യസ്മിന്നേതദ്വിഭാതം യത ഇദമഭവദ്യേന ചേദം യ ഏത-
ദ്യോഽസ്മാദുത്തീര്ണരൂപഃ ഖലു സകലമിദം ഭാസിതം യസ്യ ഭാസാ ।
യോ വാചാം ദൂരദൂരേ പുനരപി മനസാം യസ്യ ദേവാ മുനീന്ദ്രാഃ
നോ വിദ്യുസ്തത്ത്വരൂപം കിമു പുനരപരേ കൃഷ്ണ തസ്മൈ നമസ്തേ ॥1॥
ജന്മാഥോ കര്മ നാമ സ്ഫുടമിഹ ഗുണദോഷാദികം വാ ന യസ്മിന്
ലോകാനാമൂതയേ യഃ സ്വയമനുഭജതേ താനി മായാനുസാരീ ।
വിഭ്രച്ഛക്തീരരൂപോഽപി ച ബഹുതരരൂപോഽവഭാത്യദ്ഭുതാത്മാ
തസ്മൈ കൈവല്യധാമ്നേ പരരസപരിപൂര്ണായ വിഷ്ണോ നമസ്തേ ॥2॥
നോ തിര്യഞ്ചന്ന മര്ത്യം ന ച സുരമസുരം ന സ്ത്രിയം നോ പുമ്മാംസം
ന ദ്രവ്യം കര്മ ജാതിം ഗുണമപി സദസദ്വാപി തേ രൂപമാഹുഃ ।
ശിഷ്ടം യത് സ്യാന്നിഷേധേ സതി നിഗമശതൈര്ലക്ഷണാവൃത്തിതസ്തത്
കൃച്ഛ്രേണാവേദ്യമാനം പരമസുഖമയം ഭാതി തസ്മൈ നമസ്തേ ॥3॥
മായായാം ബിമ്ബിതസ്ത്വം സൃജസി മഹദഹങ്കാരതന്മാത്രഭേദൈ-
ര്ഭൂതഗ്രാമേന്ദ്രിയാദ്യൈരപി സകലജഗത്സ്വപ്നസങ്കല്പകല്പമ് ।
ഭൂയഃ സംഹൃത്യ സര്വം കമഠ ഇവ പദാന്യാത്മനാ കാലശക്ത്യാ
ഗമ്ഭീരേ ജായമാനേ തമസി വിതിമിരോ ഭാസി തസ്മൈ നമസ്തേ ॥4॥
ശബ്ദബ്രഹ്മേതി കര്മേത്യണുരിതി ഭഗവന് കാല ഇത്യാലപന്തി
ത്വാമേകം വിശ്വഹേതും സകലമയതയാ സര്വഥാ കല്പ്യമാനമ് ।
വേദാന്തൈര്യത്തു ഗീതം പുരുഷപരചിദാത്മാഭിധം തത്തു തത്ത്വം
പ്രേക്ഷാമാത്രേണ മൂലപ്രകൃതിവികൃതികൃത് കൃഷ്ണ തസ്മൈ നമസ്തേ ॥5॥
സത്ത്വേനാസത്തയാ വാ ന ച ഖലു സദസത്ത്വേന നിര്വാച്യരൂപാ
ധത്തേ യാസാവവിദ്യാ ഗുണഫണിമതിവദ്വിശ്വദൃശ്യാവഭാസമ് ।
വിദ്യാത്വം സൈവ യാതാ ശ്രുതിവചനലവൈര്യത്കൃപാസ്യന്ദലാഭേ
സംസാരാരണ്യസദ്യസ്ത്രുടനപരശുതാമേതി തസ്മൈ നമസ്തേ ॥6॥
ഭൂഷാസു സ്വര്ണവദ്വാ ജഗതി ഘടശരാവാദികേ മൃത്തികാവ-
ത്തത്ത്വേ സഞ്ചിന്ത്യമാനേ സ്ഫുരതി തദധുനാപ്യദ്വിതീയം വപുസ്തേ ।
സ്വപ്നദ്രഷ്ടുഃ പ്രബോധേ തിമിരലയവിധൌ ജീര്ണരജ്ജോശ്ച യദ്വ-
ദ്വിദ്യാലാഭേ തഥൈവ സ്ഫുടമപി വികസേത് കൃഷ്ണ തസ്മൈ നമസ്തേ ॥7॥
യദ്ഭീത്യോദേതി സൂര്യോ ദഹതി ച ദഹനോ വാതി വായുസ്തഥാന്യേ
യദ്ഭീതാഃ പദ്മജാദ്യാഃ പുനരുചിതബലീനാഹരന്തേഽനുകാലമ് ।
യേനൈവാരോപിതാഃ പ്രാങ്നിജപദമപി തേ ച്യാവിതാരശ്ച പശ്ചാത്
തസ്മൈ വിശ്വം നിയന്ത്രേ വയമപി ഭവതേ കൃഷ്ണ കുര്മഃ പ്രണാമമ് ॥8॥
ത്രൈലോക്യം ഭാവയന്തം ത്രിഗുണമയമിദം ത്ര്യക്ഷരസ്യൈകവാച്യം
ത്രീശാനാമൈക്യരൂപം ത്രിഭിരപി നിഗമൈര്ഗീയമാനസ്വരൂപമ് ।
തിസ്രോവസ്ഥാ വിദന്തം ത്രിയുഗജനിജുഷം ത്രിക്രമാക്രാന്തവിശ്വം
ത്രൈകാല്യേ ഭേദഹീനം ത്രിഭിരഹമനിശം യോഗഭേദൈര്ഭജേ ത്വാമ് ॥9॥
സത്യം ശുദ്ധം വിബുദ്ധം ജയതി തവ വപുര്നിത്യമുക്തം നിരീഹം
നിര്ദ്വന്ദ്വം നിര്വികാരം നിഖിലഗുണഗണവ്യഞ്ജനാധാരഭൂതമ് ।
നിര്മൂലം നിര്മലം തന്നിരവധിമഹിമോല്ലാസി നിര്ലീനമന്ത-
ര്നിസ്സങ്ഗാനാം മുനീനാം നിരുപമപരമാനന്ദസാന്ദ്രപ്രകാശമ് ॥10॥
ദുര്വാരം ദ്വാദശാരം ത്രിശതപരിമിലത്ഷഷ്ടിപര്വാഭിവീതം
സമ്ഭ്രാമ്യത് ക്രൂരവേഗം ക്ഷണമനു ജഗദാച്ഛിദ്യ സന്ധാവമാനമ് ।
ചക്രം തേ കാലരൂപം വ്യഥയതു ന തു മാം ത്വത്പദൈകാവലമ്ബം
വിഷ്ണോ കാരുണ്യസിന്ധോ പവനപുരപതേ പാഹി സര്വാമയൌഘാത് ॥11॥
Roman (IAST) Transliteration
yasminnetadvibhātaṃ yata idamabhavadyena cedaṃ ya eta-
dyo'smāduttīrṇarūpaḥ khalu sakalamidaṃ bhāsitaṃ yasya bhāsā |
yo vācāṃ dūradūre punarapi manasāṃ yasya devā munīndrāḥ
no vidyustattvarūpaṃ kimu punarapare kṛṣṇa tasmai namaste ||1||
janmātho karma nāma sphuṭamiha guṇadoṣādikaṃ vā na yasmin
lokānāmūtaye yaḥ svayamanubhajate tāni māyānusārī |
vibhracchaktīrarūpo'pi ca bahutararūpo'vabhātyadbhutātmā
tasmai kaivalyadhāmne pararasaparipūrṇāya viṣṇo namaste ||2||
no tiryañcanna martyaṃ na ca suramasuraṃ na striyaṃ no pummāṃsaṃ
na dravyaṃ karma jātiṃ guṇamapi sadasadvāpi te rūpamāhuḥ |
śiṣṭaṃ yat syānniṣedhe sati nigamaśatairlakṣaṇāvṛttitastat
kṛcchreṇāvedyamānaṃ paramasukhamayaṃ bhāti tasmai namaste ||3||
māyāyāṃ bimbitastvaṃ sṛjasi mahadahaṅkāratanmātrabhedai-
rbhūtagrāmendriyādyairapi sakalajagatsvapnasaṅkalpakalpam |
bhūyaḥ saṃhṛtya sarvaṃ kamaṭha iva padānyātmanā kālaśaktyā
gambhīre jāyamāne tamasi vitimiro bhāsi tasmai namaste ||4||
śabdabrahmeti karmetyaṇuriti bhagavan kāla ityālapanti
tvāmekaṃ viśvahetuṃ sakalamayatayā sarvathā kalpyamānam |
vedāntairyattu gītaṃ puruṣaparacidātmābhidhaṃ tattu tattvaṃ
prekṣāmātreṇa mūlaprakṛtivikṛtikṛt kṛṣṇa tasmai namaste ||5||
sattvenāsattayā vā na ca khalu sadasattvena nirvācyarūpā
dhatte yāsāvavidyā guṇaphaṇimativadviśvadṛśyāvabhāsam |
vidyātvaṃ saiva yātā śrutivacanalavairyatkṛpāsyandalābhe
saṃsārāraṇyasadyastruṭanaparaśutāmeti tasmai namaste ||6||
bhūṣāsu svarṇavadvā jagati ghaṭaśarāvādike mṛttikāva-
ttattve sañcintyamāne sphurati tadadhunāpyadvitīyaṃ vapuste |
svapnadraṣṭuḥ prabodhe timiralayavidhau jīrṇarajjośca yadva-
dvidyālābhe tathaiva sphuṭamapi vikaset kṛṣṇa tasmai namaste ||7||
yadbhītyodeti sūryo dahati ca dahano vāti vāyustathānye
yadbhītāḥ padmajādyāḥ punarucitabalīnāharante'nukālam |
yenaivāropitāḥ prāṅnijapadamapi te cyāvitāraśca paścāt
tasmai viśvaṃ niyantre vayamapi bhavate kṛṣṇa kurmaḥ praṇāmam ||8||
trailokyaṃ bhāvayantaṃ triguṇamayamidaṃ tryakṣarasyaikavācyaṃ
trīśānāmaikyarūpaṃ tribhirapi nigamairgīyamānasvarūpam |
tisrovasthā vidantaṃ triyugajanijuṣaṃ trikramākrāntaviśvaṃ
traikālye bhedahīnaṃ tribhirahamaniśaṃ yogabhedairbhaje tvām ||9||
satyaṃ śuddhaṃ vibuddhaṃ jayati tava vapurnityamuktaṃ nirīhaṃ
nirdvandvaṃ nirvikāraṃ nikhilaguṇagaṇavyañjanādhārabhūtam |
nirmūlaṃ nirmalaṃ tanniravadhimahimollāsi nirlīnamanta-
rnissaṅgānāṃ munīnāṃ nirupamaparamānandasāndraprakāśam ||10||
durvāraṃ dvādaśāraṃ triśataparimilatṣaṣṭiparvābhivītaṃ
sambhrāmyat krūravegaṃ kṣaṇamanu jagadācchidya sandhāvamānam |
cakraṃ te kālarūpaṃ vyathayatu na tu māṃ tvatpadaikāvalambaṃ
viṣṇo kāruṇyasindho pavanapurapate pāhi sarvāmayaughāt ||11||
Sanskrit — Devanagari (original)
यस्मिन्नेतद्विभातं यत इदमभवद्येन चेदं य एत-
द्योऽस्मादुत्तीर्णरूपः खलु सकलमिदं भासितं यस्य भासा ।
यो वाचां दूरदूरे पुनरपि मनसां यस्य देवा मुनीन्द्राः
नो विद्युस्तत्त्वरूपं किमु पुनरपरे कृष्ण तस्मै नमस्ते ॥1॥
जन्माथो कर्म नाम स्फुटमिह गुणदोषादिकं वा न यस्मिन्
लोकानामूतये यः स्वयमनुभजते तानि मायानुसारी ।
विभ्रच्छक्तीररूपोऽपि च बहुतररूपोऽवभात्यद्भुतात्मा
तस्मै कैवल्यधाम्ने पररसपरिपूर्णाय विष्णो नमस्ते ॥2॥
नो तिर्यञ्चन्न मर्त्यं न च सुरमसुरं न स्त्रियं नो पुम्मांसं
न द्रव्यं कर्म जातिं गुणमपि सदसद्वापि ते रूपमाहुः ।
शिष्टं यत् स्यान्निषेधे सति निगमशतैर्लक्षणावृत्तितस्तत्
कृच्छ्रेणावेद्यमानं परमसुखमयं भाति तस्मै नमस्ते ॥3॥
मायायां बिम्बितस्त्वं सृजसि महदहङ्कारतन्मात्रभेदै-
र्भूतग्रामेन्द्रियाद्यैरपि सकलजगत्स्वप्नसङ्कल्पकल्पम् ।
भूयः संहृत्य सर्वं कमठ इव पदान्यात्मना कालशक्त्या
गम्भीरे जायमाने तमसि वितिमिरो भासि तस्मै नमस्ते ॥4॥
शब्दब्रह्मेति कर्मेत्यणुरिति भगवन् काल इत्यालपन्ति
त्वामेकं विश्वहेतुं सकलमयतया सर्वथा कल्प्यमानम् ।
वेदान्तैर्यत्तु गीतं पुरुषपरचिदात्माभिधं तत्तु तत्त्वं
प्रेक्षामात्रेण मूलप्रकृतिविकृतिकृत् कृष्ण तस्मै नमस्ते ॥5॥
सत्त्वेनासत्तया वा न च खलु सदसत्त्वेन निर्वाच्यरूपा
धत्ते यासावविद्या गुणफणिमतिवद्विश्वदृश्यावभासम् ।
विद्यात्वं सैव याता श्रुतिवचनलवैर्यत्कृपास्यन्दलाभे
संसारारण्यसद्यस्त्रुटनपरशुतामेति तस्मै नमस्ते ॥6॥
भूषासु स्वर्णवद्वा जगति घटशरावादिके मृत्तिकाव-
त्तत्त्वे सञ्चिन्त्यमाने स्फुरति तदधुनाप्यद्वितीयं वपुस्ते ।
स्वप्नद्रष्टुः प्रबोधे तिमिरलयविधौ जीर्णरज्जोश्च यद्व-
द्विद्यालाभे तथैव स्फुटमपि विकसेत् कृष्ण तस्मै नमस्ते ॥7॥
यद्भीत्योदेति सूर्यो दहति च दहनो वाति वायुस्तथान्ये
यद्भीताः पद्मजाद्याः पुनरुचितबलीनाहरन्तेऽनुकालम् ।
येनैवारोपिताः प्राङ्निजपदमपि ते च्यावितारश्च पश्चात्
तस्मै विश्वं नियन्त्रे वयमपि भवते कृष्ण कुर्मः प्रणामम् ॥8॥
त्रैलोक्यं भावयन्तं त्रिगुणमयमिदं त्र्यक्षरस्यैकवाच्यं
त्रीशानामैक्यरूपं त्रिभिरपि निगमैर्गीयमानस्वरूपम् ।
तिस्रोवस्था विदन्तं त्रियुगजनिजुषं त्रिक्रमाक्रान्तविश्वं
त्रैकाल्ये भेदहीनं त्रिभिरहमनिशं योगभेदैर्भजे त्वाम् ॥9॥
सत्यं शुद्धं विबुद्धं जयति तव वपुर्नित्यमुक्तं निरीहं
निर्द्वन्द्वं निर्विकारं निखिलगुणगणव्यञ्जनाधारभूतम् ।
निर्मूलं निर्मलं तन्निरवधिमहिमोल्लासि निर्लीनमन्त-
र्निस्सङ्गानां मुनीनां निरुपमपरमानन्दसान्द्रप्रकाशम् ॥10॥
दुर्वारं द्वादशारं त्रिशतपरिमिलत्षष्टिपर्वाभिवीतं
सम्भ्राम्यत् क्रूरवेगं क्षणमनु जगदाच्छिद्य सन्धावमानम् ।
चक्रं ते कालरूपं व्यथयतु न तु मां त्वत्पदैकावलम्बं
विष्णो कारुण्यसिन्धो पवनपुरपते पाहि सर्वामयौघात् ॥11॥
yasminnetadvibhātaṃ yata idamabhavadyena cedaṃ ya eta-
dyo'smāduttīrṇarūpaḥ khalu sakalamidaṃ bhāsitaṃ yasya bhāsā |
yo vācāṃ dūradūre punarapi manasāṃ yasya devā munīndrāḥ
no vidyustattvarūpaṃ kimu punarapare kṛṣṇa tasmai namaste ||1||
janmātho karma nāma sphuṭamiha guṇadoṣādikaṃ vā na yasmin
lokānāmūtaye yaḥ svayamanubhajate tāni māyānusārī |
vibhracchaktīrarūpo'pi ca bahutararūpo'vabhātyadbhutātmā
tasmai kaivalyadhāmne pararasaparipūrṇāya viṣṇo namaste ||2||
no tiryañcanna martyaṃ na ca suramasuraṃ na striyaṃ no pummāṃsaṃ
na dravyaṃ karma jātiṃ guṇamapi sadasadvāpi te rūpamāhuḥ |
śiṣṭaṃ yat syānniṣedhe sati nigamaśatairlakṣaṇāvṛttitastat
kṛcchreṇāvedyamānaṃ paramasukhamayaṃ bhāti tasmai namaste ||3||
māyāyāṃ bimbitastvaṃ sṛjasi mahadahaṅkāratanmātrabhedai-
rbhūtagrāmendriyādyairapi sakalajagatsvapnasaṅkalpakalpam |
bhūyaḥ saṃhṛtya sarvaṃ kamaṭha iva padānyātmanā kālaśaktyā
gambhīre jāyamāne tamasi vitimiro bhāsi tasmai namaste ||4||
śabdabrahmeti karmetyaṇuriti bhagavan kāla ityālapanti
tvāmekaṃ viśvahetuṃ sakalamayatayā sarvathā kalpyamānam |
vedāntairyattu gītaṃ puruṣaparacidātmābhidhaṃ tattu tattvaṃ
prekṣāmātreṇa mūlaprakṛtivikṛtikṛt kṛṣṇa tasmai namaste ||5||
sattvenāsattayā vā na ca khalu sadasattvena nirvācyarūpā
dhatte yāsāvavidyā guṇaphaṇimativadviśvadṛśyāvabhāsam |
vidyātvaṃ saiva yātā śrutivacanalavairyatkṛpāsyandalābhe
saṃsārāraṇyasadyastruṭanaparaśutāmeti tasmai namaste ||6||
bhūṣāsu svarṇavadvā jagati ghaṭaśarāvādike mṛttikāva-
ttattve sañcintyamāne sphurati tadadhunāpyadvitīyaṃ vapuste |
svapnadraṣṭuḥ prabodhe timiralayavidhau jīrṇarajjośca yadva-
dvidyālābhe tathaiva sphuṭamapi vikaset kṛṣṇa tasmai namaste ||7||
yadbhītyodeti sūryo dahati ca dahano vāti vāyustathānye
yadbhītāḥ padmajādyāḥ punarucitabalīnāharante'nukālam |
yenaivāropitāḥ prāṅnijapadamapi te cyāvitāraśca paścāt
tasmai viśvaṃ niyantre vayamapi bhavate kṛṣṇa kurmaḥ praṇāmam ||8||
trailokyaṃ bhāvayantaṃ triguṇamayamidaṃ tryakṣarasyaikavācyaṃ
trīśānāmaikyarūpaṃ tribhirapi nigamairgīyamānasvarūpam |
tisrovasthā vidantaṃ triyugajanijuṣaṃ trikramākrāntaviśvaṃ
traikālye bhedahīnaṃ tribhirahamaniśaṃ yogabhedairbhaje tvām ||9||
satyaṃ śuddhaṃ vibuddhaṃ jayati tava vapurnityamuktaṃ nirīhaṃ
nirdvandvaṃ nirvikāraṃ nikhilaguṇagaṇavyañjanādhārabhūtam |
nirmūlaṃ nirmalaṃ tanniravadhimahimollāsi nirlīnamanta-
rnissaṅgānāṃ munīnāṃ nirupamaparamānandasāndraprakāśam ||10||
durvāraṃ dvādaśāraṃ triśataparimilatṣaṣṭiparvābhivītaṃ
sambhrāmyat krūravegaṃ kṣaṇamanu jagadācchidya sandhāvamānam |
cakraṃ te kālarūpaṃ vyathayatu na tu māṃ tvatpadaikāvalambaṃ
viṣṇo kāruṇyasindho pavanapurapate pāhi sarvāmayaughāt ||11||
🕉️ This is the original Sanskrit rendered in Malayalam script.
Pronunciation is identical to the Sanskrit Devanagari version.