𑌕𑌲𑍍𑌯𑌤𑌾𑌂 𑌮𑌮 𑌕𑍁𑌰𑍁𑌷𑍍𑌵 𑌤𑌾𑌵𑌤𑍀𑌂 𑌕𑌲𑍍𑌯𑌤𑍇 𑌭𑌵𑌦𑍁𑌪𑌾𑌸𑌨𑌂 𑌯𑌯𑌾 ।
𑌸𑍍𑌪𑌷𑍍𑌟𑌮𑌷𑍍𑌟𑌵𑌿𑌧𑌯𑍋𑌗𑌚𑌰𑍍𑌯𑌯𑌾 𑌪𑍁𑌷𑍍𑌟𑌯𑌾𑌶𑍁 𑌤𑌵 𑌤𑍁𑌷𑍍𑌟𑌿𑌮𑌾𑌪𑍍𑌨𑍁𑌯𑌾𑌮𑍍 ॥1॥
𑌬𑍍𑌰𑌹𑍍𑌮𑌚𑌰𑍍𑌯𑌦𑍃𑌢𑌤𑌾𑌦𑌿𑌭𑌿𑌰𑍍𑌯𑌮𑍈𑌰𑌾𑌪𑍍𑌲𑌵𑌾𑌦𑌿𑌨𑌿𑌯𑌮𑍈𑌶𑍍𑌚 𑌪𑌾𑌵𑌿𑌤𑌾𑌃 ।
𑌕𑍁𑌰𑍍𑌮𑌹𑍇 𑌦𑍃𑌢𑌮𑌮𑍀 𑌸𑍁𑌖𑌾𑌸𑌨𑌂 𑌪𑌙𑍍𑌕𑌜𑌾𑌦𑍍𑌯𑌮𑌪𑌿 𑌵𑌾 𑌭𑌵𑌤𑍍𑌪𑌰𑌾𑌃 ॥2॥
𑌤𑌾𑌰𑌮𑌨𑍍𑌤𑌰𑌨𑍁𑌚𑌿𑌨𑍍𑌤𑍍𑌯 𑌸𑌨𑍍𑌤𑌤𑌂 𑌪𑍍𑌰𑌾𑌣𑌵𑌾𑌯𑍁𑌮𑌭𑌿𑌯𑌮𑍍𑌯 𑌨𑌿𑌰𑍍𑌮𑌲𑌾𑌃 ।
𑌇𑌨𑍍𑌦𑍍𑌰𑌿𑌯𑌾𑌣𑌿 𑌵𑌿𑌷𑌯𑌾𑌦𑌥𑌾𑌪𑌹𑍃𑌤𑍍𑌯𑌾𑌸𑍍𑌮𑌹𑍇 𑌭𑌵𑌦𑍁𑌪𑌾𑌸𑌨𑍋𑌨𑍍𑌮𑍁𑌖𑌾𑌃 ॥3॥
𑌅𑌸𑍍𑌫𑍁𑌟𑍇 𑌵𑌪𑍁𑌷𑌿 𑌤𑍇 𑌪𑍍𑌰𑌯𑌤𑍍𑌨𑌤𑍋 𑌧𑌾𑌰𑌯𑍇𑌮 𑌧𑌿𑌷𑌣𑌾𑌂 𑌮𑍁𑌹𑍁𑌰𑍍𑌮𑍁𑌹𑍁𑌃 ।
𑌤𑍇𑌨 𑌭𑌕𑍍𑌤𑌿𑌰𑌸𑌮𑌨𑍍𑌤𑌰𑌾𑌰𑍍𑌦𑍍𑌰𑌤𑌾𑌮𑍁𑌦𑍍𑌵𑌹𑍇𑌮 𑌭𑌵𑌦𑌙𑍍𑌘𑍍𑌰𑌿𑌚𑌿𑌨𑍍𑌤𑌕𑌾 ॥4॥
𑌵𑌿𑌸𑍍𑌫𑍁𑌟𑌾𑌵𑌯𑌵𑌭𑍇𑌦𑌸𑍁𑌨𑍍𑌦𑌰𑌂 𑌤𑍍𑌵𑌦𑍍𑌵𑌪𑍁𑌃 𑌸𑍁𑌚𑌿𑌰𑌶𑍀𑌲𑌨𑌾𑌵𑌶𑌾𑌤𑍍 ।
𑌅𑌶𑍍𑌰𑌮𑌂 𑌮𑌨𑌸𑌿 𑌚𑌿𑌨𑍍𑌤𑌯𑌾𑌮𑌹𑍇 𑌧𑍍𑌯𑌾𑌨𑌯𑍋𑌗𑌨𑌿𑌰𑌤𑌾𑌸𑍍𑌤𑍍𑌵𑌦𑌾𑌶𑍍𑌰𑌯𑌾𑌃 ॥5॥
𑌧𑍍𑌯𑌾𑌯𑌤𑌾𑌂 𑌸𑌕𑌲𑌮𑍂𑌰𑍍𑌤𑌿𑌮𑍀𑌦𑍃𑌶𑍀𑌮𑍁𑌨𑍍𑌮𑌿𑌷𑌨𑍍𑌮𑌧𑍁𑌰𑌤𑌾𑌹𑍃𑌤𑌾𑌤𑍍𑌮𑌨𑌾𑌮𑍍 ।
𑌸𑌾𑌨𑍍𑌦𑍍𑌰𑌮𑍋𑌦𑌰𑌸𑌰𑍂𑌪𑌮𑌾𑌨𑍍𑌤𑌰𑌂 𑌬𑍍𑌰𑌹𑍍𑌮 𑌰𑍂𑌪𑌮𑌯𑌿 𑌤𑍇𑌽𑌵𑌭𑌾𑌸𑌤𑍇 ॥6॥
𑌤𑌤𑍍𑌸𑌮𑌾𑌸𑍍𑌵𑌦𑌨𑌰𑍂𑌪𑌿𑌣𑍀𑌂 𑌸𑍍𑌥𑌿𑌤𑌿𑌂 𑌤𑍍𑌵𑌤𑍍𑌸𑌮𑌾𑌧𑌿𑌮𑌯𑌿 𑌵𑌿𑌶𑍍𑌵𑌨𑌾𑌯𑌕 ।
𑌆𑌶𑍍𑌰𑌿𑌤𑌾𑌃 𑌪𑍁𑌨𑌰𑌤𑌃 𑌪𑌰𑌿𑌚𑍍𑌯𑍁𑌤𑌾𑌵𑌾𑌰𑌭𑍇𑌮𑌹𑌿 𑌚 𑌧𑌾𑌰𑌣𑌾𑌦𑌿𑌕𑌮𑍍 ॥7॥
𑌇𑌤𑍍𑌥𑌮𑌭𑍍𑌯𑌸𑌨𑌨𑌿𑌰𑍍𑌭𑌰𑍋𑌲𑍍𑌲𑌸𑌤𑍍𑌤𑍍𑌵𑌤𑍍𑌪𑌰𑌾𑌤𑍍𑌮𑌸𑍁𑌖𑌕𑌲𑍍𑌪𑌿𑌤𑍋𑌤𑍍𑌸𑌵𑌾𑌃 ।
𑌮𑍁𑌕𑍍𑌤𑌭𑌕𑍍𑌤𑌕𑍁𑌲𑌮𑍗𑌲𑌿𑌤𑌾𑌂 𑌗𑌤𑌾𑌃 𑌸𑌞𑍍𑌚𑌰𑍇𑌮 𑌶𑍁𑌕𑌨𑌾𑌰𑌦𑌾𑌦𑌿𑌵𑌤𑍍 ॥8॥
𑌤𑍍𑌵𑌤𑍍𑌸𑌮𑌾𑌧𑌿𑌵𑌿𑌜𑌯𑍇 𑌤𑍁 𑌯𑌃 𑌪𑍁𑌨𑌰𑍍𑌮𑌙𑍍𑌕𑍍𑌷𑍁 𑌮𑍋𑌕𑍍𑌷𑌰𑌸𑌿𑌕𑌃 𑌕𑍍𑌰𑌮𑍇𑌣 𑌵𑌾 ।
𑌯𑍋𑌗𑌵𑌶𑍍𑌯𑌮𑌨𑌿𑌲𑌂 𑌷𑌡𑌾𑌶𑍍𑌰𑌯𑍈𑌰𑍁𑌨𑍍𑌨𑌯𑌤𑍍𑌯𑌜 𑌸𑍁𑌷𑍁𑌮𑍍𑌨𑌯𑌾 𑌶𑌨𑍈𑌃 ॥9॥
𑌲𑌿𑌙𑍍𑌗𑌦𑍇𑌹𑌮𑌪𑌿 𑌸𑌨𑍍𑌤𑍍𑌯𑌜𑌨𑍍𑌨𑌥𑍋 𑌲𑍀𑌯𑌤𑍇 𑌤𑍍𑌵𑌯𑌿 𑌪𑌰𑍇 𑌨𑌿𑌰𑌾𑌗𑍍𑌰𑌹𑌃 ।
𑌊𑌰𑍍𑌧𑍍𑌵𑌲𑍋𑌕𑌕𑍁𑌤𑍁𑌕𑍀 𑌤𑍁 𑌮𑍂𑌰𑍍𑌧𑌤𑌃 𑌸𑌾𑌰𑍍𑌧𑌮𑍇𑌵 𑌕𑌰𑌣𑍈𑌰𑍍𑌨𑌿𑌰𑍀𑌯𑌤𑍇 ॥10॥
𑌅𑌗𑍍𑌨𑌿𑌵𑌾𑌸𑌰𑌵𑌲𑌰𑍍𑌕𑍍𑌷𑌪𑌕𑍍𑌷𑌗𑍈𑌰𑍁𑌤𑍍𑌤𑌰𑌾𑌯𑌣𑌜𑍁𑌷𑌾 𑌚 𑌦𑍈𑌵𑌤𑍈𑌃 ।
𑌪𑍍𑌰𑌾𑌪𑌿𑌤𑍋 𑌰𑌵𑌿𑌪𑌦𑌂 𑌭𑌵𑌤𑍍𑌪𑌰𑍋 𑌮𑍋𑌦𑌵𑌾𑌨𑍍 𑌧𑍍𑌰𑍁𑌵𑌪𑌦𑌾𑌨𑍍𑌤𑌮𑍀𑌯𑌤𑍇 ॥11॥
𑌆𑌸𑍍𑌥𑌿𑌤𑍋𑌽𑌥 𑌮𑌹𑌰𑌾𑌲𑌯𑍇 𑌯𑌦𑌾 𑌶𑍇𑌷𑌵𑌕𑍍𑌤𑍍𑌰𑌦𑌹𑌨𑍋𑌷𑍍𑌮𑌣𑌾𑌰𑍍𑌦𑍍𑌯𑌤𑍇 ।
𑌈𑌯𑌤𑍇 𑌭𑌵𑌦𑍁𑌪𑌾𑌶𑍍𑌰𑌯𑌸𑍍𑌤𑌦𑌾 𑌵𑍇𑌧𑌸𑌃 𑌪𑌦𑌮𑌤𑌃 𑌪𑍁𑌰𑍈𑌵 𑌵𑌾 ॥12॥
𑌤𑌤𑍍𑌰 𑌵𑌾 𑌤𑌵 𑌪𑌦𑍇𑌽𑌥𑌵𑌾 𑌵𑌸𑌨𑍍 𑌪𑍍𑌰𑌾𑌕𑍃𑌤𑌪𑍍𑌰𑌲𑌯 𑌏𑌤𑌿 𑌮𑍁𑌕𑍍𑌤𑌤𑌾𑌮𑍍 ।
𑌸𑍍𑌵𑍇𑌚𑍍𑌛𑌯𑌾 𑌖𑌲𑍁 𑌪𑍁𑌰𑌾 𑌵𑌿𑌮𑍁𑌚𑍍𑌯𑌤𑍇 𑌸𑌂𑌵𑌿𑌭𑌿𑌦𑍍𑌯 𑌜𑌗𑌦𑌣𑍍𑌡𑌮𑍋𑌜𑌸𑌾 ॥13॥
𑌤𑌸𑍍𑌯 𑌚 𑌕𑍍𑌷𑌿𑌤𑌿𑌪𑌯𑍋𑌮𑌹𑍋𑌽𑌨𑌿𑌲𑌦𑍍𑌯𑍋𑌮𑌹𑌤𑍍𑌪𑍍𑌰𑌕𑍃𑌤𑌿𑌸𑌪𑍍𑌤𑌕𑌾𑌵𑍃𑌤𑍀𑌃 ।
𑌤𑌤𑍍𑌤𑌦𑌾𑌤𑍍𑌮𑌕𑌤𑌯𑌾 𑌵𑌿𑌶𑌨𑍍 𑌸𑍁𑌖𑍀 𑌯𑌾𑌤𑌿 𑌤𑍇 𑌪𑌦𑌮𑌨𑌾𑌵𑍃𑌤𑌂 𑌵𑌿𑌭𑍋 ॥14॥
𑌅𑌰𑍍𑌚𑌿𑌰𑌾𑌦𑌿𑌗𑌤𑌿𑌮𑍀𑌦𑍃𑌶𑍀𑌂 𑌵𑍍𑌰𑌜𑌨𑍍 𑌵𑌿𑌚𑍍𑌯𑍁𑌤𑌿𑌂 𑌨 𑌭𑌜𑌤𑍇 𑌜𑌗𑌤𑍍𑌪𑌤𑍇 ।
𑌸𑌚𑍍𑌚𑌿𑌦𑌾𑌤𑍍𑌮𑌕 𑌭𑌵𑌤𑍍 𑌗𑍁𑌣𑍋𑌦𑌯𑌾𑌨𑍁𑌚𑍍𑌚𑌰𑌨𑍍𑌤𑌮𑌨𑌿𑌲𑍇𑌶 𑌪𑌾𑌹𑌿 𑌮𑌾𑌮𑍍 ॥15॥
Roman (IAST) Transliteration
kalyatāṃ mama kuruṣva tāvatīṃ kalyate bhavadupāsanaṃ yayā |
spaṣṭamaṣṭavidhayogacaryayā puṣṭayāśu tava tuṣṭimāpnuyām ||1||
brahmacaryadṛḍhatādibhiryamairāplavādiniyamaiśca pāvitāḥ |
kurmahe dṛḍhamamī sukhāsanaṃ paṅkajādyamapi vā bhavatparāḥ ||2||
tāramantaranucintya santataṃ prāṇavāyumabhiyamya nirmalāḥ |
indriyāṇi viṣayādathāpahṛtyāsmahe bhavadupāsanonmukhāḥ ||3||
asphuṭe vapuṣi te prayatnato dhārayema dhiṣaṇāṃ muhurmuhuḥ |
tena bhaktirasamantarārdratāmudvahema bhavadaṅghricintakā ||4||
visphuṭāvayavabhedasundaraṃ tvadvapuḥ suciraśīlanāvaśāt |
aśramaṃ manasi cintayāmahe dhyānayoganiratāstvadāśrayāḥ ||5||
dhyāyatāṃ sakalamūrtimīdṛśīmunmiṣanmadhuratāhṛtātmanām |
sāndramodarasarūpamāntaraṃ brahma rūpamayi te'vabhāsate ||6||
tatsamāsvadanarūpiṇīṃ sthitiṃ tvatsamādhimayi viśvanāyaka |
āśritāḥ punarataḥ paricyutāvārabhemahi ca dhāraṇādikam ||7||
itthamabhyasananirbharollasattvatparātmasukhakalpitotsavāḥ |
muktabhaktakulamaulitāṃ gatāḥ sañcarema śukanāradādivat ||8||
tvatsamādhivijaye tu yaḥ punarmaṅkṣu mokṣarasikaḥ krameṇa vā |
yogavaśyamanilaṃ ṣaḍāśrayairunnayatyaja suṣumnayā śanaiḥ ||9||
liṅgadehamapi santyajannatho līyate tvayi pare nirāgrahaḥ |
ūrdhvalokakutukī tu mūrdhataḥ sārdhameva karaṇairnirīyate ||10||
agnivāsaravalarkṣapakṣagairuttarāyaṇajuṣā ca daivataiḥ |
prāpito ravipadaṃ bhavatparo modavān dhruvapadāntamīyate ||11||
āsthito'tha maharālaye yadā śeṣavaktradahanoṣmaṇārdyate |
īyate bhavadupāśrayastadā vedhasaḥ padamataḥ puraiva vā ||12||
tatra vā tava pade'thavā vasan prākṛtapralaya eti muktatām |
svecchayā khalu purā vimucyate saṃvibhidya jagadaṇḍamojasā ||13||
tasya ca kṣitipayomaho'niladyomahatprakṛtisaptakāvṛtīḥ |
tattadātmakatayā viśan sukhī yāti te padamanāvṛtaṃ vibho ||14||
arcirādigatimīdṛśīṃ vrajan vicyutiṃ na bhajate jagatpate |
saccidātmaka bhavat guṇodayānuccarantamanileśa pāhi mām ||15||
Sanskrit — Devanagari (original)
कल्यतां मम कुरुष्व तावतीं कल्यते भवदुपासनं यया ।
स्पष्टमष्टविधयोगचर्यया पुष्टयाशु तव तुष्टिमाप्नुयाम् ॥1॥
ब्रह्मचर्यदृढतादिभिर्यमैराप्लवादिनियमैश्च पाविताः ।
कुर्महे दृढममी सुखासनं पङ्कजाद्यमपि वा भवत्पराः ॥2॥
तारमन्तरनुचिन्त्य सन्ततं प्राणवायुमभियम्य निर्मलाः ।
इन्द्रियाणि विषयादथापहृत्यास्महे भवदुपासनोन्मुखाः ॥3॥
अस्फुटे वपुषि ते प्रयत्नतो धारयेम धिषणां मुहुर्मुहुः ।
तेन भक्तिरसमन्तरार्द्रतामुद्वहेम भवदङ्घ्रिचिन्तका ॥4॥
विस्फुटावयवभेदसुन्दरं त्वद्वपुः सुचिरशीलनावशात् ।
अश्रमं मनसि चिन्तयामहे ध्यानयोगनिरतास्त्वदाश्रयाः ॥5॥
ध्यायतां सकलमूर्तिमीदृशीमुन्मिषन्मधुरताहृतात्मनाम् ।
सान्द्रमोदरसरूपमान्तरं ब्रह्म रूपमयि तेऽवभासते ॥6॥
तत्समास्वदनरूपिणीं स्थितिं त्वत्समाधिमयि विश्वनायक ।
आश्रिताः पुनरतः परिच्युतावारभेमहि च धारणादिकम् ॥7॥
इत्थमभ्यसननिर्भरोल्लसत्त्वत्परात्मसुखकल्पितोत्सवाः ।
मुक्तभक्तकुलमौलितां गताः सञ्चरेम शुकनारदादिवत् ॥8॥
त्वत्समाधिविजये तु यः पुनर्मङ्क्षु मोक्षरसिकः क्रमेण वा ।
योगवश्यमनिलं षडाश्रयैरुन्नयत्यज सुषुम्नया शनैः ॥9॥
लिङ्गदेहमपि सन्त्यजन्नथो लीयते त्वयि परे निराग्रहः ।
ऊर्ध्वलोककुतुकी तु मूर्धतः सार्धमेव करणैर्निरीयते ॥10॥
अग्निवासरवलर्क्षपक्षगैरुत्तरायणजुषा च दैवतैः ।
प्रापितो रविपदं भवत्परो मोदवान् ध्रुवपदान्तमीयते ॥11॥
आस्थितोऽथ महरालये यदा शेषवक्त्रदहनोष्मणार्द्यते ।
ईयते भवदुपाश्रयस्तदा वेधसः पदमतः पुरैव वा ॥12॥
तत्र वा तव पदेऽथवा वसन् प्राकृतप्रलय एति मुक्तताम् ।
स्वेच्छया खलु पुरा विमुच्यते संविभिद्य जगदण्डमोजसा ॥13॥
तस्य च क्षितिपयोमहोऽनिलद्योमहत्प्रकृतिसप्तकावृतीः ।
तत्तदात्मकतया विशन् सुखी याति ते पदमनावृतं विभो ॥14॥
अर्चिरादिगतिमीदृशीं व्रजन् विच्युतिं न भजते जगत्पते ।
सच्चिदात्मक भवत् गुणोदयानुच्चरन्तमनिलेश पाहि माम् ॥15॥
kalyatāṃ mama kuruṣva tāvatīṃ kalyate bhavadupāsanaṃ yayā |
spaṣṭamaṣṭavidhayogacaryayā puṣṭayāśu tava tuṣṭimāpnuyām ||1||
brahmacaryadṛḍhatādibhiryamairāplavādiniyamaiśca pāvitāḥ |
kurmahe dṛḍhamamī sukhāsanaṃ paṅkajādyamapi vā bhavatparāḥ ||2||
tāramantaranucintya santataṃ prāṇavāyumabhiyamya nirmalāḥ |
indriyāṇi viṣayādathāpahṛtyāsmahe bhavadupāsanonmukhāḥ ||3||
asphuṭe vapuṣi te prayatnato dhārayema dhiṣaṇāṃ muhurmuhuḥ |
tena bhaktirasamantarārdratāmudvahema bhavadaṅghricintakā ||4||
visphuṭāvayavabhedasundaraṃ tvadvapuḥ suciraśīlanāvaśāt |
aśramaṃ manasi cintayāmahe dhyānayoganiratāstvadāśrayāḥ ||5||
dhyāyatāṃ sakalamūrtimīdṛśīmunmiṣanmadhuratāhṛtātmanām |
sāndramodarasarūpamāntaraṃ brahma rūpamayi te'vabhāsate ||6||
tatsamāsvadanarūpiṇīṃ sthitiṃ tvatsamādhimayi viśvanāyaka |
āśritāḥ punarataḥ paricyutāvārabhemahi ca dhāraṇādikam ||7||
itthamabhyasananirbharollasattvatparātmasukhakalpitotsavāḥ |
muktabhaktakulamaulitāṃ gatāḥ sañcarema śukanāradādivat ||8||
tvatsamādhivijaye tu yaḥ punarmaṅkṣu mokṣarasikaḥ krameṇa vā |
yogavaśyamanilaṃ ṣaḍāśrayairunnayatyaja suṣumnayā śanaiḥ ||9||
liṅgadehamapi santyajannatho līyate tvayi pare nirāgrahaḥ |
ūrdhvalokakutukī tu mūrdhataḥ sārdhameva karaṇairnirīyate ||10||
agnivāsaravalarkṣapakṣagairuttarāyaṇajuṣā ca daivataiḥ |
prāpito ravipadaṃ bhavatparo modavān dhruvapadāntamīyate ||11||
āsthito'tha maharālaye yadā śeṣavaktradahanoṣmaṇārdyate |
īyate bhavadupāśrayastadā vedhasaḥ padamataḥ puraiva vā ||12||
tatra vā tava pade'thavā vasan prākṛtapralaya eti muktatām |
svecchayā khalu purā vimucyate saṃvibhidya jagadaṇḍamojasā ||13||
tasya ca kṣitipayomaho'niladyomahatprakṛtisaptakāvṛtīḥ |
tattadātmakatayā viśan sukhī yāti te padamanāvṛtaṃ vibho ||14||
arcirādigatimīdṛśīṃ vrajan vicyutiṃ na bhajate jagatpate |
saccidātmaka bhavat guṇodayānuccarantamanileśa pāhi mām ||15||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.