ਮਦਨਾਤੁਰਚੇਤਸੋऽਨ੍ਵਹਂ ਭਵਦਙ੍ਘ੍ਰਿਦ੍ਵਯਦਾਸ੍ਯਕਾਮ੍ਯਯਾ ।
ਯਮੁਨਾਤਟਸੀਮ੍ਨਿ ਸੈਕਤੀਂ ਤਰਲਾਕ੍ष੍ਯੋ ਗਿਰਿਜਾਂ ਸਮਾਰ੍ਚਿਚਨ੍ ॥1॥
ਤਵ ਨਾਮਕਥਾਰਤਾਃ ਸਮਂ ਸੁਦृਸ਼ਃ ਪ੍ਰਾਤਰੁਪਾਗਤਾ ਨਦੀਮ੍ ।
ਉਪਹਾਰਸ਼ਤੈਰਪੂਜਯਨ੍ ਦਯਿਤੋ ਨਨ੍ਦਸੁਤੋ ਭਵੇਦਿਤਿ ॥2॥
ਇਤਿ ਮਾਸਮੁਪਾਹਿਤਵ੍ਰਤਾਸ੍ਤਰਲਾਕ੍षੀਰਭਿਵੀਕ੍ष੍ਯ ਤਾ ਭਵਾਨ੍ ।
ਕਰੁਣਾਮृਦੁਲੋ ਨਦੀਤਟਂ ਸਮਯਾਸੀਤ੍ਤਦਨੁਗ੍ਰਹੇਚ੍ਛਯਾ ॥3॥
ਨਿਯਮਾਵਸਿਤੌ ਨਿਜਾਮ੍ਬਰਂ ਤਟਸੀਮਨ੍ਯਵਮੁਚ੍ਯ ਤਾਸ੍ਤਦਾ ।
ਯਮੁਨਾਜਲਖੇਲਨਾਕੁਲਾਃ ਪੁਰਤਸ੍ਤ੍ਵਾਮਵਲੋਕ੍ਯ ਲਜ੍ਜਿਤਾਃ ॥4॥
ਤ੍ਰਪਯਾ ਨਮਿਤਾਨਨਾਸ੍ਵਥੋ ਵਨਿਤਾਸ੍ਵਮ੍ਬਰਜਾਲਮਨ੍ਤਿਕੇ ।
ਨਿਹਿਤਂ ਪਰਿਗृਹ੍ਯ ਭੂਰੁਹੋ ਵਿਟਪਂ ਤ੍ਵਂ ਤਰਸਾऽਧਿਰੂਢਵਾਨ੍ ॥5॥
ਇਹ ਤਾਵਦੁਪੇਤ੍ਯ ਨੀਯਤਾਂ ਵਸਨਂ ਵਃ ਸੁਦृਸ਼ੋ ਯਥਾਯਥਮ੍ ।
ਇਤਿ ਨਰ੍ਮਮृਦੁਸ੍ਮਿਤੇ ਤ੍ਵਯਿ ਬ੍ਰੁਵਤਿ ਵ੍ਯਾਮੁਮੁਹੇ ਵਧੂਜਨੈਃ ॥6॥
ਅਯਿ ਜੀਵ ਚਿਰਂ ਕਿਸ਼ੋਰ ਨਸ੍ਤਵ ਦਾਸੀਰਵਸ਼ੀਕਰੋषਿ ਕਿਮ੍ ।
ਪ੍ਰਦਿਸ਼ਾਮ੍ਬਰਮਮ੍ਬੁਜੇਕ੍षਣੇਤ੍ਯੁਦਿਤਸ੍ਤ੍ਵਂ ਸ੍ਮਿਤਮੇਵ ਦਤ੍ਤਵਾਨ੍ ॥7॥
ਅਧਿਰੁਹ੍ਯ ਤਟਂ ਕृਤਾਞ੍ਜਲੀਃ ਪਰਿਸ਼ੁਦ੍ਧਾਃ ਸ੍ਵਗਤੀਰ੍ਨਿਰੀਕ੍ष੍ਯ ਤਾਃ ।
ਵਸਨਾਨ੍ਯਖਿਲਾਨ੍ਯਨੁਗ੍ਰਹਂ ਪੁਨਰੇਵਂ ਗਿਰਮਪ੍ਯਦਾ ਮੁਦਾ ॥8॥
ਵਿਦਿਤਂ ਨਨੁ ਵੋ ਮਨੀषਿਤਂ ਵਦਿਤਾਰਸ੍ਤ੍ਵਿਹ ਯੋਗ੍ਯਮੁਤ੍ਤਰਮ੍ ।
ਯਮੁਨਾਪੁਲਿਨੇ ਸਚਨ੍ਦ੍ਰਿਕਾਃ ਕ੍षਣਦਾ ਇਤ੍ਯਬਲਾਸ੍ਤ੍ਵਮੂਚਿਵਾਨ੍ ॥9॥
ਉਪਕਰ੍ਣ੍ਯ ਭਵਨ੍ਮੁਖਚ੍ਯੁਤਂ ਮਧੁਨਿष੍ਯਨ੍ਦਿ ਵਚੋ ਮृਗੀਦृਸ਼ਃ ।
ਪ੍ਰਣਯਾਦਯਿ ਵੀਕ੍ष੍ਯ ਵੀਕ੍ष੍ਯ ਤੇ ਵਦਨਾਬ੍ਜਂ ਸ਼ਨਕੈਰ੍ਗृਹਂ ਗਤਾਃ ॥10॥
ਇਤਿ ਨਨ੍ਵਨੁਗृਹ੍ਯ ਵਲ੍ਲਵੀਰ੍ਵਿਪਿਨਾਨ੍ਤੇषੁ ਪੁਰੇਵ ਸਞ੍ਚਰਨ੍ ।
ਕਰੁਣਾਸ਼ਿਸ਼ਿਰੋ ਹਰੇ ਹਰ ਤ੍ਵਰਯਾ ਮੇ ਸਕਲਾਮਯਾਵਲਿਮ੍ ॥11॥
Roman (IAST) Transliteration
madanāturacetaso'nvahaṃ bhavadaṅghridvayadāsyakāmyayā |
yamunātaṭasīmni saikatīṃ taralākṣyo girijāṃ samārcican ||1||
tava nāmakathāratāḥ samaṃ sudṛśaḥ prātarupāgatā nadīm |
upahāraśatairapūjayan dayito nandasuto bhavediti ||2||
iti māsamupāhitavratāstaralākṣīrabhivīkṣya tā bhavān |
karuṇāmṛdulo nadītaṭaṃ samayāsīttadanugrahecchayā ||3||
niyamāvasitau nijāmbaraṃ taṭasīmanyavamucya tāstadā |
yamunājalakhelanākulāḥ puratastvāmavalokya lajjitāḥ ||4||
trapayā namitānanāsvatho vanitāsvambarajālamantike |
nihitaṃ parigṛhya bhūruho viṭapaṃ tvaṃ tarasā'dhirūḍhavān ||5||
iha tāvadupetya nīyatāṃ vasanaṃ vaḥ sudṛśo yathāyatham |
iti narmamṛdusmite tvayi bruvati vyāmumuhe vadhūjanaiḥ ||6||
ayi jīva ciraṃ kiśora nastava dāsīravaśīkaroṣi kim |
pradiśāmbaramambujekṣaṇetyuditastvaṃ smitameva dattavān ||7||
adhiruhya taṭaṃ kṛtāñjalīḥ pariśuddhāḥ svagatīrnirīkṣya tāḥ |
vasanānyakhilānyanugrahaṃ punarevaṃ giramapyadā mudā ||8||
viditaṃ nanu vo manīṣitaṃ vaditārastviha yogyamuttaram |
yamunāpuline sacandrikāḥ kṣaṇadā ityabalāstvamūcivān ||9||
upakarṇya bhavanmukhacyutaṃ madhuniṣyandi vaco mṛgīdṛśaḥ |
praṇayādayi vīkṣya vīkṣya te vadanābjaṃ śanakairgṛhaṃ gatāḥ ||10||
iti nanvanugṛhya vallavīrvipinānteṣu pureva sañcaran |
karuṇāśiśiro hare hara tvarayā me sakalāmayāvalim ||11||
Sanskrit — Devanagari (original)
मदनातुरचेतसोऽन्वहं भवदङ्घ्रिद्वयदास्यकाम्यया ।
यमुनातटसीम्नि सैकतीं तरलाक्ष्यो गिरिजां समार्चिचन् ॥1॥
तव नामकथारताः समं सुदृशः प्रातरुपागता नदीम् ।
उपहारशतैरपूजयन् दयितो नन्दसुतो भवेदिति ॥2॥
इति मासमुपाहितव्रतास्तरलाक्षीरभिवीक्ष्य ता भवान् ।
करुणामृदुलो नदीतटं समयासीत्तदनुग्रहेच्छया ॥3॥
नियमावसितौ निजाम्बरं तटसीमन्यवमुच्य तास्तदा ।
यमुनाजलखेलनाकुलाः पुरतस्त्वामवलोक्य लज्जिताः ॥4॥
त्रपया नमिताननास्वथो वनितास्वम्बरजालमन्तिके ।
निहितं परिगृह्य भूरुहो विटपं त्वं तरसाऽधिरूढवान् ॥5॥
इह तावदुपेत्य नीयतां वसनं वः सुदृशो यथायथम् ।
इति नर्ममृदुस्मिते त्वयि ब्रुवति व्यामुमुहे वधूजनैः ॥6॥
अयि जीव चिरं किशोर नस्तव दासीरवशीकरोषि किम् ।
प्रदिशाम्बरमम्बुजेक्षणेत्युदितस्त्वं स्मितमेव दत्तवान् ॥7॥
अधिरुह्य तटं कृताञ्जलीः परिशुद्धाः स्वगतीर्निरीक्ष्य ताः ।
वसनान्यखिलान्यनुग्रहं पुनरेवं गिरमप्यदा मुदा ॥8॥
विदितं ननु वो मनीषितं वदितारस्त्विह योग्यमुत्तरम् ।
यमुनापुलिने सचन्द्रिकाः क्षणदा इत्यबलास्त्वमूचिवान् ॥9॥
उपकर्ण्य भवन्मुखच्युतं मधुनिष्यन्दि वचो मृगीदृशः ।
प्रणयादयि वीक्ष्य वीक्ष्य ते वदनाब्जं शनकैर्गृहं गताः ॥10॥
इति नन्वनुगृह्य वल्लवीर्विपिनान्तेषु पुरेव सञ्चरन् ।
करुणाशिशिरो हरे हर त्वरया मे सकलामयावलिम् ॥11॥
madanāturacetaso'nvahaṃ bhavadaṅghridvayadāsyakāmyayā |
yamunātaṭasīmni saikatīṃ taralākṣyo girijāṃ samārcican ||1||
tava nāmakathāratāḥ samaṃ sudṛśaḥ prātarupāgatā nadīm |
upahāraśatairapūjayan dayito nandasuto bhavediti ||2||
iti māsamupāhitavratāstaralākṣīrabhivīkṣya tā bhavān |
karuṇāmṛdulo nadītaṭaṃ samayāsīttadanugrahecchayā ||3||
niyamāvasitau nijāmbaraṃ taṭasīmanyavamucya tāstadā |
yamunājalakhelanākulāḥ puratastvāmavalokya lajjitāḥ ||4||
trapayā namitānanāsvatho vanitāsvambarajālamantike |
nihitaṃ parigṛhya bhūruho viṭapaṃ tvaṃ tarasā'dhirūḍhavān ||5||
iha tāvadupetya nīyatāṃ vasanaṃ vaḥ sudṛśo yathāyatham |
iti narmamṛdusmite tvayi bruvati vyāmumuhe vadhūjanaiḥ ||6||
ayi jīva ciraṃ kiśora nastava dāsīravaśīkaroṣi kim |
pradiśāmbaramambujekṣaṇetyuditastvaṃ smitameva dattavān ||7||
adhiruhya taṭaṃ kṛtāñjalīḥ pariśuddhāḥ svagatīrnirīkṣya tāḥ |
vasanānyakhilānyanugrahaṃ punarevaṃ giramapyadā mudā ||8||
viditaṃ nanu vo manīṣitaṃ vaditārastviha yogyamuttaram |
yamunāpuline sacandrikāḥ kṣaṇadā ityabalāstvamūcivān ||9||
upakarṇya bhavanmukhacyutaṃ madhuniṣyandi vaco mṛgīdṛśaḥ |
praṇayādayi vīkṣya vīkṣya te vadanābjaṃ śanakairgṛhaṃ gatāḥ ||10||
iti nanvanugṛhya vallavīrvipinānteṣu pureva sañcaran |
karuṇāśiśiro hare hara tvarayā me sakalāmayāvalim ||11||
🕉️ This is the original Sanskrit rendered in Gurmukhi script.
Pronunciation is identical to the Sanskrit Devanagari version.