தவ விலோகநாத்கோபிகாஜநாஃ ப்ரமதஸங்குலாஃ பங்கஜேக்ஷண ।
அம்ரு'ததாரயா ஸம்ப்லுதா இவ ஸ்திமிததாம் ததுஸ்த்வத்புரோகதாஃ ॥1॥
ததநு காசந த்வத்கராம்புஜம் ஸபதி க்ரு'ஹ்ணதீ நிர்விஶங்கிதம் ।
கநபயோதரே ஸந்நிதாய ஸா புலகஸம்வ்ரு'தா தஸ்துஷீ சிரம் ॥2॥
தவ விபோऽபரா கோமலம் புஜம் நிஜகலாந்தரே பர்யவேஷ்டயத் ।
கலஸமுத்கதம் ப்ராணமாருதம் ப்ரதிநிருந்ததீவாதிஹர்ஷுலா ॥3॥
அபகதத்ரபா காபி காமிநீ தவ முகாம்புஜாத் பூகசர்விதம் ।
ப்ரதிக்ரு'ஹய்ய தத்வக்த்ரபங்கஜே நிதததீ கதா பூர்ணகாமதாம் ॥4॥
விகருணோ வநே ஸம்விஹாய மாமபகதோऽஸி கா த்வாமிஹ ஸ்ப்ரு'ஶேத் ।
இதி ஸரோஷயா தாவதேகயா ஸஜலலோசநம் வீக்ஷிதோ பவாந் ॥5॥
இதி முதாऽऽகுலைர்வல்லவீஜநைஃ ஸமமுபாகதோ யாமுநே தடே ।
ம்ரு'துகுசாம்பரைஃ கல்பிதாஸநே குஸ்ரு'ணபாஸுரே பர்யஶோபதாஃ ॥6॥
கதிவிதா க்ரு'பா கேऽபி ஸர்வதோ த்ரு'ததயோதயாஃ கேசிதாஶ்ரிதே ।
கதிசிதீத்ரு'ஶா மாத்ரு'ஶேஷ்வபீத்யபிஹிதோ பவாந் வல்லவீஜநைஃ ॥7॥
அயி குமாரிகா நைவ ஶங்க்யதாம் கடிநதா மயி ப்ரேமகாதரே ।
மயி து சேதஸோ வோऽநுவ்ரு'த்தயே க்ரு'தமிதம் மயேத்யூசிவாந் பவாந் ॥8॥
அயி நிஶம்யதாம் ஜீவவல்லபாஃ ப்ரியதமோ ஜநோ நேத்ரு'ஶோ மம ।
ததிஹ ரம்யதாம் ரம்யயாமிநீஷ்வநுபரோதமித்யாலபோ விபோ ॥9॥
இதி கிராதிகம் மோதமேதுரைர்வ்ரஜவதூஜநைஃ ஸாகமாரமந் ।
கலிதகௌதுகோ ராஸகேலநே குருபுரீபதே பாஹி மாம் கதாத் ॥10॥
Roman (IAST) Transliteration
tava vilokanādgopikājanāḥ pramadasaṅkulāḥ paṅkajekṣaṇa |
amṛtadhārayā samplutā iva stimitatāṃ dadhustvatpurogatāḥ ||1||
tadanu kācana tvatkarāmbujaṃ sapadi gṛhṇatī nirviśaṅkitam |
ghanapayodhare sannidhāya sā pulakasaṃvṛtā tasthuṣī ciram ||2||
tava vibho'parā komalaṃ bhujaṃ nijagalāntare paryaveṣṭayat |
galasamudgataṃ prāṇamārutaṃ pratinirundhatīvātiharṣulā ||3||
apagatatrapā kāpi kāminī tava mukhāmbujāt pūgacarvitam |
pratigṛhayya tadvaktrapaṅkaje nidadhatī gatā pūrṇakāmatām ||4||
vikaruṇo vane saṃvihāya māmapagato'si kā tvāmiha spṛśet |
iti saroṣayā tāvadekayā sajalalocanaṃ vīkṣito bhavān ||5||
iti mudā''kulairvallavījanaiḥ samamupāgato yāmune taṭe |
mṛdukucāmbaraiḥ kalpitāsane ghusṛṇabhāsure paryaśobhathāḥ ||6||
katividhā kṛpā ke'pi sarvato dhṛtadayodayāḥ kecidāśrite |
katicidīdṛśā mādṛśeṣvapītyabhihito bhavān vallavījanaiḥ ||7||
ayi kumārikā naiva śaṅkyatāṃ kaṭhinatā mayi premakātare |
mayi tu cetaso vo'nuvṛttaye kṛtamidaṃ mayetyūcivān bhavān ||8||
ayi niśamyatāṃ jīvavallabhāḥ priyatamo jano nedṛśo mama |
tadiha ramyatāṃ ramyayāminīṣvanuparodhamityālapo vibho ||9||
iti girādhikaṃ modamedurairvrajavadhūjanaiḥ sākamāraman |
kalitakautuko rāsakhelane gurupurīpate pāhi māṃ gadāt ||10||
Sanskrit — Devanagari (original)
तव विलोकनाद्गोपिकाजनाः प्रमदसङ्कुलाः पङ्कजेक्षण ।
अमृतधारया सम्प्लुता इव स्तिमिततां दधुस्त्वत्पुरोगताः ॥1॥
तदनु काचन त्वत्कराम्बुजं सपदि गृह्णती निर्विशङ्कितम् ।
घनपयोधरे सन्निधाय सा पुलकसंवृता तस्थुषी चिरम् ॥2॥
तव विभोऽपरा कोमलं भुजं निजगलान्तरे पर्यवेष्टयत् ।
गलसमुद्गतं प्राणमारुतं प्रतिनिरुन्धतीवातिहर्षुला ॥3॥
अपगतत्रपा कापि कामिनी तव मुखाम्बुजात् पूगचर्वितम् ।
प्रतिगृहय्य तद्वक्त्रपङ्कजे निदधती गता पूर्णकामताम् ॥4॥
विकरुणो वने संविहाय मामपगतोऽसि का त्वामिह स्पृशेत् ।
इति सरोषया तावदेकया सजललोचनं वीक्षितो भवान् ॥5॥
इति मुदाऽऽकुलैर्वल्लवीजनैः सममुपागतो यामुने तटे ।
मृदुकुचाम्बरैः कल्पितासने घुसृणभासुरे पर्यशोभथाः ॥6॥
कतिविधा कृपा केऽपि सर्वतो धृतदयोदयाः केचिदाश्रिते ।
कतिचिदीदृशा मादृशेष्वपीत्यभिहितो भवान् वल्लवीजनैः ॥7॥
अयि कुमारिका नैव शङ्क्यतां कठिनता मयि प्रेमकातरे ।
मयि तु चेतसो वोऽनुवृत्तये कृतमिदं मयेत्यूचिवान् भवान् ॥8॥
अयि निशम्यतां जीववल्लभाः प्रियतमो जनो नेदृशो मम ।
तदिह रम्यतां रम्ययामिनीष्वनुपरोधमित्यालपो विभो ॥9॥
इति गिराधिकं मोदमेदुरैर्व्रजवधूजनैः साकमारमन् ।
कलितकौतुको रासखेलने गुरुपुरीपते पाहि मां गदात् ॥10॥
tava vilokanādgopikājanāḥ pramadasaṅkulāḥ paṅkajekṣaṇa |
amṛtadhārayā samplutā iva stimitatāṃ dadhustvatpurogatāḥ ||1||
tadanu kācana tvatkarāmbujaṃ sapadi gṛhṇatī nirviśaṅkitam |
ghanapayodhare sannidhāya sā pulakasaṃvṛtā tasthuṣī ciram ||2||
tava vibho'parā komalaṃ bhujaṃ nijagalāntare paryaveṣṭayat |
galasamudgataṃ prāṇamārutaṃ pratinirundhatīvātiharṣulā ||3||
apagatatrapā kāpi kāminī tava mukhāmbujāt pūgacarvitam |
pratigṛhayya tadvaktrapaṅkaje nidadhatī gatā pūrṇakāmatām ||4||
vikaruṇo vane saṃvihāya māmapagato'si kā tvāmiha spṛśet |
iti saroṣayā tāvadekayā sajalalocanaṃ vīkṣito bhavān ||5||
iti mudā''kulairvallavījanaiḥ samamupāgato yāmune taṭe |
mṛdukucāmbaraiḥ kalpitāsane ghusṛṇabhāsure paryaśobhathāḥ ||6||
katividhā kṛpā ke'pi sarvato dhṛtadayodayāḥ kecidāśrite |
katicidīdṛśā mādṛśeṣvapītyabhihito bhavān vallavījanaiḥ ||7||
ayi kumārikā naiva śaṅkyatāṃ kaṭhinatā mayi premakātare |
mayi tu cetaso vo'nuvṛttaye kṛtamidaṃ mayetyūcivān bhavān ||8||
ayi niśamyatāṃ jīvavallabhāḥ priyatamo jano nedṛśo mama |
tadiha ramyatāṃ ramyayāminīṣvanuparodhamityālapo vibho ||9||
iti girādhikaṃ modamedurairvrajavadhūjanaiḥ sākamāraman |
kalitakautuko rāsakhelane gurupurīpate pāhi māṃ gadāt ||10||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.