Narayaniyam Dashakam 4 — Kannada Script

Meaning —

ಕಲ್ಯತಾಂ ಮಮ ಕುರುಷ್ವ ತಾವತೀಂ ಕಲ್ಯತೇ ಭವದುಪಾಸನಂ ಯಯಾ ।
ಸ್ಪಷ್ಟಮಷ್ಟವಿಧಯೋಗಚರ್ಯಯಾ ಪುಷ್ಟಯಾಶು ತವ ತುಷ್ಟಿಮಾಪ್ನುಯಾಮ್ ॥1॥

kalyatāṃ mama kuruṣva tāvatīṃ kalyate bhavadupāsanaṃ yayā |
spaṣṭamaṣṭavidhayogacaryayā puṣṭayāśu tava tuṣṭimāpnuyām ||1||

Verse 2

ಬ್ರಹ್ಮಚರ್ಯದೃಢತಾದಿಭಿರ್ಯಮೈರಾಪ್ಲವಾದಿನಿಯಮೈಶ್ಚ ಪಾವಿತಾಃ ।
ಕುರ್ಮಹೇ ದೃಢಮಮೀ ಸುಖಾಸನಂ ಪಙ್ಕಜಾದ್ಯಮಪಿ ವಾ ಭವತ್ಪರಾಃ ॥2॥

brahmacaryadṛḍhatādibhiryamairāplavādiniyamaiśca pāvitāḥ |
kurmahe dṛḍhamamī sukhāsanaṃ paṅkajādyamapi vā bhavatparāḥ ||2||

Verse 3

ತಾರಮನ್ತರನುಚಿನ್ತ್ಯ ಸನ್ತತಂ ಪ್ರಾಣವಾಯುಮಭಿಯಮ್ಯ ನಿರ್ಮಲಾಃ ।
ಇನ್ದ್ರಿಯಾಣಿ ವಿಷಯಾದಥಾಪಹೃತ್ಯಾಸ್ಮಹೇ ಭವದುಪಾಸನೋನ್ಮುಖಾಃ ॥3॥

tāramantaranucintya santataṃ prāṇavāyumabhiyamya nirmalāḥ |
indriyāṇi viṣayādathāpahṛtyāsmahe bhavadupāsanonmukhāḥ ||3||

Verse 4

ಅಸ್ಫುಟೇ ವಪುಷಿ ತೇ ಪ್ರಯತ್ನತೋ ಧಾರಯೇಮ ಧಿಷಣಾಂ ಮುಹುರ್ಮುಹುಃ ।
ತೇನ ಭಕ್ತಿರಸಮನ್ತರಾರ್ದ್ರತಾಮುದ್ವಹೇಮ ಭವದಙ್ಘ್ರಿಚಿನ್ತಕಾ ॥4॥

asphuṭe vapuṣi te prayatnato dhārayema dhiṣaṇāṃ muhurmuhuḥ |
tena bhaktirasamantarārdratāmudvahema bhavadaṅghricintakā ||4||

Verse 5

ವಿಸ್ಫುಟಾವಯವಭೇದಸುನ್ದರಂ ತ್ವದ್ವಪುಃ ಸುಚಿರಶೀಲನಾವಶಾತ್ ।
ಅಶ್ರಮಂ ಮನಸಿ ಚಿನ್ತಯಾಮಹೇ ಧ್ಯಾನಯೋಗನಿರತಾಸ್ತ್ವದಾಶ್ರಯಾಃ ॥5॥

visphuṭāvayavabhedasundaraṃ tvadvapuḥ suciraśīlanāvaśāt |
aśramaṃ manasi cintayāmahe dhyānayoganiratāstvadāśrayāḥ ||5||

Verse 6

ಧ್ಯಾಯತಾಂ ಸಕಲಮೂರ್ತಿಮೀದೃಶೀಮುನ್ಮಿಷನ್ಮಧುರತಾಹೃತಾತ್ಮನಾಮ್ ।
ಸಾನ್ದ್ರಮೋದರಸರೂಪಮಾನ್ತರಂ ಬ್ರಹ್ಮ ರೂಪಮಯಿ ತೇಽವಭಾಸತೇ ॥6॥

dhyāyatāṃ sakalamūrtimīdṛśīmunmiṣanmadhuratāhṛtātmanām |
sāndramodarasarūpamāntaraṃ brahma rūpamayi te'vabhāsate ||6||

Verse 7

ತತ್ಸಮಾಸ್ವದನರೂಪಿಣೀಂ ಸ್ಥಿತಿಂ ತ್ವತ್ಸಮಾಧಿಮಯಿ ವಿಶ್ವನಾಯಕ ।
ಆಶ್ರಿತಾಃ ಪುನರತಃ ಪರಿಚ್ಯುತಾವಾರಭೇಮಹಿ ಚ ಧಾರಣಾದಿಕಮ್ ॥7॥

tatsamāsvadanarūpiṇīṃ sthitiṃ tvatsamādhimayi viśvanāyaka |
āśritāḥ punarataḥ paricyutāvārabhemahi ca dhāraṇādikam ||7||

Verse 8

ಇತ್ಥಮಭ್ಯಸನನಿರ್ಭರೋಲ್ಲಸತ್ತ್ವತ್ಪರಾತ್ಮಸುಖಕಲ್ಪಿತೋತ್ಸವಾಃ ।
ಮುಕ್ತಭಕ್ತಕುಲಮೌಲಿತಾಂ ಗತಾಃ ಸಞ್ಚರೇಮ ಶುಕನಾರದಾದಿವತ್ ॥8॥

itthamabhyasananirbharollasattvatparātmasukhakalpitotsavāḥ |
muktabhaktakulamaulitāṃ gatāḥ sañcarema śukanāradādivat ||8||

Verse 9

ತ್ವತ್ಸಮಾಧಿವಿಜಯೇ ತು ಯಃ ಪುನರ್ಮಙ್ಕ್ಷು ಮೋಕ್ಷರಸಿಕಃ ಕ್ರಮೇಣ ವಾ ।
ಯೋಗವಶ್ಯಮನಿಲಂ ಷಡಾಶ್ರಯೈರುನ್ನಯತ್ಯಜ ಸುಷುಮ್ನಯಾ ಶನೈಃ ॥9॥

tvatsamādhivijaye tu yaḥ punarmaṅkṣu mokṣarasikaḥ krameṇa vā |
yogavaśyamanilaṃ ṣaḍāśrayairunnayatyaja suṣumnayā śanaiḥ ||9||

Verse 10

ಲಿಙ್ಗದೇಹಮಪಿ ಸನ್ತ್ಯಜನ್ನಥೋ ಲೀಯತೇ ತ್ವಯಿ ಪರೇ ನಿರಾಗ್ರಹಃ ।
ಊರ್ಧ್ವಲೋಕಕುತುಕೀ ತು ಮೂರ್ಧತಃ ಸಾರ್ಧಮೇವ ಕರಣೈರ್ನಿರೀಯತೇ ॥10॥

liṅgadehamapi santyajannatho līyate tvayi pare nirāgrahaḥ |
ūrdhvalokakutukī tu mūrdhataḥ sārdhameva karaṇairnirīyate ||10||

Verse 11

ಅಗ್ನಿವಾಸರವಲರ್ಕ್ಷಪಕ್ಷಗೈರುತ್ತರಾಯಣಜುಷಾ ಚ ದೈವತೈಃ ।
ಪ್ರಾಪಿತೋ ರವಿಪದಂ ಭವತ್ಪರೋ ಮೋದವಾನ್ ಧ್ರುವಪದಾನ್ತಮೀಯತೇ ॥11॥

agnivāsaravalarkṣapakṣagairuttarāyaṇajuṣā ca daivataiḥ |
prāpito ravipadaṃ bhavatparo modavān dhruvapadāntamīyate ||11||

Verse 12

ಆಸ್ಥಿತೋಽಥ ಮಹರಾಲಯೇ ಯದಾ ಶೇಷವಕ್ತ್ರದಹನೋಷ್ಮಣಾರ್ದ್ಯತೇ ।
ಈಯತೇ ಭವದುಪಾಶ್ರಯಸ್ತದಾ ವೇಧಸಃ ಪದಮತಃ ಪುರೈವ ವಾ ॥12॥

āsthito'tha maharālaye yadā śeṣavaktradahanoṣmaṇārdyate |
īyate bhavadupāśrayastadā vedhasaḥ padamataḥ puraiva vā ||12||

Verse 13

ತತ್ರ ವಾ ತವ ಪದೇಽಥವಾ ವಸನ್ ಪ್ರಾಕೃತಪ್ರಲಯ ಏತಿ ಮುಕ್ತತಾಮ್ ।
ಸ್ವೇಚ್ಛಯಾ ಖಲು ಪುರಾ ವಿಮುಚ್ಯತೇ ಸಂವಿಭಿದ್ಯ ಜಗದಣ್ಡಮೋಜಸಾ ॥13॥

tatra vā tava pade'thavā vasan prākṛtapralaya eti muktatām |
svecchayā khalu purā vimucyate saṃvibhidya jagadaṇḍamojasā ||13||

Verse 14

ತಸ್ಯ ಚ ಕ್ಷಿತಿಪಯೋಮಹೋಽನಿಲದ್ಯೋಮಹತ್ಪ್ರಕೃತಿಸಪ್ತಕಾವೃತೀಃ ।
ತತ್ತದಾತ್ಮಕತಯಾ ವಿಶನ್ ಸುಖೀ ಯಾತಿ ತೇ ಪದಮನಾವೃತಂ ವಿಭೋ ॥14॥

tasya ca kṣitipayomaho'niladyomahatprakṛtisaptakāvṛtīḥ |
tattadātmakatayā viśan sukhī yāti te padamanāvṛtaṃ vibho ||14||

Verse 15

ಅರ್ಚಿರಾದಿಗತಿಮೀದೃಶೀಂ ವ್ರಜನ್ ವಿಚ್ಯುತಿಂ ನ ಭಜತೇ ಜಗತ್ಪತೇ ।
ಸಚ್ಚಿದಾತ್ಮಕ ಭವತ್ ಗುಣೋದಯಾನುಚ್ಚರನ್ತಮನಿಲೇಶ ಪಾಹಿ ಮಾಮ್ ॥15॥

arcirādigatimīdṛśīṃ vrajan vicyutiṃ na bhajate jagatpate |
saccidātmaka bhavat guṇodayānuccarantamanileśa pāhi mām ||15||

Sanskrit — Devanagari (original)

कल्यतां मम कुरुष्व तावतीं कल्यते भवदुपासनं यया ।

स्पष्टमष्टविधयोगचर्यया पुष्टयाशु तव तुष्टिमाप्नुयाम् ॥1॥

ब्रह्मचर्यदृढतादिभिर्यमैराप्लवादिनियमैश्च पाविताः ।

कुर्महे दृढममी सुखासनं पङ्कजाद्यमपि वा भवत्पराः ॥2॥

तारमन्तरनुचिन्त्य सन्ततं प्राणवायुमभियम्य निर्मलाः ।

इन्द्रियाणि विषयादथापहृत्यास्महे भवदुपासनोन्मुखाः ॥3॥

अस्फुटे वपुषि ते प्रयत्नतो धारयेम धिषणां मुहुर्मुहुः ।

तेन भक्तिरसमन्तरार्द्रतामुद्वहेम भवदङ्घ्रिचिन्तका ॥4॥

विस्फुटावयवभेदसुन्दरं त्वद्वपुः सुचिरशीलनावशात् ।

अश्रमं मनसि चिन्तयामहे ध्यानयोगनिरतास्त्वदाश्रयाः ॥5॥

ध्यायतां सकलमूर्तिमीदृशीमुन्मिषन्मधुरताहृतात्मनाम् ।

सान्द्रमोदरसरूपमान्तरं ब्रह्म रूपमयि तेऽवभासते ॥6॥

तत्समास्वदनरूपिणीं स्थितिं त्वत्समाधिमयि विश्वनायक ।

आश्रिताः पुनरतः परिच्युतावारभेमहि च धारणादिकम् ॥7॥

इत्थमभ्यसननिर्भरोल्लसत्त्वत्परात्मसुखकल्पितोत्सवाः ।

मुक्तभक्तकुलमौलितां गताः सञ्चरेम शुकनारदादिवत् ॥8॥

त्वत्समाधिविजये तु यः पुनर्मङ्क्षु मोक्षरसिकः क्रमेण वा ।

योगवश्यमनिलं षडाश्रयैरुन्नयत्यज सुषुम्नया शनैः ॥9॥

लिङ्गदेहमपि सन्त्यजन्नथो लीयते त्वयि परे निराग्रहः ।

ऊर्ध्वलोककुतुकी तु मूर्धतः सार्धमेव करणैर्निरीयते ॥10॥

अग्निवासरवलर्क्षपक्षगैरुत्तरायणजुषा च दैवतैः ।

प्रापितो रविपदं भवत्परो मोदवान् ध्रुवपदान्तमीयते ॥11॥

आस्थितोऽथ महरालये यदा शेषवक्त्रदहनोष्मणार्द्यते ।

ईयते भवदुपाश्रयस्तदा वेधसः पदमतः पुरैव वा ॥12॥

तत्र वा तव पदेऽथवा वसन् प्राकृतप्रलय एति मुक्तताम् ।

स्वेच्छया खलु पुरा विमुच्यते संविभिद्य जगदण्डमोजसा ॥13॥

तस्य च क्षितिपयोमहोऽनिलद्योमहत्प्रकृतिसप्तकावृतीः ।

तत्तदात्मकतया विशन् सुखी याति ते पदमनावृतं विभो ॥14॥

अर्चिरादिगतिमीदृशीं व्रजन् विच्युतिं न भजते जगत्पते ।

सच्चिदात्मक भवत् गुणोदयानुच्चरन्तमनिलेश पाहि माम् ॥15॥

🕉️ This is the original Sanskrit rendered in Kannada script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

ನಾರಾಯಣೀಯಂ ದಶಕ 4 - ಯೋಗಾಭ್ಯಾಸಃ ತಥಾ ಯೋಗಸಿದ್ಧಿಃ