Narayaniyam Dashaka 20 - Rishabhayogishvaracharitam — Sinhala Script

ප්රියව්රතස්ය ප්රියපුත්රභූතා-

දාග්නීධ්රරාජාදුදිතෝ හි නාභිඃ .

ත්වාං දෘෂ්ටවානිෂ්ටදමිෂ්ටිමධ්යේ

තවෛව තුෂ්ට්යෛ කෘතයජ්ඤකර්මා ..1..

අභිෂ්ටුතස්තත්ර මුනීශ්වරෛස්ත්වං

රාජ්ඤඃ ස්වතුල්යං සුතමර්ථ්යමානඃ .

ස්වයං ජනිෂ්යේ(අ)හමිති බ්රුවාණ-

ස්තිරෝදධා බර්හිෂි විශ්වමූර්තේ ..2..

නාභිප්රියායාමථ මේරුදේව්යාං

ත්වමංශතෝ(අ)භූඃ ඎෂභාභිධානඃ .

අලෝකසාමාන්යගුණප්රභාව-

ප්රභාවිතාශේෂජනප්රමෝදඃ ..3..

ත්වයි ත්රිලෝකීභෘති රාජ්යභාරං

නිධාය නාභිඃ සහ මේරුදේව්යා .

තපෝවනං ප්රාප්ය භවන්නිෂේවී

ගතඃ කිලානන්දපදං පදං තේ ..4..

ඉන්ද්රස්ත්වදුත්කර්ෂකෘතාදමර්ෂා-

ද්වවර්ෂ නාස්මින්නජනාභවර්ෂේ .

යදා තදා ත්වං නිජයෝගශක්ත්යා

ස්වවර්ෂමේනද්ව්යදධාඃ සුවර්ෂම් ..5..

ජිතේන්ද්රදත්තාං කමනීං ජයන්තී-

මථෝද්වහන්නාත්මරතාශයෝ(අ)පි .

අජීජනස්තත්ර ශතං තනූජා-

නේෂාං ක්ෂිතීශෝ භරතෝ(අ)ග්රජන්මා ..6..

නවාභවන් යෝගිවරා නවාන්යේ

ත්වපාලයන් භාරතවර්ෂඛණ්ඩාන් .

සෛකා ත්වශීතිස්තව ශේෂපුත්ර-

ස්තපෝබලාත් භූසුරභූයමීයුඃ ..7..

උක්ත්වා සුතේභ්යෝ(අ)ථ මුනීන්ද්රමධ්යේ

විරක්තිභක්ත්යන්විතමුක්තිමාර්ගම් .

ස්වයං ගතඃ පාරමහංස්යවෘත්ති-

මධා ජඩෝන්මත්තපිශාචචර්යාම් ..8..

පරාත්මභූතෝ(අ)පි පරෝපදේශං

කුර්වන් භවාන් සර්වනිරස්යමානඃ .

විකාරහීනෝ විචචාර කෘත්ස්නාං

මහීමහීනාත්මරසාභිලීනඃ ..9..

ශයුව්රතං ගෝමෘගකාකචර්යාං

චිරං චරන්නාප්ය පරං ස්වරූපම් .

දවාහෘතාඞ්ගඃ කුටකාචලේ ත්වං

තාපාන් මමාපාකුරු වාතනාථ ..10..

Roman (IAST) Transliteration

priyavratasya priyaputrabhūtā-

dāgnīdhrarājādudito hi nābhiḥ |

tvāṃ dṛṣṭavāniṣṭadamiṣṭimadhye

tavaiva tuṣṭyai kṛtayajñakarmā ||1||

abhiṣṭutastatra munīśvaraistvaṃ

rājñaḥ svatulyaṃ sutamarthyamānaḥ |

svayaṃ janiṣye'hamiti bruvāṇa-

stirodadhā barhiṣi viśvamūrte ||2||

nābhipriyāyāmatha merudevyāṃ

tvamaṃśato'bhūḥ ṝṣabhābhidhānaḥ |

alokasāmānyaguṇaprabhāva-

prabhāvitāśeṣajanapramodaḥ ||3||

tvayi trilokībhṛti rājyabhāraṃ

nidhāya nābhiḥ saha merudevyā |

tapovanaṃ prāpya bhavanniṣevī

gataḥ kilānandapadaṃ padaṃ te ||4||

indrastvadutkarṣakṛtādamarṣā-

dvavarṣa nāsminnajanābhavarṣe |

yadā tadā tvaṃ nijayogaśaktyā

svavarṣamenadvyadadhāḥ suvarṣam ||5||

jitendradattāṃ kamanīṃ jayantī-

mathodvahannātmaratāśayo'pi |

ajījanastatra śataṃ tanūjā-

neṣāṃ kṣitīśo bharato'grajanmā ||6||

navābhavan yogivarā navānye

tvapālayan bhāratavarṣakhaṇḍān |

saikā tvaśītistava śeṣaputra-

stapobalāt bhūsurabhūyamīyuḥ ||7||

uktvā sutebhyo'tha munīndramadhye

viraktibhaktyanvitamuktimārgam |

svayaṃ gataḥ pāramahaṃsyavṛtti-

madhā jaḍonmattapiśācacaryām ||8||

parātmabhūto'pi paropadeśaṃ

kurvan bhavān sarvanirasyamānaḥ |

vikārahīno vicacāra kṛtsnāṃ

mahīmahīnātmarasābhilīnaḥ ||9||

śayuvrataṃ gomṛgakākacaryāṃ

ciraṃ carannāpya paraṃ svarūpam |

davāhṛtāṅgaḥ kuṭakācale tvaṃ

tāpān mamāpākuru vātanātha ||10||

Sanskrit — Devanagari (original)

प्रियव्रतस्य प्रियपुत्रभूता-

दाग्नीध्रराजादुदितो हि नाभिः ।

त्वां दृष्टवानिष्टदमिष्टिमध्ये

तवैव तुष्ट्यै कृतयज्ञकर्मा ॥1॥

अभिष्टुतस्तत्र मुनीश्वरैस्त्वं

राज्ञः स्वतुल्यं सुतमर्थ्यमानः ।

स्वयं जनिष्येऽहमिति ब्रुवाण-

स्तिरोदधा बर्हिषि विश्वमूर्ते ॥2॥

नाभिप्रियायामथ मेरुदेव्यां

त्वमंशतोऽभूः ॠषभाभिधानः ।

अलोकसामान्यगुणप्रभाव-

प्रभाविताशेषजनप्रमोदः ॥3॥

त्वयि त्रिलोकीभृति राज्यभारं

निधाय नाभिः सह मेरुदेव्या ।

तपोवनं प्राप्य भवन्निषेवी

गतः किलानन्दपदं पदं ते ॥4॥

इन्द्रस्त्वदुत्कर्षकृतादमर्षा-

द्ववर्ष नास्मिन्नजनाभवर्षे ।

यदा तदा त्वं निजयोगशक्त्या

स्ववर्षमेनद्व्यदधाः सुवर्षम् ॥5॥

जितेन्द्रदत्तां कमनीं जयन्ती-

मथोद्वहन्नात्मरताशयोऽपि ।

अजीजनस्तत्र शतं तनूजा-

नेषां क्षितीशो भरतोऽग्रजन्मा ॥6॥

नवाभवन् योगिवरा नवान्ये

त्वपालयन् भारतवर्षखण्डान् ।

सैका त्वशीतिस्तव शेषपुत्र-

स्तपोबलात् भूसुरभूयमीयुः ॥7॥

उक्त्वा सुतेभ्योऽथ मुनीन्द्रमध्ये

विरक्तिभक्त्यन्वितमुक्तिमार्गम् ।

स्वयं गतः पारमहंस्यवृत्ति-

मधा जडोन्मत्तपिशाचचर्याम् ॥8॥

परात्मभूतोऽपि परोपदेशं

कुर्वन् भवान् सर्वनिरस्यमानः ।

विकारहीनो विचचार कृत्स्नां

महीमहीनात्मरसाभिलीनः ॥9॥

शयुव्रतं गोमृगकाकचर्यां

चिरं चरन्नाप्य परं स्वरूपम् ।

दवाहृताङ्गः कुटकाचले त्वं

तापान् ममापाकुरु वातनाथ ॥10॥