ಯಸ್ಮಿನ್ನೇತದ್ವಿಭಾತಂ ಯತ ಇದಮಭವದ್ಯೇನ ಚೇದಂ ಯ ಏತ-
ದ್ಯೋಽಸ್ಮಾದುತ್ತೀರ್ಣರೂಪಃ ಖಲು ಸಕಲಮಿದಂ ಭಾಸಿತಂ ಯಸ್ಯ ಭಾಸಾ ।
ಯೋ ವಾಚಾಂ ದೂರದೂರೇ ಪುನರಪಿ ಮನಸಾಂ ಯಸ್ಯ ದೇವಾ ಮುನೀನ್ದ್ರಾಃ
ನೋ ವಿದ್ಯುಸ್ತತ್ತ್ವರೂಪಂ ಕಿಮು ಪುನರಪರೇ ಕೃಷ್ಣ ತಸ್ಮೈ ನಮಸ್ತೇ ॥1॥
ಜನ್ಮಾಥೋ ಕರ್ಮ ನಾಮ ಸ್ಫುಟಮಿಹ ಗುಣದೋಷಾದಿಕಂ ವಾ ನ ಯಸ್ಮಿನ್
ಲೋಕಾನಾಮೂತಯೇ ಯಃ ಸ್ವಯಮನುಭಜತೇ ತಾನಿ ಮಾಯಾನುಸಾರೀ ।
ವಿಭ್ರಚ್ಛಕ್ತೀರರೂಪೋಽಪಿ ಚ ಬಹುತರರೂಪೋಽವಭಾತ್ಯದ್ಭುತಾತ್ಮಾ
ತಸ್ಮೈ ಕೈವಲ್ಯಧಾಮ್ನೇ ಪರರಸಪರಿಪೂರ್ಣಾಯ ವಿಷ್ಣೋ ನಮಸ್ತೇ ॥2॥
ನೋ ತಿರ್ಯಞ್ಚನ್ನ ಮರ್ತ್ಯಂ ನ ಚ ಸುರಮಸುರಂ ನ ಸ್ತ್ರಿಯಂ ನೋ ಪುಮ್ಮಾಂಸಂ
ನ ದ್ರವ್ಯಂ ಕರ್ಮ ಜಾತಿಂ ಗುಣಮಪಿ ಸದಸದ್ವಾಪಿ ತೇ ರೂಪಮಾಹುಃ ।
ಶಿಷ್ಟಂ ಯತ್ ಸ್ಯಾನ್ನಿಷೇಧೇ ಸತಿ ನಿಗಮಶತೈರ್ಲಕ್ಷಣಾವೃತ್ತಿತಸ್ತತ್
ಕೃಚ್ಛ್ರೇಣಾವೇದ್ಯಮಾನಂ ಪರಮಸುಖಮಯಂ ಭಾತಿ ತಸ್ಮೈ ನಮಸ್ತೇ ॥3॥
ಮಾಯಾಯಾಂ ಬಿಮ್ಬಿತಸ್ತ್ವಂ ಸೃಜಸಿ ಮಹದಹಙ್ಕಾರತನ್ಮಾತ್ರಭೇದೈ-
ರ್ಭೂತಗ್ರಾಮೇನ್ದ್ರಿಯಾದ್ಯೈರಪಿ ಸಕಲಜಗತ್ಸ್ವಪ್ನಸಙ್ಕಲ್ಪಕಲ್ಪಮ್ ।
ಭೂಯಃ ಸಂಹೃತ್ಯ ಸರ್ವಂ ಕಮಠ ಇವ ಪದಾನ್ಯಾತ್ಮನಾ ಕಾಲಶಕ್ತ್ಯಾ
ಗಮ್ಭೀರೇ ಜಾಯಮಾನೇ ತಮಸಿ ವಿತಿಮಿರೋ ಭಾಸಿ ತಸ್ಮೈ ನಮಸ್ತೇ ॥4॥
ಶಬ್ದಬ್ರಹ್ಮೇತಿ ಕರ್ಮೇತ್ಯಣುರಿತಿ ಭಗವನ್ ಕಾಲ ಇತ್ಯಾಲಪನ್ತಿ
ತ್ವಾಮೇಕಂ ವಿಶ್ವಹೇತುಂ ಸಕಲಮಯತಯಾ ಸರ್ವಥಾ ಕಲ್ಪ್ಯಮಾನಮ್ ।
ವೇದಾನ್ತೈರ್ಯತ್ತು ಗೀತಂ ಪುರುಷಪರಚಿದಾತ್ಮಾಭಿಧಂ ತತ್ತು ತತ್ತ್ವಂ
ಪ್ರೇಕ್ಷಾಮಾತ್ರೇಣ ಮೂಲಪ್ರಕೃತಿವಿಕೃತಿಕೃತ್ ಕೃಷ್ಣ ತಸ್ಮೈ ನಮಸ್ತೇ ॥5॥
ಸತ್ತ್ವೇನಾಸತ್ತಯಾ ವಾ ನ ಚ ಖಲು ಸದಸತ್ತ್ವೇನ ನಿರ್ವಾಚ್ಯರೂಪಾ
ಧತ್ತೇ ಯಾಸಾವವಿದ್ಯಾ ಗುಣಫಣಿಮತಿವದ್ವಿಶ್ವದೃಶ್ಯಾವಭಾಸಮ್ ।
ವಿದ್ಯಾತ್ವಂ ಸೈವ ಯಾತಾ ಶ್ರುತಿವಚನಲವೈರ್ಯತ್ಕೃಪಾಸ್ಯನ್ದಲಾಭೇ
ಸಂಸಾರಾರಣ್ಯಸದ್ಯಸ್ತ್ರುಟನಪರಶುತಾಮೇತಿ ತಸ್ಮೈ ನಮಸ್ತೇ ॥6॥
ಭೂಷಾಸು ಸ್ವರ್ಣವದ್ವಾ ಜಗತಿ ಘಟಶರಾವಾದಿಕೇ ಮೃತ್ತಿಕಾವ-
ತ್ತತ್ತ್ವೇ ಸಞ್ಚಿನ್ತ್ಯಮಾನೇ ಸ್ಫುರತಿ ತದಧುನಾಪ್ಯದ್ವಿತೀಯಂ ವಪುಸ್ತೇ ।
ಸ್ವಪ್ನದ್ರಷ್ಟುಃ ಪ್ರಬೋಧೇ ತಿಮಿರಲಯವಿಧೌ ಜೀರ್ಣರಜ್ಜೋಶ್ಚ ಯದ್ವ-
ದ್ವಿದ್ಯಾಲಾಭೇ ತಥೈವ ಸ್ಫುಟಮಪಿ ವಿಕಸೇತ್ ಕೃಷ್ಣ ತಸ್ಮೈ ನಮಸ್ತೇ ॥7॥
ಯದ್ಭೀತ್ಯೋದೇತಿ ಸೂರ್ಯೋ ದಹತಿ ಚ ದಹನೋ ವಾತಿ ವಾಯುಸ್ತಥಾನ್ಯೇ
ಯದ್ಭೀತಾಃ ಪದ್ಮಜಾದ್ಯಾಃ ಪುನರುಚಿತಬಲೀನಾಹರನ್ತೇಽನುಕಾಲಮ್ ।
ಯೇನೈವಾರೋಪಿತಾಃ ಪ್ರಾಙ್ನಿಜಪದಮಪಿ ತೇ ಚ್ಯಾವಿತಾರಶ್ಚ ಪಶ್ಚಾತ್
ತಸ್ಮೈ ವಿಶ್ವಂ ನಿಯನ್ತ್ರೇ ವಯಮಪಿ ಭವತೇ ಕೃಷ್ಣ ಕುರ್ಮಃ ಪ್ರಣಾಮಮ್ ॥8॥
ತ್ರೈಲೋಕ್ಯಂ ಭಾವಯನ್ತಂ ತ್ರಿಗುಣಮಯಮಿದಂ ತ್ರ್ಯಕ್ಷರಸ್ಯೈಕವಾಚ್ಯಂ
ತ್ರೀಶಾನಾಮೈಕ್ಯರೂಪಂ ತ್ರಿಭಿರಪಿ ನಿಗಮೈರ್ಗೀಯಮಾನಸ್ವರೂಪಮ್ ।
ತಿಸ್ರೋವಸ್ಥಾ ವಿದನ್ತಂ ತ್ರಿಯುಗಜನಿಜುಷಂ ತ್ರಿಕ್ರಮಾಕ್ರಾನ್ತವಿಶ್ವಂ
ತ್ರೈಕಾಲ್ಯೇ ಭೇದಹೀನಂ ತ್ರಿಭಿರಹಮನಿಶಂ ಯೋಗಭೇದೈರ್ಭಜೇ ತ್ವಾಮ್ ॥9॥
ಸತ್ಯಂ ಶುದ್ಧಂ ವಿಬುದ್ಧಂ ಜಯತಿ ತವ ವಪುರ್ನಿತ್ಯಮುಕ್ತಂ ನಿರೀಹಂ
ನಿರ್ದ್ವನ್ದ್ವಂ ನಿರ್ವಿಕಾರಂ ನಿಖಿಲಗುಣಗಣವ್ಯಞ್ಜನಾಧಾರಭೂತಮ್ ।
ನಿರ್ಮೂಲಂ ನಿರ್ಮಲಂ ತನ್ನಿರವಧಿಮಹಿಮೋಲ್ಲಾಸಿ ನಿರ್ಲೀನಮನ್ತ-
ರ್ನಿಸ್ಸಙ್ಗಾನಾಂ ಮುನೀನಾಂ ನಿರುಪಮಪರಮಾನನ್ದಸಾನ್ದ್ರಪ್ರಕಾಶಮ್ ॥10॥
ದುರ್ವಾರಂ ದ್ವಾದಶಾರಂ ತ್ರಿಶತಪರಿಮಿಲತ್ಷಷ್ಟಿಪರ್ವಾಭಿವೀತಂ
ಸಮ್ಭ್ರಾಮ್ಯತ್ ಕ್ರೂರವೇಗಂ ಕ್ಷಣಮನು ಜಗದಾಚ್ಛಿದ್ಯ ಸನ್ಧಾವಮಾನಮ್ ।
ಚಕ್ರಂ ತೇ ಕಾಲರೂಪಂ ವ್ಯಥಯತು ನ ತು ಮಾಂ ತ್ವತ್ಪದೈಕಾವಲಮ್ಬಂ
ವಿಷ್ಣೋ ಕಾರುಣ್ಯಸಿನ್ಧೋ ಪವನಪುರಪತೇ ಪಾಹಿ ಸರ್ವಾಮಯೌಘಾತ್ ॥11॥
Roman (IAST) Transliteration
yasminnetadvibhātaṃ yata idamabhavadyena cedaṃ ya eta-
dyo'smāduttīrṇarūpaḥ khalu sakalamidaṃ bhāsitaṃ yasya bhāsā |
yo vācāṃ dūradūre punarapi manasāṃ yasya devā munīndrāḥ
no vidyustattvarūpaṃ kimu punarapare kṛṣṇa tasmai namaste ||1||
janmātho karma nāma sphuṭamiha guṇadoṣādikaṃ vā na yasmin
lokānāmūtaye yaḥ svayamanubhajate tāni māyānusārī |
vibhracchaktīrarūpo'pi ca bahutararūpo'vabhātyadbhutātmā
tasmai kaivalyadhāmne pararasaparipūrṇāya viṣṇo namaste ||2||
no tiryañcanna martyaṃ na ca suramasuraṃ na striyaṃ no pummāṃsaṃ
na dravyaṃ karma jātiṃ guṇamapi sadasadvāpi te rūpamāhuḥ |
śiṣṭaṃ yat syānniṣedhe sati nigamaśatairlakṣaṇāvṛttitastat
kṛcchreṇāvedyamānaṃ paramasukhamayaṃ bhāti tasmai namaste ||3||
māyāyāṃ bimbitastvaṃ sṛjasi mahadahaṅkāratanmātrabhedai-
rbhūtagrāmendriyādyairapi sakalajagatsvapnasaṅkalpakalpam |
bhūyaḥ saṃhṛtya sarvaṃ kamaṭha iva padānyātmanā kālaśaktyā
gambhīre jāyamāne tamasi vitimiro bhāsi tasmai namaste ||4||
śabdabrahmeti karmetyaṇuriti bhagavan kāla ityālapanti
tvāmekaṃ viśvahetuṃ sakalamayatayā sarvathā kalpyamānam |
vedāntairyattu gītaṃ puruṣaparacidātmābhidhaṃ tattu tattvaṃ
prekṣāmātreṇa mūlaprakṛtivikṛtikṛt kṛṣṇa tasmai namaste ||5||
sattvenāsattayā vā na ca khalu sadasattvena nirvācyarūpā
dhatte yāsāvavidyā guṇaphaṇimativadviśvadṛśyāvabhāsam |
vidyātvaṃ saiva yātā śrutivacanalavairyatkṛpāsyandalābhe
saṃsārāraṇyasadyastruṭanaparaśutāmeti tasmai namaste ||6||
bhūṣāsu svarṇavadvā jagati ghaṭaśarāvādike mṛttikāva-
ttattve sañcintyamāne sphurati tadadhunāpyadvitīyaṃ vapuste |
svapnadraṣṭuḥ prabodhe timiralayavidhau jīrṇarajjośca yadva-
dvidyālābhe tathaiva sphuṭamapi vikaset kṛṣṇa tasmai namaste ||7||
yadbhītyodeti sūryo dahati ca dahano vāti vāyustathānye
yadbhītāḥ padmajādyāḥ punarucitabalīnāharante'nukālam |
yenaivāropitāḥ prāṅnijapadamapi te cyāvitāraśca paścāt
tasmai viśvaṃ niyantre vayamapi bhavate kṛṣṇa kurmaḥ praṇāmam ||8||
trailokyaṃ bhāvayantaṃ triguṇamayamidaṃ tryakṣarasyaikavācyaṃ
trīśānāmaikyarūpaṃ tribhirapi nigamairgīyamānasvarūpam |
tisrovasthā vidantaṃ triyugajanijuṣaṃ trikramākrāntaviśvaṃ
traikālye bhedahīnaṃ tribhirahamaniśaṃ yogabhedairbhaje tvām ||9||
satyaṃ śuddhaṃ vibuddhaṃ jayati tava vapurnityamuktaṃ nirīhaṃ
nirdvandvaṃ nirvikāraṃ nikhilaguṇagaṇavyañjanādhārabhūtam |
nirmūlaṃ nirmalaṃ tanniravadhimahimollāsi nirlīnamanta-
rnissaṅgānāṃ munīnāṃ nirupamaparamānandasāndraprakāśam ||10||
durvāraṃ dvādaśāraṃ triśataparimilatṣaṣṭiparvābhivītaṃ
sambhrāmyat krūravegaṃ kṣaṇamanu jagadācchidya sandhāvamānam |
cakraṃ te kālarūpaṃ vyathayatu na tu māṃ tvatpadaikāvalambaṃ
viṣṇo kāruṇyasindho pavanapurapate pāhi sarvāmayaughāt ||11||
Sanskrit — Devanagari (original)
यस्मिन्नेतद्विभातं यत इदमभवद्येन चेदं य एत-
द्योऽस्मादुत्तीर्णरूपः खलु सकलमिदं भासितं यस्य भासा ।
यो वाचां दूरदूरे पुनरपि मनसां यस्य देवा मुनीन्द्राः
नो विद्युस्तत्त्वरूपं किमु पुनरपरे कृष्ण तस्मै नमस्ते ॥1॥
जन्माथो कर्म नाम स्फुटमिह गुणदोषादिकं वा न यस्मिन्
लोकानामूतये यः स्वयमनुभजते तानि मायानुसारी ।
विभ्रच्छक्तीररूपोऽपि च बहुतररूपोऽवभात्यद्भुतात्मा
तस्मै कैवल्यधाम्ने पररसपरिपूर्णाय विष्णो नमस्ते ॥2॥
नो तिर्यञ्चन्न मर्त्यं न च सुरमसुरं न स्त्रियं नो पुम्मांसं
न द्रव्यं कर्म जातिं गुणमपि सदसद्वापि ते रूपमाहुः ।
शिष्टं यत् स्यान्निषेधे सति निगमशतैर्लक्षणावृत्तितस्तत्
कृच्छ्रेणावेद्यमानं परमसुखमयं भाति तस्मै नमस्ते ॥3॥
मायायां बिम्बितस्त्वं सृजसि महदहङ्कारतन्मात्रभेदै-
र्भूतग्रामेन्द्रियाद्यैरपि सकलजगत्स्वप्नसङ्कल्पकल्पम् ।
भूयः संहृत्य सर्वं कमठ इव पदान्यात्मना कालशक्त्या
गम्भीरे जायमाने तमसि वितिमिरो भासि तस्मै नमस्ते ॥4॥
शब्दब्रह्मेति कर्मेत्यणुरिति भगवन् काल इत्यालपन्ति
त्वामेकं विश्वहेतुं सकलमयतया सर्वथा कल्प्यमानम् ।
वेदान्तैर्यत्तु गीतं पुरुषपरचिदात्माभिधं तत्तु तत्त्वं
प्रेक्षामात्रेण मूलप्रकृतिविकृतिकृत् कृष्ण तस्मै नमस्ते ॥5॥
सत्त्वेनासत्तया वा न च खलु सदसत्त्वेन निर्वाच्यरूपा
धत्ते यासावविद्या गुणफणिमतिवद्विश्वदृश्यावभासम् ।
विद्यात्वं सैव याता श्रुतिवचनलवैर्यत्कृपास्यन्दलाभे
संसारारण्यसद्यस्त्रुटनपरशुतामेति तस्मै नमस्ते ॥6॥
भूषासु स्वर्णवद्वा जगति घटशरावादिके मृत्तिकाव-
त्तत्त्वे सञ्चिन्त्यमाने स्फुरति तदधुनाप्यद्वितीयं वपुस्ते ।
स्वप्नद्रष्टुः प्रबोधे तिमिरलयविधौ जीर्णरज्जोश्च यद्व-
द्विद्यालाभे तथैव स्फुटमपि विकसेत् कृष्ण तस्मै नमस्ते ॥7॥
यद्भीत्योदेति सूर्यो दहति च दहनो वाति वायुस्तथान्ये
यद्भीताः पद्मजाद्याः पुनरुचितबलीनाहरन्तेऽनुकालम् ।
येनैवारोपिताः प्राङ्निजपदमपि ते च्यावितारश्च पश्चात्
तस्मै विश्वं नियन्त्रे वयमपि भवते कृष्ण कुर्मः प्रणामम् ॥8॥
त्रैलोक्यं भावयन्तं त्रिगुणमयमिदं त्र्यक्षरस्यैकवाच्यं
त्रीशानामैक्यरूपं त्रिभिरपि निगमैर्गीयमानस्वरूपम् ।
तिस्रोवस्था विदन्तं त्रियुगजनिजुषं त्रिक्रमाक्रान्तविश्वं
त्रैकाल्ये भेदहीनं त्रिभिरहमनिशं योगभेदैर्भजे त्वाम् ॥9॥
सत्यं शुद्धं विबुद्धं जयति तव वपुर्नित्यमुक्तं निरीहं
निर्द्वन्द्वं निर्विकारं निखिलगुणगणव्यञ्जनाधारभूतम् ।
निर्मूलं निर्मलं तन्निरवधिमहिमोल्लासि निर्लीनमन्त-
र्निस्सङ्गानां मुनीनां निरुपमपरमानन्दसान्द्रप्रकाशम् ॥10॥
दुर्वारं द्वादशारं त्रिशतपरिमिलत्षष्टिपर्वाभिवीतं
सम्भ्राम्यत् क्रूरवेगं क्षणमनु जगदाच्छिद्य सन्धावमानम् ।
चक्रं ते कालरूपं व्यथयतु न तु मां त्वत्पदैकावलम्बं
विष्णो कारुण्यसिन्धो पवनपुरपते पाहि सर्वामयौघात् ॥11॥
yasminnetadvibhātaṃ yata idamabhavadyena cedaṃ ya eta-
dyo'smāduttīrṇarūpaḥ khalu sakalamidaṃ bhāsitaṃ yasya bhāsā |
yo vācāṃ dūradūre punarapi manasāṃ yasya devā munīndrāḥ
no vidyustattvarūpaṃ kimu punarapare kṛṣṇa tasmai namaste ||1||
janmātho karma nāma sphuṭamiha guṇadoṣādikaṃ vā na yasmin
lokānāmūtaye yaḥ svayamanubhajate tāni māyānusārī |
vibhracchaktīrarūpo'pi ca bahutararūpo'vabhātyadbhutātmā
tasmai kaivalyadhāmne pararasaparipūrṇāya viṣṇo namaste ||2||
no tiryañcanna martyaṃ na ca suramasuraṃ na striyaṃ no pummāṃsaṃ
na dravyaṃ karma jātiṃ guṇamapi sadasadvāpi te rūpamāhuḥ |
śiṣṭaṃ yat syānniṣedhe sati nigamaśatairlakṣaṇāvṛttitastat
kṛcchreṇāvedyamānaṃ paramasukhamayaṃ bhāti tasmai namaste ||3||
māyāyāṃ bimbitastvaṃ sṛjasi mahadahaṅkāratanmātrabhedai-
rbhūtagrāmendriyādyairapi sakalajagatsvapnasaṅkalpakalpam |
bhūyaḥ saṃhṛtya sarvaṃ kamaṭha iva padānyātmanā kālaśaktyā
gambhīre jāyamāne tamasi vitimiro bhāsi tasmai namaste ||4||
śabdabrahmeti karmetyaṇuriti bhagavan kāla ityālapanti
tvāmekaṃ viśvahetuṃ sakalamayatayā sarvathā kalpyamānam |
vedāntairyattu gītaṃ puruṣaparacidātmābhidhaṃ tattu tattvaṃ
prekṣāmātreṇa mūlaprakṛtivikṛtikṛt kṛṣṇa tasmai namaste ||5||
sattvenāsattayā vā na ca khalu sadasattvena nirvācyarūpā
dhatte yāsāvavidyā guṇaphaṇimativadviśvadṛśyāvabhāsam |
vidyātvaṃ saiva yātā śrutivacanalavairyatkṛpāsyandalābhe
saṃsārāraṇyasadyastruṭanaparaśutāmeti tasmai namaste ||6||
bhūṣāsu svarṇavadvā jagati ghaṭaśarāvādike mṛttikāva-
ttattve sañcintyamāne sphurati tadadhunāpyadvitīyaṃ vapuste |
svapnadraṣṭuḥ prabodhe timiralayavidhau jīrṇarajjośca yadva-
dvidyālābhe tathaiva sphuṭamapi vikaset kṛṣṇa tasmai namaste ||7||
yadbhītyodeti sūryo dahati ca dahano vāti vāyustathānye
yadbhītāḥ padmajādyāḥ punarucitabalīnāharante'nukālam |
yenaivāropitāḥ prāṅnijapadamapi te cyāvitāraśca paścāt
tasmai viśvaṃ niyantre vayamapi bhavate kṛṣṇa kurmaḥ praṇāmam ||8||
trailokyaṃ bhāvayantaṃ triguṇamayamidaṃ tryakṣarasyaikavācyaṃ
trīśānāmaikyarūpaṃ tribhirapi nigamairgīyamānasvarūpam |
tisrovasthā vidantaṃ triyugajanijuṣaṃ trikramākrāntaviśvaṃ
traikālye bhedahīnaṃ tribhirahamaniśaṃ yogabhedairbhaje tvām ||9||
satyaṃ śuddhaṃ vibuddhaṃ jayati tava vapurnityamuktaṃ nirīhaṃ
nirdvandvaṃ nirvikāraṃ nikhilaguṇagaṇavyañjanādhārabhūtam |
nirmūlaṃ nirmalaṃ tanniravadhimahimollāsi nirlīnamanta-
rnissaṅgānāṃ munīnāṃ nirupamaparamānandasāndraprakāśam ||10||
durvāraṃ dvādaśāraṃ triśataparimilatṣaṣṭiparvābhivītaṃ
sambhrāmyat krūravegaṃ kṣaṇamanu jagadācchidya sandhāvamānam |
cakraṃ te kālarūpaṃ vyathayatu na tu māṃ tvatpadaikāvalambaṃ
viṣṇo kāruṇyasindho pavanapurapate pāhi sarvāmayaughāt ||11||
🕉️ This is the original Sanskrit rendered in Kannada script.
Pronunciation is identical to the Sanskrit Devanagari version.