്ഷൂന്ഭവനം വിവിക്ഷൂന്

ദ്വാഃസ്ഥൌ ജയസ്താന് വിജയോഽപ്യരുന്ധാമ് ।

തേഷാം ച ചിത്തേ പദമാപ കോപഃ

സര്വം ഭവത്പ്രേരണയൈവ ഭൂമന് ॥3॥

വൈകുണ്ഠലോകാനുചിതപ്രചേഷ്ടൌ

കഷ്ടൌ യുവാം ദൈത്യഗതിം ഭജേതമ് ।

ഇതി പ്രശപ്തൌ ഭവദാശ്രയൌ തൌ

ഹരിസ്മൃതിര്നോഽസ്ത്വിതി നേമതുസ്താന് ॥4॥

തദേതദാജ്ഞായ ഭവാനവാപ്തഃ

സഹൈവ ലക്ഷ്മ്യാ ബഹിരമ്ബുജാക്ഷ ।

ഖഗേശ്വരാംസാര്പിതചാരുബാഹു-

രാനന്ദയംസ്താനഭിരാമമൂര്ത്യാ ॥5॥

പ്രസാദ്യ ഗീര്ഭിഃ സ്തുവതോ മുനീന്ദ്രാ-

നനന്യനാഥാവഥ പാര്ഷദൌ തൌ ।

സംരമ്ഭയോഗേന ഭവൈസ്ത്രിഭിര്മാ-

മുപേതമിത്യാത്തകൃപം ന്യഗാദീഃ ॥6॥

ത്വദീയഭൃത്യാവഥ കാശ്യപാത്തൌ

സുരാരിവീരാവുദിതൌ ദിതൌ ദ്വൌ ।

സന്ധ്യാസമുത്പാദനകഷ്ടചേഷ്ടൌ

യമൌ ച ലോകസ്യ യമാവിവാന്യൌ ॥7॥

ഹിരണ്യപൂര്വഃ കശിപുഃ കിലൈകഃ

പരോ ഹിരണ്യാക്ഷ ഇതി പ്രതീതഃ ।

ഉഭൌ ഭവന്നാഥമശേഷലോകം

രുഷാ ന്യരുന്ധാം നിജവാസനാന്ധൌ ॥8॥

തയോര്ഹിരണ്യാക്ഷമഹാസുരേന്ദ്രോ

രണായ ധാവന്നനവാപ്തവൈരീ ।

ഭവത്പ്രിയാം ക്ഷ്മാം സലിലേ നിമജ്യ

ചചാര ഗര്വാദ്വിനദന് ഗദാവാന് ॥9॥

തതോ ജലേശാത് സദൃശം ഭവന്തം

നിശമ്യ ബഭ്രാമ ഗവേഷയംസ്ത്വാമ് ।

ഭക്തൈകദൃശ്യഃ സ കൃപാനിധേ ത്വം

നിരുന്ധി രോഗാന് മരുദാലയേശ ॥10।

Roman (IAST) Transliteration

krameṇa sarge parivardhamāne

kadāpi divyāḥ sanakādayaste |

bhavadvilokāya vikuṇṭhalokaṃ

prapedire mārutamandireśa ||1||

manojñanaiśreyasakānanādyai-

ranekavāpīmaṇimandiraiśca |

anopamaṃ taṃ bhavato niketaṃ

munīśvarāḥ prāpuratītakakṣyāḥ ||2||

bhavaddiddṛkṣūnbhavanaṃ vivikṣūn

dvāḥsthau jayastān vijayo'pyarundhām |

teṣāṃ ca citte padamāpa kopaḥ

sarvaṃ bhavatpreraṇayaiva bhūman ||3||

vaikuṇṭhalokānucitapraceṣṭau

kaṣṭau yuvāṃ daityagatiṃ bhajetam |

iti praśaptau bhavadāśrayau tau

harismṛtirno'stviti nematustān ||4||

tadetadājñāya bhavānavāptaḥ

sahaiva lakṣmyā bahirambujākṣa |

khageśvarāṃsārpitacārubāhu-

rānandayaṃstānabhirāmamūrtyā ||5||

prasādya gīrbhiḥ stuvato munīndrā-

nananyanāthāvatha pārṣadau tau |

saṃrambhayogena bhavaistribhirmā-

mupetamityāttakṛpaṃ nyagādīḥ ||6||

tvadīyabhṛtyāvatha kāśyapāttau

surārivīrāvuditau ditau dvau |

sandhyāsamutpādanakaṣṭaceṣṭau

yamau ca lokasya yamāvivānyau ||7||

hiraṇyapūrvaḥ kaśipuḥ kilaikaḥ

paro hiraṇyākṣa iti pratītaḥ |

ubhau bhavannāthamaśeṣalokaṃ

ruṣā nyarundhāṃ nijavāsanāndhau ||8||

tayorhiraṇyākṣamahāsurendro

raṇāya dhāvannanavāptavairī |

bhavatpriyāṃ kṣmāṃ salile nimajya

cacāra garvādvinadan gadāvān ||9||

tato jaleśāt sadṛśaṃ bhavantaṃ

niśamya babhrāma gaveṣayaṃstvām |

bhaktaikadṛśyaḥ sa kṛpānidhe tvaṃ

nirundhi rogān marudālayeśa ||10|

Sanskrit — Devanagari (original)

क्रमेण सर्गे परिवर्धमाने

कदापि दिव्याः सनकादयस्ते ।

भवद्विलोकाय विकुण्ठलोकं

प्रपेदिरे मारुतमन्दिरेश ॥1॥

मनोज्ञनैश्रेयसकाननाद्यै-

रनेकवापीमणिमन्दिरैश्च ।

अनोपमं तं भवतो निकेतं

मुनीश्वराः प्रापुरतीतकक्ष्याः ॥2॥

भवद्दिद्दृक्षून्भवनं विविक्षून्

द्वाःस्थौ जयस्तान् विजयोऽप्यरुन्धाम् ।

तेषां च चित्ते पदमाप कोपः

सर्वं भवत्प्रेरणयैव भूमन् ॥3॥

वैकुण्ठलोकानुचितप्रचेष्टौ

कष्टौ युवां दैत्यगतिं भजेतम् ।

इति प्रशप्तौ भवदाश्रयौ तौ

हरिस्मृतिर्नोऽस्त्विति नेमतुस्तान् ॥4॥

तदेतदाज्ञाय भवानवाप्तः

सहैव लक्ष्म्या बहिरम्बुजाक्ष ।

खगेश्वरांसार्पितचारुबाहु-

रानन्दयंस्तानभिराममूर्त्या ॥5॥

प्रसाद्य गीर्भिः स्तुवतो मुनीन्द्रा-

ननन्यनाथावथ पार्षदौ तौ ।

संरम्भयोगेन भवैस्त्रिभिर्मा-

मुपेतमित्यात्तकृपं न्यगादीः ॥6॥

त्वदीयभृत्यावथ काश्यपात्तौ

सुरारिवीरावुदितौ दितौ द्वौ ।

सन्ध्यासमुत्पादनकष्टचेष्टौ

यमौ च लोकस्य यमाविवान्यौ ॥7॥

हिरण्यपूर्वः कशिपुः किलैकः

परो हिरण्याक्ष इति प्रतीतः ।

उभौ भवन्नाथमशेषलोकं

रुषा न्यरुन्धां निजवासनान्धौ ॥8॥

तयोर्हिरण्याक्षमहासुरेन्द्रो

रणाय धावन्ननवाप्तवैरी ।

भवत्प्रियां क्ष्मां सलिले निमज्य

चचार गर्वाद्विनदन् गदावान् ॥9॥

ततो जलेशात् सदृशं भवन्तं

निशम्य बभ्राम गवेषयंस्त्वाम् ।

भक्तैकदृश्यः स कृपानिधे त्वं

निरुन्धि रोगान् मरुदालयेश ॥10।