𑌮𑌧𑍍𑌯𑍋𑌦𑍍𑌭𑌵𑍇 𑌭𑍁𑌵 𑌇𑌲𑌾𑌵𑍃𑌤𑌨𑌾𑌮𑍍𑌨𑌿 𑌵𑌰𑍍𑌷𑍇
𑌗𑍗𑌰𑍀𑌪𑍍𑌰𑌧𑌾𑌨𑌵𑌨𑌿𑌤𑌾𑌜𑌨𑌮𑌾𑌤𑍍𑌰𑌭𑌾𑌜𑌿 ।
𑌶𑌰𑍍𑌵𑍇𑌣 𑌮𑌨𑍍𑌤𑍍𑌰𑌨𑍁𑌤𑌿𑌭𑌿𑌃 𑌸𑌮𑍁𑌪𑌾𑌸𑍍𑌯𑌮𑌾𑌨𑌂
𑌸𑌙𑍍𑌕𑌰𑍍𑌷𑌣𑌾𑌤𑍍𑌮𑌕𑌮𑌧𑍀𑌶𑍍𑌵𑌰 𑌸𑌂𑌶𑍍𑌰𑌯𑍇 𑌤𑍍𑌵𑌾𑌮𑍍 ॥1॥
𑌭𑌦𑍍𑌰𑌾𑌶𑍍𑌵𑌨𑌾𑌮𑌕 𑌇𑌲𑌾𑌵𑍃𑌤𑌪𑍂𑌰𑍍𑌵𑌵𑌰𑍍𑌷𑍇
𑌭𑌦𑍍𑌰𑌶𑍍𑌰𑌵𑍋𑌭𑌿𑌃 𑌋𑌷𑌿𑌭𑌿𑌃 𑌪𑌰𑌿𑌣𑍂𑌯𑌮𑌾𑌨𑌮𑍍 ।
𑌕𑌲𑍍𑌪𑌾𑌨𑍍𑌤𑌗𑍂𑌢𑌨𑌿𑌗𑌮𑍋𑌦𑍍𑌧𑌰𑌣𑌪𑍍𑌰𑌵𑍀𑌣𑌂
𑌧𑍍𑌯𑌾𑌯𑌾𑌮𑌿 𑌦𑍇𑌵 𑌹𑌯𑌶𑍀𑌰𑍍𑌷𑌤𑌨𑍁𑌂 𑌭𑌵𑌨𑍍𑌤𑌮𑍍 ॥2॥
𑌧𑍍𑌯𑌾𑌯𑌾𑌮𑌿 𑌦𑌕𑍍𑌷𑌿𑌣𑌗𑌤𑍇 𑌹𑌰𑌿𑌵𑌰𑍍𑌷𑌵𑌰𑍍𑌷𑍇
𑌪𑍍𑌰𑌹𑍍𑌲𑌾𑌦𑌮𑍁𑌖𑍍𑌯𑌪𑍁𑌰𑍁𑌷𑍈𑌃 𑌪𑌰𑌿𑌷𑍇𑌵𑍍𑌯𑌮𑌾𑌣𑌮𑍍 ।
𑌉𑌤𑍍𑌤𑍁𑌙𑍍𑌗𑌶𑌾𑌨𑍍𑌤𑌧𑌵𑌲𑌾𑌕𑍃𑌤𑌿𑌮𑍇𑌕𑌶𑍁𑌦𑍍𑌧-
𑌜𑍍𑌞𑌾𑌨𑌪𑍍𑌰𑌦𑌂 𑌨𑌰𑌹𑌰𑌿𑌂 𑌭𑌗𑌵𑌨𑍍 𑌭𑌵𑌨𑍍𑌤𑌮𑍍 ॥3॥
𑌵𑌰𑍍𑌷𑍇 𑌪𑍍𑌰𑌤𑍀𑌚𑌿 𑌲𑌲𑌿𑌤𑌾𑌤𑍍𑌮𑌨𑌿 𑌕𑍇𑌤𑍁𑌮𑌾𑌲𑍇
𑌲𑍀𑌲𑌾𑌵𑌿𑌶𑍇𑌷𑌲𑌲𑌿𑌤𑌸𑍍𑌮𑌿𑌤𑌶𑍋𑌭𑌨𑌾𑌙𑍍𑌗𑌮𑍍 ।
𑌲𑌕𑍍𑌷𑍍𑌮𑍍𑌯𑌾 𑌪𑍍𑌰𑌜𑌾𑌪𑌤𑌿𑌸𑍁𑌤𑍈𑌶𑍍𑌚 𑌨𑌿𑌷𑍇𑌵𑍍𑌯𑌮𑌾𑌣𑌂
𑌤𑌸𑍍𑌯𑌾𑌃 𑌪𑍍𑌰𑌿𑌯𑌾𑌯 𑌧𑍃𑌤𑌕𑌾𑌮𑌤𑌨𑍁𑌂 𑌭𑌜𑍇 𑌤𑍍𑌵𑌾𑌮𑍍 ॥4॥
𑌰𑌮𑍍𑌯𑍇 𑌹𑍍𑌯𑍁𑌦𑍀𑌚𑌿 𑌖𑌲𑍁 𑌰𑌮𑍍𑌯𑌕𑌨𑌾𑌮𑍍𑌨𑌿 𑌵𑌰𑍍𑌷𑍇
𑌤𑌦𑍍𑌵𑌰𑍍𑌷𑌨𑌾𑌥𑌮𑌨𑍁𑌵𑌰𑍍𑌯𑌸𑌪𑌰𑍍𑌯𑌮𑌾𑌣𑌮𑍍 ।
𑌭𑌕𑍍𑌤𑍈𑌕𑌵𑌤𑍍𑌸𑌲𑌮𑌮𑌤𑍍𑌸𑌰𑌹𑍃𑌤𑍍𑌸𑍁 𑌭𑌾𑌨𑍍𑌤𑌂
𑌮𑌤𑍍𑌸𑍍𑌯𑌾𑌕𑍃𑌤𑌿𑌂 𑌭𑍁𑌵𑌨𑌨𑌾𑌥 𑌭𑌜𑍇 𑌭𑌵𑌨𑍍𑌤𑌮𑍍 ॥5॥
𑌵𑌰𑍍𑌷𑌂 𑌹𑌿𑌰𑌣𑍍𑌮𑌯𑌸𑌮𑌾𑌹𑍍𑌵𑌯𑌮𑍗𑌤𑍍𑌤𑌰𑌾𑌹-
𑌮𑌾𑌸𑍀𑌨𑌮𑌦𑍍𑌰𑌿𑌧𑍃𑌤𑌿𑌕𑌰𑍍𑌮𑌠𑌕𑌾𑌮𑌠𑌾𑌙𑍍𑌗𑌮𑍍 ।
𑌸𑌂𑌸𑍇𑌵𑌤𑍇 𑌪𑌿𑌤𑍃𑌗𑌣𑌪𑍍𑌰𑌵𑌰𑍋𑌽𑌰𑍍𑌯𑌮𑌾 𑌯𑌂
𑌤𑌂 𑌤𑍍𑌵𑌾𑌂 𑌭𑌜𑌾𑌮𑌿 𑌭𑌗𑌵𑌨𑍍 𑌪𑌰𑌚𑌿𑌨𑍍𑌮𑌯𑌾𑌤𑍍𑌮𑌨𑍍 ॥6॥
𑌕𑌿𑌞𑍍𑌚𑍋𑌤𑍍𑌤𑌰𑍇𑌷𑍁 𑌕𑍁𑌰𑍁𑌷𑍁 𑌪𑍍𑌰𑌿𑌯𑌯𑌾 𑌧𑌰𑌣𑍍𑌯𑌾
𑌸𑌂𑌸𑍇𑌵𑌿𑌤𑍋 𑌮𑌹𑌿𑌤𑌮𑌨𑍍𑌤𑍍𑌰𑌨𑍁𑌤𑌿𑌪𑍍𑌰𑌭𑍇𑌦𑍈𑌃 ।
𑌦𑌂𑌷𑍍𑌟𑍍𑌰𑌾𑌗𑍍𑌰𑌘𑍃𑌷𑍍𑌟𑌘𑌨𑌪𑍃𑌷𑍍𑌠𑌗𑌰𑌿𑌷𑍍𑌠𑌵𑌰𑍍𑌷𑍍𑌮𑌾
𑌤𑍍𑌵𑌂 𑌪𑌾𑌹𑌿 𑌬𑌿𑌜𑍍𑌞𑌨𑍁𑌤 𑌯𑌜𑍍𑌞𑌵𑌰𑌾𑌹𑌮𑍂𑌰𑍍𑌤𑍇 ॥7॥
𑌯𑌾𑌮𑍍𑌯𑌾𑌂 𑌦𑌿𑌶𑌂 𑌭𑌜𑌤𑌿 𑌕𑌿𑌮𑍍𑌪𑍁𑌰𑍁𑌷𑌾𑌖𑍍𑌯𑌵𑌰𑍍𑌷𑍇
𑌸𑌂𑌸𑍇𑌵𑌿𑌤𑍋 𑌹𑌨𑍁𑌮𑌤𑌾 𑌦𑍃𑌢𑌭𑌕𑍍𑌤𑌿𑌭𑌾𑌜𑌾 ।
𑌸𑍀𑌤𑌾𑌭𑌿𑌰𑌾𑌮𑌪𑌰𑌮𑌾𑌦𑍍𑌭𑍁𑌤𑌰𑍂𑌪𑌶𑌾𑌲𑍀
𑌰𑌾𑌮𑌾𑌤𑍍𑌮𑌕𑌃 𑌪𑌰𑌿𑌲𑌸𑌨𑍍 𑌪𑌰𑌿𑌪𑌾𑌹𑌿 𑌵𑌿𑌷𑍍𑌣𑍋 ॥8॥
𑌶𑍍𑌰𑍀𑌨𑌾𑌰𑌦𑍇𑌨 𑌸𑌹 𑌭𑌾𑌰𑌤𑌖𑌣𑍍𑌡𑌮𑍁𑌖𑍍𑌯𑍈-
𑌸𑍍𑌤𑍍𑌵𑌂 𑌸𑌾𑌙𑍍𑌖𑍍𑌯𑌯𑍋𑌗𑌨𑍁𑌤𑌿𑌭𑌿𑌃 𑌸𑌮𑍁𑌪𑌾𑌸𑍍𑌯𑌮𑌾𑌨𑌃 ।
𑌆𑌕𑌲𑍍𑌪𑌕𑌾𑌲𑌮𑌿𑌹 𑌸𑌾𑌧𑍁𑌜𑌨𑌾𑌭𑌿𑌰𑌕𑍍𑌷𑍀
𑌨𑌾𑌰𑌾𑌯𑌣𑍋 𑌨𑌰𑌸𑌖𑌃 𑌪𑌰𑌿𑌪𑌾𑌹𑌿 𑌭𑍂𑌮𑌨𑍍 ॥9॥
𑌪𑍍𑌲𑌾𑌕𑍍𑌷𑍇𑌽𑌰𑍍𑌕𑌰𑍂𑌪𑌮𑌯𑌿 𑌶𑌾𑌲𑍍𑌮𑌲 𑌇𑌨𑍍𑌦𑍁𑌰𑍂𑌪𑌂
𑌦𑍍𑌵𑍀𑌪𑍇 𑌭𑌜𑌨𑍍𑌤𑌿 𑌕𑍁𑌶𑌨𑌾𑌮𑌨𑌿 𑌵𑌹𑍍𑌨𑌿𑌰𑍂𑌪𑌮𑍍 ।
𑌕𑍍𑌰𑍗𑌞𑍍𑌚𑍇𑌽𑌮𑍍𑌬𑍁𑌰𑍂𑌪𑌮𑌥 𑌵𑌾𑌯𑍁𑌮𑌯𑌂 𑌚 𑌶𑌾𑌕𑍇
𑌤𑍍𑌵𑌾𑌂 𑌬𑍍𑌰𑌹𑍍𑌮𑌰𑍂𑌪𑌮𑌪𑌿 𑌪𑍁𑌷𑍍𑌕𑌰𑌨𑌾𑌮𑍍𑌨𑌿 𑌲𑍋𑌕𑌾𑌃 ॥10॥
𑌸𑌰𑍍𑌵𑍈𑌰𑍍𑌧𑍍𑌰𑍁𑌵𑌾𑌦𑌿𑌭𑌿𑌰𑍁𑌡𑍁𑌪𑍍𑌰𑌕𑌰𑍈𑌰𑍍𑌗𑍍𑌰𑌹𑍈𑌶𑍍𑌚
𑌪𑍁𑌚𑍍𑌛𑌾𑌦𑌿𑌕𑍇𑌷𑍍𑌵𑌵𑌯𑌵𑍇𑌷𑍍𑌵𑌭𑌿𑌕𑌲𑍍𑌪𑍍𑌯𑌮𑌾𑌨𑍈𑌃 ।
𑌤𑍍𑌵𑌂 𑌶𑌿𑌂𑌶𑍁𑌮𑌾𑌰𑌵𑌪𑍁𑌷𑌾 𑌮𑌹𑌤𑌾𑌮𑍁𑌪𑌾𑌸𑍍𑌯𑌃
𑌸𑌨𑍍𑌧𑍍𑌯𑌾𑌸𑍁 𑌰𑍁𑌨𑍍𑌧𑌿 𑌨𑌰𑌕𑌂 𑌮𑌮 𑌸𑌿𑌨𑍍𑌧𑍁𑌶𑌾𑌯𑌿𑌨𑍍 ॥11॥
𑌪𑌾𑌤𑌾𑌲𑌮𑍂𑌲𑌭𑍁𑌵𑌿 𑌶𑍇𑌷𑌤𑌨𑍁𑌂 𑌭𑌵𑌨𑍍𑌤𑌂
𑌲𑍋𑌲𑍈𑌕𑌕𑍁𑌣𑍍𑌡𑌲𑌵𑌿𑌰𑌾𑌜𑌿𑌸𑌹𑌸𑍍𑌰𑌶𑍀𑌰𑍍𑌷𑌮𑍍 ।
𑌨𑍀𑌲𑌾𑌮𑍍𑌬𑌰𑌂 𑌧𑍃𑌤𑌹𑌲𑌂 𑌭𑍁𑌜𑌗𑌾𑌙𑍍𑌗𑌨𑌾𑌭𑌿-
𑌰𑍍𑌜𑍁𑌷𑍍𑌟𑌂 𑌭𑌜𑍇 𑌹𑌰 𑌗𑌦𑌾𑌨𑍍 𑌗𑍁𑌰𑍁𑌗𑍇𑌹𑌨𑌾𑌥 ॥12॥
Roman (IAST) Transliteration
madhyodbhave bhuva ilāvṛtanāmni varṣe
gaurīpradhānavanitājanamātrabhāji |
śarveṇa mantranutibhiḥ samupāsyamānaṃ
saṅkarṣaṇātmakamadhīśvara saṃśraye tvām ||1||
bhadrāśvanāmaka ilāvṛtapūrvavarṣe
bhadraśravobhiḥ ṛṣibhiḥ pariṇūyamānam |
kalpāntagūḍhanigamoddharaṇapravīṇaṃ
dhyāyāmi deva hayaśīrṣatanuṃ bhavantam ||2||
dhyāyāmi dakṣiṇagate harivarṣavarṣe
prahlādamukhyapuruṣaiḥ pariṣevyamāṇam |
uttuṅgaśāntadhavalākṛtimekaśuddha-
jñānapradaṃ narahariṃ bhagavan bhavantam ||3||
varṣe pratīci lalitātmani ketumāle
līlāviśeṣalalitasmitaśobhanāṅgam |
lakṣmyā prajāpatisutaiśca niṣevyamāṇaṃ
tasyāḥ priyāya dhṛtakāmatanuṃ bhaje tvām ||4||
ramye hyudīci khalu ramyakanāmni varṣe
tadvarṣanāthamanuvaryasaparyamāṇam |
bhaktaikavatsalamamatsarahṛtsu bhāntaṃ
matsyākṛtiṃ bhuvananātha bhaje bhavantam ||5||
varṣaṃ hiraṇmayasamāhvayamauttarāha-
māsīnamadridhṛtikarmaṭhakāmaṭhāṅgam |
saṃsevate pitṛgaṇapravaro'ryamā yaṃ
taṃ tvāṃ bhajāmi bhagavan paracinmayātman ||6||
kiñcottareṣu kuruṣu priyayā dharaṇyā
saṃsevito mahitamantranutiprabhedaiḥ |
daṃṣṭrāgraghṛṣṭaghanapṛṣṭhagariṣṭhavarṣmā
tvaṃ pāhi bijñanuta yajñavarāhamūrte ||7||
yāmyāṃ diśaṃ bhajati kimpuruṣākhyavarṣe
saṃsevito hanumatā dṛḍhabhaktibhājā |
sītābhirāmaparamādbhutarūpaśālī
rāmātmakaḥ parilasan paripāhi viṣṇo ||8||
śrīnāradena saha bhāratakhaṇḍamukhyai-
stvaṃ sāṅkhyayoganutibhiḥ samupāsyamānaḥ |
ākalpakālamiha sādhujanābhirakṣī
nārāyaṇo narasakhaḥ paripāhi bhūman ||9||
plākṣe'rkarūpamayi śālmala indurūpaṃ
dvīpe bhajanti kuśanāmani vahnirūpam |
krauñce'mburūpamatha vāyumayaṃ ca śāke
tvāṃ brahmarūpamapi puṣkaranāmni lokāḥ ||10||
sarvairdhruvādibhiruḍuprakarairgrahaiśca
pucchādikeṣvavayaveṣvabhikalpyamānaiḥ |
tvaṃ śiṃśumāravapuṣā mahatāmupāsyaḥ
sandhyāsu rundhi narakaṃ mama sindhuśāyin ||11||
pātālamūlabhuvi śeṣatanuṃ bhavantaṃ
lolaikakuṇḍalavirājisahasraśīrṣam |
nīlāmbaraṃ dhṛtahalaṃ bhujagāṅganābhi-
rjuṣṭaṃ bhaje hara gadān gurugehanātha ||12||
Sanskrit — Devanagari (original)
मध्योद्भवे भुव इलावृतनाम्नि वर्षे
गौरीप्रधानवनिताजनमात्रभाजि ।
शर्वेण मन्त्रनुतिभिः समुपास्यमानं
सङ्कर्षणात्मकमधीश्वर संश्रये त्वाम् ॥1॥
भद्राश्वनामक इलावृतपूर्ववर्षे
भद्रश्रवोभिः ऋषिभिः परिणूयमानम् ।
कल्पान्तगूढनिगमोद्धरणप्रवीणं
ध्यायामि देव हयशीर्षतनुं भवन्तम् ॥2॥
ध्यायामि दक्षिणगते हरिवर्षवर्षे
प्रह्लादमुख्यपुरुषैः परिषेव्यमाणम् ।
उत्तुङ्गशान्तधवलाकृतिमेकशुद्ध-
ज्ञानप्रदं नरहरिं भगवन् भवन्तम् ॥3॥
वर्षे प्रतीचि ललितात्मनि केतुमाले
लीलाविशेषललितस्मितशोभनाङ्गम् ।
लक्ष्म्या प्रजापतिसुतैश्च निषेव्यमाणं
तस्याः प्रियाय धृतकामतनुं भजे त्वाम् ॥4॥
रम्ये ह्युदीचि खलु रम्यकनाम्नि वर्षे
तद्वर्षनाथमनुवर्यसपर्यमाणम् ।
भक्तैकवत्सलममत्सरहृत्सु भान्तं
मत्स्याकृतिं भुवननाथ भजे भवन्तम् ॥5॥
वर्षं हिरण्मयसमाह्वयमौत्तराह-
मासीनमद्रिधृतिकर्मठकामठाङ्गम् ।
संसेवते पितृगणप्रवरोऽर्यमा यं
तं त्वां भजामि भगवन् परचिन्मयात्मन् ॥6॥
किञ्चोत्तरेषु कुरुषु प्रियया धरण्या
संसेवितो महितमन्त्रनुतिप्रभेदैः ।
दंष्ट्राग्रघृष्टघनपृष्ठगरिष्ठवर्ष्मा
त्वं पाहि बिज्ञनुत यज्ञवराहमूर्ते ॥7॥
याम्यां दिशं भजति किम्पुरुषाख्यवर्षे
संसेवितो हनुमता दृढभक्तिभाजा ।
सीताभिरामपरमाद्भुतरूपशाली
रामात्मकः परिलसन् परिपाहि विष्णो ॥8॥
श्रीनारदेन सह भारतखण्डमुख्यै-
स्त्वं साङ्ख्ययोगनुतिभिः समुपास्यमानः ।
आकल्पकालमिह साधुजनाभिरक्षी
नारायणो नरसखः परिपाहि भूमन् ॥9॥
प्लाक्षेऽर्करूपमयि शाल्मल इन्दुरूपं
द्वीपे भजन्ति कुशनामनि वह्निरूपम् ।
क्रौञ्चेऽम्बुरूपमथ वायुमयं च शाके
त्वां ब्रह्मरूपमपि पुष्करनाम्नि लोकाः ॥10॥
सर्वैर्ध्रुवादिभिरुडुप्रकरैर्ग्रहैश्च
पुच्छादिकेष्ववयवेष्वभिकल्प्यमानैः ।
त्वं शिंशुमारवपुषा महतामुपास्यः
सन्ध्यासु रुन्धि नरकं मम सिन्धुशायिन् ॥11॥
पातालमूलभुवि शेषतनुं भवन्तं
लोलैककुण्डलविराजिसहस्रशीर्षम् ।
नीलाम्बरं धृतहलं भुजगाङ्गनाभि-
र्जुष्टं भजे हर गदान् गुरुगेहनाथ ॥12॥
madhyodbhave bhuva ilāvṛtanāmni varṣe
gaurīpradhānavanitājanamātrabhāji |
śarveṇa mantranutibhiḥ samupāsyamānaṃ
saṅkarṣaṇātmakamadhīśvara saṃśraye tvām ||1||
bhadrāśvanāmaka ilāvṛtapūrvavarṣe
bhadraśravobhiḥ ṛṣibhiḥ pariṇūyamānam |
kalpāntagūḍhanigamoddharaṇapravīṇaṃ
dhyāyāmi deva hayaśīrṣatanuṃ bhavantam ||2||
dhyāyāmi dakṣiṇagate harivarṣavarṣe
prahlādamukhyapuruṣaiḥ pariṣevyamāṇam |
uttuṅgaśāntadhavalākṛtimekaśuddha-
jñānapradaṃ narahariṃ bhagavan bhavantam ||3||
varṣe pratīci lalitātmani ketumāle
līlāviśeṣalalitasmitaśobhanāṅgam |
lakṣmyā prajāpatisutaiśca niṣevyamāṇaṃ
tasyāḥ priyāya dhṛtakāmatanuṃ bhaje tvām ||4||
ramye hyudīci khalu ramyakanāmni varṣe
tadvarṣanāthamanuvaryasaparyamāṇam |
bhaktaikavatsalamamatsarahṛtsu bhāntaṃ
matsyākṛtiṃ bhuvananātha bhaje bhavantam ||5||
varṣaṃ hiraṇmayasamāhvayamauttarāha-
māsīnamadridhṛtikarmaṭhakāmaṭhāṅgam |
saṃsevate pitṛgaṇapravaro'ryamā yaṃ
taṃ tvāṃ bhajāmi bhagavan paracinmayātman ||6||
kiñcottareṣu kuruṣu priyayā dharaṇyā
saṃsevito mahitamantranutiprabhedaiḥ |
daṃṣṭrāgraghṛṣṭaghanapṛṣṭhagariṣṭhavarṣmā
tvaṃ pāhi bijñanuta yajñavarāhamūrte ||7||
yāmyāṃ diśaṃ bhajati kimpuruṣākhyavarṣe
saṃsevito hanumatā dṛḍhabhaktibhājā |
sītābhirāmaparamādbhutarūpaśālī
rāmātmakaḥ parilasan paripāhi viṣṇo ||8||
śrīnāradena saha bhāratakhaṇḍamukhyai-
stvaṃ sāṅkhyayoganutibhiḥ samupāsyamānaḥ |
ākalpakālamiha sādhujanābhirakṣī
nārāyaṇo narasakhaḥ paripāhi bhūman ||9||
plākṣe'rkarūpamayi śālmala indurūpaṃ
dvīpe bhajanti kuśanāmani vahnirūpam |
krauñce'mburūpamatha vāyumayaṃ ca śāke
tvāṃ brahmarūpamapi puṣkaranāmni lokāḥ ||10||
sarvairdhruvādibhiruḍuprakarairgrahaiśca
pucchādikeṣvavayaveṣvabhikalpyamānaiḥ |
tvaṃ śiṃśumāravapuṣā mahatāmupāsyaḥ
sandhyāsu rundhi narakaṃ mama sindhuśāyin ||11||
pātālamūlabhuvi śeṣatanuṃ bhavantaṃ
lolaikakuṇḍalavirājisahasraśīrṣam |
nīlāmbaraṃ dhṛtahalaṃ bhujagāṅganābhi-
rjuṣṭaṃ bhaje hara gadān gurugehanātha ||12||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.