ருசிரகம்பிதகுண்டலமண்டலஃ ஸுசிரமீஶ நநர்தித பந்நகே ।
அமரதாடிததுந்துபிஸுந்தரம் வியதி காயதி தைவதயௌவதே ॥1॥
நமதி யத்யதமுஷ்ய ஶிரோ ஹரே பரிவிஹாய ததுந்நதமுந்நதம் ।
பரிமதந் பதபங்கருஹா சிரம் வ்யஹரதாஃ கரதாலமநோஹரம் ॥2॥
த்வதவபக்நவிபுக்நபணாகணே கலிதஶோணிதஶோணிதபாதஸி ।
பணிபதாவவஸீததி ஸந்நதாஸ்ததபலாஸ்தவ மாதவ பாதயோஃ ॥3॥
அயி புரைவ சிராய பரிஶ்ருதத்வதநுபாவவிலீநஹ்ரு'தோ ஹி தாஃ ।
முநிபிரப்யநவாப்யபதைஃ ஸ்தவைர்நுநுவுரீஶ பவந்தமயந்த்ரிதம் ॥4॥
பணிவதூகணபக்திவிலோகநப்ரவிகஸத்கருணாகுலசேதஸா ।
பணிபதிர்பவதாऽச்யுத ஜீவிதஸ்த்வயி ஸமர்பிதமூர்திரவாநமத் ॥5॥
ரமணகம் வ்ரஜ வாரிதிமத்யகம் பணிரிபுர்ந கரோதி விரோதிதாம் ।
இதி பவத்வசநாந்யதிமாநயந் பணிபதிர்நிரகாதுரகைஃ ஸமம் ॥6॥
பணிவதூஜநதத்தமணிவ்ரஜஜ்வலிதஹாரதுகூலவிபூஷிதஃ ।
தடகதைஃ ப்ரமதாஶ்ருவிமிஶ்ரிதைஃ ஸமகதாஃ ஸ்வஜநைர்திவஸாவதௌ ॥7॥
நிஶி புநஸ்தமஸா வ்ரஜமந்திரம் வ்ரஜிதுமக்ஷம ஏவ ஜநோத்கரே ।
ஸ்வபதி தத்ர பவச்சரணாஶ்ரயே தவக்ரு'ஶாநுரருந்த ஸமந்ததஃ ॥8॥
ப்ரபுதிதாநத பாலய பாலயேத்யுதயதார்தரவாந் பஶுபாலகாந் ।
அவிதுமாஶு பபாத மஹாநலம் கிமிஹ சித்ரமயம் கலு தே முகம் ॥9॥
ஶிகிநி வர்ணத ஏவ ஹி பீததா பரிலஸத்யதுநா க்ரியயாऽப்யஸௌ ।
இதி நுதஃ பஶுபைர்முதிதைர்விபோ ஹர ஹரே துரிதைஃஸஹ மே கதாந் ॥10॥
Roman (IAST) Transliteration
rucirakampitakuṇḍalamaṇḍalaḥ suciramīśa nanartitha pannage |
amaratāḍitadundubhisundaraṃ viyati gāyati daivatayauvate ||1||
namati yadyadamuṣya śiro hare parivihāya tadunnatamunnatam |
parimathan padapaṅkaruhā ciraṃ vyaharathāḥ karatālamanoharam ||2||
tvadavabhagnavibhugnaphaṇāgaṇe galitaśoṇitaśoṇitapāthasi |
phaṇipatāvavasīdati sannatāstadabalāstava mādhava pādayoḥ ||3||
ayi puraiva cirāya pariśrutatvadanubhāvavilīnahṛdo hi tāḥ |
munibhirapyanavāpyapathaiḥ stavairnunuvurīśa bhavantamayantritam ||4||
phaṇivadhūgaṇabhaktivilokanapravikasatkaruṇākulacetasā |
phaṇipatirbhavatā'cyuta jīvitastvayi samarpitamūrtiravānamat ||5||
ramaṇakaṃ vraja vāridhimadhyagaṃ phaṇiripurna karoti virodhitām |
iti bhavadvacanānyatimānayan phaṇipatirniragāduragaiḥ samam ||6||
phaṇivadhūjanadattamaṇivrajajvalitahāradukūlavibhūṣitaḥ |
taṭagataiḥ pramadāśruvimiśritaiḥ samagathāḥ svajanairdivasāvadhau ||7||
niśi punastamasā vrajamandiraṃ vrajitumakṣama eva janotkare |
svapati tatra bhavaccaraṇāśraye davakṛśānurarundha samantataḥ ||8||
prabudhitānatha pālaya pālayetyudayadārtaravān paśupālakān |
avitumāśu papātha mahānalaṃ kimiha citramayaṃ khalu te mukham ||9||
śikhini varṇata eva hi pītatā parilasatyadhunā kriyayā'pyasau |
iti nutaḥ paśupairmuditairvibho hara hare duritaiḥsaha me gadān ||10||
Sanskrit — Devanagari (original)
रुचिरकम्पितकुण्डलमण्डलः सुचिरमीश ननर्तिथ पन्नगे ।
अमरताडितदुन्दुभिसुन्दरं वियति गायति दैवतयौवते ॥1॥
नमति यद्यदमुष्य शिरो हरे परिविहाय तदुन्नतमुन्नतम् ।
परिमथन् पदपङ्करुहा चिरं व्यहरथाः करतालमनोहरम् ॥2॥
त्वदवभग्नविभुग्नफणागणे गलितशोणितशोणितपाथसि ।
फणिपताववसीदति सन्नतास्तदबलास्तव माधव पादयोः ॥3॥
अयि पुरैव चिराय परिश्रुतत्वदनुभावविलीनहृदो हि ताः ।
मुनिभिरप्यनवाप्यपथैः स्तवैर्नुनुवुरीश भवन्तमयन्त्रितम् ॥4॥
फणिवधूगणभक्तिविलोकनप्रविकसत्करुणाकुलचेतसा ।
फणिपतिर्भवताऽच्युत जीवितस्त्वयि समर्पितमूर्तिरवानमत् ॥5॥
रमणकं व्रज वारिधिमध्यगं फणिरिपुर्न करोति विरोधिताम् ।
इति भवद्वचनान्यतिमानयन् फणिपतिर्निरगादुरगैः समम् ॥6॥
फणिवधूजनदत्तमणिव्रजज्वलितहारदुकूलविभूषितः ।
तटगतैः प्रमदाश्रुविमिश्रितैः समगथाः स्वजनैर्दिवसावधौ ॥7॥
निशि पुनस्तमसा व्रजमन्दिरं व्रजितुमक्षम एव जनोत्करे ।
स्वपति तत्र भवच्चरणाश्रये दवकृशानुररुन्ध समन्ततः ॥8॥
प्रबुधितानथ पालय पालयेत्युदयदार्तरवान् पशुपालकान् ।
अवितुमाशु पपाथ महानलं किमिह चित्रमयं खलु ते मुखम् ॥9॥
शिखिनि वर्णत एव हि पीतता परिलसत्यधुना क्रिययाऽप्यसौ ।
इति नुतः पशुपैर्मुदितैर्विभो हर हरे दुरितैःसह मे गदान् ॥10॥
rucirakampitakuṇḍalamaṇḍalaḥ suciramīśa nanartitha pannage |
amaratāḍitadundubhisundaraṃ viyati gāyati daivatayauvate ||1||
namati yadyadamuṣya śiro hare parivihāya tadunnatamunnatam |
parimathan padapaṅkaruhā ciraṃ vyaharathāḥ karatālamanoharam ||2||
tvadavabhagnavibhugnaphaṇāgaṇe galitaśoṇitaśoṇitapāthasi |
phaṇipatāvavasīdati sannatāstadabalāstava mādhava pādayoḥ ||3||
ayi puraiva cirāya pariśrutatvadanubhāvavilīnahṛdo hi tāḥ |
munibhirapyanavāpyapathaiḥ stavairnunuvurīśa bhavantamayantritam ||4||
phaṇivadhūgaṇabhaktivilokanapravikasatkaruṇākulacetasā |
phaṇipatirbhavatā'cyuta jīvitastvayi samarpitamūrtiravānamat ||5||
ramaṇakaṃ vraja vāridhimadhyagaṃ phaṇiripurna karoti virodhitām |
iti bhavadvacanānyatimānayan phaṇipatirniragāduragaiḥ samam ||6||
phaṇivadhūjanadattamaṇivrajajvalitahāradukūlavibhūṣitaḥ |
taṭagataiḥ pramadāśruvimiśritaiḥ samagathāḥ svajanairdivasāvadhau ||7||
niśi punastamasā vrajamandiraṃ vrajitumakṣama eva janotkare |
svapati tatra bhavaccaraṇāśraye davakṛśānurarundha samantataḥ ||8||
prabudhitānatha pālaya pālayetyudayadārtaravān paśupālakān |
avitumāśu papātha mahānalaṃ kimiha citramayaṃ khalu te mukham ||9||
śikhini varṇata eva hi pītatā parilasatyadhunā kriyayā'pyasau |
iti nutaḥ paśupairmuditairvibho hara hare duritaiḥsaha me gadān ||10||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.