ശക്രേണ സംയതി ഹതോഽപി ബലിര്മഹാത്മാ
ശുക്രേണ ജീവിതതനുഃ ക്രതുവര്ധിതോഷ്മാ ।
വിക്രാന്തിമാന് ഭയനിലീനസുരാം ത്രിലോകീം
ചക്രേ വശേ സ തവ ചക്രമുഖാദഭീതഃ ॥1॥
പുത്രാര്തിദര്ശനവശാദദിതിര്വിഷണ്ണാ
തം കാശ്യപം നിജപതിം ശരണം പ്രപന്നാ ।
ത്വത്പൂജനം തദുദിതം ഹി പയോവ്രതാഖ്യം
സാ ദ്വാദശാഹമചരത്ത്വയി ഭക്തിപൂര്ണാ ॥2॥
തസ്യാവധൌ ത്വയി നിലീനമതേരമുഷ്യാഃ
ശ്യാമശ്ചതുര്ഭുജവപുഃ സ്വയമാവിരാസീഃ ।
നമ്രാം ച താമിഹ ഭവത്തനയോ ഭവേയം
ഗോപ്യം മദീക്ഷണമിതി പ്രലപന്നയാസീഃ ॥3॥
ത്വം കാശ്യപേ തപസി സന്നിദധത്തദാനീം
പ്രാപ്തോഽസി ഗര്ഭമദിതേഃ പ്രണുതോ വിധാത്രാ ।
പ്രാസൂത ച പ്രകടവൈഷ്ണവദിവ്യരൂപം
സാ ദ്വാദശീശ്രവണപുണ്യദിനേ ഭവന്തമ് ॥4॥
പുണ്യാശ്രമം തമഭിവര്ഷതി പുഷ്പവര്ഷൈ-
ര്ഹര്ഷാകുലേ സുരഗണേ കൃതതൂര്യഘോഷേ ।
ബധ്വാഽഞ്ജലിം ജയ ജയേതി നുതഃ പിതൃഭ്യാം
ത്വം തത്ക്ഷണേ പടുതമം വടുരൂപമാധാഃ ॥5॥
താവത്പ്രജാപതിമുഖൈരുപനീയ മൌഞ്ജീ-
ദണ്ഡാജിനാക്ഷവലയാദിഭിരര്ച്യമാനഃ ।
ദേദീപ്യമാനവപുരീശ കൃതാഗ്നികാര്യ-
സ്ത്വം പ്രാസ്ഥിഥാ ബലിഗൃഹം പ്രകൃതാശ്വമേധമ് ॥6॥
ഗാത്രേണ ഭാവിമഹിമോചിതഗൌരവം പ്രാ-
ഗ്വ്യാവൃണ്വതേവ ധരണീം ചലയന്നായാസീഃ ।
ഛത്രം പരോഷ്മതിരണാര്ഥമിവാദധാനോ
ദണ്ഡം ച ദാനവജനേഷ്വിവ സന്നിധാതുമ് ॥7॥
താം നര്മദോത്തരതടേ ഹയമേധശാലാ-
മാസേദുഷി ത്വയി രുചാ തവ രുദ്ധനേത്രൈഃ ।
ഭാസ്വാന് കിമേഷ ദഹനോ നു സനത്കുമാരോ
യോഗീ നു കോഽയമിതി ശുക്രമുഖൈശ്ശശങ്കേ ॥8॥
ആനീതമാശു ഭൃഗുഭിര്മഹസാഽഭിഭൂതൈ-
സ്ത്വാം രമ്യരൂപമസുരഃ പുലകാവൃതാങ്ഗഃ ।
ഭക്ത്യാ സമേത്യ സുകൃതീ പരിണിജ്യ പാദൌ
തത്തോയമന്വധൃത മൂര്ധനി തീര്ഥതീര്ഥമ് ॥9॥
പ്രഹ്ലാദവംശജതയാ ക്രതുഭിര്ദ്വിജേഷു
വിശ്വാസതോ നു തദിദം ദിതിജോഽപി ലേഭേ ।
യത്തേ പദാമ്ബു ഗിരിശസ്യ ശിരോഭിലാല്യം
സ ത്വം വിഭോ ഗുരുപുരാലയ പാലയേഥാഃ ॥10॥
Roman (IAST) Transliteration
śakreṇa saṃyati hato'pi balirmahātmā
śukreṇa jīvitatanuḥ kratuvardhitoṣmā |
vikrāntimān bhayanilīnasurāṃ trilokīṃ
cakre vaśe sa tava cakramukhādabhītaḥ ||1||
putrārtidarśanavaśādaditirviṣaṇṇā
taṃ kāśyapaṃ nijapatiṃ śaraṇaṃ prapannā |
tvatpūjanaṃ taduditaṃ hi payovratākhyaṃ
sā dvādaśāhamacarattvayi bhaktipūrṇā ||2||
tasyāvadhau tvayi nilīnamateramuṣyāḥ
śyāmaścaturbhujavapuḥ svayamāvirāsīḥ |
namrāṃ ca tāmiha bhavattanayo bhaveyaṃ
gopyaṃ madīkṣaṇamiti pralapannayāsīḥ ||3||
tvaṃ kāśyape tapasi sannidadhattadānīṃ
prāpto'si garbhamaditeḥ praṇuto vidhātrā |
prāsūta ca prakaṭavaiṣṇavadivyarūpaṃ
sā dvādaśīśravaṇapuṇyadine bhavantam ||4||
puṇyāśramaṃ tamabhivarṣati puṣpavarṣai-
rharṣākule suragaṇe kṛtatūryaghoṣe |
badhvā'ñjaliṃ jaya jayeti nutaḥ pitṛbhyāṃ
tvaṃ tatkṣaṇe paṭutamaṃ vaṭurūpamādhāḥ ||5||
tāvatprajāpatimukhairupanīya mauñjī-
daṇḍājinākṣavalayādibhirarcyamānaḥ |
dedīpyamānavapurīśa kṛtāgnikārya-
stvaṃ prāsthithā baligṛhaṃ prakṛtāśvamedham ||6||
gātreṇa bhāvimahimocitagauravaṃ prā-
gvyāvṛṇvateva dharaṇīṃ calayannāyāsīḥ |
chatraṃ paroṣmatiraṇārthamivādadhāno
daṇḍaṃ ca dānavajaneṣviva sannidhātum ||7||
tāṃ narmadottarataṭe hayamedhaśālā-
māseduṣi tvayi rucā tava ruddhanetraiḥ |
bhāsvān kimeṣa dahano nu sanatkumāro
yogī nu ko'yamiti śukramukhaiśśaśaṅke ||8||
ānītamāśu bhṛgubhirmahasā'bhibhūtai-
stvāṃ ramyarūpamasuraḥ pulakāvṛtāṅgaḥ |
bhaktyā sametya sukṛtī pariṇijya pādau
tattoyamanvadhṛta mūrdhani tīrthatīrtham ||9||
prahlādavaṃśajatayā kratubhirdvijeṣu
viśvāsato nu tadidaṃ ditijo'pi lebhe |
yatte padāmbu giriśasya śirobhilālyaṃ
sa tvaṃ vibho gurupurālaya pālayethāḥ ||10||
Sanskrit — Devanagari (original)
शक्रेण संयति हतोऽपि बलिर्महात्मा
शुक्रेण जीविततनुः क्रतुवर्धितोष्मा ।
विक्रान्तिमान् भयनिलीनसुरां त्रिलोकीं
चक्रे वशे स तव चक्रमुखादभीतः ॥1॥
पुत्रार्तिदर्शनवशाददितिर्विषण्णा
तं काश्यपं निजपतिं शरणं प्रपन्ना ।
त्वत्पूजनं तदुदितं हि पयोव्रताख्यं
सा द्वादशाहमचरत्त्वयि भक्तिपूर्णा ॥2॥
तस्यावधौ त्वयि निलीनमतेरमुष्याः
श्यामश्चतुर्भुजवपुः स्वयमाविरासीः ।
नम्रां च तामिह भवत्तनयो भवेयं
गोप्यं मदीक्षणमिति प्रलपन्नयासीः ॥3॥
त्वं काश्यपे तपसि सन्निदधत्तदानीं
प्राप्तोऽसि गर्भमदितेः प्रणुतो विधात्रा ।
प्रासूत च प्रकटवैष्णवदिव्यरूपं
सा द्वादशीश्रवणपुण्यदिने भवन्तम् ॥4॥
पुण्याश्रमं तमभिवर्षति पुष्पवर्षै-
र्हर्षाकुले सुरगणे कृततूर्यघोषे ।
बध्वाऽञ्जलिं जय जयेति नुतः पितृभ्यां
त्वं तत्क्षणे पटुतमं वटुरूपमाधाः ॥5॥
तावत्प्रजापतिमुखैरुपनीय मौञ्जी-
दण्डाजिनाक्षवलयादिभिरर्च्यमानः ।
देदीप्यमानवपुरीश कृताग्निकार्य-
स्त्वं प्रास्थिथा बलिगृहं प्रकृताश्वमेधम् ॥6॥
गात्रेण भाविमहिमोचितगौरवं प्रा-
ग्व्यावृण्वतेव धरणीं चलयन्नायासीः ।
छत्रं परोष्मतिरणार्थमिवादधानो
दण्डं च दानवजनेष्विव सन्निधातुम् ॥7॥
तां नर्मदोत्तरतटे हयमेधशाला-
मासेदुषि त्वयि रुचा तव रुद्धनेत्रैः ।
भास्वान् किमेष दहनो नु सनत्कुमारो
योगी नु कोऽयमिति शुक्रमुखैश्शशङ्के ॥8॥
आनीतमाशु भृगुभिर्महसाऽभिभूतै-
स्त्वां रम्यरूपमसुरः पुलकावृताङ्गः ।
भक्त्या समेत्य सुकृती परिणिज्य पादौ
तत्तोयमन्वधृत मूर्धनि तीर्थतीर्थम् ॥9॥
प्रह्लादवंशजतया क्रतुभिर्द्विजेषु
विश्वासतो नु तदिदं दितिजोऽपि लेभे ।
यत्ते पदाम्बु गिरिशस्य शिरोभिलाल्यं
स त्वं विभो गुरुपुरालय पालयेथाः ॥10॥
śakreṇa saṃyati hato'pi balirmahātmā
śukreṇa jīvitatanuḥ kratuvardhitoṣmā |
vikrāntimān bhayanilīnasurāṃ trilokīṃ
cakre vaśe sa tava cakramukhādabhītaḥ ||1||
putrārtidarśanavaśādaditirviṣaṇṇā
taṃ kāśyapaṃ nijapatiṃ śaraṇaṃ prapannā |
tvatpūjanaṃ taduditaṃ hi payovratākhyaṃ
sā dvādaśāhamacarattvayi bhaktipūrṇā ||2||
tasyāvadhau tvayi nilīnamateramuṣyāḥ
śyāmaścaturbhujavapuḥ svayamāvirāsīḥ |
namrāṃ ca tāmiha bhavattanayo bhaveyaṃ
gopyaṃ madīkṣaṇamiti pralapannayāsīḥ ||3||
tvaṃ kāśyape tapasi sannidadhattadānīṃ
prāpto'si garbhamaditeḥ praṇuto vidhātrā |
prāsūta ca prakaṭavaiṣṇavadivyarūpaṃ
sā dvādaśīśravaṇapuṇyadine bhavantam ||4||
puṇyāśramaṃ tamabhivarṣati puṣpavarṣai-
rharṣākule suragaṇe kṛtatūryaghoṣe |
badhvā'ñjaliṃ jaya jayeti nutaḥ pitṛbhyāṃ
tvaṃ tatkṣaṇe paṭutamaṃ vaṭurūpamādhāḥ ||5||
tāvatprajāpatimukhairupanīya mauñjī-
daṇḍājinākṣavalayādibhirarcyamānaḥ |
dedīpyamānavapurīśa kṛtāgnikārya-
stvaṃ prāsthithā baligṛhaṃ prakṛtāśvamedham ||6||
gātreṇa bhāvimahimocitagauravaṃ prā-
gvyāvṛṇvateva dharaṇīṃ calayannāyāsīḥ |
chatraṃ paroṣmatiraṇārthamivādadhāno
daṇḍaṃ ca dānavajaneṣviva sannidhātum ||7||
tāṃ narmadottarataṭe hayamedhaśālā-
māseduṣi tvayi rucā tava ruddhanetraiḥ |
bhāsvān kimeṣa dahano nu sanatkumāro
yogī nu ko'yamiti śukramukhaiśśaśaṅke ||8||
ānītamāśu bhṛgubhirmahasā'bhibhūtai-
stvāṃ ramyarūpamasuraḥ pulakāvṛtāṅgaḥ |
bhaktyā sametya sukṛtī pariṇijya pādau
tattoyamanvadhṛta mūrdhani tīrthatīrtham ||9||
prahlādavaṃśajatayā kratubhirdvijeṣu
viśvāsato nu tadidaṃ ditijo'pi lebhe |
yatte padāmbu giriśasya śirobhilālyaṃ
sa tvaṃ vibho gurupurālaya pālayethāḥ ||10||
🕉️ This is the original Sanskrit rendered in Malayalam script.
Pronunciation is identical to the Sanskrit Devanagari version.