Narayaniyam Dashaka 72 - Akruragokulayatra — Gurmukhi Script

ਕਂਸੋऽਥ ਨਾਰਦਗਿਰਾ ਵ੍ਰਜਵਾਸਿਨਂ ਤ੍ਵਾ-

ਮਾਕਰ੍ਣ੍ਯ ਦੀਰ੍ਣਹृਦਯਃ ਸ ਹਿ ਗਾਨ੍ਦਿਨੇਯਮ੍ ।

ਆਹੂਯ ਕਾਰ੍ਮੁਕਮਖਚ੍ਛਲਤੋ ਭਵਨ੍ਤ-

ਮਾਨੇਤੁਮੇਨਮਹਿਨੋਦਹਿਨਾਥਸ਼ਾਯਿਨ੍ ॥1॥

ਅਕ੍ਰੂਰ ਏष ਭਵਦਙ੍ਘ੍ਰਿਪਰਸ਼੍ਚਿਰਾਯ

ਤ੍ਵਦ੍ਦਰ੍ਸ਼ਨਾਕ੍षਮਮਨਾਃ ਕ੍षਿਤਿਪਾਲਭੀਤ੍ਯਾ ।

ਤਸ੍ਯਾਜ੍ਞਯੈਵ ਪੁਨਰੀਕ੍षਿਤੁਮੁਦ੍ਯਤਸ੍ਤ੍ਵਾ-

ਮਾਨਨ੍ਦਭਾਰਮਤਿਭੂਰਿਤਰਂ ਬਭਾਰ ॥2॥

ਸੋऽਯਂ ਰਥੇਨ ਸੁਕृਤੀ ਭਵਤੋ ਨਿਵਾਸਂ

ਗਚ੍ਛਨ੍ ਮਨੋਰਥਗਣਾਂਸ੍ਤ੍ਵਯਿ ਧਾਰ੍ਯਮਾਣਾਨ੍ ।

ਆਸ੍ਵਾਦਯਨ੍ ਮੁਹੁਰਪਾਯਭਯੇਨ ਦੈਵਂ

ਸਮ੍ਪ੍ਰਾਰ੍ਥਯਨ੍ ਪਥਿ ਨ ਕਿਞ੍ਚਿਦਪਿ ਵ੍ਯਜਾਨਾਤ੍ ॥3॥

ਦ੍ਰਕ੍ष੍ਯਾਮਿ ਵੇਦਸ਼ਤਗੀਤਗਤਿਂ ਪੁਮਾਂਸਂ

ਸ੍ਪ੍ਰਕ੍ष੍ਯਾਮਿ ਕਿਂਸ੍ਵਿਦਪਿ ਨਾਮ ਪਰਿष੍ਵਜੇਯਮ੍ ।

ਕਿਂ ਵਕ੍ष੍ਯਤੇ ਸ ਖਲੁ ਮਾਂ ਕ੍ਵਨੁ ਵੀਕ੍षਿਤਃ ਸ੍ਯਾ-

ਦਿਤ੍ਥਂ ਨਿਨਾਯ ਸ ਭਵਨ੍ਮਯਮੇਵ ਮਾਰ੍ਗਮ੍ ॥4॥

ਭੂਯਃ ਕ੍ਰਮਾਦਭਿਵਿਸ਼ਨ੍ ਭਵਦਙ੍ਘ੍ਰਿਪੂਤਂ

ਵृਨ੍ਦਾਵਨਂ ਹਰਵਿਰਿਞ੍ਚਸੁਰਾਭਿਵਨ੍ਦ੍ਯਮ੍ ।

ਆਨਨ੍ਦਮਗ੍ਨ ਇਵ ਲਗ੍ਨ ਇਵ ਪ੍ਰਮੋਹੇ

ਕਿਂ ਕਿਂ ਦਸ਼ਾਨ੍ਤਰਮਵਾਪ ਨ ਪਙ੍ਕਜਾਕ੍ष ॥5॥

ਪਸ਼੍ਯਨ੍ਨਵਨ੍ਦਤ ਭਵਦ੍ਵਿਹृਤਿਸ੍ਥਲਾਨਿ

ਪਾਂਸੁष੍ਵਵੇष੍ਟਤ ਭਵਚ੍ਚਰਣਾਙ੍ਕਿਤੇषੁ ।

ਕਿਂ ਬ੍ਰੂਮਹੇ ਬਹੁਜਨਾ ਹਿ ਤਦਾਪਿ ਜਾਤਾ

ਏਵਂ ਤੁ ਭਕ੍ਤਿਤਰਲਾ ਵਿਰਲਾਃ ਪਰਾਤ੍ਮਨ੍ ॥6॥

ਸਾਯਂ ਸ ਗੋਪਭਵਨਾਨਿ ਭਵਚ੍ਚਰਿਤ੍ਰ-

ਗੀਤਾਮृਤਪ੍ਰਸृਤਕਰ੍ਣਰਸਾਯਨਾਨਿ ।

ਪਸ਼੍ਯਨ੍ ਪ੍ਰਮੋਦਸਰਿਤੇਵ ਕਿਲੋਹ੍ਯਮਾਨੋ

ਗਚ੍ਛਨ੍ ਭਵਦ੍ਭਵਨਸਨ੍ਨਿਧਿਮਨ੍ਵਯਾਸੀਤ੍ ॥7॥

ਤਾਵਦ੍ਦਦਰ੍ਸ਼ ਪਸ਼ੁਦੋਹਵਿਲੋਕਲੋਲਂ

ਭਕ੍ਤੋਤ੍ਤਮਾਗਤਿਮਿਵ ਪ੍ਰਤਿਪਾਲਯਨ੍ਤਮ੍ ।

ਭੂਮਨ੍ ਭਵਨ੍ਤਮਯਮਗ੍ਰਜਵਨ੍ਤਮਨ੍ਤ-

ਰ੍ਬ੍ਰਹ੍ਮਾਨੁਭੂਤਿਰਸਸਿਨ੍ਧੁਮਿਵੋਦ੍ਵਮਨ੍ਤਮ੍ ॥8॥

ਸਾਯਨ੍ਤਨਾਪ੍ਲਵਵਿਸ਼ੇषਵਿਵਿਕ੍ਤਗਾਤ੍ਰੌ

ਦ੍ਵੌ ਪੀਤਨੀਲਰੁਚਿਰਾਮ੍ਬਰਲੋਭਨੀਯੌ ।

ਨਾਤਿਪ੍ਰਪਞ੍ਚਧृਤਭੂषਣਚਾਰੁਵੇषੌ

ਮਨ੍ਦਸ੍ਮਿਤਾਰ੍ਦ੍ਰਵਦਨੌ ਸ ਯੁਵਾਂ ਦਦਰ੍ਸ਼ ॥9॥

ਦੂਰਾਦ੍ਰਥਾਤ੍ਸਮਵਰੁਹ੍ਯ ਨਮਨ੍ਤਮੇਨ-

ਮੁਤ੍ਥਾਪ੍ਯ ਭਕ੍ਤਕੁਲਮੌਲਿਮਥੋਪਗੂਹਨ੍ ।

ਹਰ੍षਾਨ੍ਮਿਤਾਕ੍षਰਗਿਰਾ ਕੁਸ਼ਲਾਨੁਯੋਗੀ

ਪਾਣਿਂ ਪ੍ਰਗृਹ੍ਯ ਸਬਲੋऽਥ ਗृਹਂ ਨਿਨੇਥ ॥10॥

ਨਨ੍ਦੇਨ ਸਾਕਮਮਿਤਾਦਰਮਰ੍ਚਯਿਤ੍ਵਾ

ਤਂ ਯਾਦਵਂ ਤਦੁਦਿਤਾਂ ਨਿਸ਼ਮਯ੍ਯ ਵਾਰ੍ਤਾਮ੍ ।

ਗੋਪੇषੁ ਭੂਪਤਿਨਿਦੇਸ਼ਕਥਾਂ ਨਿਵੇਦ੍ਯ

ਨਾਨਾਕਥਾਭਿਰਿਹ ਤੇਨ ਨਿਸ਼ਾਮਨੈषੀਃ ॥11॥

ਚਨ੍ਦ੍ਰਾਗृਹੇ ਕਿਮੁਤ ਚਨ੍ਦ੍ਰਭਗਾਗृਹੇ ਨੁ

ਰਾਧਾਗृਹੇ ਨੁ ਭਵਨੇ ਕਿਮੁ ਮੈਤ੍ਰਵਿਨ੍ਦੇ ।

ਧੂਰ੍ਤੋ ਵਿਲਮ੍ਬਤ ਇਤਿ ਪ੍ਰਮਦਾਭਿਰੁਚ੍ਚੈ-

ਰਾਸ਼ਙ੍ਕਿਤੋ ਨਿਸ਼ਿ ਮਰੁਤ੍ਪੁਰਨਾਥ ਪਾਯਾਃ ॥12॥

Roman (IAST) Transliteration

kaṃso'tha nāradagirā vrajavāsinaṃ tvā-

mākarṇya dīrṇahṛdayaḥ sa hi gāndineyam |

āhūya kārmukamakhacchalato bhavanta-

mānetumenamahinodahināthaśāyin ||1||

akrūra eṣa bhavadaṅghriparaścirāya

tvaddarśanākṣamamanāḥ kṣitipālabhītyā |

tasyājñayaiva punarīkṣitumudyatastvā-

mānandabhāramatibhūritaraṃ babhāra ||2||

so'yaṃ rathena sukṛtī bhavato nivāsaṃ

gacchan manorathagaṇāṃstvayi dhāryamāṇān |

āsvādayan muhurapāyabhayena daivaṃ

samprārthayan pathi na kiñcidapi vyajānāt ||3||

drakṣyāmi vedaśatagītagatiṃ pumāṃsaṃ

sprakṣyāmi kiṃsvidapi nāma pariṣvajeyam |

kiṃ vakṣyate sa khalu māṃ kvanu vīkṣitaḥ syā-

ditthaṃ nināya sa bhavanmayameva mārgam ||4||

bhūyaḥ kramādabhiviśan bhavadaṅghripūtaṃ

vṛndāvanaṃ haraviriñcasurābhivandyam |

ānandamagna iva lagna iva pramohe

kiṃ kiṃ daśāntaramavāpa na paṅkajākṣa ||5||

paśyannavandata bhavadvihṛtisthalāni

pāṃsuṣvaveṣṭata bhavaccaraṇāṅkiteṣu |

kiṃ brūmahe bahujanā hi tadāpi jātā

evaṃ tu bhaktitaralā viralāḥ parātman ||6||

sāyaṃ sa gopabhavanāni bhavaccaritra-

gītāmṛtaprasṛtakarṇarasāyanāni |

paśyan pramodasariteva kilohyamāno

gacchan bhavadbhavanasannidhimanvayāsīt ||7||

tāvaddadarśa paśudohavilokalolaṃ

bhaktottamāgatimiva pratipālayantam |

bhūman bhavantamayamagrajavantamanta-

rbrahmānubhūtirasasindhumivodvamantam ||8||

sāyantanāplavaviśeṣaviviktagātrau

dvau pītanīlarucirāmbaralobhanīyau |

nātiprapañcadhṛtabhūṣaṇacāruveṣau

mandasmitārdravadanau sa yuvāṃ dadarśa ||9||

dūrādrathātsamavaruhya namantamena-

mutthāpya bhaktakulamaulimathopagūhan |

harṣānmitākṣaragirā kuśalānuyogī

pāṇiṃ pragṛhya sabalo'tha gṛhaṃ ninetha ||10||

nandena sākamamitādaramarcayitvā

taṃ yādavaṃ taduditāṃ niśamayya vārtām |

gopeṣu bhūpatinideśakathāṃ nivedya

nānākathābhiriha tena niśāmanaiṣīḥ ||11||

candrāgṛhe kimuta candrabhagāgṛhe nu

rādhāgṛhe nu bhavane kimu maitravinde |

dhūrto vilambata iti pramadābhiruccai-

rāśaṅkito niśi marutpuranātha pāyāḥ ||12||

Sanskrit — Devanagari (original)

कंसोऽथ नारदगिरा व्रजवासिनं त्वा-

माकर्ण्य दीर्णहृदयः स हि गान्दिनेयम् ।

आहूय कार्मुकमखच्छलतो भवन्त-

मानेतुमेनमहिनोदहिनाथशायिन् ॥1॥

अक्रूर एष भवदङ्घ्रिपरश्चिराय

त्वद्दर्शनाक्षममनाः क्षितिपालभीत्या ।

तस्याज्ञयैव पुनरीक्षितुमुद्यतस्त्वा-

मानन्दभारमतिभूरितरं बभार ॥2॥

सोऽयं रथेन सुकृती भवतो निवासं

गच्छन् मनोरथगणांस्त्वयि धार्यमाणान् ।

आस्वादयन् मुहुरपायभयेन दैवं

सम्प्रार्थयन् पथि न किञ्चिदपि व्यजानात् ॥3॥

द्रक्ष्यामि वेदशतगीतगतिं पुमांसं

स्प्रक्ष्यामि किंस्विदपि नाम परिष्वजेयम् ।

किं वक्ष्यते स खलु मां क्वनु वीक्षितः स्या-

दित्थं निनाय स भवन्मयमेव मार्गम् ॥4॥

भूयः क्रमादभिविशन् भवदङ्घ्रिपूतं

वृन्दावनं हरविरिञ्चसुराभिवन्द्यम् ।

आनन्दमग्न इव लग्न इव प्रमोहे

किं किं दशान्तरमवाप न पङ्कजाक्ष ॥5॥

पश्यन्नवन्दत भवद्विहृतिस्थलानि

पांसुष्ववेष्टत भवच्चरणाङ्कितेषु ।

किं ब्रूमहे बहुजना हि तदापि जाता

एवं तु भक्तितरला विरलाः परात्मन् ॥6॥

सायं स गोपभवनानि भवच्चरित्र-

गीतामृतप्रसृतकर्णरसायनानि ।

पश्यन् प्रमोदसरितेव किलोह्यमानो

गच्छन् भवद्भवनसन्निधिमन्वयासीत् ॥7॥

तावद्ददर्श पशुदोहविलोकलोलं

भक्तोत्तमागतिमिव प्रतिपालयन्तम् ।

भूमन् भवन्तमयमग्रजवन्तमन्त-

र्ब्रह्मानुभूतिरससिन्धुमिवोद्वमन्तम् ॥8॥

सायन्तनाप्लवविशेषविविक्तगात्रौ

द्वौ पीतनीलरुचिराम्बरलोभनीयौ ।

नातिप्रपञ्चधृतभूषणचारुवेषौ

मन्दस्मितार्द्रवदनौ स युवां ददर्श ॥9॥

दूराद्रथात्समवरुह्य नमन्तमेन-

मुत्थाप्य भक्तकुलमौलिमथोपगूहन् ।

हर्षान्मिताक्षरगिरा कुशलानुयोगी

पाणिं प्रगृह्य सबलोऽथ गृहं निनेथ ॥10॥

नन्देन साकममितादरमर्चयित्वा

तं यादवं तदुदितां निशमय्य वार्ताम् ।

गोपेषु भूपतिनिदेशकथां निवेद्य

नानाकथाभिरिह तेन निशामनैषीः ॥11॥

चन्द्रागृहे किमुत चन्द्रभगागृहे नु

राधागृहे नु भवने किमु मैत्रविन्दे ।

धूर्तो विलम्बत इति प्रमदाभिरुच्चै-

राशङ्कितो निशि मरुत्पुरनाथ पायाः ॥12॥