Narayaniyam Dashaka 94 - Tattvajnanotpattih — Sinhala Script

ශුද්ධා නිෂ්කාමධර්මෛඃ ප්රවරගුරුගිරා තත්ස්වරූපං පරං තේ

ශුද්ධං දේහේන්ද්රියාදිව්යපගතමඛිලව්යාප්තමාවේදයන්තේ .

නානාත්වස්ථෞල්යකාර්ශ්යාදි තු ගුණජවපුස්සඞ්ගතෝ(අ)ධ්යාසිතං තේ

වහ්නේර්දාරුප්රභේදේෂ්විව මහදණුතාදීප්තතාශාන්තතාදි ..1..

ආචාර්යාඛ්යාධරස්ථාරණිසමනුමිලච්ඡිෂ්යරූපෝත්තරාර-

ණ්යාවේධෝද්භාසිතේන ස්ඵුටතරපරිබෝධාග්නිනා දහ්යමානේ .

කර්මාලීවාසනාතත්කෘතතනුභුවනභ්රාන්තිකාන්තාරපූරේ

දාහ්යාභාවේන විද්යාශිඛිනි ච විරතේ ත්වන්මයී ඛල්වවස්ථා ..2..

ඒවං ත්වත්ප්රාප්තිතෝ(අ)න්යෝ නහි ඛලු නිඛිලක්ලේශහානේරුපායෝ

නෛකාන්තාත්යන්තිකාස්තේ කෘෂිවදගදෂාඩ්ගුණ්යෂට්කර්මයෝගාඃ .

දුර්වෛකල්යෛරකල්යා අපි නිගමපථාස්තත්ඵලාන්යප්යවාප්තා

මත්තාස්ත්වාං විස්මරන්තඃ ප්රසජති පතනේ යාන්ත්යනන්තාන් විෂාදාන්..3..

ත්වල්ලෝකාදන්යලෝකඃ ක්වනු භයරහිතෝ යත් පරාර්ධද්වයාන්තේ

ත්වද්භීතස්සත්යලෝකේ(අ)පි න සුඛවසතිඃ පද්මභූඃ පද්මනාභ .

ඒවං භාවේ ත්වධර්මාර්ජිතබහුතමසාං කා කථා නාරකාණාං

තන්මේ ත්වං ඡින්ධි බන්ධං වරද් කෘපණබන්ධෝ කෘපාපූරසින්ධෝ ..4..

යාථාර්ථ්යාත්ත්වන්මයස්යෛව හි මම න විභෝ වස්තුතෝ බන්ධමෝක්ෂෞ

මායාවිද්යාතනුභ්යාං තව තු විරචිතෞ ස්වප්නබෝධෝපමෞ තෞ .

බද්ධේ ජීවද්විමුක්තිං ගතවති ච භිදා තාවතී තාවදේකෝ

භුඞ්ක්තේ දේහද්රුමස්ථෝ විෂයඵලරසාන්නාපරෝ නිර්ව්යථාත්මා ..5..

ජීවන්මුක්තත්වමේවංවිධමිති වචසා කිං ඵලං දූරදූරේ

තන්නාමාශුද්ධබුද්ධේර්න ච ලඝු මනසශ්ශෝධනං භක්තිතෝ(අ)න්යත් .

තන්මේ විෂ්ණෝ කෘෂීෂ්ඨාස්ත්වයි කෘතසකලප්රාර්පණං භක්තිභාරං

යේන ස්යාං මඞ්ක්ෂු කිඤ්චිද් ගුරුවචනමිලත්ත්වත්ප්රබෝධස්ත්වදාත්මා ..6..

ශබ්ද්බ්රහ්මණ්යපීහ ප්රයතිතමනසස්ත්වාං න ජානන්ති කේචිත්

කෂ්ටං වන්ධ්යශ්රමාස්තේ චිරතරමිහ ගාං බිභ්රතේ නිෂ්ප්රසූතිම් .

යස්යාං විශ්වාභිරාමාස්සකලමලහරා දිව්යලීලාවතාරාඃ

සච්චිත්සාන්ද්රං ච රූපං තව න නිගදිතං තාං න වාචං භ්රියාසම් ..7..

යෝ යාවාන් යාදෘශෝ වා ත්වමිති කිමපි නෛවාවගච්ඡාමි භූම්-

න්නේවඤ්චානන්යභාවස්ත්වදනුභජනමේවාද්රියේ චෛද්යවෛරින් .

ත්වල්ලිඞ්ගානාං ත්වදඞ්ඝ්රිප්රියජනසදසාං දර්ශනස්පර්ශනාදි-

ර්භූයාන්මේ ත්වත්ප්රපූජානතිනුතිගුණකර්මානුකීර්ත්යාදරෝ(අ)පි ..8..

යද්යල්ලභ්යේත තත්තත්තව සමුපහෘතං දේව දාසෝ(අ)ස්මි තේ(අ)හං

ත්වද්ගේහෝන්මාර්ජනාද්යං භවතු මම මුහුඃ කර්ම නිර්මායමේව .

සූර්යාග්නිබ්රාහ්මණාත්මාදිෂු ලසිතචතුර්බාහුමාරාධයේ ත්වාං

ත්වත්ප්රේමාර්ද්රත්වරූපෝ මම සතතමභිෂ්යන්දතාං භක්තියෝගඃ ..9..

ඓක්යං තේ දානහෝමව්රතනියමතපස්සාඞ්ඛ්යයෝගෛර්දුරාපං

ත්වත්සඞ්ගේනෛව ගෝප්යඃ කිල සුකෘතිතමා ප්රාපුරානන්දසාන්ද්රම් .

භක්තේෂ්වන්යේෂු භූයස්ස්වපි බහුමනුෂේ භක්තිමේව ත්වමාසාං

තන්මේ ත්වද්භක්තිමේව ද්රඪය හර ගදාන් කෘෂ්ණ වාතාලයේශ ..10..

Roman (IAST) Transliteration

śuddhā niṣkāmadharmaiḥ pravaragurugirā tatsvarūpaṃ paraṃ te

śuddhaṃ dehendriyādivyapagatamakhilavyāptamāvedayante |

nānātvasthaulyakārśyādi tu guṇajavapussaṅgato'dhyāsitaṃ te

vahnerdāruprabhedeṣviva mahadaṇutādīptatāśāntatādi ||1||

ācāryākhyādharasthāraṇisamanumilacchiṣyarūpottarāra-

ṇyāvedhodbhāsitena sphuṭataraparibodhāgninā dahyamāne |

karmālīvāsanātatkṛtatanubhuvanabhrāntikāntārapūre

dāhyābhāvena vidyāśikhini ca virate tvanmayī khalvavasthā ||2||

evaṃ tvatprāptito'nyo nahi khalu nikhilakleśahānerupāyo

naikāntātyantikāste kṛṣivadagadaṣāḍguṇyaṣaṭkarmayogāḥ |

durvaikalyairakalyā api nigamapathāstatphalānyapyavāptā

mattāstvāṃ vismarantaḥ prasajati patane yāntyanantān viṣādān||3||

tvallokādanyalokaḥ kvanu bhayarahito yat parārdhadvayānte

tvadbhītassatyaloke'pi na sukhavasatiḥ padmabhūḥ padmanābha |

evaṃ bhāve tvadharmārjitabahutamasāṃ kā kathā nārakāṇāṃ

tanme tvaṃ chindhi bandhaṃ varad kṛpaṇabandho kṛpāpūrasindho ||4||

yāthārthyāttvanmayasyaiva hi mama na vibho vastuto bandhamokṣau

māyāvidyātanubhyāṃ tava tu viracitau svapnabodhopamau tau |

baddhe jīvadvimuktiṃ gatavati ca bhidā tāvatī tāvadeko

bhuṅkte dehadrumastho viṣayaphalarasānnāparo nirvyathātmā ||5||

jīvanmuktatvamevaṃvidhamiti vacasā kiṃ phalaṃ dūradūre

tannāmāśuddhabuddherna ca laghu manasaśśodhanaṃ bhaktito'nyat |

tanme viṣṇo kṛṣīṣṭhāstvayi kṛtasakalaprārpaṇaṃ bhaktibhāraṃ

yena syāṃ maṅkṣu kiñcid guruvacanamilattvatprabodhastvadātmā ||6||

śabdbrahmaṇyapīha prayatitamanasastvāṃ na jānanti kecit

kaṣṭaṃ vandhyaśramāste cirataramiha gāṃ bibhrate niṣprasūtim |

yasyāṃ viśvābhirāmāssakalamalaharā divyalīlāvatārāḥ

saccitsāndraṃ ca rūpaṃ tava na nigaditaṃ tāṃ na vācaṃ bhriyāsam ||7||

yo yāvān yādṛśo vā tvamiti kimapi naivāvagacchāmi bhūm-

nnevañcānanyabhāvastvadanubhajanamevādriye caidyavairin |

tvalliṅgānāṃ tvadaṅghripriyajanasadasāṃ darśanasparśanādi-

rbhūyānme tvatprapūjānatinutiguṇakarmānukīrtyādaro'pi ||8||

yadyallabhyeta tattattava samupahṛtaṃ deva dāso'smi te'haṃ

tvadgehonmārjanādyaṃ bhavatu mama muhuḥ karma nirmāyameva |

sūryāgnibrāhmaṇātmādiṣu lasitacaturbāhumārādhaye tvāṃ

tvatpremārdratvarūpo mama satatamabhiṣyandatāṃ bhaktiyogaḥ ||9||

aikyaṃ te dānahomavrataniyamatapassāṅkhyayogairdurāpaṃ

tvatsaṅgenaiva gopyaḥ kila sukṛtitamā prāpurānandasāndram |

bhakteṣvanyeṣu bhūyassvapi bahumanuṣe bhaktimeva tvamāsāṃ

tanme tvadbhaktimeva draḍhaya hara gadān kṛṣṇa vātālayeśa ||10||

Sanskrit — Devanagari (original)

शुद्धा निष्कामधर्मैः प्रवरगुरुगिरा तत्स्वरूपं परं ते

शुद्धं देहेन्द्रियादिव्यपगतमखिलव्याप्तमावेदयन्ते ।

नानात्वस्थौल्यकार्श्यादि तु गुणजवपुस्सङ्गतोऽध्यासितं ते

वह्नेर्दारुप्रभेदेष्विव महदणुतादीप्तताशान्ततादि ॥1॥

आचार्याख्याधरस्थारणिसमनुमिलच्छिष्यरूपोत्तरार-

ण्यावेधोद्भासितेन स्फुटतरपरिबोधाग्निना दह्यमाने ।

कर्मालीवासनातत्कृततनुभुवनभ्रान्तिकान्तारपूरे

दाह्याभावेन विद्याशिखिनि च विरते त्वन्मयी खल्ववस्था ॥2॥

एवं त्वत्प्राप्तितोऽन्यो नहि खलु निखिलक्लेशहानेरुपायो

नैकान्तात्यन्तिकास्ते कृषिवदगदषाड्गुण्यषट्कर्मयोगाः ।

दुर्वैकल्यैरकल्या अपि निगमपथास्तत्फलान्यप्यवाप्ता

मत्तास्त्वां विस्मरन्तः प्रसजति पतने यान्त्यनन्तान् विषादान्॥3॥

त्वल्लोकादन्यलोकः क्वनु भयरहितो यत् परार्धद्वयान्ते

त्वद्भीतस्सत्यलोकेऽपि न सुखवसतिः पद्मभूः पद्मनाभ ।

एवं भावे त्वधर्मार्जितबहुतमसां का कथा नारकाणां

तन्मे त्वं छिन्धि बन्धं वरद् कृपणबन्धो कृपापूरसिन्धो ॥4॥

याथार्थ्यात्त्वन्मयस्यैव हि मम न विभो वस्तुतो बन्धमोक्षौ

मायाविद्यातनुभ्यां तव तु विरचितौ स्वप्नबोधोपमौ तौ ।

बद्धे जीवद्विमुक्तिं गतवति च भिदा तावती तावदेको

भुङ्क्ते देहद्रुमस्थो विषयफलरसान्नापरो निर्व्यथात्मा ॥5॥

जीवन्मुक्तत्वमेवंविधमिति वचसा किं फलं दूरदूरे

तन्नामाशुद्धबुद्धेर्न च लघु मनसश्शोधनं भक्तितोऽन्यत् ।

तन्मे विष्णो कृषीष्ठास्त्वयि कृतसकलप्रार्पणं भक्तिभारं

येन स्यां मङ्क्षु किञ्चिद् गुरुवचनमिलत्त्वत्प्रबोधस्त्वदात्मा ॥6॥

शब्द्ब्रह्मण्यपीह प्रयतितमनसस्त्वां न जानन्ति केचित्

कष्टं वन्ध्यश्रमास्ते चिरतरमिह गां बिभ्रते निष्प्रसूतिम् ।

यस्यां विश्वाभिरामास्सकलमलहरा दिव्यलीलावताराः

सच्चित्सान्द्रं च रूपं तव न निगदितं तां न वाचं भ्रियासम् ॥7॥

यो यावान् यादृशो वा त्वमिति किमपि नैवावगच्छामि भूम्-

न्नेवञ्चानन्यभावस्त्वदनुभजनमेवाद्रिये चैद्यवैरिन् ।

त्वल्लिङ्गानां त्वदङ्घ्रिप्रियजनसदसां दर्शनस्पर्शनादि-

र्भूयान्मे त्वत्प्रपूजानतिनुतिगुणकर्मानुकीर्त्यादरोऽपि ॥8॥

यद्यल्लभ्येत तत्तत्तव समुपहृतं देव दासोऽस्मि तेऽहं

त्वद्गेहोन्मार्जनाद्यं भवतु मम मुहुः कर्म निर्मायमेव ।

सूर्याग्निब्राह्मणात्मादिषु लसितचतुर्बाहुमाराधये त्वां

त्वत्प्रेमार्द्रत्वरूपो मम सततमभिष्यन्दतां भक्तियोगः ॥9॥

ऐक्यं ते दानहोमव्रतनियमतपस्साङ्ख्ययोगैर्दुरापं

त्वत्सङ्गेनैव गोप्यः किल सुकृतितमा प्रापुरानन्दसान्द्रम् ।

भक्तेष्वन्येषु भूयस्स्वपि बहुमनुषे भक्तिमेव त्वमासां

तन्मे त्वद्भक्तिमेव द्रढय हर गदान् कृष्ण वातालयेश ॥10॥