Narayaniyam Dashaka 20 - Rishabhayogishvaracharitam — Oriya Script

ପ୍ରିଯଵ୍ରତସ୍ଯ ପ୍ରିଯପୁତ୍ରଭୂତା-

ଦାଗ୍ନୀଧ୍ରରାଜାଦୁଦିତୋ ହି ନାଭିଃ ।

ତ୍ଵାଂ ଦୃଷ୍ଟଵାନିଷ୍ଟଦମିଷ୍ଟିମଧ୍ଯେ

ତଵୈଵ ତୁଷ୍ଟ୍ଯୈ କୃତଯଜ୍ଞକର୍ମା ॥1॥

ଅଭିଷ୍ଟୁତସ୍ତତ୍ର ମୁନୀଶ୍ଵରୈସ୍ତ୍ଵଂ

ରାଜ୍ଞଃ ସ୍ଵତୁଲ୍ଯଂ ସୁତମର୍ଥ୍ଯମାନଃ ।

ସ୍ଵଯଂ ଜନିଷ୍ଯେଽହମିତି ବ୍ରୁଵାଣ-

ସ୍ତିରୋଦଧା ବର୍ହିଷି ଵିଶ୍ଵମୂର୍ତେ ॥2॥

ନାଭିପ୍ରିଯାଯାମଥ ମେରୁଦେଵ୍ଯାଂ

ତ୍ଵମଂଶତୋଽଭୂଃ ୠଷଭାଭିଧାନଃ ।

ଅଲୋକସାମାନ୍ଯଗୁଣପ୍ରଭାଵ-

ପ୍ରଭାଵିତାଶେଷଜନପ୍ରମୋଦଃ ॥3॥

ତ୍ଵଯି ତ୍ରିଲୋକୀଭୃତି ରାଜ୍ଯଭାରଂ

ନିଧାଯ ନାଭିଃ ସହ ମେରୁଦେଵ୍ଯା ।

ତପୋଵନଂ ପ୍ରାପ୍ଯ ଭଵନ୍ନିଷେଵୀ

ଗତଃ କିଲାନନ୍ଦପଦଂ ପଦଂ ତେ ॥4॥

ଇନ୍ଦ୍ରସ୍ତ୍ଵଦୁତ୍କର୍ଷକୃତାଦମର୍ଷା-

ଦ୍ଵଵର୍ଷ ନାସ୍ମିନ୍ନଜନାଭଵର୍ଷେ ।

ଯଦା ତଦା ତ୍ଵଂ ନିଜଯୋଗଶକ୍ତ୍ଯା

ସ୍ଵଵର୍ଷମେନଦ୍ଵ୍ଯଦଧାଃ ସୁଵର୍ଷମ୍ ॥5॥

ଜିତେନ୍ଦ୍ରଦତ୍ତାଂ କମନୀଂ ଜଯନ୍ତୀ-

ମଥୋଦ୍ଵହନ୍ନାତ୍ମରତାଶଯୋଽପି ।

ଅଜୀଜନସ୍ତତ୍ର ଶତଂ ତନୂଜା-

ନେଷାଂ କ୍ଷିତୀଶୋ ଭରତୋଽଗ୍ରଜନ୍ମା ॥6॥

ନଵାଭଵନ୍ ଯୋଗିଵରା ନଵାନ୍ଯେ

ତ୍ଵପାଲଯନ୍ ଭାରତଵର୍ଷଖଣ୍ଡାନ୍ ।

ସୈକା ତ୍ଵଶୀତିସ୍ତଵ ଶେଷପୁତ୍ର-

ସ୍ତପୋବଲାତ୍ ଭୂସୁରଭୂଯମୀଯୁଃ ॥7॥

ଉକ୍ତ୍ଵା ସୁତେଭ୍ଯୋଽଥ ମୁନୀନ୍ଦ୍ରମଧ୍ଯେ

ଵିରକ୍ତିଭକ୍ତ୍ଯନ୍ଵିତମୁକ୍ତିମାର୍ଗମ୍ ।

ସ୍ଵଯଂ ଗତଃ ପାରମହଂସ୍ଯଵୃତ୍ତି-

ମଧା ଜଡୋନ୍ମତ୍ତପିଶାଚଚର୍ଯାମ୍ ॥8॥

ପରାତ୍ମଭୂତୋଽପି ପରୋପଦେଶଂ

କୁର୍ଵନ୍ ଭଵାନ୍ ସର୍ଵନିରସ୍ଯମାନଃ ।

ଵିକାରହୀନୋ ଵିଚଚାର କୃତ୍ସ୍ନାଂ

ମହୀମହୀନାତ୍ମରସାଭିଲୀନଃ ॥9॥

ଶଯୁଵ୍ରତଂ ଗୋମୃଗକାକଚର୍ଯାଂ

ଚିରଂ ଚରନ୍ନାପ୍ଯ ପରଂ ସ୍ଵରୂପମ୍ ।

ଦଵାହୃତାଙ୍ଗଃ କୁଟକାଚଲେ ତ୍ଵଂ

ତାପାନ୍ ମମାପାକୁରୁ ଵାତନାଥ ॥10॥

Roman (IAST) Transliteration

priyavratasya priyaputrabhūtā-

dāgnīdhrarājādudito hi nābhiḥ |

tvāṃ dṛṣṭavāniṣṭadamiṣṭimadhye

tavaiva tuṣṭyai kṛtayajñakarmā ||1||

abhiṣṭutastatra munīśvaraistvaṃ

rājñaḥ svatulyaṃ sutamarthyamānaḥ |

svayaṃ janiṣye'hamiti bruvāṇa-

stirodadhā barhiṣi viśvamūrte ||2||

nābhipriyāyāmatha merudevyāṃ

tvamaṃśato'bhūḥ ṝṣabhābhidhānaḥ |

alokasāmānyaguṇaprabhāva-

prabhāvitāśeṣajanapramodaḥ ||3||

tvayi trilokībhṛti rājyabhāraṃ

nidhāya nābhiḥ saha merudevyā |

tapovanaṃ prāpya bhavanniṣevī

gataḥ kilānandapadaṃ padaṃ te ||4||

indrastvadutkarṣakṛtādamarṣā-

dvavarṣa nāsminnajanābhavarṣe |

yadā tadā tvaṃ nijayogaśaktyā

svavarṣamenadvyadadhāḥ suvarṣam ||5||

jitendradattāṃ kamanīṃ jayantī-

mathodvahannātmaratāśayo'pi |

ajījanastatra śataṃ tanūjā-

neṣāṃ kṣitīśo bharato'grajanmā ||6||

navābhavan yogivarā navānye

tvapālayan bhāratavarṣakhaṇḍān |

saikā tvaśītistava śeṣaputra-

stapobalāt bhūsurabhūyamīyuḥ ||7||

uktvā sutebhyo'tha munīndramadhye

viraktibhaktyanvitamuktimārgam |

svayaṃ gataḥ pāramahaṃsyavṛtti-

madhā jaḍonmattapiśācacaryām ||8||

parātmabhūto'pi paropadeśaṃ

kurvan bhavān sarvanirasyamānaḥ |

vikārahīno vicacāra kṛtsnāṃ

mahīmahīnātmarasābhilīnaḥ ||9||

śayuvrataṃ gomṛgakākacaryāṃ

ciraṃ carannāpya paraṃ svarūpam |

davāhṛtāṅgaḥ kuṭakācale tvaṃ

tāpān mamāpākuru vātanātha ||10||

Sanskrit — Devanagari (original)

प्रियव्रतस्य प्रियपुत्रभूता-

दाग्नीध्रराजादुदितो हि नाभिः ।

त्वां दृष्टवानिष्टदमिष्टिमध्ये

तवैव तुष्ट्यै कृतयज्ञकर्मा ॥1॥

अभिष्टुतस्तत्र मुनीश्वरैस्त्वं

राज्ञः स्वतुल्यं सुतमर्थ्यमानः ।

स्वयं जनिष्येऽहमिति ब्रुवाण-

स्तिरोदधा बर्हिषि विश्वमूर्ते ॥2॥

नाभिप्रियायामथ मेरुदेव्यां

त्वमंशतोऽभूः ॠषभाभिधानः ।

अलोकसामान्यगुणप्रभाव-

प्रभाविताशेषजनप्रमोदः ॥3॥

त्वयि त्रिलोकीभृति राज्यभारं

निधाय नाभिः सह मेरुदेव्या ।

तपोवनं प्राप्य भवन्निषेवी

गतः किलानन्दपदं पदं ते ॥4॥

इन्द्रस्त्वदुत्कर्षकृतादमर्षा-

द्ववर्ष नास्मिन्नजनाभवर्षे ।

यदा तदा त्वं निजयोगशक्त्या

स्ववर्षमेनद्व्यदधाः सुवर्षम् ॥5॥

जितेन्द्रदत्तां कमनीं जयन्ती-

मथोद्वहन्नात्मरताशयोऽपि ।

अजीजनस्तत्र शतं तनूजा-

नेषां क्षितीशो भरतोऽग्रजन्मा ॥6॥

नवाभवन् योगिवरा नवान्ये

त्वपालयन् भारतवर्षखण्डान् ।

सैका त्वशीतिस्तव शेषपुत्र-

स्तपोबलात् भूसुरभूयमीयुः ॥7॥

उक्त्वा सुतेभ्योऽथ मुनीन्द्रमध्ये

विरक्तिभक्त्यन्वितमुक्तिमार्गम् ।

स्वयं गतः पारमहंस्यवृत्ति-

मधा जडोन्मत्तपिशाचचर्याम् ॥8॥

परात्मभूतोऽपि परोपदेशं

कुर्वन् भवान् सर्वनिरस्यमानः ।

विकारहीनो विचचार कृत्स्नां

महीमहीनात्मरसाभिलीनः ॥9॥

शयुव्रतं गोमृगकाकचर्यां

चिरं चरन्नाप्य परं स्वरूपम् ।

दवाहृताङ्गः कुटकाचले त्वं

तापान् ममापाकुरु वातनाथ ॥10॥