𑌰𑍁𑌚𑌿𑌰𑌕𑌮𑍍𑌪𑌿𑌤𑌕𑍁𑌣𑍍𑌡𑌲𑌮𑌣𑍍𑌡𑌲𑌃 𑌸𑍁𑌚𑌿𑌰𑌮𑍀𑌶 𑌨𑌨𑌰𑍍𑌤𑌿𑌥 𑌪𑌨𑍍𑌨𑌗𑍇 ।
𑌅𑌮𑌰𑌤𑌾𑌡𑌿𑌤𑌦𑍁𑌨𑍍𑌦𑍁𑌭𑌿𑌸𑍁𑌨𑍍𑌦𑌰𑌂 𑌵𑌿𑌯𑌤𑌿 𑌗𑌾𑌯𑌤𑌿 𑌦𑍈𑌵𑌤𑌯𑍗𑌵𑌤𑍇 ॥1॥
𑌨𑌮𑌤𑌿 𑌯𑌦𑍍𑌯𑌦𑌮𑍁𑌷𑍍𑌯 𑌶𑌿𑌰𑍋 𑌹𑌰𑍇 𑌪𑌰𑌿𑌵𑌿𑌹𑌾𑌯 𑌤𑌦𑍁𑌨𑍍𑌨𑌤𑌮𑍁𑌨𑍍𑌨𑌤𑌮𑍍 ।
𑌪𑌰𑌿𑌮𑌥𑌨𑍍 𑌪𑌦𑌪𑌙𑍍𑌕𑌰𑍁𑌹𑌾 𑌚𑌿𑌰𑌂 𑌵𑍍𑌯𑌹𑌰𑌥𑌾𑌃 𑌕𑌰𑌤𑌾𑌲𑌮𑌨𑍋𑌹𑌰𑌮𑍍 ॥2॥
𑌤𑍍𑌵𑌦𑌵𑌭𑌗𑍍𑌨𑌵𑌿𑌭𑍁𑌗𑍍𑌨𑌫𑌣𑌾𑌗𑌣𑍇 𑌗𑌲𑌿𑌤𑌶𑍋𑌣𑌿𑌤𑌶𑍋𑌣𑌿𑌤𑌪𑌾𑌥𑌸𑌿 ।
𑌫𑌣𑌿𑌪𑌤𑌾𑌵𑌵𑌸𑍀𑌦𑌤𑌿 𑌸𑌨𑍍𑌨𑌤𑌾𑌸𑍍𑌤𑌦𑌬𑌲𑌾𑌸𑍍𑌤𑌵 𑌮𑌾𑌧𑌵 𑌪𑌾𑌦𑌯𑍋𑌃 ॥3॥
𑌅𑌯𑌿 𑌪𑍁𑌰𑍈𑌵 𑌚𑌿𑌰𑌾𑌯 𑌪𑌰𑌿𑌶𑍍𑌰𑍁𑌤𑌤𑍍𑌵𑌦𑌨𑍁𑌭𑌾𑌵𑌵𑌿𑌲𑍀𑌨𑌹𑍃𑌦𑍋 𑌹𑌿 𑌤𑌾𑌃 ।
𑌮𑍁𑌨𑌿𑌭𑌿𑌰𑌪𑍍𑌯𑌨𑌵𑌾𑌪𑍍𑌯𑌪𑌥𑍈𑌃 𑌸𑍍𑌤𑌵𑍈𑌰𑍍𑌨𑍁𑌨𑍁𑌵𑍁𑌰𑍀𑌶 𑌭𑌵𑌨𑍍𑌤𑌮𑌯𑌨𑍍𑌤𑍍𑌰𑌿𑌤𑌮𑍍 ॥4॥
𑌫𑌣𑌿𑌵𑌧𑍂𑌗𑌣𑌭𑌕𑍍𑌤𑌿𑌵𑌿𑌲𑍋𑌕𑌨𑌪𑍍𑌰𑌵𑌿𑌕𑌸𑌤𑍍𑌕𑌰𑍁𑌣𑌾𑌕𑍁𑌲𑌚𑍇𑌤𑌸𑌾 ।
𑌫𑌣𑌿𑌪𑌤𑌿𑌰𑍍𑌭𑌵𑌤𑌾𑌽𑌚𑍍𑌯𑍁𑌤 𑌜𑍀𑌵𑌿𑌤𑌸𑍍𑌤𑍍𑌵𑌯𑌿 𑌸𑌮𑌰𑍍𑌪𑌿𑌤𑌮𑍂𑌰𑍍𑌤𑌿𑌰𑌵𑌾𑌨𑌮𑌤𑍍 ॥5॥
𑌰𑌮𑌣𑌕𑌂 𑌵𑍍𑌰𑌜 𑌵𑌾𑌰𑌿𑌧𑌿𑌮𑌧𑍍𑌯𑌗𑌂 𑌫𑌣𑌿𑌰𑌿𑌪𑍁𑌰𑍍𑌨 𑌕𑌰𑍋𑌤𑌿 𑌵𑌿𑌰𑍋𑌧𑌿𑌤𑌾𑌮𑍍 ।
𑌇𑌤𑌿 𑌭𑌵𑌦𑍍𑌵𑌚𑌨𑌾𑌨𑍍𑌯𑌤𑌿𑌮𑌾𑌨𑌯𑌨𑍍 𑌫𑌣𑌿𑌪𑌤𑌿𑌰𑍍𑌨𑌿𑌰𑌗𑌾𑌦𑍁𑌰𑌗𑍈𑌃 𑌸𑌮𑌮𑍍 ॥6॥
𑌫𑌣𑌿𑌵𑌧𑍂𑌜𑌨𑌦𑌤𑍍𑌤𑌮𑌣𑌿𑌵𑍍𑌰𑌜𑌜𑍍𑌵𑌲𑌿𑌤𑌹𑌾𑌰𑌦𑍁𑌕𑍂𑌲𑌵𑌿𑌭𑍂𑌷𑌿𑌤𑌃 ।
𑌤𑌟𑌗𑌤𑍈𑌃 𑌪𑍍𑌰𑌮𑌦𑌾𑌶𑍍𑌰𑍁𑌵𑌿𑌮𑌿𑌶𑍍𑌰𑌿𑌤𑍈𑌃 𑌸𑌮𑌗𑌥𑌾𑌃 𑌸𑍍𑌵𑌜𑌨𑍈𑌰𑍍𑌦𑌿𑌵𑌸𑌾𑌵𑌧𑍗 ॥7॥
𑌨𑌿𑌶𑌿 𑌪𑍁𑌨𑌸𑍍𑌤𑌮𑌸𑌾 𑌵𑍍𑌰𑌜𑌮𑌨𑍍𑌦𑌿𑌰𑌂 𑌵𑍍𑌰𑌜𑌿𑌤𑍁𑌮𑌕𑍍𑌷𑌮 𑌏𑌵 𑌜𑌨𑍋𑌤𑍍𑌕𑌰𑍇 ।
𑌸𑍍𑌵𑌪𑌤𑌿 𑌤𑌤𑍍𑌰 𑌭𑌵𑌚𑍍𑌚𑌰𑌣𑌾𑌶𑍍𑌰𑌯𑍇 𑌦𑌵𑌕𑍃𑌶𑌾𑌨𑍁𑌰𑌰𑍁𑌨𑍍𑌧 𑌸𑌮𑌨𑍍𑌤𑌤𑌃 ॥8॥
𑌪𑍍𑌰𑌬𑍁𑌧𑌿𑌤𑌾𑌨𑌥 𑌪𑌾𑌲𑌯 𑌪𑌾𑌲𑌯𑍇𑌤𑍍𑌯𑍁𑌦𑌯𑌦𑌾𑌰𑍍𑌤𑌰𑌵𑌾𑌨𑍍 𑌪𑌶𑍁𑌪𑌾𑌲𑌕𑌾𑌨𑍍 ।
𑌅𑌵𑌿𑌤𑍁𑌮𑌾𑌶𑍁 𑌪𑌪𑌾𑌥 𑌮𑌹𑌾𑌨𑌲𑌂 𑌕𑌿𑌮𑌿𑌹 𑌚𑌿𑌤𑍍𑌰𑌮𑌯𑌂 𑌖𑌲𑍁 𑌤𑍇 𑌮𑍁𑌖𑌮𑍍 ॥9॥
𑌶𑌿𑌖𑌿𑌨𑌿 𑌵𑌰𑍍𑌣𑌤 𑌏𑌵 𑌹𑌿 𑌪𑍀𑌤𑌤𑌾 𑌪𑌰𑌿𑌲𑌸𑌤𑍍𑌯𑌧𑍁𑌨𑌾 𑌕𑍍𑌰𑌿𑌯𑌯𑌾𑌽𑌪𑍍𑌯𑌸𑍗 ।
𑌇𑌤𑌿 𑌨𑍁𑌤𑌃 𑌪𑌶𑍁𑌪𑍈𑌰𑍍𑌮𑍁𑌦𑌿𑌤𑍈𑌰𑍍𑌵𑌿𑌭𑍋 𑌹𑌰 𑌹𑌰𑍇 𑌦𑍁𑌰𑌿𑌤𑍈𑌃𑌸𑌹 𑌮𑍇 𑌗𑌦𑌾𑌨𑍍 ॥10॥
Roman (IAST) Transliteration
rucirakampitakuṇḍalamaṇḍalaḥ suciramīśa nanartitha pannage |
amaratāḍitadundubhisundaraṃ viyati gāyati daivatayauvate ||1||
namati yadyadamuṣya śiro hare parivihāya tadunnatamunnatam |
parimathan padapaṅkaruhā ciraṃ vyaharathāḥ karatālamanoharam ||2||
tvadavabhagnavibhugnaphaṇāgaṇe galitaśoṇitaśoṇitapāthasi |
phaṇipatāvavasīdati sannatāstadabalāstava mādhava pādayoḥ ||3||
ayi puraiva cirāya pariśrutatvadanubhāvavilīnahṛdo hi tāḥ |
munibhirapyanavāpyapathaiḥ stavairnunuvurīśa bhavantamayantritam ||4||
phaṇivadhūgaṇabhaktivilokanapravikasatkaruṇākulacetasā |
phaṇipatirbhavatā'cyuta jīvitastvayi samarpitamūrtiravānamat ||5||
ramaṇakaṃ vraja vāridhimadhyagaṃ phaṇiripurna karoti virodhitām |
iti bhavadvacanānyatimānayan phaṇipatirniragāduragaiḥ samam ||6||
phaṇivadhūjanadattamaṇivrajajvalitahāradukūlavibhūṣitaḥ |
taṭagataiḥ pramadāśruvimiśritaiḥ samagathāḥ svajanairdivasāvadhau ||7||
niśi punastamasā vrajamandiraṃ vrajitumakṣama eva janotkare |
svapati tatra bhavaccaraṇāśraye davakṛśānurarundha samantataḥ ||8||
prabudhitānatha pālaya pālayetyudayadārtaravān paśupālakān |
avitumāśu papātha mahānalaṃ kimiha citramayaṃ khalu te mukham ||9||
śikhini varṇata eva hi pītatā parilasatyadhunā kriyayā'pyasau |
iti nutaḥ paśupairmuditairvibho hara hare duritaiḥsaha me gadān ||10||
Sanskrit — Devanagari (original)
रुचिरकम्पितकुण्डलमण्डलः सुचिरमीश ननर्तिथ पन्नगे ।
अमरताडितदुन्दुभिसुन्दरं वियति गायति दैवतयौवते ॥1॥
नमति यद्यदमुष्य शिरो हरे परिविहाय तदुन्नतमुन्नतम् ।
परिमथन् पदपङ्करुहा चिरं व्यहरथाः करतालमनोहरम् ॥2॥
त्वदवभग्नविभुग्नफणागणे गलितशोणितशोणितपाथसि ।
फणिपताववसीदति सन्नतास्तदबलास्तव माधव पादयोः ॥3॥
अयि पुरैव चिराय परिश्रुतत्वदनुभावविलीनहृदो हि ताः ।
मुनिभिरप्यनवाप्यपथैः स्तवैर्नुनुवुरीश भवन्तमयन्त्रितम् ॥4॥
फणिवधूगणभक्तिविलोकनप्रविकसत्करुणाकुलचेतसा ।
फणिपतिर्भवताऽच्युत जीवितस्त्वयि समर्पितमूर्तिरवानमत् ॥5॥
रमणकं व्रज वारिधिमध्यगं फणिरिपुर्न करोति विरोधिताम् ।
इति भवद्वचनान्यतिमानयन् फणिपतिर्निरगादुरगैः समम् ॥6॥
फणिवधूजनदत्तमणिव्रजज्वलितहारदुकूलविभूषितः ।
तटगतैः प्रमदाश्रुविमिश्रितैः समगथाः स्वजनैर्दिवसावधौ ॥7॥
निशि पुनस्तमसा व्रजमन्दिरं व्रजितुमक्षम एव जनोत्करे ।
स्वपति तत्र भवच्चरणाश्रये दवकृशानुररुन्ध समन्ततः ॥8॥
प्रबुधितानथ पालय पालयेत्युदयदार्तरवान् पशुपालकान् ।
अवितुमाशु पपाथ महानलं किमिह चित्रमयं खलु ते मुखम् ॥9॥
शिखिनि वर्णत एव हि पीतता परिलसत्यधुना क्रिययाऽप्यसौ ।
इति नुतः पशुपैर्मुदितैर्विभो हर हरे दुरितैःसह मे गदान् ॥10॥
rucirakampitakuṇḍalamaṇḍalaḥ suciramīśa nanartitha pannage |
amaratāḍitadundubhisundaraṃ viyati gāyati daivatayauvate ||1||
namati yadyadamuṣya śiro hare parivihāya tadunnatamunnatam |
parimathan padapaṅkaruhā ciraṃ vyaharathāḥ karatālamanoharam ||2||
tvadavabhagnavibhugnaphaṇāgaṇe galitaśoṇitaśoṇitapāthasi |
phaṇipatāvavasīdati sannatāstadabalāstava mādhava pādayoḥ ||3||
ayi puraiva cirāya pariśrutatvadanubhāvavilīnahṛdo hi tāḥ |
munibhirapyanavāpyapathaiḥ stavairnunuvurīśa bhavantamayantritam ||4||
phaṇivadhūgaṇabhaktivilokanapravikasatkaruṇākulacetasā |
phaṇipatirbhavatā'cyuta jīvitastvayi samarpitamūrtiravānamat ||5||
ramaṇakaṃ vraja vāridhimadhyagaṃ phaṇiripurna karoti virodhitām |
iti bhavadvacanānyatimānayan phaṇipatirniragāduragaiḥ samam ||6||
phaṇivadhūjanadattamaṇivrajajvalitahāradukūlavibhūṣitaḥ |
taṭagataiḥ pramadāśruvimiśritaiḥ samagathāḥ svajanairdivasāvadhau ||7||
niśi punastamasā vrajamandiraṃ vrajitumakṣama eva janotkare |
svapati tatra bhavaccaraṇāśraye davakṛśānurarundha samantataḥ ||8||
prabudhitānatha pālaya pālayetyudayadārtaravān paśupālakān |
avitumāśu papātha mahānalaṃ kimiha citramayaṃ khalu te mukham ||9||
śikhini varṇata eva hi pītatā parilasatyadhunā kriyayā'pyasau |
iti nutaḥ paśupairmuditairvibho hara hare duritaiḥsaha me gadān ||10||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.