Narayaniyam Dashaka 11 - Sanakadinam Vaikunthadarshanam Cha Hiranyakshasya Tatha Hiranyakashipoh Jananam — Gujarati Script

ક્રમેણ સર્ગે પરિવર્ધમાને

કદાપિ દિવ્યાઃ સનકાદયસ્તે ।

ભવદ્વિલોકાય વિકુણ્ઠલોકં

પ્રપેદિરે મારુતમન્દિરેશ ॥1॥

મનોજ્ઞનૈશ્રેયસકાનનાદ્યૈ-

રનેકવાપીમણિમન્દિરૈશ્ચ ।

અનોપમં તં ભવતો નિકેતં

મુનીશ્વરાઃ પ્રાપુરતીતકક્ષ્યાઃ ॥2॥

ભવદ્દિદ્દૃક્ષૂન્ભવનં વિવિક્ષૂન્

દ્વાઃસ્થૌ જયસ્તાન્ વિજયોઽપ્યરુન્ધામ્ ।

તેષાં ચ ચિત્તે પદમાપ કોપઃ

સર્વં ભવત્પ્રેરણયૈવ ભૂમન્ ॥3॥

વૈકુણ્ઠલોકાનુચિતપ્રચેષ્ટૌ

કષ્ટૌ યુવાં દૈત્યગતિં ભજેતમ્ ।

ઇતિ પ્રશપ્તૌ ભવદાશ્રયૌ તૌ

હરિસ્મૃતિર્નોઽસ્ત્વિતિ નેમતુસ્તાન્ ॥4॥

તદેતદાજ્ઞાય ભવાનવાપ્તઃ

સહૈવ લક્ષ્મ્યા બહિરમ્બુજાક્ષ ।

ખગેશ્વરાંસાર્પિતચારુબાહુ-

રાનન્દયંસ્તાનભિરામમૂર્ત્યા ॥5॥

પ્રસાદ્ય ગીર્ભિઃ સ્તુવતો મુનીન્દ્રા-

નનન્યનાથાવથ પાર્ષદૌ તૌ ।

સંરમ્ભયોગેન ભવૈસ્ત્રિભિર્મા-

મુપેતમિત્યાત્તકૃપં ન્યગાદીઃ ॥6॥

ત્વદીયભૃત્યાવથ કાશ્યપાત્તૌ

સુરારિવીરાવુદિતૌ દિતૌ દ્વૌ ।

સન્ધ્યાસમુત્પાદનકષ્ટચેષ્ટૌ

યમૌ ચ લોકસ્ય યમાવિવાન્યૌ ॥7॥

હિરણ્યપૂર્વઃ કશિપુઃ કિલૈકઃ

પરો હિરણ્યાક્ષ ઇતિ પ્રતીતઃ ।

ઉભૌ ભવન્નાથમશેષલોકં

રુષા ન્યરુન્ધાં નિજવાસનાન્ધૌ ॥8॥

તયોર્હિરણ્યાક્ષમહાસુરેન્દ્રો

રણાય ધાવન્નનવાપ્તવૈરી ।

ભવત્પ્રિયાં ક્ષ્માં સલિલે નિમજ્ય

ચચાર ગર્વાદ્વિનદન્ ગદાવાન્ ॥9॥

તતો જલેશાત્ સદૃશં ભવન્તં

નિશમ્ય બભ્રામ ગવેષયંસ્ત્વામ્ ।

ભક્તૈકદૃશ્યઃ સ કૃપાનિધે ત્વં

નિરુન્ધિ રોગાન્ મરુદાલયેશ ॥10।

Roman (IAST) Transliteration

krameṇa sarge parivardhamāne

kadāpi divyāḥ sanakādayaste |

bhavadvilokāya vikuṇṭhalokaṃ

prapedire mārutamandireśa ||1||

manojñanaiśreyasakānanādyai-

ranekavāpīmaṇimandiraiśca |

anopamaṃ taṃ bhavato niketaṃ

munīśvarāḥ prāpuratītakakṣyāḥ ||2||

bhavaddiddṛkṣūnbhavanaṃ vivikṣūn

dvāḥsthau jayastān vijayo'pyarundhām |

teṣāṃ ca citte padamāpa kopaḥ

sarvaṃ bhavatpreraṇayaiva bhūman ||3||

vaikuṇṭhalokānucitapraceṣṭau

kaṣṭau yuvāṃ daityagatiṃ bhajetam |

iti praśaptau bhavadāśrayau tau

harismṛtirno'stviti nematustān ||4||

tadetadājñāya bhavānavāptaḥ

sahaiva lakṣmyā bahirambujākṣa |

khageśvarāṃsārpitacārubāhu-

rānandayaṃstānabhirāmamūrtyā ||5||

prasādya gīrbhiḥ stuvato munīndrā-

nananyanāthāvatha pārṣadau tau |

saṃrambhayogena bhavaistribhirmā-

mupetamityāttakṛpaṃ nyagādīḥ ||6||

tvadīyabhṛtyāvatha kāśyapāttau

surārivīrāvuditau ditau dvau |

sandhyāsamutpādanakaṣṭaceṣṭau

yamau ca lokasya yamāvivānyau ||7||

hiraṇyapūrvaḥ kaśipuḥ kilaikaḥ

paro hiraṇyākṣa iti pratītaḥ |

ubhau bhavannāthamaśeṣalokaṃ

ruṣā nyarundhāṃ nijavāsanāndhau ||8||

tayorhiraṇyākṣamahāsurendro

raṇāya dhāvannanavāptavairī |

bhavatpriyāṃ kṣmāṃ salile nimajya

cacāra garvādvinadan gadāvān ||9||

tato jaleśāt sadṛśaṃ bhavantaṃ

niśamya babhrāma gaveṣayaṃstvām |

bhaktaikadṛśyaḥ sa kṛpānidhe tvaṃ

nirundhi rogān marudālayeśa ||10|

Sanskrit — Devanagari (original)

क्रमेण सर्गे परिवर्धमाने

कदापि दिव्याः सनकादयस्ते ।

भवद्विलोकाय विकुण्ठलोकं

प्रपेदिरे मारुतमन्दिरेश ॥1॥

मनोज्ञनैश्रेयसकाननाद्यै-

रनेकवापीमणिमन्दिरैश्च ।

अनोपमं तं भवतो निकेतं

मुनीश्वराः प्रापुरतीतकक्ष्याः ॥2॥

भवद्दिद्दृक्षून्भवनं विविक्षून्

द्वाःस्थौ जयस्तान् विजयोऽप्यरुन्धाम् ।

तेषां च चित्ते पदमाप कोपः

सर्वं भवत्प्रेरणयैव भूमन् ॥3॥

वैकुण्ठलोकानुचितप्रचेष्टौ

कष्टौ युवां दैत्यगतिं भजेतम् ।

इति प्रशप्तौ भवदाश्रयौ तौ

हरिस्मृतिर्नोऽस्त्विति नेमतुस्तान् ॥4॥

तदेतदाज्ञाय भवानवाप्तः

सहैव लक्ष्म्या बहिरम्बुजाक्ष ।

खगेश्वरांसार्पितचारुबाहु-

रानन्दयंस्तानभिराममूर्त्या ॥5॥

प्रसाद्य गीर्भिः स्तुवतो मुनीन्द्रा-

ननन्यनाथावथ पार्षदौ तौ ।

संरम्भयोगेन भवैस्त्रिभिर्मा-

मुपेतमित्यात्तकृपं न्यगादीः ॥6॥

त्वदीयभृत्यावथ काश्यपात्तौ

सुरारिवीरावुदितौ दितौ द्वौ ।

सन्ध्यासमुत्पादनकष्टचेष्टौ

यमौ च लोकस्य यमाविवान्यौ ॥7॥

हिरण्यपूर्वः कशिपुः किलैकः

परो हिरण्याक्ष इति प्रतीतः ।

उभौ भवन्नाथमशेषलोकं

रुषा न्यरुन्धां निजवासनान्धौ ॥8॥

तयोर्हिरण्याक्षमहासुरेन्द्रो

रणाय धावन्ननवाप्तवैरी ।

भवत्प्रियां क्ष्मां सलिले निमज्य

चचार गर्वाद्विनदन् गदावान् ॥9॥

ततो जलेशात् सदृशं भवन्तं

निशम्य बभ्राम गवेषयंस्त्वाम् ।

भक्तैकदृश्यः स कृपानिधे त्वं

निरुन्धि रोगान् मरुदालयेश ॥10।