তব বিলোকনাদ্গোপিকাজনাঃ প্রমদসঙ্কুলাঃ পঙ্কজেক্ষণ ।
অমৃতধারযা সম্প্লুতা ইব স্তিমিততাং দধুস্ত্বত্পুরোগতাঃ ॥1॥
তদনু কাচন ত্বত্করাম্বুজং সপদি গৃহ্ণতী নির্বিশঙ্কিতম্ ।
ঘনপযোধরে সন্নিধায সা পুলকসংবৃতা তস্থুষী চিরম্ ॥2॥
তব বিভোঽপরা কোমলং ভুজং নিজগলান্তরে পর্যবেষ্টযত্ ।
গলসমুদ্গতং প্রাণমারুতং প্রতিনিরুন্ধতীবাতিহর্ষুলা ॥3॥
অপগতত্রপা কাপি কামিনী তব মুখাম্বুজাত্ পূগচর্বিতম্ ।
প্রতিগৃহয্য তদ্বক্ত্রপঙ্কজে নিদধতী গতা পূর্ণকামতাম্ ॥4॥
বিকরুণো বনে সংবিহায মামপগতোঽসি কা ত্বামিহ স্পৃশেত্ ।
ইতি সরোষযা তাবদেকযা সজললোচনং বীক্ষিতো ভবান্ ॥5॥
ইতি মুদাঽঽকুলৈর্বল্লবীজনৈঃ সমমুপাগতো যামুনে তটে ।
মৃদুকুচাম্বরৈঃ কল্পিতাসনে ঘুসৃণভাসুরে পর্যশোভথাঃ ॥6॥
কতিবিধা কৃপা কেঽপি সর্বতো ধৃতদযোদযাঃ কেচিদাশ্রিতে ।
কতিচিদীদৃশা মাদৃশেষ্বপীত্যভিহিতো ভবান্ বল্লবীজনৈঃ ॥7॥
অযি কুমারিকা নৈব শঙ্ক্যতাং কঠিনতা মযি প্রেমকাতরে ।
মযি তু চেতসো বোঽনুবৃত্তযে কৃতমিদং মযেত্যূচিবান্ ভবান্ ॥8॥
অযি নিশম্যতাং জীববল্লভাঃ প্রিযতমো জনো নেদৃশো মম ।
তদিহ রম্যতাং রম্যযামিনীষ্বনুপরোধমিত্যালপো বিভো ॥9॥
ইতি গিরাধিকং মোদমেদুরৈর্ব্রজবধূজনৈঃ সাকমারমন্ ।
কলিতকৌতুকো রাসখেলনে গুরুপুরীপতে পাহি মাং গদাত্ ॥10॥
Roman (IAST) Transliteration
tava vilokanādgopikājanāḥ pramadasaṅkulāḥ paṅkajekṣaṇa |
amṛtadhārayā samplutā iva stimitatāṃ dadhustvatpurogatāḥ ||1||
tadanu kācana tvatkarāmbujaṃ sapadi gṛhṇatī nirviśaṅkitam |
ghanapayodhare sannidhāya sā pulakasaṃvṛtā tasthuṣī ciram ||2||
tava vibho'parā komalaṃ bhujaṃ nijagalāntare paryaveṣṭayat |
galasamudgataṃ prāṇamārutaṃ pratinirundhatīvātiharṣulā ||3||
apagatatrapā kāpi kāminī tava mukhāmbujāt pūgacarvitam |
pratigṛhayya tadvaktrapaṅkaje nidadhatī gatā pūrṇakāmatām ||4||
vikaruṇo vane saṃvihāya māmapagato'si kā tvāmiha spṛśet |
iti saroṣayā tāvadekayā sajalalocanaṃ vīkṣito bhavān ||5||
iti mudā''kulairvallavījanaiḥ samamupāgato yāmune taṭe |
mṛdukucāmbaraiḥ kalpitāsane ghusṛṇabhāsure paryaśobhathāḥ ||6||
katividhā kṛpā ke'pi sarvato dhṛtadayodayāḥ kecidāśrite |
katicidīdṛśā mādṛśeṣvapītyabhihito bhavān vallavījanaiḥ ||7||
ayi kumārikā naiva śaṅkyatāṃ kaṭhinatā mayi premakātare |
mayi tu cetaso vo'nuvṛttaye kṛtamidaṃ mayetyūcivān bhavān ||8||
ayi niśamyatāṃ jīvavallabhāḥ priyatamo jano nedṛśo mama |
tadiha ramyatāṃ ramyayāminīṣvanuparodhamityālapo vibho ||9||
iti girādhikaṃ modamedurairvrajavadhūjanaiḥ sākamāraman |
kalitakautuko rāsakhelane gurupurīpate pāhi māṃ gadāt ||10||
Sanskrit — Devanagari (original)
तव विलोकनाद्गोपिकाजनाः प्रमदसङ्कुलाः पङ्कजेक्षण ।
अमृतधारया सम्प्लुता इव स्तिमिततां दधुस्त्वत्पुरोगताः ॥1॥
तदनु काचन त्वत्कराम्बुजं सपदि गृह्णती निर्विशङ्कितम् ।
घनपयोधरे सन्निधाय सा पुलकसंवृता तस्थुषी चिरम् ॥2॥
तव विभोऽपरा कोमलं भुजं निजगलान्तरे पर्यवेष्टयत् ।
गलसमुद्गतं प्राणमारुतं प्रतिनिरुन्धतीवातिहर्षुला ॥3॥
अपगतत्रपा कापि कामिनी तव मुखाम्बुजात् पूगचर्वितम् ।
प्रतिगृहय्य तद्वक्त्रपङ्कजे निदधती गता पूर्णकामताम् ॥4॥
विकरुणो वने संविहाय मामपगतोऽसि का त्वामिह स्पृशेत् ।
इति सरोषया तावदेकया सजललोचनं वीक्षितो भवान् ॥5॥
इति मुदाऽऽकुलैर्वल्लवीजनैः सममुपागतो यामुने तटे ।
मृदुकुचाम्बरैः कल्पितासने घुसृणभासुरे पर्यशोभथाः ॥6॥
कतिविधा कृपा केऽपि सर्वतो धृतदयोदयाः केचिदाश्रिते ।
कतिचिदीदृशा मादृशेष्वपीत्यभिहितो भवान् वल्लवीजनैः ॥7॥
अयि कुमारिका नैव शङ्क्यतां कठिनता मयि प्रेमकातरे ।
मयि तु चेतसो वोऽनुवृत्तये कृतमिदं मयेत्यूचिवान् भवान् ॥8॥
अयि निशम्यतां जीववल्लभाः प्रियतमो जनो नेदृशो मम ।
तदिह रम्यतां रम्ययामिनीष्वनुपरोधमित्यालपो विभो ॥9॥
इति गिराधिकं मोदमेदुरैर्व्रजवधूजनैः साकमारमन् ।
कलितकौतुको रासखेलने गुरुपुरीपते पाहि मां गदात् ॥10॥
tava vilokanādgopikājanāḥ pramadasaṅkulāḥ paṅkajekṣaṇa |
amṛtadhārayā samplutā iva stimitatāṃ dadhustvatpurogatāḥ ||1||
tadanu kācana tvatkarāmbujaṃ sapadi gṛhṇatī nirviśaṅkitam |
ghanapayodhare sannidhāya sā pulakasaṃvṛtā tasthuṣī ciram ||2||
tava vibho'parā komalaṃ bhujaṃ nijagalāntare paryaveṣṭayat |
galasamudgataṃ prāṇamārutaṃ pratinirundhatīvātiharṣulā ||3||
apagatatrapā kāpi kāminī tava mukhāmbujāt pūgacarvitam |
pratigṛhayya tadvaktrapaṅkaje nidadhatī gatā pūrṇakāmatām ||4||
vikaruṇo vane saṃvihāya māmapagato'si kā tvāmiha spṛśet |
iti saroṣayā tāvadekayā sajalalocanaṃ vīkṣito bhavān ||5||
iti mudā''kulairvallavījanaiḥ samamupāgato yāmune taṭe |
mṛdukucāmbaraiḥ kalpitāsane ghusṛṇabhāsure paryaśobhathāḥ ||6||
katividhā kṛpā ke'pi sarvato dhṛtadayodayāḥ kecidāśrite |
katicidīdṛśā mādṛśeṣvapītyabhihito bhavān vallavījanaiḥ ||7||
ayi kumārikā naiva śaṅkyatāṃ kaṭhinatā mayi premakātare |
mayi tu cetaso vo'nuvṛttaye kṛtamidaṃ mayetyūcivān bhavān ||8||
ayi niśamyatāṃ jīvavallabhāḥ priyatamo jano nedṛśo mama |
tadiha ramyatāṃ ramyayāminīṣvanuparodhamityālapo vibho ||9||
iti girādhikaṃ modamedurairvrajavadhūjanaiḥ sākamāraman |
kalitakautuko rāsakhelane gurupurīpate pāhi māṃ gadāt ||10||
🕉️ This is the original Sanskrit rendered in Bengali script.
Pronunciation is identical to the Sanskrit Devanagari version.