Narayaniyam Dashaka 11 - Sanakadinam Vaikunthadarshanam Cha Hiranyakshasya Tatha Hiranyakashipoh Jananam — Oriya Script

କ୍ରମେଣ ସର୍ଗେ ପରିଵର୍ଧମାନେ

କଦାପି ଦିଵ୍ଯାଃ ସନକାଦଯସ୍ତେ ।

ଭଵଦ୍ଵିଲୋକାଯ ଵିକୁଣ୍ଠଲୋକଂ

ପ୍ରପେଦିରେ ମାରୁତମନ୍ଦିରେଶ ॥1॥

ମନୋଜ୍ଞନୈଶ୍ରେଯସକାନନାଦ୍ଯୈ-

ରନେକଵାପୀମଣିମନ୍ଦିରୈଶ୍ଚ ।

ଅନୋପମଂ ତଂ ଭଵତୋ ନିକେତଂ

ମୁନୀଶ୍ଵରାଃ ପ୍ରାପୁରତୀତକକ୍ଷ୍ଯାଃ ॥2॥

ଭଵଦ୍ଦିଦ୍ଦୃକ୍ଷୂନ୍ଭଵନଂ ଵିଵିକ୍ଷୂନ୍

ଦ୍ଵାଃସ୍ଥୌ ଜଯସ୍ତାନ୍ ଵିଜଯୋଽପ୍ଯରୁନ୍ଧାମ୍ ।

ତେଷାଂ ଚ ଚିତ୍ତେ ପଦମାପ କୋପଃ

ସର୍ଵଂ ଭଵତ୍ପ୍ରେରଣଯୈଵ ଭୂମନ୍ ॥3॥

ଵୈକୁଣ୍ଠଲୋକାନୁଚିତପ୍ରଚେଷ୍ଟୌ

କଷ୍ଟୌ ଯୁଵାଂ ଦୈତ୍ଯଗତିଂ ଭଜେତମ୍ ।

ଇତି ପ୍ରଶପ୍ତୌ ଭଵଦାଶ୍ରଯୌ ତୌ

ହରିସ୍ମୃତିର୍ନୋଽସ୍ତ୍ଵିତି ନେମତୁସ୍ତାନ୍ ॥4॥

ତଦେତଦାଜ୍ଞାଯ ଭଵାନଵାପ୍ତଃ

ସହୈଵ ଲକ୍ଷ୍ମ୍ଯା ବହିରମ୍ବୁଜାକ୍ଷ ।

ଖଗେଶ୍ଵରାଂସାର୍ପିତଚାରୁବାହୁ-

ରାନନ୍ଦଯଂସ୍ତାନଭିରାମମୂର୍ତ୍ଯା ॥5॥

ପ୍ରସାଦ୍ଯ ଗୀର୍ଭିଃ ସ୍ତୁଵତୋ ମୁନୀନ୍ଦ୍ରା-

ନନନ୍ଯନାଥାଵଥ ପାର୍ଷଦୌ ତୌ ।

ସଂରମ୍ଭଯୋଗେନ ଭଵୈସ୍ତ୍ରିଭିର୍ମା-

ମୁପେତମିତ୍ଯାତ୍ତକୃପଂ ନ୍ଯଗାଦୀଃ ॥6॥

ତ୍ଵଦୀଯଭୃତ୍ଯାଵଥ କାଶ୍ଯପାତ୍ତୌ

ସୁରାରିଵୀରାଵୁଦିତୌ ଦିତୌ ଦ୍ଵୌ ।

ସନ୍ଧ୍ଯାସମୁତ୍ପାଦନକଷ୍ଟଚେଷ୍ଟୌ

ଯମୌ ଚ ଲୋକସ୍ଯ ଯମାଵିଵାନ୍ଯୌ ॥7॥

ହିରଣ୍ଯପୂର୍ଵଃ କଶିପୁଃ କିଲୈକଃ

ପରୋ ହିରଣ୍ଯାକ୍ଷ ଇତି ପ୍ରତୀତଃ ।

ଉଭୌ ଭଵନ୍ନାଥମଶେଷଲୋକଂ

ରୁଷା ନ୍ଯରୁନ୍ଧାଂ ନିଜଵାସନାନ୍ଧୌ ॥8॥

ତଯୋର୍ହିରଣ୍ଯାକ୍ଷମହାସୁରେନ୍ଦ୍ରୋ

ରଣାଯ ଧାଵନ୍ନନଵାପ୍ତଵୈରୀ ।

ଭଵତ୍ପ୍ରିଯାଂ କ୍ଷ୍ମାଂ ସଲିଲେ ନିମଜ୍ଯ

ଚଚାର ଗର୍ଵାଦ୍ଵିନଦନ୍ ଗଦାଵାନ୍ ॥9॥

ତତୋ ଜଲେଶାତ୍ ସଦୃଶଂ ଭଵନ୍ତଂ

ନିଶମ୍ଯ ବଭ୍ରାମ ଗଵେଷଯଂସ୍ତ୍ଵାମ୍ ।

ଭକ୍ତୈକଦୃଶ୍ଯଃ ସ କୃପାନିଧେ ତ୍ଵଂ

ନିରୁନ୍ଧି ରୋଗାନ୍ ମରୁଦାଲଯେଶ ॥10।

Roman (IAST) Transliteration

krameṇa sarge parivardhamāne

kadāpi divyāḥ sanakādayaste |

bhavadvilokāya vikuṇṭhalokaṃ

prapedire mārutamandireśa ||1||

manojñanaiśreyasakānanādyai-

ranekavāpīmaṇimandiraiśca |

anopamaṃ taṃ bhavato niketaṃ

munīśvarāḥ prāpuratītakakṣyāḥ ||2||

bhavaddiddṛkṣūnbhavanaṃ vivikṣūn

dvāḥsthau jayastān vijayo'pyarundhām |

teṣāṃ ca citte padamāpa kopaḥ

sarvaṃ bhavatpreraṇayaiva bhūman ||3||

vaikuṇṭhalokānucitapraceṣṭau

kaṣṭau yuvāṃ daityagatiṃ bhajetam |

iti praśaptau bhavadāśrayau tau

harismṛtirno'stviti nematustān ||4||

tadetadājñāya bhavānavāptaḥ

sahaiva lakṣmyā bahirambujākṣa |

khageśvarāṃsārpitacārubāhu-

rānandayaṃstānabhirāmamūrtyā ||5||

prasādya gīrbhiḥ stuvato munīndrā-

nananyanāthāvatha pārṣadau tau |

saṃrambhayogena bhavaistribhirmā-

mupetamityāttakṛpaṃ nyagādīḥ ||6||

tvadīyabhṛtyāvatha kāśyapāttau

surārivīrāvuditau ditau dvau |

sandhyāsamutpādanakaṣṭaceṣṭau

yamau ca lokasya yamāvivānyau ||7||

hiraṇyapūrvaḥ kaśipuḥ kilaikaḥ

paro hiraṇyākṣa iti pratītaḥ |

ubhau bhavannāthamaśeṣalokaṃ

ruṣā nyarundhāṃ nijavāsanāndhau ||8||

tayorhiraṇyākṣamahāsurendro

raṇāya dhāvannanavāptavairī |

bhavatpriyāṃ kṣmāṃ salile nimajya

cacāra garvādvinadan gadāvān ||9||

tato jaleśāt sadṛśaṃ bhavantaṃ

niśamya babhrāma gaveṣayaṃstvām |

bhaktaikadṛśyaḥ sa kṛpānidhe tvaṃ

nirundhi rogān marudālayeśa ||10|

Sanskrit — Devanagari (original)

क्रमेण सर्गे परिवर्धमाने

कदापि दिव्याः सनकादयस्ते ।

भवद्विलोकाय विकुण्ठलोकं

प्रपेदिरे मारुतमन्दिरेश ॥1॥

मनोज्ञनैश्रेयसकाननाद्यै-

रनेकवापीमणिमन्दिरैश्च ।

अनोपमं तं भवतो निकेतं

मुनीश्वराः प्रापुरतीतकक्ष्याः ॥2॥

भवद्दिद्दृक्षून्भवनं विविक्षून्

द्वाःस्थौ जयस्तान् विजयोऽप्यरुन्धाम् ।

तेषां च चित्ते पदमाप कोपः

सर्वं भवत्प्रेरणयैव भूमन् ॥3॥

वैकुण्ठलोकानुचितप्रचेष्टौ

कष्टौ युवां दैत्यगतिं भजेतम् ।

इति प्रशप्तौ भवदाश्रयौ तौ

हरिस्मृतिर्नोऽस्त्विति नेमतुस्तान् ॥4॥

तदेतदाज्ञाय भवानवाप्तः

सहैव लक्ष्म्या बहिरम्बुजाक्ष ।

खगेश्वरांसार्पितचारुबाहु-

रानन्दयंस्तानभिराममूर्त्या ॥5॥

प्रसाद्य गीर्भिः स्तुवतो मुनीन्द्रा-

ननन्यनाथावथ पार्षदौ तौ ।

संरम्भयोगेन भवैस्त्रिभिर्मा-

मुपेतमित्यात्तकृपं न्यगादीः ॥6॥

त्वदीयभृत्यावथ काश्यपात्तौ

सुरारिवीरावुदितौ दितौ द्वौ ।

सन्ध्यासमुत्पादनकष्टचेष्टौ

यमौ च लोकस्य यमाविवान्यौ ॥7॥

हिरण्यपूर्वः कशिपुः किलैकः

परो हिरण्याक्ष इति प्रतीतः ।

उभौ भवन्नाथमशेषलोकं

रुषा न्यरुन्धां निजवासनान्धौ ॥8॥

तयोर्हिरण्याक्षमहासुरेन्द्रो

रणाय धावन्ननवाप्तवैरी ।

भवत्प्रियां क्ष्मां सलिले निमज्य

चचार गर्वाद्विनदन् गदावान् ॥9॥

ततो जलेशात् सदृशं भवन्तं

निशम्य बभ्राम गवेषयंस्त्वाम् ।

भक्तैकदृश्यः स कृपानिधे त्वं

निरुन्धि रोगान् मरुदालयेश ॥10।