Narayaniyam Dashakam 68 — Sinhala Script

Meaning —

තව විලෝකනාද්ගෝපිකාජනාඃ ප්රමදසඞ්කුලාඃ පඞ්කජේක්ෂණ .
අමෘතධාරයා සම්ප්ලුතා ඉව ස්තිමිතතාං දධුස්ත්වත්පුරෝගතාඃ ..1..

tava vilokanādgopikājanāḥ pramadasaṅkulāḥ paṅkajekṣaṇa |
amṛtadhārayā samplutā iva stimitatāṃ dadhustvatpurogatāḥ ||1||

තදනු කාචන ත්වත්කරාම්බුජං සපදි ගෘහ්ණතී නිර්විශඞ්කිතම් .
ඝනපයෝධරේ සන්නිධාය සා පුලකසංවෘතා තස්ථුෂී චිරම් ..2..

tadanu kācana tvatkarāmbujaṃ sapadi gṛhṇatī nirviśaṅkitam |
ghanapayodhare sannidhāya sā pulakasaṃvṛtā tasthuṣī ciram ||2||

Verse 3

තව විභෝ(අ)පරා කෝමලං භුජං නිජගලාන්තරේ පර්යවේෂ්ටයත් .
ගලසමුද්ගතං ප්රාණමාරුතං ප්රතිනිරුන්ධතීවාතිහර්ෂුලා ..3..

tava vibho'parā komalaṃ bhujaṃ nijagalāntare paryaveṣṭayat |
galasamudgataṃ prāṇamārutaṃ pratinirundhatīvātiharṣulā ||3||

Verse 4

අපගතත්රපා කාපි කාමිනී තව මුඛාම්බුජාත් පූගචර්විතම් .
ප්රතිගෘහය්ය තද්වක්ත්රපඞ්කජේ නිදධතී ගතා පූර්ණකාමතාම් ..4..

apagatatrapā kāpi kāminī tava mukhāmbujāt pūgacarvitam |
pratigṛhayya tadvaktrapaṅkaje nidadhatī gatā pūrṇakāmatām ||4||

විකරුණෝ වනේ සංවිහාය මාමපගතෝ(අ)සි කා ත්වාමිහ ස්පෘශේත් .

vikaruṇo vane saṃvihāya māmapagato'si kā tvāmiha spṛśet |

ඉති සරෝෂයා තාවදේකයා සජලලෝචනං වීක්ෂිතෝ භවාන් ..5..

ඉති මුදා(අ)(අ)කුලෛර්වල්ලවීජනෛඃ සමමුපාගතෝ යාමුනේ තටේ .
මෘදුකුචාම්බරෛඃ කල්පිතාසනේ ඝුසෘණභාසුරේ පර්යශෝභථාඃ ..6..

Verse 7

කතිවිධා කෘපා කේ(අ)පි සර්වතෝ ධෘතදයෝදයාඃ කේචිදාශ්රිතේ .
කතිචිදීදෘශා මාදෘශේෂ්වපීත්යභිහිතෝ භවාන් වල්ලවීජනෛඃ ..7..

katividhā kṛpā ke'pi sarvato dhṛtadayodayāḥ kecidāśrite |
katicidīdṛśā mādṛśeṣvapītyabhihito bhavān vallavījanaiḥ ||7||

Verse 8

අයි කුමාරිකා නෛව ශඞ්ක්යතාං කඨිනතා මයි ප්රේමකාතරේ .
මයි තු චේතසෝ වෝ(අ)නුවෘත්තයේ කෘතමිදං මයේත්යූචිවාන් භවාන් ..8..

ayi kumārikā naiva śaṅkyatāṃ kaṭhinatā mayi premakātare |
mayi tu cetaso vo'nuvṛttaye kṛtamidaṃ mayetyūcivān bhavān ||8||

Verse 9

අයි නිශම්යතාං ජීවවල්ලභාඃ ප්රියතමෝ ජනෝ නේදෘශෝ මම .
තදිහ රම්යතාං රම්යයාමිනීෂ්වනුපරෝධමිත්යාලපෝ විභෝ ..9..

ayi niśamyatāṃ jīvavallabhāḥ priyatamo jano nedṛśo mama |
tadiha ramyatāṃ ramyayāminīṣvanuparodhamityālapo vibho ||9||

ඉති ගිරාධිකං මෝදමේදුරෛර්ව්රජවධූජනෛඃ සාකමාරමන් .
කලිතකෞතුකෝ රාසඛේලනේ ගුරුපුරීපතේ පාහි මාං ගදාත් ..10..

Sanskrit — Devanagari (original)

तव विलोकनाद्गोपिकाजनाः प्रमदसङ्कुलाः पङ्कजेक्षण ।

अमृतधारया सम्प्लुता इव स्तिमिततां दधुस्त्वत्पुरोगताः ॥1॥

तदनु काचन त्वत्कराम्बुजं सपदि गृह्णती निर्विशङ्कितम् ।

घनपयोधरे सन्निधाय सा पुलकसंवृता तस्थुषी चिरम् ॥2॥

तव विभोऽपरा कोमलं भुजं निजगलान्तरे पर्यवेष्टयत् ।

गलसमुद्गतं प्राणमारुतं प्रतिनिरुन्धतीवातिहर्षुला ॥3॥

अपगतत्रपा कापि कामिनी तव मुखाम्बुजात् पूगचर्वितम् ।

प्रतिगृहय्य तद्वक्त्रपङ्कजे निदधती गता पूर्णकामताम् ॥4॥

विकरुणो वने संविहाय मामपगतोऽसि का त्वामिह स्पृशेत् ।

इति सरोषया तावदेकया सजललोचनं वीक्षितो भवान् ॥5॥

इति मुदाऽऽकुलैर्वल्लवीजनैः सममुपागतो यामुने तटे ।

मृदुकुचाम्बरैः कल्पितासने घुसृणभासुरे पर्यशोभथाः ॥6॥

कतिविधा कृपा केऽपि सर्वतो धृतदयोदयाः केचिदाश्रिते ।

कतिचिदीदृशा मादृशेष्वपीत्यभिहितो भवान् वल्लवीजनैः ॥7॥

अयि कुमारिका नैव शङ्क्यतां कठिनता मयि प्रेमकातरे ।

मयि तु चेतसो वोऽनुवृत्तये कृतमिदं मयेत्यूचिवान् भवान् ॥8॥

अयि निशम्यतां जीववल्लभाः प्रियतमो जनो नेदृशो मम ।

तदिह रम्यतां रम्ययामिनीष्वनुपरोधमित्यालपो विभो ॥9॥

इति गिराधिकं मोदमेदुरैर्व्रजवधूजनैः साकमारमन् ।

कलितकौतुको रासखेलने गुरुपुरीपते पाहि मां गदात् ॥10॥

🕉️ This is the original Sanskrit rendered in Sinhala script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

නාරායණීයං දශක 68 - ගෝපිකානාං ආහ්ලාදප්රකටනම්