ਕਲ੍ਯਤਾਂ ਮਮ ਕੁਰੁष੍ਵ ਤਾਵਤੀਂ ਕਲ੍ਯਤੇ ਭਵਦੁਪਾਸਨਂ ਯਯਾ ।
ਸ੍ਪष੍ਟਮष੍ਟਵਿਧਯੋਗਚਰ੍ਯਯਾ ਪੁष੍ਟਯਾਸ਼ੁ ਤਵ ਤੁष੍ਟਿਮਾਪ੍ਨੁਯਾਮ੍ ॥1॥
ਬ੍ਰਹ੍ਮਚਰ੍ਯਦृਢਤਾਦਿਭਿਰ੍ਯਮੈਰਾਪ੍ਲਵਾਦਿਨਿਯਮੈਸ਼੍ਚ ਪਾਵਿਤਾਃ ।
ਕੁਰ੍ਮਹੇ ਦृਢਮਮੀ ਸੁਖਾਸਨਂ ਪਙ੍ਕਜਾਦ੍ਯਮਪਿ ਵਾ ਭਵਤ੍ਪਰਾਃ ॥2॥
ਤਾਰਮਨ੍ਤਰਨੁਚਿਨ੍ਤ੍ਯ ਸਨ੍ਤਤਂ ਪ੍ਰਾਣਵਾਯੁਮਭਿਯਮ੍ਯ ਨਿਰ੍ਮਲਾਃ ।
ਇਨ੍ਦ੍ਰਿਯਾਣਿ ਵਿषਯਾਦਥਾਪਹृਤ੍ਯਾਸ੍ਮਹੇ ਭਵਦੁਪਾਸਨੋਨ੍ਮੁਖਾਃ ॥3॥
ਅਸ੍ਫੁਟੇ ਵਪੁषਿ ਤੇ ਪ੍ਰਯਤ੍ਨਤੋ ਧਾਰਯੇਮ ਧਿषਣਾਂ ਮੁਹੁਰ੍ਮੁਹੁਃ ।
ਤੇਨ ਭਕ੍ਤਿਰਸਮਨ੍ਤਰਾਰ੍ਦ੍ਰਤਾਮੁਦ੍ਵਹੇਮ ਭਵਦਙ੍ਘ੍ਰਿਚਿਨ੍ਤਕਾ ॥4॥
ਵਿਸ੍ਫੁਟਾਵਯਵਭੇਦਸੁਨ੍ਦਰਂ ਤ੍ਵਦ੍ਵਪੁਃ ਸੁਚਿਰਸ਼ੀਲਨਾਵਸ਼ਾਤ੍ ।
ਅਸ਼੍ਰਮਂ ਮਨਸਿ ਚਿਨ੍ਤਯਾਮਹੇ ਧ੍ਯਾਨਯੋਗਨਿਰਤਾਸ੍ਤ੍ਵਦਾਸ਼੍ਰਯਾਃ ॥5॥
ਧ੍ਯਾਯਤਾਂ ਸਕਲਮੂਰ੍ਤਿਮੀਦृਸ਼ੀਮੁਨ੍ਮਿषਨ੍ਮਧੁਰਤਾਹृਤਾਤ੍ਮਨਾਮ੍ ।
ਸਾਨ੍ਦ੍ਰਮੋਦਰਸਰੂਪਮਾਨ੍ਤਰਂ ਬ੍ਰਹ੍ਮ ਰੂਪਮਯਿ ਤੇऽਵਭਾਸਤੇ ॥6॥
ਤਤ੍ਸਮਾਸ੍ਵਦਨਰੂਪਿਣੀਂ ਸ੍ਥਿਤਿਂ ਤ੍ਵਤ੍ਸਮਾਧਿਮਯਿ ਵਿਸ਼੍ਵਨਾਯਕ ।
ਆਸ਼੍ਰਿਤਾਃ ਪੁਨਰਤਃ ਪਰਿਚ੍ਯੁਤਾਵਾਰਭੇਮਹਿ ਚ ਧਾਰਣਾਦਿਕਮ੍ ॥7॥
ਇਤ੍ਥਮਭ੍ਯਸਨਨਿਰ੍ਭਰੋਲ੍ਲਸਤ੍ਤ੍ਵਤ੍ਪਰਾਤ੍ਮਸੁਖਕਲ੍ਪਿਤੋਤ੍ਸਵਾਃ ।
ਮੁਕ੍ਤਭਕ੍ਤਕੁਲਮੌਲਿਤਾਂ ਗਤਾਃ ਸਞ੍ਚਰੇਮ ਸ਼ੁਕਨਾਰਦਾਦਿਵਤ੍ ॥8॥
ਤ੍ਵਤ੍ਸਮਾਧਿਵਿਜਯੇ ਤੁ ਯਃ ਪੁਨਰ੍ਮਙ੍ਕ੍षੁ ਮੋਕ੍षਰਸਿਕਃ ਕ੍ਰਮੇਣ ਵਾ ।
ਯੋਗਵਸ਼੍ਯਮਨਿਲਂ षਡਾਸ਼੍ਰਯੈਰੁਨ੍ਨਯਤ੍ਯਜ ਸੁषੁਮ੍ਨਯਾ ਸ਼ਨੈਃ ॥9॥
ਲਿਙ੍ਗਦੇਹਮਪਿ ਸਨ੍ਤ੍ਯਜਨ੍ਨਥੋ ਲੀਯਤੇ ਤ੍ਵਯਿ ਪਰੇ ਨਿਰਾਗ੍ਰਹਃ ।
ਊਰ੍ਧ੍ਵਲੋਕਕੁਤੁਕੀ ਤੁ ਮੂਰ੍ਧਤਃ ਸਾਰ੍ਧਮੇਵ ਕਰਣੈਰ੍ਨਿਰੀਯਤੇ ॥10॥
ਅਗ੍ਨਿਵਾਸਰਵਲਰ੍ਕ੍षਪਕ੍षਗੈਰੁਤ੍ਤਰਾਯਣਜੁषਾ ਚ ਦੈਵਤੈਃ ।
ਪ੍ਰਾਪਿਤੋ ਰਵਿਪਦਂ ਭਵਤ੍ਪਰੋ ਮੋਦਵਾਨ੍ ਧ੍ਰੁਵਪਦਾਨ੍ਤਮੀਯਤੇ ॥11॥
ਆਸ੍ਥਿਤੋऽਥ ਮਹਰਾਲਯੇ ਯਦਾ ਸ਼ੇषਵਕ੍ਤ੍ਰਦਹਨੋष੍ਮਣਾਰ੍ਦ੍ਯਤੇ ।
ਈਯਤੇ ਭਵਦੁਪਾਸ਼੍ਰਯਸ੍ਤਦਾ ਵੇਧਸਃ ਪਦਮਤਃ ਪੁਰੈਵ ਵਾ ॥12॥
ਤਤ੍ਰ ਵਾ ਤਵ ਪਦੇऽਥਵਾ ਵਸਨ੍ ਪ੍ਰਾਕृਤਪ੍ਰਲਯ ਏਤਿ ਮੁਕ੍ਤਤਾਮ੍ ।
ਸ੍ਵੇਚ੍ਛਯਾ ਖਲੁ ਪੁਰਾ ਵਿਮੁਚ੍ਯਤੇ ਸਂਵਿਭਿਦ੍ਯ ਜਗਦਣ੍ਡਮੋਜਸਾ ॥13॥
ਤਸ੍ਯ ਚ ਕ੍षਿਤਿਪਯੋਮਹੋऽਨਿਲਦ੍ਯੋਮਹਤ੍ਪ੍ਰਕृਤਿਸਪ੍ਤਕਾਵृਤੀਃ ।
ਤਤ੍ਤਦਾਤ੍ਮਕਤਯਾ ਵਿਸ਼ਨ੍ ਸੁਖੀ ਯਾਤਿ ਤੇ ਪਦਮਨਾਵृਤਂ ਵਿਭੋ ॥14॥
ਅਰ੍ਚਿਰਾਦਿਗਤਿਮੀਦृਸ਼ੀਂ ਵ੍ਰਜਨ੍ ਵਿਚ੍ਯੁਤਿਂ ਨ ਭਜਤੇ ਜਗਤ੍ਪਤੇ ।
ਸਚ੍ਚਿਦਾਤ੍ਮਕ ਭਵਤ੍ ਗੁਣੋਦਯਾਨੁਚ੍ਚਰਨ੍ਤਮਨਿਲੇਸ਼ ਪਾਹਿ ਮਾਮ੍ ॥15॥
Roman (IAST) Transliteration
kalyatāṃ mama kuruṣva tāvatīṃ kalyate bhavadupāsanaṃ yayā |
spaṣṭamaṣṭavidhayogacaryayā puṣṭayāśu tava tuṣṭimāpnuyām ||1||
brahmacaryadṛḍhatādibhiryamairāplavādiniyamaiśca pāvitāḥ |
kurmahe dṛḍhamamī sukhāsanaṃ paṅkajādyamapi vā bhavatparāḥ ||2||
tāramantaranucintya santataṃ prāṇavāyumabhiyamya nirmalāḥ |
indriyāṇi viṣayādathāpahṛtyāsmahe bhavadupāsanonmukhāḥ ||3||
asphuṭe vapuṣi te prayatnato dhārayema dhiṣaṇāṃ muhurmuhuḥ |
tena bhaktirasamantarārdratāmudvahema bhavadaṅghricintakā ||4||
visphuṭāvayavabhedasundaraṃ tvadvapuḥ suciraśīlanāvaśāt |
aśramaṃ manasi cintayāmahe dhyānayoganiratāstvadāśrayāḥ ||5||
dhyāyatāṃ sakalamūrtimīdṛśīmunmiṣanmadhuratāhṛtātmanām |
sāndramodarasarūpamāntaraṃ brahma rūpamayi te'vabhāsate ||6||
tatsamāsvadanarūpiṇīṃ sthitiṃ tvatsamādhimayi viśvanāyaka |
āśritāḥ punarataḥ paricyutāvārabhemahi ca dhāraṇādikam ||7||
itthamabhyasananirbharollasattvatparātmasukhakalpitotsavāḥ |
muktabhaktakulamaulitāṃ gatāḥ sañcarema śukanāradādivat ||8||
tvatsamādhivijaye tu yaḥ punarmaṅkṣu mokṣarasikaḥ krameṇa vā |
yogavaśyamanilaṃ ṣaḍāśrayairunnayatyaja suṣumnayā śanaiḥ ||9||
liṅgadehamapi santyajannatho līyate tvayi pare nirāgrahaḥ |
ūrdhvalokakutukī tu mūrdhataḥ sārdhameva karaṇairnirīyate ||10||
agnivāsaravalarkṣapakṣagairuttarāyaṇajuṣā ca daivataiḥ |
prāpito ravipadaṃ bhavatparo modavān dhruvapadāntamīyate ||11||
āsthito'tha maharālaye yadā śeṣavaktradahanoṣmaṇārdyate |
īyate bhavadupāśrayastadā vedhasaḥ padamataḥ puraiva vā ||12||
tatra vā tava pade'thavā vasan prākṛtapralaya eti muktatām |
svecchayā khalu purā vimucyate saṃvibhidya jagadaṇḍamojasā ||13||
tasya ca kṣitipayomaho'niladyomahatprakṛtisaptakāvṛtīḥ |
tattadātmakatayā viśan sukhī yāti te padamanāvṛtaṃ vibho ||14||
arcirādigatimīdṛśīṃ vrajan vicyutiṃ na bhajate jagatpate |
saccidātmaka bhavat guṇodayānuccarantamanileśa pāhi mām ||15||
Sanskrit — Devanagari (original)
कल्यतां मम कुरुष्व तावतीं कल्यते भवदुपासनं यया ।
स्पष्टमष्टविधयोगचर्यया पुष्टयाशु तव तुष्टिमाप्नुयाम् ॥1॥
ब्रह्मचर्यदृढतादिभिर्यमैराप्लवादिनियमैश्च पाविताः ।
कुर्महे दृढममी सुखासनं पङ्कजाद्यमपि वा भवत्पराः ॥2॥
तारमन्तरनुचिन्त्य सन्ततं प्राणवायुमभियम्य निर्मलाः ।
इन्द्रियाणि विषयादथापहृत्यास्महे भवदुपासनोन्मुखाः ॥3॥
अस्फुटे वपुषि ते प्रयत्नतो धारयेम धिषणां मुहुर्मुहुः ।
तेन भक्तिरसमन्तरार्द्रतामुद्वहेम भवदङ्घ्रिचिन्तका ॥4॥
विस्फुटावयवभेदसुन्दरं त्वद्वपुः सुचिरशीलनावशात् ।
अश्रमं मनसि चिन्तयामहे ध्यानयोगनिरतास्त्वदाश्रयाः ॥5॥
ध्यायतां सकलमूर्तिमीदृशीमुन्मिषन्मधुरताहृतात्मनाम् ।
सान्द्रमोदरसरूपमान्तरं ब्रह्म रूपमयि तेऽवभासते ॥6॥
तत्समास्वदनरूपिणीं स्थितिं त्वत्समाधिमयि विश्वनायक ।
आश्रिताः पुनरतः परिच्युतावारभेमहि च धारणादिकम् ॥7॥
इत्थमभ्यसननिर्भरोल्लसत्त्वत्परात्मसुखकल्पितोत्सवाः ।
मुक्तभक्तकुलमौलितां गताः सञ्चरेम शुकनारदादिवत् ॥8॥
त्वत्समाधिविजये तु यः पुनर्मङ्क्षु मोक्षरसिकः क्रमेण वा ।
योगवश्यमनिलं षडाश्रयैरुन्नयत्यज सुषुम्नया शनैः ॥9॥
लिङ्गदेहमपि सन्त्यजन्नथो लीयते त्वयि परे निराग्रहः ।
ऊर्ध्वलोककुतुकी तु मूर्धतः सार्धमेव करणैर्निरीयते ॥10॥
अग्निवासरवलर्क्षपक्षगैरुत्तरायणजुषा च दैवतैः ।
प्रापितो रविपदं भवत्परो मोदवान् ध्रुवपदान्तमीयते ॥11॥
आस्थितोऽथ महरालये यदा शेषवक्त्रदहनोष्मणार्द्यते ।
ईयते भवदुपाश्रयस्तदा वेधसः पदमतः पुरैव वा ॥12॥
तत्र वा तव पदेऽथवा वसन् प्राकृतप्रलय एति मुक्तताम् ।
स्वेच्छया खलु पुरा विमुच्यते संविभिद्य जगदण्डमोजसा ॥13॥
तस्य च क्षितिपयोमहोऽनिलद्योमहत्प्रकृतिसप्तकावृतीः ।
तत्तदात्मकतया विशन् सुखी याति ते पदमनावृतं विभो ॥14॥
अर्चिरादिगतिमीदृशीं व्रजन् विच्युतिं न भजते जगत्पते ।
सच्चिदात्मक भवत् गुणोदयानुच्चरन्तमनिलेश पाहि माम् ॥15॥
kalyatāṃ mama kuruṣva tāvatīṃ kalyate bhavadupāsanaṃ yayā |
spaṣṭamaṣṭavidhayogacaryayā puṣṭayāśu tava tuṣṭimāpnuyām ||1||
brahmacaryadṛḍhatādibhiryamairāplavādiniyamaiśca pāvitāḥ |
kurmahe dṛḍhamamī sukhāsanaṃ paṅkajādyamapi vā bhavatparāḥ ||2||
tāramantaranucintya santataṃ prāṇavāyumabhiyamya nirmalāḥ |
indriyāṇi viṣayādathāpahṛtyāsmahe bhavadupāsanonmukhāḥ ||3||
asphuṭe vapuṣi te prayatnato dhārayema dhiṣaṇāṃ muhurmuhuḥ |
tena bhaktirasamantarārdratāmudvahema bhavadaṅghricintakā ||4||
visphuṭāvayavabhedasundaraṃ tvadvapuḥ suciraśīlanāvaśāt |
aśramaṃ manasi cintayāmahe dhyānayoganiratāstvadāśrayāḥ ||5||
dhyāyatāṃ sakalamūrtimīdṛśīmunmiṣanmadhuratāhṛtātmanām |
sāndramodarasarūpamāntaraṃ brahma rūpamayi te'vabhāsate ||6||
tatsamāsvadanarūpiṇīṃ sthitiṃ tvatsamādhimayi viśvanāyaka |
āśritāḥ punarataḥ paricyutāvārabhemahi ca dhāraṇādikam ||7||
itthamabhyasananirbharollasattvatparātmasukhakalpitotsavāḥ |
muktabhaktakulamaulitāṃ gatāḥ sañcarema śukanāradādivat ||8||
tvatsamādhivijaye tu yaḥ punarmaṅkṣu mokṣarasikaḥ krameṇa vā |
yogavaśyamanilaṃ ṣaḍāśrayairunnayatyaja suṣumnayā śanaiḥ ||9||
liṅgadehamapi santyajannatho līyate tvayi pare nirāgrahaḥ |
ūrdhvalokakutukī tu mūrdhataḥ sārdhameva karaṇairnirīyate ||10||
agnivāsaravalarkṣapakṣagairuttarāyaṇajuṣā ca daivataiḥ |
prāpito ravipadaṃ bhavatparo modavān dhruvapadāntamīyate ||11||
āsthito'tha maharālaye yadā śeṣavaktradahanoṣmaṇārdyate |
īyate bhavadupāśrayastadā vedhasaḥ padamataḥ puraiva vā ||12||
tatra vā tava pade'thavā vasan prākṛtapralaya eti muktatām |
svecchayā khalu purā vimucyate saṃvibhidya jagadaṇḍamojasā ||13||
tasya ca kṣitipayomaho'niladyomahatprakṛtisaptakāvṛtīḥ |
tattadātmakatayā viśan sukhī yāti te padamanāvṛtaṃ vibho ||14||
arcirādigatimīdṛśīṃ vrajan vicyutiṃ na bhajate jagatpate |
saccidātmaka bhavat guṇodayānuccarantamanileśa pāhi mām ||15||
🕉️ This is the original Sanskrit rendered in Gurmukhi script.
Pronunciation is identical to the Sanskrit Devanagari version.