Narayaniyam Dashaka 11 - Sanakadinam Vaikunthadarshanam Cha Hiranyakshasya Tatha Hiranyakashipoh Jananam — Sinhala Script

ක්රමේණ සර්ගේ පරිවර්ධමානේ

කදාපි දිව්යාඃ සනකාදයස්තේ .

භවද්විලෝකාය විකුණ්ඨලෝකං

ප්රපේදිරේ මාරුතමන්දිරේශ ..1..

මනෝජ්ඤනෛශ්රේයසකානනාද්යෛ-

රනේකවාපීමණිමන්දිරෛශ්ච .

අනෝපමං තං භවතෝ නිකේතං

මුනීශ්වරාඃ ප්රාපුරතීතකක්ෂ්යාඃ ..2..

භවද්දිද්දෘක්ෂූන්භවනං විවික්ෂූන්

ද්වාඃස්ථෞ ජයස්තාන් විජයෝ(අ)ප්යරුන්ධාම් .

තේෂාං ච චිත්තේ පදමාප කෝපඃ

සර්වං භවත්ප්රේරණයෛව භූමන් ..3..

වෛකුණ්ඨලෝකානුචිතප්රචේෂ්ටෞ

කෂ්ටෞ යුවාං දෛත්යගතිං භජේතම් .

ඉති ප්රශප්තෞ භවදාශ්රයෞ තෞ

හරිස්මෘතිර්නෝ(අ)ස්ත්විති නේමතුස්තාන් ..4..

තදේතදාජ්ඤාය භවානවාප්තඃ

සහෛව ලක්ෂ්ම්යා බහිරම්බුජාක්ෂ .

ඛගේශ්වරාංසාර්පිතචාරුබාහු-

රානන්දයංස්තානභිරාමමූර්ත්යා ..5..

ප්රසාද්ය ගීර්භිඃ ස්තුවතෝ මුනීන්ද්රා-

නනන්යනාථාවථ පාර්ෂදෞ තෞ .

සංරම්භයෝගේන භවෛස්ත්රිභිර්මා-

මුපේතමිත්යාත්තකෘපං න්යගාදීඃ ..6..

ත්වදීයභෘත්යාවථ කාශ්යපාත්තෞ

සුරාරිවීරාවුදිතෞ දිතෞ ද්වෞ .

සන්ධ්යාසමුත්පාදනකෂ්ටචේෂ්ටෞ

යමෞ ච ලෝකස්ය යමාවිවාන්යෞ ..7..

හිරණ්යපූර්වඃ කශිපුඃ කිලෛකඃ

පරෝ හිරණ්යාක්ෂ ඉති ප්රතීතඃ .

උභෞ භවන්නාථමශේෂලෝකං

රුෂා න්යරුන්ධාං නිජවාසනාන්ධෞ ..8..

තයෝර්හිරණ්යාක්ෂමහාසුරේන්ද්රෝ

රණාය ධාවන්නනවාප්තවෛරී .

භවත්ප්රියාං ක්ෂ්මාං සලිලේ නිමජ්ය

චචාර ගර්වාද්විනදන් ගදාවාන් ..9..

තතෝ ජලේශාත් සදෘශං භවන්තං

නිශම්ය බභ්රාම ගවේෂයංස්ත්වාම් .

භක්තෛකදෘශ්යඃ ස කෘපානිධේ ත්වං

නිරුන්ධි රෝගාන් මරුදාලයේශ ..10.

Roman (IAST) Transliteration

krameṇa sarge parivardhamāne

kadāpi divyāḥ sanakādayaste |

bhavadvilokāya vikuṇṭhalokaṃ

prapedire mārutamandireśa ||1||

manojñanaiśreyasakānanādyai-

ranekavāpīmaṇimandiraiśca |

anopamaṃ taṃ bhavato niketaṃ

munīśvarāḥ prāpuratītakakṣyāḥ ||2||

bhavaddiddṛkṣūnbhavanaṃ vivikṣūn

dvāḥsthau jayastān vijayo'pyarundhām |

teṣāṃ ca citte padamāpa kopaḥ

sarvaṃ bhavatpreraṇayaiva bhūman ||3||

vaikuṇṭhalokānucitapraceṣṭau

kaṣṭau yuvāṃ daityagatiṃ bhajetam |

iti praśaptau bhavadāśrayau tau

harismṛtirno'stviti nematustān ||4||

tadetadājñāya bhavānavāptaḥ

sahaiva lakṣmyā bahirambujākṣa |

khageśvarāṃsārpitacārubāhu-

rānandayaṃstānabhirāmamūrtyā ||5||

prasādya gīrbhiḥ stuvato munīndrā-

nananyanāthāvatha pārṣadau tau |

saṃrambhayogena bhavaistribhirmā-

mupetamityāttakṛpaṃ nyagādīḥ ||6||

tvadīyabhṛtyāvatha kāśyapāttau

surārivīrāvuditau ditau dvau |

sandhyāsamutpādanakaṣṭaceṣṭau

yamau ca lokasya yamāvivānyau ||7||

hiraṇyapūrvaḥ kaśipuḥ kilaikaḥ

paro hiraṇyākṣa iti pratītaḥ |

ubhau bhavannāthamaśeṣalokaṃ

ruṣā nyarundhāṃ nijavāsanāndhau ||8||

tayorhiraṇyākṣamahāsurendro

raṇāya dhāvannanavāptavairī |

bhavatpriyāṃ kṣmāṃ salile nimajya

cacāra garvādvinadan gadāvān ||9||

tato jaleśāt sadṛśaṃ bhavantaṃ

niśamya babhrāma gaveṣayaṃstvām |

bhaktaikadṛśyaḥ sa kṛpānidhe tvaṃ

nirundhi rogān marudālayeśa ||10|

Sanskrit — Devanagari (original)

क्रमेण सर्गे परिवर्धमाने

कदापि दिव्याः सनकादयस्ते ।

भवद्विलोकाय विकुण्ठलोकं

प्रपेदिरे मारुतमन्दिरेश ॥1॥

मनोज्ञनैश्रेयसकाननाद्यै-

रनेकवापीमणिमन्दिरैश्च ।

अनोपमं तं भवतो निकेतं

मुनीश्वराः प्रापुरतीतकक्ष्याः ॥2॥

भवद्दिद्दृक्षून्भवनं विविक्षून्

द्वाःस्थौ जयस्तान् विजयोऽप्यरुन्धाम् ।

तेषां च चित्ते पदमाप कोपः

सर्वं भवत्प्रेरणयैव भूमन् ॥3॥

वैकुण्ठलोकानुचितप्रचेष्टौ

कष्टौ युवां दैत्यगतिं भजेतम् ।

इति प्रशप्तौ भवदाश्रयौ तौ

हरिस्मृतिर्नोऽस्त्विति नेमतुस्तान् ॥4॥

तदेतदाज्ञाय भवानवाप्तः

सहैव लक्ष्म्या बहिरम्बुजाक्ष ।

खगेश्वरांसार्पितचारुबाहु-

रानन्दयंस्तानभिराममूर्त्या ॥5॥

प्रसाद्य गीर्भिः स्तुवतो मुनीन्द्रा-

ननन्यनाथावथ पार्षदौ तौ ।

संरम्भयोगेन भवैस्त्रिभिर्मा-

मुपेतमित्यात्तकृपं न्यगादीः ॥6॥

त्वदीयभृत्यावथ काश्यपात्तौ

सुरारिवीरावुदितौ दितौ द्वौ ।

सन्ध्यासमुत्पादनकष्टचेष्टौ

यमौ च लोकस्य यमाविवान्यौ ॥7॥

हिरण्यपूर्वः कशिपुः किलैकः

परो हिरण्याक्ष इति प्रतीतः ।

उभौ भवन्नाथमशेषलोकं

रुषा न्यरुन्धां निजवासनान्धौ ॥8॥

तयोर्हिरण्याक्षमहासुरेन्द्रो

रणाय धावन्ननवाप्तवैरी ।

भवत्प्रियां क्ष्मां सलिले निमज्य

चचार गर्वाद्विनदन् गदावान् ॥9॥

ततो जलेशात् सदृशं भवन्तं

निशम्य बभ्राम गवेषयंस्त्वाम् ।

भक्तैकदृश्यः स कृपानिधे त्वं

निरुन्धि रोगान् मरुदालयेश ॥10।