ਸੈਰਨ੍ਧ੍ਰ੍ਯਾਸ੍ਤਦਨੁ ਚਿਰਂ ਸ੍ਮਰਾਤੁਰਾਯਾ
ਯਾਤੋऽਭੂਃ ਸੁਲਲਿਤਮੁਦ੍ਧਵੇਨ ਸਾਰ੍ਧਮ੍ ।
ਆਵਾਸਂ ਤ੍ਵਦੁਪਗਮੋਤ੍ਸਵਂ ਸਦੈਵ
ਧ੍ਯਾਯਨ੍ਤ੍ਯਾਃ ਪ੍ਰਤਿਦਿਨਵਾਸਸਜ੍ਜਿਕਾਯਾਃ ॥1॥
ਉਪਗਤੇ ਤ੍ਵਯਿ ਪੂਰ੍ਣਮਨੋਰਥਾਂ ਪ੍ਰਮਦਸਮ੍ਭ੍ਰਮਕਮ੍ਪ੍ਰਪਯੋਧਰਾਮ੍ ।
ਵਿਵਿਧਮਾਨਨਮਾਦਧਤੀਂ ਮੁਦਾ ਰਹਸਿ ਤਾਂ ਰਮਯਾਞ੍ਚਕृषੇ ਸੁਖਮ੍ ॥2॥
ਪृष੍ਟਾ ਵਰਂ ਪੁਨਰਸਾਵਵृਣੋਦ੍ਵਰਾਕੀ
ਭੂਯਸ੍ਤ੍ਵਯਾ ਸੁਰਤਮੇਵ ਨਿਸ਼ਾਨ੍ਤਰੇषੁ ।
ਸਾਯੁਜ੍ਯਮਸ੍ਤ੍ਵਿਤਿ ਵਦੇਤ੍ ਬੁਧ ਏਵ ਕਾਮਂ
ਸਾਮੀਪ੍ਯਮਸ੍ਤ੍ਵਨਿਸ਼ਮਿਤ੍ਯਪਿ ਨਾਬ੍ਰਵੀਤ੍ ਕਿਮ੍ ॥3॥
ਤਤੋ ਭਵਾਨ੍ ਦੇਵ ਨਿਸ਼ਾਸੁ ਕਾਸੁਚਿਨ੍ਮृਗੀਦृਸ਼ਂ ਤਾਂ ਨਿਭृਤਂ ਵਿਨੋਦਯਨ੍ ।
ਅਦਾਦੁਪਸ਼੍ਲੋਕ ਇਤਿ ਸ਼੍ਰੁਤਂ ਸੁਤਂ ਸ ਨਾਰਦਾਤ੍ ਸਾਤ੍ਤ੍ਵਤਤਨ੍ਤ੍ਰਵਿਦ੍ਬਬਭੌ ॥4॥
ਅਕ੍ਰੂਰਮਨ੍ਦਿਰਮਿਤੋऽਥ ਬਲੋਦ੍ਧਵਾਭ੍ਯਾ-
ਮਭ੍ਯਰ੍ਚਿਤੋ ਬਹੁ ਨੁਤੋ ਮੁਦਿਤੇਨ ਤੇਨ ।
ਏਨਂ ਵਿਸृਜ੍ਯ ਵਿਪਿਨਾਗਤਪਾਣ੍ਡਵੇਯ-
ਵृਤ੍ਤਂ ਵਿਵੇਦਿਥ ਤਥਾ ਧृਤਰਾष੍ਟ੍ਰ੍ਚੇष੍ਟਾਮ੍ ॥5॥
ਵਿਘਾਤਾਜ੍ਜਾਮਾਤੁਃ ਪਰਮਸੁਹृਦੋ ਭੋਜਨृਪਤੇ-
ਰ੍ਜਰਾਸਨ੍ਧੇ ਰੁਨ੍ਧਤ੍ਯਨਵਧਿਰੁषਾਨ੍ਧੇऽਥ ਮਥੁਰਾਮ੍ ।
ਰਥਾਦ੍ਯੈਰ੍ਦ੍ਯੋਰ੍ਲਬ੍ਧੈਃ ਕਤਿਪਯਬਲਸ੍ਤ੍ਵਂ ਬਲਯੁਤ-
ਸ੍ਤ੍ਰਯੋਵਿਂਸ਼ਤ੍ਯਕ੍षੌਹਿਣਿ ਤਦੁਪਨੀਤਂ ਸਮਹृਥਾਃ ॥6॥
ਬਦ੍ਧਂ ਬਲਾਦਥ ਬਲੇਨ ਬਲੋਤ੍ਤਰਂ ਤ੍ਵਂ
ਭੂਯੋ ਬਲੋਦ੍ਯਮਰਸੇਨ ਮੁਮੋਚਿਥੈਨਮ੍ ।
ਨਿਸ਼੍ਸ਼ੇषਦਿਗ੍ਜਯਸਮਾਹृਤਵਿਸ਼੍ਵਸੈਨ੍ਯਾਤ੍
ਕੋऽਨ੍ਯਸ੍ਤਤੋ ਹਿ ਬਲਪੌਰੁषਵਾਂਸ੍ਤਦਾਨੀਮ੍ ॥7॥
ਭਗ੍ਨਃ ਸ ਲਗ੍ਨਹृਦਯੋऽਪਿ ਨृਪੈਃ ਪ੍ਰਣੁਨ੍ਨੋ
ਯੁਦ੍ਧਂ ਤ੍ਵਯਾ ਵ੍ਯਧਿਤ षੋਡਸ਼ਕृਤ੍ਵ ਏਵਮ੍ ।
ਅਕ੍षੌਹਿਣੀਃ ਸ਼ਿਵ ਸ਼ਿਵਾਸ੍ਯ ਜਘਨ੍ਥ ਵਿष੍ਣੋ
ਸਮ੍ਭੂਯ ਸੈਕਨਵਤਿਤ੍ਰਿਸ਼ਤਂ ਤਦਾਨੀਮ੍ ॥8॥
ਅष੍ਟਾਦਸ਼ੇऽਸ੍ਯ ਸਮਰੇ ਸਮੁਪੇਯੁषਿ ਤ੍ਵਂ
ਦृष੍ਟ੍ਵਾ ਪੁਰੋऽਥ ਯਵਨਂ ਯਵਨਤ੍ਰਿਕੋਟ੍ਯਾ ।
ਤ੍ਵष੍ਟ੍ਰਾ ਵਿਧਾਪ੍ਯ ਪੁਰਮਾਸ਼ੁ ਪਯੋਧਿਮਧ੍ਯੇ
ਤਤ੍ਰਾऽਥ ਯੋਗਬਲਤਃ ਸ੍ਵਜਨਾਨਨੈषੀਃ ॥9॥
ਪਦਭ੍ਯਾਂ ਤ੍ਵਾਂ ਪਦ੍ਮਮਾਲੀ ਚਕਿਤ ਇਵ ਪੁਰਾਨ੍ਨਿਰ੍ਗਤੋ ਧਾਵਮਾਨੋ
ਮ੍ਲੇਚ੍ਛੇਸ਼ੇਨਾਨੁਯਾਤੋ ਵਧਸੁਕृਤਵਿਹੀਨੇਨ ਸ਼ੈਲੇ ਨ੍ਯਲੈषੀਃ ।
ਸੁਪ੍ਤੇਨਾਙ੍ਘ੍ਰ੍ਯਾਹਤੇਨ ਦ੍ਰੁਤਮਥ ਮੁਚੁਕੁਨ੍ਦੇਨ ਭਸ੍ਮੀਕृਤੇऽਸ੍ਮਿਨ੍
ਭੂਪਾਯਾਸ੍ਮੈ ਗੁਹਾਨ੍ਤੇ ਸੁਲਲਿਤਵਪੁषਾ ਤਸ੍ਥਿषੇ ਭਕ੍ਤਿਭਾਜੇ ॥10॥
ਐਕ੍ष੍ਵਾਕੋऽਹਂ ਵਿਰਕ੍ਤੋऽਸ੍ਮ੍ਯਖਿਲਨृਪਸੁਖੇ ਤ੍ਵਤ੍ਪ੍ਰਸਾਦੈਕਕਾਙ੍ਕ੍षੀ
ਹਾ ਦੇਵੇਤਿ ਸ੍ਤੁਵਨ੍ਤਂ ਵਰਵਿਤਤਿषੁ ਤਂ ਨਿਸ੍ਪृਹਂ ਵੀਕ੍ष੍ਯ ਹृष੍ਯਨ੍ ।
ਮੁਕ੍ਤੇਸ੍ਤੁਲ੍ਯਾਂ ਚ ਭਕ੍ਤਿਂ ਧੁਤਸਕਲਮਲਾਂ ਮੋਕ੍षਮਪ੍ਯਾਸ਼ੁ ਦਤ੍ਵਾ
ਕਾਰ੍ਯਂ ਹਿਂਸਾਵਿਸ਼ੁਦ੍ਧ੍ਯੈ ਤਪ ਇਤਿ ਚ ਤਦਾ ਪ੍ਰਾਤ੍ਥ ਲੋਕਪ੍ਰਤੀਤ੍ਯੈ ॥11॥
ਤਦਨੁ ਮਥੁਰਾਂ ਗਤ੍ਵਾ ਹਤ੍ਵਾ ਚਮੂਂ ਯਵਨਾਹृਤਾਂ
ਮਗਧਪਤਿਨਾ ਮਾਰ੍ਗੇ ਸੈਨ੍ਯੈਃ ਪੁਰੇਵ ਨਿਵਾਰਿਤਃ ।
ਚਰਮਵਿਜਯਂ ਦਰ੍ਪਾਯਾਸ੍ਮੈ ਪ੍ਰਦਾਯ ਪਲਾਯਿਤੋ
ਜਲਧਿਨਗਰੀਂ ਯਾਤੋ ਵਾਤਾਲਯੇਸ਼੍ਵਰ ਪਾਹਿ ਮਾਮ੍ ॥12॥
Roman (IAST) Transliteration
sairandhryāstadanu ciraṃ smarāturāyā
yāto'bhūḥ sulalitamuddhavena sārdham |
āvāsaṃ tvadupagamotsavaṃ sadaiva
dhyāyantyāḥ pratidinavāsasajjikāyāḥ ||1||
upagate tvayi pūrṇamanorathāṃ pramadasambhramakamprapayodharām |
vividhamānanamādadhatīṃ mudā rahasi tāṃ ramayāñcakṛṣe sukham ||2||
pṛṣṭā varaṃ punarasāvavṛṇodvarākī
bhūyastvayā suratameva niśāntareṣu |
sāyujyamastviti vadet budha eva kāmaṃ
sāmīpyamastvaniśamityapi nābravīt kim ||3||
tato bhavān deva niśāsu kāsucinmṛgīdṛśaṃ tāṃ nibhṛtaṃ vinodayan |
adādupaśloka iti śrutaṃ sutaṃ sa nāradāt sāttvatatantravidbababhau ||4||
akrūramandiramito'tha baloddhavābhyā-
mabhyarcito bahu nuto muditena tena |
enaṃ visṛjya vipināgatapāṇḍaveya-
vṛttaṃ viveditha tathā dhṛtarāṣṭrceṣṭām ||5||
vighātājjāmātuḥ paramasuhṛdo bhojanṛpate-
rjarāsandhe rundhatyanavadhiruṣāndhe'tha mathurām |
rathādyairdyorlabdhaiḥ katipayabalastvaṃ balayuta-
strayoviṃśatyakṣauhiṇi tadupanītaṃ samahṛthāḥ ||6||
baddhaṃ balādatha balena balottaraṃ tvaṃ
bhūyo balodyamarasena mumocithainam |
niśśeṣadigjayasamāhṛtaviśvasainyāt
ko'nyastato hi balapauruṣavāṃstadānīm ||7||
bhagnaḥ sa lagnahṛdayo'pi nṛpaiḥ praṇunno
yuddhaṃ tvayā vyadhita ṣoḍaśakṛtva evam |
akṣauhiṇīḥ śiva śivāsya jaghantha viṣṇo
sambhūya saikanavatitriśataṃ tadānīm ||8||
aṣṭādaśe'sya samare samupeyuṣi tvaṃ
dṛṣṭvā puro'tha yavanaṃ yavanatrikoṭyā |
tvaṣṭrā vidhāpya puramāśu payodhimadhye
tatrā'tha yogabalataḥ svajanānanaiṣīḥ ||9||
padabhyāṃ tvāṃ padmamālī cakita iva purānnirgato dhāvamāno
mleccheśenānuyāto vadhasukṛtavihīnena śaile nyalaiṣīḥ |
suptenāṅghryāhatena drutamatha mucukundena bhasmīkṛte'smin
bhūpāyāsmai guhānte sulalitavapuṣā tasthiṣe bhaktibhāje ||10||
aikṣvāko'haṃ virakto'smyakhilanṛpasukhe tvatprasādaikakāṅkṣī
hā deveti stuvantaṃ varavitatiṣu taṃ nispṛhaṃ vīkṣya hṛṣyan |
muktestulyāṃ ca bhaktiṃ dhutasakalamalāṃ mokṣamapyāśu datvā
kāryaṃ hiṃsāviśuddhyai tapa iti ca tadā prāttha lokapratītyai ||11||
tadanu mathurāṃ gatvā hatvā camūṃ yavanāhṛtāṃ
magadhapatinā mārge sainyaiḥ pureva nivāritaḥ |
caramavijayaṃ darpāyāsmai pradāya palāyito
jaladhinagarīṃ yāto vātālayeśvara pāhi mām ||12||
Sanskrit — Devanagari (original)
सैरन्ध्र्यास्तदनु चिरं स्मरातुराया
यातोऽभूः सुललितमुद्धवेन सार्धम् ।
आवासं त्वदुपगमोत्सवं सदैव
ध्यायन्त्याः प्रतिदिनवाससज्जिकायाः ॥1॥
उपगते त्वयि पूर्णमनोरथां प्रमदसम्भ्रमकम्प्रपयोधराम् ।
विविधमाननमादधतीं मुदा रहसि तां रमयाञ्चकृषे सुखम् ॥2॥
पृष्टा वरं पुनरसाववृणोद्वराकी
भूयस्त्वया सुरतमेव निशान्तरेषु ।
सायुज्यमस्त्विति वदेत् बुध एव कामं
सामीप्यमस्त्वनिशमित्यपि नाब्रवीत् किम् ॥3॥
ततो भवान् देव निशासु कासुचिन्मृगीदृशं तां निभृतं विनोदयन् ।
अदादुपश्लोक इति श्रुतं सुतं स नारदात् सात्त्वततन्त्रविद्बबभौ ॥4॥
अक्रूरमन्दिरमितोऽथ बलोद्धवाभ्या-
मभ्यर्चितो बहु नुतो मुदितेन तेन ।
एनं विसृज्य विपिनागतपाण्डवेय-
वृत्तं विवेदिथ तथा धृतराष्ट्र्चेष्टाम् ॥5॥
विघाताज्जामातुः परमसुहृदो भोजनृपते-
र्जरासन्धे रुन्धत्यनवधिरुषान्धेऽथ मथुराम् ।
रथाद्यैर्द्योर्लब्धैः कतिपयबलस्त्वं बलयुत-
स्त्रयोविंशत्यक्षौहिणि तदुपनीतं समहृथाः ॥6॥
बद्धं बलादथ बलेन बलोत्तरं त्वं
भूयो बलोद्यमरसेन मुमोचिथैनम् ।
निश्शेषदिग्जयसमाहृतविश्वसैन्यात्
कोऽन्यस्ततो हि बलपौरुषवांस्तदानीम् ॥7॥
भग्नः स लग्नहृदयोऽपि नृपैः प्रणुन्नो
युद्धं त्वया व्यधित षोडशकृत्व एवम् ।
अक्षौहिणीः शिव शिवास्य जघन्थ विष्णो
सम्भूय सैकनवतित्रिशतं तदानीम् ॥8॥
अष्टादशेऽस्य समरे समुपेयुषि त्वं
दृष्ट्वा पुरोऽथ यवनं यवनत्रिकोट्या ।
त्वष्ट्रा विधाप्य पुरमाशु पयोधिमध्ये
तत्राऽथ योगबलतः स्वजनाननैषीः ॥9॥
पदभ्यां त्वां पद्ममाली चकित इव पुरान्निर्गतो धावमानो
म्लेच्छेशेनानुयातो वधसुकृतविहीनेन शैले न्यलैषीः ।
सुप्तेनाङ्घ्र्याहतेन द्रुतमथ मुचुकुन्देन भस्मीकृतेऽस्मिन्
भूपायास्मै गुहान्ते सुललितवपुषा तस्थिषे भक्तिभाजे ॥10॥
ऐक्ष्वाकोऽहं विरक्तोऽस्म्यखिलनृपसुखे त्वत्प्रसादैककाङ्क्षी
हा देवेति स्तुवन्तं वरविततिषु तं निस्पृहं वीक्ष्य हृष्यन् ।
मुक्तेस्तुल्यां च भक्तिं धुतसकलमलां मोक्षमप्याशु दत्वा
कार्यं हिंसाविशुद्ध्यै तप इति च तदा प्रात्थ लोकप्रतीत्यै ॥11॥
तदनु मथुरां गत्वा हत्वा चमूं यवनाहृतां
मगधपतिना मार्गे सैन्यैः पुरेव निवारितः ।
चरमविजयं दर्पायास्मै प्रदाय पलायितो
जलधिनगरीं यातो वातालयेश्वर पाहि माम् ॥12॥
sairandhryāstadanu ciraṃ smarāturāyā
yāto'bhūḥ sulalitamuddhavena sārdham |
āvāsaṃ tvadupagamotsavaṃ sadaiva
dhyāyantyāḥ pratidinavāsasajjikāyāḥ ||1||
upagate tvayi pūrṇamanorathāṃ pramadasambhramakamprapayodharām |
vividhamānanamādadhatīṃ mudā rahasi tāṃ ramayāñcakṛṣe sukham ||2||
pṛṣṭā varaṃ punarasāvavṛṇodvarākī
bhūyastvayā suratameva niśāntareṣu |
sāyujyamastviti vadet budha eva kāmaṃ
sāmīpyamastvaniśamityapi nābravīt kim ||3||
tato bhavān deva niśāsu kāsucinmṛgīdṛśaṃ tāṃ nibhṛtaṃ vinodayan |
adādupaśloka iti śrutaṃ sutaṃ sa nāradāt sāttvatatantravidbababhau ||4||
akrūramandiramito'tha baloddhavābhyā-
mabhyarcito bahu nuto muditena tena |
enaṃ visṛjya vipināgatapāṇḍaveya-
vṛttaṃ viveditha tathā dhṛtarāṣṭrceṣṭām ||5||
vighātājjāmātuḥ paramasuhṛdo bhojanṛpate-
rjarāsandhe rundhatyanavadhiruṣāndhe'tha mathurām |
rathādyairdyorlabdhaiḥ katipayabalastvaṃ balayuta-
strayoviṃśatyakṣauhiṇi tadupanītaṃ samahṛthāḥ ||6||
baddhaṃ balādatha balena balottaraṃ tvaṃ
bhūyo balodyamarasena mumocithainam |
niśśeṣadigjayasamāhṛtaviśvasainyāt
ko'nyastato hi balapauruṣavāṃstadānīm ||7||
bhagnaḥ sa lagnahṛdayo'pi nṛpaiḥ praṇunno
yuddhaṃ tvayā vyadhita ṣoḍaśakṛtva evam |
akṣauhiṇīḥ śiva śivāsya jaghantha viṣṇo
sambhūya saikanavatitriśataṃ tadānīm ||8||
aṣṭādaśe'sya samare samupeyuṣi tvaṃ
dṛṣṭvā puro'tha yavanaṃ yavanatrikoṭyā |
tvaṣṭrā vidhāpya puramāśu payodhimadhye
tatrā'tha yogabalataḥ svajanānanaiṣīḥ ||9||
padabhyāṃ tvāṃ padmamālī cakita iva purānnirgato dhāvamāno
mleccheśenānuyāto vadhasukṛtavihīnena śaile nyalaiṣīḥ |
suptenāṅghryāhatena drutamatha mucukundena bhasmīkṛte'smin
bhūpāyāsmai guhānte sulalitavapuṣā tasthiṣe bhaktibhāje ||10||
aikṣvāko'haṃ virakto'smyakhilanṛpasukhe tvatprasādaikakāṅkṣī
hā deveti stuvantaṃ varavitatiṣu taṃ nispṛhaṃ vīkṣya hṛṣyan |
muktestulyāṃ ca bhaktiṃ dhutasakalamalāṃ mokṣamapyāśu datvā
kāryaṃ hiṃsāviśuddhyai tapa iti ca tadā prāttha lokapratītyai ||11||
tadanu mathurāṃ gatvā hatvā camūṃ yavanāhṛtāṃ
magadhapatinā mārge sainyaiḥ pureva nivāritaḥ |
caramavijayaṃ darpāyāsmai pradāya palāyito
jaladhinagarīṃ yāto vātālayeśvara pāhi mām ||12||
🕉️ This is the original Sanskrit rendered in Gurmukhi script.
Pronunciation is identical to the Sanskrit Devanagari version.