ਮਧ੍ਯੋਦ੍ਭਵੇ ਭੁਵ ਇਲਾਵृਤਨਾਮ੍ਨਿ ਵਰ੍षੇ
ਗੌਰੀਪ੍ਰਧਾਨਵਨਿਤਾਜਨਮਾਤ੍ਰਭਾਜਿ ।
ਸ਼ਰ੍ਵੇਣ ਮਨ੍ਤ੍ਰਨੁਤਿਭਿਃ ਸਮੁਪਾਸ੍ਯਮਾਨਂ
ਸਙ੍ਕਰ੍षਣਾਤ੍ਮਕਮਧੀਸ਼੍ਵਰ ਸਂਸ਼੍ਰਯੇ ਤ੍ਵਾਮ੍ ॥1॥
ਭਦ੍ਰਾਸ਼੍ਵਨਾਮਕ ਇਲਾਵृਤਪੂਰ੍ਵਵਰ੍षੇ
ਭਦ੍ਰਸ਼੍ਰਵੋਭਿਃ ऋषਿਭਿਃ ਪਰਿਣੂਯਮਾਨਮ੍ ।
ਕਲ੍ਪਾਨ੍ਤਗੂਢਨਿਗਮੋਦ੍ਧਰਣਪ੍ਰਵੀਣਂ
ਧ੍ਯਾਯਾਮਿ ਦੇਵ ਹਯਸ਼ੀਰ੍षਤਨੁਂ ਭਵਨ੍ਤਮ੍ ॥2॥
ਧ੍ਯਾਯਾਮਿ ਦਕ੍षਿਣਗਤੇ ਹਰਿਵਰ੍षਵਰ੍षੇ
ਪ੍ਰਹ੍ਲਾਦਮੁਖ੍ਯਪੁਰੁषੈਃ ਪਰਿषੇਵ੍ਯਮਾਣਮ੍ ।
ਉਤ੍ਤੁਙ੍ਗਸ਼ਾਨ੍ਤਧਵਲਾਕृਤਿਮੇਕਸ਼ੁਦ੍ਧ-
ਜ੍ਞਾਨਪ੍ਰਦਂ ਨਰਹਰਿਂ ਭਗਵਨ੍ ਭਵਨ੍ਤਮ੍ ॥3॥
ਵਰ੍षੇ ਪ੍ਰਤੀਚਿ ਲਲਿਤਾਤ੍ਮਨਿ ਕੇਤੁਮਾਲੇ
ਲੀਲਾਵਿਸ਼ੇषਲਲਿਤਸ੍ਮਿਤਸ਼ੋਭਨਾਙ੍ਗਮ੍ ।
ਲਕ੍ष੍ਮ੍ਯਾ ਪ੍ਰਜਾਪਤਿਸੁਤੈਸ਼੍ਚ ਨਿषੇਵ੍ਯਮਾਣਂ
ਤਸ੍ਯਾਃ ਪ੍ਰਿਯਾਯ ਧृਤਕਾਮਤਨੁਂ ਭਜੇ ਤ੍ਵਾਮ੍ ॥4॥
ਰਮ੍ਯੇ ਹ੍ਯੁਦੀਚਿ ਖਲੁ ਰਮ੍ਯਕਨਾਮ੍ਨਿ ਵਰ੍षੇ
ਤਦ੍ਵਰ੍षਨਾਥਮਨੁਵਰ੍ਯਸਪਰ੍ਯਮਾਣਮ੍ ।
ਭਕ੍ਤੈਕਵਤ੍ਸਲਮਮਤ੍ਸਰਹृਤ੍ਸੁ ਭਾਨ੍ਤਂ
ਮਤ੍ਸ੍ਯਾਕृਤਿਂ ਭੁਵਨਨਾਥ ਭਜੇ ਭਵਨ੍ਤਮ੍ ॥5॥
ਵਰ੍षਂ ਹਿਰਣ੍ਮਯਸਮਾਹ੍ਵਯਮੌਤ੍ਤਰਾਹ-
ਮਾਸੀਨਮਦ੍ਰਿਧृਤਿਕਰ੍ਮਠਕਾਮਠਾਙ੍ਗਮ੍ ।
ਸਂਸੇਵਤੇ ਪਿਤृਗਣਪ੍ਰਵਰੋऽਰ੍ਯਮਾ ਯਂ
ਤਂ ਤ੍ਵਾਂ ਭਜਾਮਿ ਭਗਵਨ੍ ਪਰਚਿਨ੍ਮਯਾਤ੍ਮਨ੍ ॥6॥
ਕਿਞ੍ਚੋਤ੍ਤਰੇषੁ ਕੁਰੁषੁ ਪ੍ਰਿਯਯਾ ਧਰਣ੍ਯਾ
ਸਂਸੇਵਿਤੋ ਮਹਿਤਮਨ੍ਤ੍ਰਨੁਤਿਪ੍ਰਭੇਦੈਃ ।
ਦਂष੍ਟ੍ਰਾਗ੍ਰਘृष੍ਟਘਨਪृष੍ਠਗਰਿष੍ਠਵਰ੍ष੍ਮਾ
ਤ੍ਵਂ ਪਾਹਿ ਬਿਜ੍ਞਨੁਤ ਯਜ੍ਞਵਰਾਹਮੂਰ੍ਤੇ ॥7॥
ਯਾਮ੍ਯਾਂ ਦਿਸ਼ਂ ਭਜਤਿ ਕਿਮ੍ਪੁਰੁषਾਖ੍ਯਵਰ੍षੇ
ਸਂਸੇਵਿਤੋ ਹਨੁਮਤਾ ਦृਢਭਕ੍ਤਿਭਾਜਾ ।
ਸੀਤਾਭਿਰਾਮਪਰਮਾਦ੍ਭੁਤਰੂਪਸ਼ਾਲੀ
ਰਾਮਾਤ੍ਮਕਃ ਪਰਿਲਸਨ੍ ਪਰਿਪਾਹਿ ਵਿष੍ਣੋ ॥8॥
ਸ਼੍ਰੀਨਾਰਦੇਨ ਸਹ ਭਾਰਤਖਣ੍ਡਮੁਖ੍ਯੈ-
ਸ੍ਤ੍ਵਂ ਸਾਙ੍ਖ੍ਯਯੋਗਨੁਤਿਭਿਃ ਸਮੁਪਾਸ੍ਯਮਾਨਃ ।
ਆਕਲ੍ਪਕਾਲਮਿਹ ਸਾਧੁਜਨਾਭਿਰਕ੍षੀ
ਨਾਰਾਯਣੋ ਨਰਸਖਃ ਪਰਿਪਾਹਿ ਭੂਮਨ੍ ॥9॥
ਪ੍ਲਾਕ੍षੇऽਰ੍ਕਰੂਪਮਯਿ ਸ਼ਾਲ੍ਮਲ ਇਨ੍ਦੁਰੂਪਂ
ਦ੍ਵੀਪੇ ਭਜਨ੍ਤਿ ਕੁਸ਼ਨਾਮਨਿ ਵਹ੍ਨਿਰੂਪਮ੍ ।
ਕ੍ਰੌਞ੍ਚੇऽਮ੍ਬੁਰੂਪਮਥ ਵਾਯੁਮਯਂ ਚ ਸ਼ਾਕੇ
ਤ੍ਵਾਂ ਬ੍ਰਹ੍ਮਰੂਪਮਪਿ ਪੁष੍ਕਰਨਾਮ੍ਨਿ ਲੋਕਾਃ ॥10॥
ਸਰ੍ਵੈਰ੍ਧ੍ਰੁਵਾਦਿਭਿਰੁਡੁਪ੍ਰਕਰੈਰ੍ਗ੍ਰਹੈਸ਼੍ਚ
ਪੁਚ੍ਛਾਦਿਕੇष੍ਵਵਯਵੇष੍ਵਭਿਕਲ੍ਪ੍ਯਮਾਨੈਃ ।
ਤ੍ਵਂ ਸ਼ਿਂਸ਼ੁਮਾਰਵਪੁषਾ ਮਹਤਾਮੁਪਾਸ੍ਯਃ
ਸਨ੍ਧ੍ਯਾਸੁ ਰੁਨ੍ਧਿ ਨਰਕਂ ਮਮ ਸਿਨ੍ਧੁਸ਼ਾਯਿਨ੍ ॥11॥
ਪਾਤਾਲਮੂਲਭੁਵਿ ਸ਼ੇषਤਨੁਂ ਭਵਨ੍ਤਂ
ਲੋਲੈਕਕੁਣ੍ਡਲਵਿਰਾਜਿਸਹਸ੍ਰਸ਼ੀਰ੍षਮ੍ ।
ਨੀਲਾਮ੍ਬਰਂ ਧृਤਹਲਂ ਭੁਜਗਾਙ੍ਗਨਾਭਿ-
ਰ੍ਜੁष੍ਟਂ ਭਜੇ ਹਰ ਗਦਾਨ੍ ਗੁਰੁਗੇਹਨਾਥ ॥12॥
Roman (IAST) Transliteration
madhyodbhave bhuva ilāvṛtanāmni varṣe
gaurīpradhānavanitājanamātrabhāji |
śarveṇa mantranutibhiḥ samupāsyamānaṃ
saṅkarṣaṇātmakamadhīśvara saṃśraye tvām ||1||
bhadrāśvanāmaka ilāvṛtapūrvavarṣe
bhadraśravobhiḥ ṛṣibhiḥ pariṇūyamānam |
kalpāntagūḍhanigamoddharaṇapravīṇaṃ
dhyāyāmi deva hayaśīrṣatanuṃ bhavantam ||2||
dhyāyāmi dakṣiṇagate harivarṣavarṣe
prahlādamukhyapuruṣaiḥ pariṣevyamāṇam |
uttuṅgaśāntadhavalākṛtimekaśuddha-
jñānapradaṃ narahariṃ bhagavan bhavantam ||3||
varṣe pratīci lalitātmani ketumāle
līlāviśeṣalalitasmitaśobhanāṅgam |
lakṣmyā prajāpatisutaiśca niṣevyamāṇaṃ
tasyāḥ priyāya dhṛtakāmatanuṃ bhaje tvām ||4||
ramye hyudīci khalu ramyakanāmni varṣe
tadvarṣanāthamanuvaryasaparyamāṇam |
bhaktaikavatsalamamatsarahṛtsu bhāntaṃ
matsyākṛtiṃ bhuvananātha bhaje bhavantam ||5||
varṣaṃ hiraṇmayasamāhvayamauttarāha-
māsīnamadridhṛtikarmaṭhakāmaṭhāṅgam |
saṃsevate pitṛgaṇapravaro'ryamā yaṃ
taṃ tvāṃ bhajāmi bhagavan paracinmayātman ||6||
kiñcottareṣu kuruṣu priyayā dharaṇyā
saṃsevito mahitamantranutiprabhedaiḥ |
daṃṣṭrāgraghṛṣṭaghanapṛṣṭhagariṣṭhavarṣmā
tvaṃ pāhi bijñanuta yajñavarāhamūrte ||7||
yāmyāṃ diśaṃ bhajati kimpuruṣākhyavarṣe
saṃsevito hanumatā dṛḍhabhaktibhājā |
sītābhirāmaparamādbhutarūpaśālī
rāmātmakaḥ parilasan paripāhi viṣṇo ||8||
śrīnāradena saha bhāratakhaṇḍamukhyai-
stvaṃ sāṅkhyayoganutibhiḥ samupāsyamānaḥ |
ākalpakālamiha sādhujanābhirakṣī
nārāyaṇo narasakhaḥ paripāhi bhūman ||9||
plākṣe'rkarūpamayi śālmala indurūpaṃ
dvīpe bhajanti kuśanāmani vahnirūpam |
krauñce'mburūpamatha vāyumayaṃ ca śāke
tvāṃ brahmarūpamapi puṣkaranāmni lokāḥ ||10||
sarvairdhruvādibhiruḍuprakarairgrahaiśca
pucchādikeṣvavayaveṣvabhikalpyamānaiḥ |
tvaṃ śiṃśumāravapuṣā mahatāmupāsyaḥ
sandhyāsu rundhi narakaṃ mama sindhuśāyin ||11||
pātālamūlabhuvi śeṣatanuṃ bhavantaṃ
lolaikakuṇḍalavirājisahasraśīrṣam |
nīlāmbaraṃ dhṛtahalaṃ bhujagāṅganābhi-
rjuṣṭaṃ bhaje hara gadān gurugehanātha ||12||
Sanskrit — Devanagari (original)
मध्योद्भवे भुव इलावृतनाम्नि वर्षे
गौरीप्रधानवनिताजनमात्रभाजि ।
शर्वेण मन्त्रनुतिभिः समुपास्यमानं
सङ्कर्षणात्मकमधीश्वर संश्रये त्वाम् ॥1॥
भद्राश्वनामक इलावृतपूर्ववर्षे
भद्रश्रवोभिः ऋषिभिः परिणूयमानम् ।
कल्पान्तगूढनिगमोद्धरणप्रवीणं
ध्यायामि देव हयशीर्षतनुं भवन्तम् ॥2॥
ध्यायामि दक्षिणगते हरिवर्षवर्षे
प्रह्लादमुख्यपुरुषैः परिषेव्यमाणम् ।
उत्तुङ्गशान्तधवलाकृतिमेकशुद्ध-
ज्ञानप्रदं नरहरिं भगवन् भवन्तम् ॥3॥
वर्षे प्रतीचि ललितात्मनि केतुमाले
लीलाविशेषललितस्मितशोभनाङ्गम् ।
लक्ष्म्या प्रजापतिसुतैश्च निषेव्यमाणं
तस्याः प्रियाय धृतकामतनुं भजे त्वाम् ॥4॥
रम्ये ह्युदीचि खलु रम्यकनाम्नि वर्षे
तद्वर्षनाथमनुवर्यसपर्यमाणम् ।
भक्तैकवत्सलममत्सरहृत्सु भान्तं
मत्स्याकृतिं भुवननाथ भजे भवन्तम् ॥5॥
वर्षं हिरण्मयसमाह्वयमौत्तराह-
मासीनमद्रिधृतिकर्मठकामठाङ्गम् ।
संसेवते पितृगणप्रवरोऽर्यमा यं
तं त्वां भजामि भगवन् परचिन्मयात्मन् ॥6॥
किञ्चोत्तरेषु कुरुषु प्रियया धरण्या
संसेवितो महितमन्त्रनुतिप्रभेदैः ।
दंष्ट्राग्रघृष्टघनपृष्ठगरिष्ठवर्ष्मा
त्वं पाहि बिज्ञनुत यज्ञवराहमूर्ते ॥7॥
याम्यां दिशं भजति किम्पुरुषाख्यवर्षे
संसेवितो हनुमता दृढभक्तिभाजा ।
सीताभिरामपरमाद्भुतरूपशाली
रामात्मकः परिलसन् परिपाहि विष्णो ॥8॥
श्रीनारदेन सह भारतखण्डमुख्यै-
स्त्वं साङ्ख्ययोगनुतिभिः समुपास्यमानः ।
आकल्पकालमिह साधुजनाभिरक्षी
नारायणो नरसखः परिपाहि भूमन् ॥9॥
प्लाक्षेऽर्करूपमयि शाल्मल इन्दुरूपं
द्वीपे भजन्ति कुशनामनि वह्निरूपम् ।
क्रौञ्चेऽम्बुरूपमथ वायुमयं च शाके
त्वां ब्रह्मरूपमपि पुष्करनाम्नि लोकाः ॥10॥
सर्वैर्ध्रुवादिभिरुडुप्रकरैर्ग्रहैश्च
पुच्छादिकेष्ववयवेष्वभिकल्प्यमानैः ।
त्वं शिंशुमारवपुषा महतामुपास्यः
सन्ध्यासु रुन्धि नरकं मम सिन्धुशायिन् ॥11॥
पातालमूलभुवि शेषतनुं भवन्तं
लोलैककुण्डलविराजिसहस्रशीर्षम् ।
नीलाम्बरं धृतहलं भुजगाङ्गनाभि-
र्जुष्टं भजे हर गदान् गुरुगेहनाथ ॥12॥
madhyodbhave bhuva ilāvṛtanāmni varṣe
gaurīpradhānavanitājanamātrabhāji |
śarveṇa mantranutibhiḥ samupāsyamānaṃ
saṅkarṣaṇātmakamadhīśvara saṃśraye tvām ||1||
bhadrāśvanāmaka ilāvṛtapūrvavarṣe
bhadraśravobhiḥ ṛṣibhiḥ pariṇūyamānam |
kalpāntagūḍhanigamoddharaṇapravīṇaṃ
dhyāyāmi deva hayaśīrṣatanuṃ bhavantam ||2||
dhyāyāmi dakṣiṇagate harivarṣavarṣe
prahlādamukhyapuruṣaiḥ pariṣevyamāṇam |
uttuṅgaśāntadhavalākṛtimekaśuddha-
jñānapradaṃ narahariṃ bhagavan bhavantam ||3||
varṣe pratīci lalitātmani ketumāle
līlāviśeṣalalitasmitaśobhanāṅgam |
lakṣmyā prajāpatisutaiśca niṣevyamāṇaṃ
tasyāḥ priyāya dhṛtakāmatanuṃ bhaje tvām ||4||
ramye hyudīci khalu ramyakanāmni varṣe
tadvarṣanāthamanuvaryasaparyamāṇam |
bhaktaikavatsalamamatsarahṛtsu bhāntaṃ
matsyākṛtiṃ bhuvananātha bhaje bhavantam ||5||
varṣaṃ hiraṇmayasamāhvayamauttarāha-
māsīnamadridhṛtikarmaṭhakāmaṭhāṅgam |
saṃsevate pitṛgaṇapravaro'ryamā yaṃ
taṃ tvāṃ bhajāmi bhagavan paracinmayātman ||6||
kiñcottareṣu kuruṣu priyayā dharaṇyā
saṃsevito mahitamantranutiprabhedaiḥ |
daṃṣṭrāgraghṛṣṭaghanapṛṣṭhagariṣṭhavarṣmā
tvaṃ pāhi bijñanuta yajñavarāhamūrte ||7||
yāmyāṃ diśaṃ bhajati kimpuruṣākhyavarṣe
saṃsevito hanumatā dṛḍhabhaktibhājā |
sītābhirāmaparamādbhutarūpaśālī
rāmātmakaḥ parilasan paripāhi viṣṇo ||8||
śrīnāradena saha bhāratakhaṇḍamukhyai-
stvaṃ sāṅkhyayoganutibhiḥ samupāsyamānaḥ |
ākalpakālamiha sādhujanābhirakṣī
nārāyaṇo narasakhaḥ paripāhi bhūman ||9||
plākṣe'rkarūpamayi śālmala indurūpaṃ
dvīpe bhajanti kuśanāmani vahnirūpam |
krauñce'mburūpamatha vāyumayaṃ ca śāke
tvāṃ brahmarūpamapi puṣkaranāmni lokāḥ ||10||
sarvairdhruvādibhiruḍuprakarairgrahaiśca
pucchādikeṣvavayaveṣvabhikalpyamānaiḥ |
tvaṃ śiṃśumāravapuṣā mahatāmupāsyaḥ
sandhyāsu rundhi narakaṃ mama sindhuśāyin ||11||
pātālamūlabhuvi śeṣatanuṃ bhavantaṃ
lolaikakuṇḍalavirājisahasraśīrṣam |
nīlāmbaraṃ dhṛtahalaṃ bhujagāṅganābhi-
rjuṣṭaṃ bhaje hara gadān gurugehanātha ||12||
🕉️ This is the original Sanskrit rendered in Gurmukhi script.
Pronunciation is identical to the Sanskrit Devanagari version.