Narayaniyam Dashaka 77 - Jarasandhadibhih Saha Yuddham — Tamil Script

ஸைரந்த்ர்யாஸ்ததநு சிரம் ஸ்மராதுராயா

யாதோऽபூஃ ஸுலலிதமுத்தவேந ஸார்தம் ।

ஆவாஸம் த்வதுபகமோத்ஸவம் ஸதைவ

த்யாயந்த்யாஃ ப்ரதிதிநவாஸஸஜ்ஜிகாயாஃ ॥1॥

உபகதே த்வயி பூர்ணமநோரதாம் ப்ரமதஸம்ப்ரமகம்ப்ரபயோதராம் ।

விவிதமாநநமாதததீம் முதா ரஹஸி தாம் ரமயாஞ்சக்ரு'ஷே ஸுகம் ॥2॥

ப்ரு'ஷ்டா வரம் புநரஸாவவ்ரு'ணோத்வராகீ

பூயஸ்த்வயா ஸுரதமேவ நிஶாந்தரேஷு ।

ஸாயுஜ்யமஸ்த்விதி வதேத் புத ஏவ காமம்

ஸாமீப்யமஸ்த்வநிஶமித்யபி நாப்ரவீத் கிம் ॥3॥

ததோ பவாந் தேவ நிஶாஸு காஸுசிந்ம்ரு'கீத்ரு'ஶம் தாம் நிப்ரு'தம் விநோதயந் ।

அதாதுபஶ்லோக இதி ஶ்ருதம் ஸுதம் ஸ நாரதாத் ஸாத்த்வததந்த்ரவித்பபபௌ ॥4॥

அக்ரூரமந்திரமிதோऽத பலோத்தவாப்யா-

மப்யர்சிதோ பஹு நுதோ முதிதேந தேந ।

ஏநம் விஸ்ரு'ஜ்ய விபிநாகதபாண்டவேய-

வ்ரு'த்தம் விவேதித ததா த்ரு'தராஷ்ட்ர்சேஷ்டாம் ॥5॥

விகாதாஜ்ஜாமாதுஃ பரமஸுஹ்ரு'தோ போஜந்ரு'பதே-

ர்ஜராஸந்தே ருந்தத்யநவதிருஷாந்தேऽத மதுராம் ।

ரதாத்யைர்த்யோர்லப்தைஃ கதிபயபலஸ்த்வம் பலயுத-

ஸ்த்ரயோவிம்ஶத்யக்ஷௌஹிணி ததுபநீதம் ஸமஹ்ரு'தாஃ ॥6॥

பத்தம் பலாதத பலேந பலோத்தரம் த்வம்

பூயோ பலோத்யமரஸேந முமோசிதைநம் ।

நிஶ்ஶேஷதிக்ஜயஸமாஹ்ரு'தவிஶ்வஸைந்யாத்

கோऽந்யஸ்ததோ ஹி பலபௌருஷவாம்ஸ்ததாநீம் ॥7॥

பக்நஃ ஸ லக்நஹ்ரு'தயோऽபி ந்ரு'பைஃ ப்ரணுந்நோ

யுத்தம் த்வயா வ்யதித ஷோடஶக்ரு'த்வ ஏவம் ।

அக்ஷௌஹிணீஃ ஶிவ ஶிவாஸ்ய ஜகந்த விஷ்ணோ

ஸம்பூய ஸைகநவதித்ரிஶதம் ததாநீம் ॥8॥

அஷ்டாதஶேऽஸ்ய ஸமரே ஸமுபேயுஷி த்வம்

த்ரு'ஷ்ட்வா புரோऽத யவநம் யவநத்ரிகோட்யா ।

த்வஷ்ட்ரா விதாப்ய புரமாஶு பயோதிமத்யே

தத்ராऽத யோகபலதஃ ஸ்வஜநாநநைஷீஃ ॥9॥

பதப்யாம் த்வாம் பத்மமாலீ சகித இவ புராந்நிர்கதோ தாவமாநோ

ம்லேச்சேஶேநாநுயாதோ வதஸுக்ரு'தவிஹீநேந ஶைலே ந்யலைஷீஃ ।

ஸுப்தேநாங்க்ர்யாஹதேந த்ருதமத முசுகுந்தேந பஸ்மீக்ரு'தேऽஸ்மிந்

பூபாயாஸ்மை குஹாந்தே ஸுலலிதவபுஷா தஸ்திஷே பக்திபாஜே ॥10॥

ஐக்ஷ்வாகோऽஹம் விரக்தோऽஸ்ம்யகிலந்ரு'பஸுகே த்வத்ப்ரஸாதைககாங்க்ஷீ

ஹா தேவேதி ஸ்துவந்தம் வரவிததிஷு தம் நிஸ்ப்ரு'ஹம் வீக்ஷ்ய ஹ்ரு'ஷ்யந் ।

முக்தேஸ்துல்யாம் ச பக்திம் துதஸகலமலாம் மோக்ஷமப்யாஶு தத்வா

கார்யம் ஹிம்ஸாவிஶுத்த்யை தப இதி ச ததா ப்ராத்த லோகப்ரதீத்யை ॥11॥

ததநு மதுராம் கத்வா ஹத்வா சமூம் யவநாஹ்ரு'தாம்

மகதபதிநா மார்கே ஸைந்யைஃ புரேவ நிவாரிதஃ ।

சரமவிஜயம் தர்பாயாஸ்மை ப்ரதாய பலாயிதோ

ஜலதிநகரீம் யாதோ வாதாலயேஶ்வர பாஹி மாம் ॥12॥

Roman (IAST) Transliteration

sairandhryāstadanu ciraṃ smarāturāyā

yāto'bhūḥ sulalitamuddhavena sārdham |

āvāsaṃ tvadupagamotsavaṃ sadaiva

dhyāyantyāḥ pratidinavāsasajjikāyāḥ ||1||

upagate tvayi pūrṇamanorathāṃ pramadasambhramakamprapayodharām |

vividhamānanamādadhatīṃ mudā rahasi tāṃ ramayāñcakṛṣe sukham ||2||

pṛṣṭā varaṃ punarasāvavṛṇodvarākī

bhūyastvayā suratameva niśāntareṣu |

sāyujyamastviti vadet budha eva kāmaṃ

sāmīpyamastvaniśamityapi nābravīt kim ||3||

tato bhavān deva niśāsu kāsucinmṛgīdṛśaṃ tāṃ nibhṛtaṃ vinodayan |

adādupaśloka iti śrutaṃ sutaṃ sa nāradāt sāttvatatantravidbababhau ||4||

akrūramandiramito'tha baloddhavābhyā-

mabhyarcito bahu nuto muditena tena |

enaṃ visṛjya vipināgatapāṇḍaveya-

vṛttaṃ viveditha tathā dhṛtarāṣṭrceṣṭām ||5||

vighātājjāmātuḥ paramasuhṛdo bhojanṛpate-

rjarāsandhe rundhatyanavadhiruṣāndhe'tha mathurām |

rathādyairdyorlabdhaiḥ katipayabalastvaṃ balayuta-

strayoviṃśatyakṣauhiṇi tadupanītaṃ samahṛthāḥ ||6||

baddhaṃ balādatha balena balottaraṃ tvaṃ

bhūyo balodyamarasena mumocithainam |

niśśeṣadigjayasamāhṛtaviśvasainyāt

ko'nyastato hi balapauruṣavāṃstadānīm ||7||

bhagnaḥ sa lagnahṛdayo'pi nṛpaiḥ praṇunno

yuddhaṃ tvayā vyadhita ṣoḍaśakṛtva evam |

akṣauhiṇīḥ śiva śivāsya jaghantha viṣṇo

sambhūya saikanavatitriśataṃ tadānīm ||8||

aṣṭādaśe'sya samare samupeyuṣi tvaṃ

dṛṣṭvā puro'tha yavanaṃ yavanatrikoṭyā |

tvaṣṭrā vidhāpya puramāśu payodhimadhye

tatrā'tha yogabalataḥ svajanānanaiṣīḥ ||9||

padabhyāṃ tvāṃ padmamālī cakita iva purānnirgato dhāvamāno

mleccheśenānuyāto vadhasukṛtavihīnena śaile nyalaiṣīḥ |

suptenāṅghryāhatena drutamatha mucukundena bhasmīkṛte'smin

bhūpāyāsmai guhānte sulalitavapuṣā tasthiṣe bhaktibhāje ||10||

aikṣvāko'haṃ virakto'smyakhilanṛpasukhe tvatprasādaikakāṅkṣī

hā deveti stuvantaṃ varavitatiṣu taṃ nispṛhaṃ vīkṣya hṛṣyan |

muktestulyāṃ ca bhaktiṃ dhutasakalamalāṃ mokṣamapyāśu datvā

kāryaṃ hiṃsāviśuddhyai tapa iti ca tadā prāttha lokapratītyai ||11||

tadanu mathurāṃ gatvā hatvā camūṃ yavanāhṛtāṃ

magadhapatinā mārge sainyaiḥ pureva nivāritaḥ |

caramavijayaṃ darpāyāsmai pradāya palāyito

jaladhinagarīṃ yāto vātālayeśvara pāhi mām ||12||

Sanskrit — Devanagari (original)

सैरन्ध्र्यास्तदनु चिरं स्मरातुराया

यातोऽभूः सुललितमुद्धवेन सार्धम् ।

आवासं त्वदुपगमोत्सवं सदैव

ध्यायन्त्याः प्रतिदिनवाससज्जिकायाः ॥1॥

उपगते त्वयि पूर्णमनोरथां प्रमदसम्भ्रमकम्प्रपयोधराम् ।

विविधमाननमादधतीं मुदा रहसि तां रमयाञ्चकृषे सुखम् ॥2॥

पृष्टा वरं पुनरसाववृणोद्वराकी

भूयस्त्वया सुरतमेव निशान्तरेषु ।

सायुज्यमस्त्विति वदेत् बुध एव कामं

सामीप्यमस्त्वनिशमित्यपि नाब्रवीत् किम् ॥3॥

ततो भवान् देव निशासु कासुचिन्मृगीदृशं तां निभृतं विनोदयन् ।

अदादुपश्लोक इति श्रुतं सुतं स नारदात् सात्त्वततन्त्रविद्बबभौ ॥4॥

अक्रूरमन्दिरमितोऽथ बलोद्धवाभ्या-

मभ्यर्चितो बहु नुतो मुदितेन तेन ।

एनं विसृज्य विपिनागतपाण्डवेय-

वृत्तं विवेदिथ तथा धृतराष्ट्र्चेष्टाम् ॥5॥

विघाताज्जामातुः परमसुहृदो भोजनृपते-

र्जरासन्धे रुन्धत्यनवधिरुषान्धेऽथ मथुराम् ।

रथाद्यैर्द्योर्लब्धैः कतिपयबलस्त्वं बलयुत-

स्त्रयोविंशत्यक्षौहिणि तदुपनीतं समहृथाः ॥6॥

बद्धं बलादथ बलेन बलोत्तरं त्वं

भूयो बलोद्यमरसेन मुमोचिथैनम् ।

निश्शेषदिग्जयसमाहृतविश्वसैन्यात्

कोऽन्यस्ततो हि बलपौरुषवांस्तदानीम् ॥7॥

भग्नः स लग्नहृदयोऽपि नृपैः प्रणुन्नो

युद्धं त्वया व्यधित षोडशकृत्व एवम् ।

अक्षौहिणीः शिव शिवास्य जघन्थ विष्णो

सम्भूय सैकनवतित्रिशतं तदानीम् ॥8॥

अष्टादशेऽस्य समरे समुपेयुषि त्वं

दृष्ट्वा पुरोऽथ यवनं यवनत्रिकोट्या ।

त्वष्ट्रा विधाप्य पुरमाशु पयोधिमध्ये

तत्राऽथ योगबलतः स्वजनाननैषीः ॥9॥

पदभ्यां त्वां पद्ममाली चकित इव पुरान्निर्गतो धावमानो

म्लेच्छेशेनानुयातो वधसुकृतविहीनेन शैले न्यलैषीः ।

सुप्तेनाङ्घ्र्याहतेन द्रुतमथ मुचुकुन्देन भस्मीकृतेऽस्मिन्

भूपायास्मै गुहान्ते सुललितवपुषा तस्थिषे भक्तिभाजे ॥10॥

ऐक्ष्वाकोऽहं विरक्तोऽस्म्यखिलनृपसुखे त्वत्प्रसादैककाङ्क्षी

हा देवेति स्तुवन्तं वरविततिषु तं निस्पृहं वीक्ष्य हृष्यन् ।

मुक्तेस्तुल्यां च भक्तिं धुतसकलमलां मोक्षमप्याशु दत्वा

कार्यं हिंसाविशुद्ध्यै तप इति च तदा प्रात्थ लोकप्रतीत्यै ॥11॥

तदनु मथुरां गत्वा हत्वा चमूं यवनाहृतां

मगधपतिना मार्गे सैन्यैः पुरेव निवारितः ।

चरमविजयं दर्पायास्मै प्रदाय पलायितो

जलधिनगरीं यातो वातालयेश्वर पाहि माम् ॥12॥