ಇನ್ದ್ರದ್ಯುಮ್ನಃ ಪಾಣ್ಡ್ಯಖಣ್ಡಾಧಿರಾಜ-
ಸ್ತ್ವದ್ಭಕ್ತಾತ್ಮಾ ಚನ್ದನಾದ್ರೌ ಕದಾಚಿತ್ ।
ತ್ವತ್ ಸೇವಾಯಾಂ ಮಗ್ನಧೀರಾಲುಲೋಕೇ
ನೈವಾಗಸ್ತ್ಯಂ ಪ್ರಾಪ್ತಮಾತಿಥ್ಯಕಾಮಮ್ ॥1॥
ಕುಮ್ಭೋದ್ಭೂತಿಃ ಸಮ್ಭೃತಕ್ರೋಧಭಾರಃ
ಸ್ತಬ್ಧಾತ್ಮಾ ತ್ವಂ ಹಸ್ತಿಭೂಯಂ ಭಜೇತಿ ।
ಶಪ್ತ್ವಾಽಥೈನಂ ಪ್ರತ್ಯಗಾತ್ ಸೋಽಪಿ ಲೇಭೇ
ಹಸ್ತೀನ್ದ್ರತ್ವಂ ತ್ವತ್ಸ್ಮೃತಿವ್ಯಕ್ತಿಧನ್ಯಮ್ ॥2॥
ದಗ್ಧಾಮ್ಭೋಧೇರ್ಮಧ್ಯಭಾಜಿ ತ್ರಿಕೂಟೇ
ಕ್ರೀಡಞ್ಛೈಲೇ ಯೂಥಪೋಽಯಂ ವಶಾಭಿಃ ।
ಸರ್ವಾನ್ ಜನ್ತೂನತ್ಯವರ್ತಿಷ್ಟ ಶಕ್ತ್ಯಾ
ತ್ವದ್ಭಕ್ತಾನಾಂ ಕುತ್ರ ನೋತ್ಕರ್ಷಲಾಭಃ ॥3॥
ಸ್ವೇನ ಸ್ಥೇಮ್ನಾ ದಿವ್ಯದೇಶತ್ವಶಕ್ತ್ಯಾ
ಸೋಽಯಂ ಖೇದಾನಪ್ರಜಾನನ್ ಕದಾಚಿತ್ ।
ಶೈಲಪ್ರಾನ್ತೇ ಘರ್ಮತಾನ್ತಃ ಸರಸ್ಯಾಂ
ಯೂಥೈಸ್ಸಾರ್ಧಂ ತ್ವತ್ಪ್ರಣುನ್ನೋಽಭಿರೇಮೇ ॥4॥
ಹೂಹೂಸ್ತಾವದ್ದೇವಲಸ್ಯಾಪಿ ಶಾಪಾತ್
ಗ್ರಾಹೀಭೂತಸ್ತಜ್ಜಲೇ ಬರ್ತಮಾನಃ ।
ಜಗ್ರಾಹೈನಂ ಹಸ್ತಿನಂ ಪಾದದೇಶೇ
ಶಾನ್ತ್ಯರ್ಥಂ ಹಿ ಶ್ರಾನ್ತಿದೋಽಸಿ ಸ್ವಕಾನಾಮ್ ॥5॥
ತ್ವತ್ಸೇವಾಯಾ ವೈಭವಾತ್ ದುರ್ನಿರೋಧಂ
ಯುಧ್ಯನ್ತಂ ತಂ ವತ್ಸರಾಣಾಂ ಸಹಸ್ರಮ್ ।
ಪ್ರಾಪ್ತೇ ಕಾಲೇ ತ್ವತ್ಪದೈಕಾಗ್ರ್ಯಸಿಧ್ಯೈ
ನಕ್ರಾಕ್ರಾನ್ತಂ ಹಸ್ತಿವರ್ಯಂ ವ್ಯಧಾಸ್ತ್ವಮ್ ॥6॥
ಆರ್ತಿವ್ಯಕ್ತಪ್ರಾಕ್ತನಜ್ಞಾನಭಕ್ತಿಃ
ಶುಣ್ಡೋತ್ಕ್ಷಿಪ್ತೈಃ ಪುಣ್ಡರೀಕೈಃ ಸಮರ್ಚನ್ ।
ಪೂರ್ವಾಭ್ಯಸ್ತಂ ನಿರ್ವಿಶೇಷಾತ್ಮನಿಷ್ಠಂ
ಸ್ತೋತ್ರಂ ಶ್ರೇಷ್ಠಂ ಸೋಽನ್ವಗಾದೀತ್ ಪರಾತ್ಮನ್ ॥7॥
ಶ್ರುತ್ವಾ ಸ್ತೋತ್ರಂ ನಿರ್ಗುಣಸ್ಥಂ ಸಮಸ್ತಂ
ಬ್ರಹ್ಮೇಶಾದ್ಯೈರ್ನಾಹಮಿತ್ಯಪ್ರಯಾತೇ ।
ಸರ್ವಾತ್ಮಾ ತ್ವಂ ಭೂರಿಕಾರುಣ್ಯವೇಗಾತ್
ತಾರ್ಕ್ಷ್ಯಾರೂಢಃ ಪ್ರೇಕ್ಷಿತೋಽಭೂಃ ಪುರಸ್ತಾತ್ ॥8॥
ಹಸ್ತೀನ್ದ್ರಂ ತಂ ಹಸ್ತಪದ್ಮೇನ ಧೃತ್ವಾ
ಚಕ್ರೇಣ ತ್ವಂ ನಕ್ರವರ್ಯಂ ವ್ಯದಾರೀಃ ।
ಗನ್ಧರ್ವೇಽಸ್ಮಿನ್ ಮುಕ್ತಶಾಪೇ ಸ ಹಸ್ತೀ
ತ್ವತ್ಸಾರೂಪ್ಯಂ ಪ್ರಾಪ್ಯ ದೇದೀಪ್ಯತೇ ಸ್ಮ ॥9॥
ಏತದ್ವೃತ್ತಂ ತ್ವಾಂ ಚ ಮಾಂ ಚ ಪ್ರಗೇ ಯೋ
ಗಾಯೇತ್ಸೋಽಯಂ ಭೂಯಸೇ ಶ್ರೇಯಸೇ ಸ್ಯಾತ್ ।
ಇತ್ಯುಕ್ತ್ವೈನಂ ತೇನ ಸಾರ್ಧಂ ಗತಸ್ತ್ವಂ
ಧಿಷ್ಣ್ಯಂ ವಿಷ್ಣೋ ಪಾಹಿ ವಾತಾಲಯೇಶ ॥10॥
Roman (IAST) Transliteration
indradyumnaḥ pāṇḍyakhaṇḍādhirāja-
stvadbhaktātmā candanādrau kadācit |
tvat sevāyāṃ magnadhīrāluloke
naivāgastyaṃ prāptamātithyakāmam ||1||
kumbhodbhūtiḥ sambhṛtakrodhabhāraḥ
stabdhātmā tvaṃ hastibhūyaṃ bhajeti |
śaptvā'thainaṃ pratyagāt so'pi lebhe
hastīndratvaṃ tvatsmṛtivyaktidhanyam ||2||
dagdhāmbhodhermadhyabhāji trikūṭe
krīḍañchaile yūthapo'yaṃ vaśābhiḥ |
sarvān jantūnatyavartiṣṭa śaktyā
tvadbhaktānāṃ kutra notkarṣalābhaḥ ||3||
svena sthemnā divyadeśatvaśaktyā
so'yaṃ khedānaprajānan kadācit |
śailaprānte gharmatāntaḥ sarasyāṃ
yūthaissārdhaṃ tvatpraṇunno'bhireme ||4||
hūhūstāvaddevalasyāpi śāpāt
grāhībhūtastajjale bartamānaḥ |
jagrāhainaṃ hastinaṃ pādadeśe
śāntyarthaṃ hi śrāntido'si svakānām ||5||
tvatsevāyā vaibhavāt durnirodhaṃ
yudhyantaṃ taṃ vatsarāṇāṃ sahasram |
prāpte kāle tvatpadaikāgryasidhyai
nakrākrāntaṃ hastivaryaṃ vyadhāstvam ||6||
ārtivyaktaprāktanajñānabhaktiḥ
śuṇḍotkṣiptaiḥ puṇḍarīkaiḥ samarcan |
pūrvābhyastaṃ nirviśeṣātmaniṣṭhaṃ
stotraṃ śreṣṭhaṃ so'nvagādīt parātman ||7||
śrutvā stotraṃ nirguṇasthaṃ samastaṃ
brahmeśādyairnāhamityaprayāte |
sarvātmā tvaṃ bhūrikāruṇyavegāt
tārkṣyārūḍhaḥ prekṣito'bhūḥ purastāt ||8||
hastīndraṃ taṃ hastapadmena dhṛtvā
cakreṇa tvaṃ nakravaryaṃ vyadārīḥ |
gandharve'smin muktaśāpe sa hastī
tvatsārūpyaṃ prāpya dedīpyate sma ||9||
etadvṛttaṃ tvāṃ ca māṃ ca prage yo
gāyetso'yaṃ bhūyase śreyase syāt |
ityuktvainaṃ tena sārdhaṃ gatastvaṃ
dhiṣṇyaṃ viṣṇo pāhi vātālayeśa ||10||
Sanskrit — Devanagari (original)
इन्द्रद्युम्नः पाण्ड्यखण्डाधिराज-
स्त्वद्भक्तात्मा चन्दनाद्रौ कदाचित् ।
त्वत् सेवायां मग्नधीरालुलोके
नैवागस्त्यं प्राप्तमातिथ्यकामम् ॥1॥
कुम्भोद्भूतिः सम्भृतक्रोधभारः
स्तब्धात्मा त्वं हस्तिभूयं भजेति ।
शप्त्वाऽथैनं प्रत्यगात् सोऽपि लेभे
हस्तीन्द्रत्वं त्वत्स्मृतिव्यक्तिधन्यम् ॥2॥
दग्धाम्भोधेर्मध्यभाजि त्रिकूटे
क्रीडञ्छैले यूथपोऽयं वशाभिः ।
सर्वान् जन्तूनत्यवर्तिष्ट शक्त्या
त्वद्भक्तानां कुत्र नोत्कर्षलाभः ॥3॥
स्वेन स्थेम्ना दिव्यदेशत्वशक्त्या
सोऽयं खेदानप्रजानन् कदाचित् ।
शैलप्रान्ते घर्मतान्तः सरस्यां
यूथैस्सार्धं त्वत्प्रणुन्नोऽभिरेमे ॥4॥
हूहूस्तावद्देवलस्यापि शापात्
ग्राहीभूतस्तज्जले बर्तमानः ।
जग्राहैनं हस्तिनं पाददेशे
शान्त्यर्थं हि श्रान्तिदोऽसि स्वकानाम् ॥5॥
त्वत्सेवाया वैभवात् दुर्निरोधं
युध्यन्तं तं वत्सराणां सहस्रम् ।
प्राप्ते काले त्वत्पदैकाग्र्यसिध्यै
नक्राक्रान्तं हस्तिवर्यं व्यधास्त्वम् ॥6॥
आर्तिव्यक्तप्राक्तनज्ञानभक्तिः
शुण्डोत्क्षिप्तैः पुण्डरीकैः समर्चन् ।
पूर्वाभ्यस्तं निर्विशेषात्मनिष्ठं
स्तोत्रं श्रेष्ठं सोऽन्वगादीत् परात्मन् ॥7॥
श्रुत्वा स्तोत्रं निर्गुणस्थं समस्तं
ब्रह्मेशाद्यैर्नाहमित्यप्रयाते ।
सर्वात्मा त्वं भूरिकारुण्यवेगात्
तार्क्ष्यारूढः प्रेक्षितोऽभूः पुरस्तात् ॥8॥
हस्तीन्द्रं तं हस्तपद्मेन धृत्वा
चक्रेण त्वं नक्रवर्यं व्यदारीः ।
गन्धर्वेऽस्मिन् मुक्तशापे स हस्ती
त्वत्सारूप्यं प्राप्य देदीप्यते स्म ॥9॥
एतद्वृत्तं त्वां च मां च प्रगे यो
गायेत्सोऽयं भूयसे श्रेयसे स्यात् ।
इत्युक्त्वैनं तेन सार्धं गतस्त्वं
धिष्ण्यं विष्णो पाहि वातालयेश ॥10॥
indradyumnaḥ pāṇḍyakhaṇḍādhirāja-
stvadbhaktātmā candanādrau kadācit |
tvat sevāyāṃ magnadhīrāluloke
naivāgastyaṃ prāptamātithyakāmam ||1||
kumbhodbhūtiḥ sambhṛtakrodhabhāraḥ
stabdhātmā tvaṃ hastibhūyaṃ bhajeti |
śaptvā'thainaṃ pratyagāt so'pi lebhe
hastīndratvaṃ tvatsmṛtivyaktidhanyam ||2||
dagdhāmbhodhermadhyabhāji trikūṭe
krīḍañchaile yūthapo'yaṃ vaśābhiḥ |
sarvān jantūnatyavartiṣṭa śaktyā
tvadbhaktānāṃ kutra notkarṣalābhaḥ ||3||
svena sthemnā divyadeśatvaśaktyā
so'yaṃ khedānaprajānan kadācit |
śailaprānte gharmatāntaḥ sarasyāṃ
yūthaissārdhaṃ tvatpraṇunno'bhireme ||4||
hūhūstāvaddevalasyāpi śāpāt
grāhībhūtastajjale bartamānaḥ |
jagrāhainaṃ hastinaṃ pādadeśe
śāntyarthaṃ hi śrāntido'si svakānām ||5||
tvatsevāyā vaibhavāt durnirodhaṃ
yudhyantaṃ taṃ vatsarāṇāṃ sahasram |
prāpte kāle tvatpadaikāgryasidhyai
nakrākrāntaṃ hastivaryaṃ vyadhāstvam ||6||
ārtivyaktaprāktanajñānabhaktiḥ
śuṇḍotkṣiptaiḥ puṇḍarīkaiḥ samarcan |
pūrvābhyastaṃ nirviśeṣātmaniṣṭhaṃ
stotraṃ śreṣṭhaṃ so'nvagādīt parātman ||7||
śrutvā stotraṃ nirguṇasthaṃ samastaṃ
brahmeśādyairnāhamityaprayāte |
sarvātmā tvaṃ bhūrikāruṇyavegāt
tārkṣyārūḍhaḥ prekṣito'bhūḥ purastāt ||8||
hastīndraṃ taṃ hastapadmena dhṛtvā
cakreṇa tvaṃ nakravaryaṃ vyadārīḥ |
gandharve'smin muktaśāpe sa hastī
tvatsārūpyaṃ prāpya dedīpyate sma ||9||
etadvṛttaṃ tvāṃ ca māṃ ca prage yo
gāyetso'yaṃ bhūyase śreyase syāt |
ityuktvainaṃ tena sārdhaṃ gatastvaṃ
dhiṣṇyaṃ viṣṇo pāhi vātālayeśa ||10||
🕉️ This is the original Sanskrit rendered in Kannada script.
Pronunciation is identical to the Sanskrit Devanagari version.