കല്യതാം മമ കുരുഷ്വ താവതീം കല്യതേ ഭവദുപാസനം യയാ ।
സ്പഷ്ടമഷ്ടവിധയോഗചര്യയാ പുഷ്ടയാശു തവ തുഷ്ടിമാപ്നുയാമ് ॥1॥
ബ്രഹ്മചര്യദൃഢതാദിഭിര്യമൈരാപ്ലവാദിനിയമൈശ്ച പാവിതാഃ ।
കുര്മഹേ ദൃഢമമീ സുഖാസനം പങ്കജാദ്യമപി വാ ഭവത്പരാഃ ॥2॥
താരമന്തരനുചിന്ത്യ സന്തതം പ്രാണവായുമഭിയമ്യ നിര്മലാഃ ।
ഇന്ദ്രിയാണി വിഷയാദഥാപഹൃത്യാസ്മഹേ ഭവദുപാസനോന്മുഖാഃ ॥3॥
അസ്ഫുടേ വപുഷി തേ പ്രയത്നതോ ധാരയേമ ധിഷണാം മുഹുര്മുഹുഃ ।
തേന ഭക്തിരസമന്തരാര്ദ്രതാമുദ്വഹേമ ഭവദങ്ഘ്രിചിന്തകാ ॥4॥
വിസ്ഫുടാവയവഭേദസുന്ദരം ത്വദ്വപുഃ സുചിരശീലനാവശാത് ।
അശ്രമം മനസി ചിന്തയാമഹേ ധ്യാനയോഗനിരതാസ്ത്വദാശ്രയാഃ ॥5॥
ധ്യായതാം സകലമൂര്തിമീദൃശീമുന്മിഷന്മധുരതാഹൃതാത്മനാമ് ।
സാന്ദ്രമോദരസരൂപമാന്തരം ബ്രഹ്മ രൂപമയി തേഽവഭാസതേ ॥6॥
തത്സമാസ്വദനരൂപിണീം സ്ഥിതിം ത്വത്സമാധിമയി വിശ്വനായക ।
ആശ്രിതാഃ പുനരതഃ പരിച്യുതാവാരഭേമഹി ച ധാരണാദികമ് ॥7॥
ഇത്ഥമഭ്യസനനിര്ഭരോല്ലസത്ത്വത്പരാത്മസുഖകല്പിതോത്സവാഃ ।
മുക്തഭക്തകുലമൌലിതാം ഗതാഃ സഞ്ചരേമ ശുകനാരദാദിവത് ॥8॥
ത്വത്സമാധിവിജയേ തു യഃ പുനര്മങ്ക്ഷു മോക്ഷരസികഃ ക്രമേണ വാ ।
യോഗവശ്യമനിലം ഷഡാശ്രയൈരുന്നയത്യജ സുഷുമ്നയാ ശനൈഃ ॥9॥
ലിങ്ഗദേഹമപി സന്ത്യജന്നഥോ ലീയതേ ത്വയി പരേ നിരാഗ്രഹഃ ।
ഊര്ധ്വലോകകുതുകീ തു മൂര്ധതഃ സാര്ധമേവ കരണൈര്നിരീയതേ ॥10॥
അഗ്നിവാസരവലര്ക്ഷപക്ഷഗൈരുത്തരായണജുഷാ ച ദൈവതൈഃ ।
പ്രാപിതോ രവിപദം ഭവത്പരോ മോദവാന് ധ്രുവപദാന്തമീയതേ ॥11॥
ആസ്ഥിതോഽഥ മഹരാലയേ യദാ ശേഷവക്ത്രദഹനോഷ്മണാര്ദ്യതേ ।
ഈയതേ ഭവദുപാശ്രയസ്തദാ വേധസഃ പദമതഃ പുരൈവ വാ ॥12॥
തത്ര വാ തവ പദേഽഥവാ വസന് പ്രാകൃതപ്രലയ ഏതി മുക്തതാമ് ।
സ്വേച്ഛയാ ഖലു പുരാ വിമുച്യതേ സംവിഭിദ്യ ജഗദണ്ഡമോജസാ ॥13॥
തസ്യ ച ക്ഷിതിപയോമഹോഽനിലദ്യോമഹത്പ്രകൃതിസപ്തകാവൃതീഃ ।
തത്തദാത്മകതയാ വിശന് സുഖീ യാതി തേ പദമനാവൃതം വിഭോ ॥14॥
അര്ചിരാദിഗതിമീദൃശീം വ്രജന് വിച്യുതിം ന ഭജതേ ജഗത്പതേ ।
സച്ചിദാത്മക ഭവത് ഗുണോദയാനുച്ചരന്തമനിലേശ പാഹി മാമ് ॥15॥
Roman (IAST) Transliteration
kalyatāṃ mama kuruṣva tāvatīṃ kalyate bhavadupāsanaṃ yayā |
spaṣṭamaṣṭavidhayogacaryayā puṣṭayāśu tava tuṣṭimāpnuyām ||1||
brahmacaryadṛḍhatādibhiryamairāplavādiniyamaiśca pāvitāḥ |
kurmahe dṛḍhamamī sukhāsanaṃ paṅkajādyamapi vā bhavatparāḥ ||2||
tāramantaranucintya santataṃ prāṇavāyumabhiyamya nirmalāḥ |
indriyāṇi viṣayādathāpahṛtyāsmahe bhavadupāsanonmukhāḥ ||3||
asphuṭe vapuṣi te prayatnato dhārayema dhiṣaṇāṃ muhurmuhuḥ |
tena bhaktirasamantarārdratāmudvahema bhavadaṅghricintakā ||4||
visphuṭāvayavabhedasundaraṃ tvadvapuḥ suciraśīlanāvaśāt |
aśramaṃ manasi cintayāmahe dhyānayoganiratāstvadāśrayāḥ ||5||
dhyāyatāṃ sakalamūrtimīdṛśīmunmiṣanmadhuratāhṛtātmanām |
sāndramodarasarūpamāntaraṃ brahma rūpamayi te'vabhāsate ||6||
tatsamāsvadanarūpiṇīṃ sthitiṃ tvatsamādhimayi viśvanāyaka |
āśritāḥ punarataḥ paricyutāvārabhemahi ca dhāraṇādikam ||7||
itthamabhyasananirbharollasattvatparātmasukhakalpitotsavāḥ |
muktabhaktakulamaulitāṃ gatāḥ sañcarema śukanāradādivat ||8||
tvatsamādhivijaye tu yaḥ punarmaṅkṣu mokṣarasikaḥ krameṇa vā |
yogavaśyamanilaṃ ṣaḍāśrayairunnayatyaja suṣumnayā śanaiḥ ||9||
liṅgadehamapi santyajannatho līyate tvayi pare nirāgrahaḥ |
ūrdhvalokakutukī tu mūrdhataḥ sārdhameva karaṇairnirīyate ||10||
agnivāsaravalarkṣapakṣagairuttarāyaṇajuṣā ca daivataiḥ |
prāpito ravipadaṃ bhavatparo modavān dhruvapadāntamīyate ||11||
āsthito'tha maharālaye yadā śeṣavaktradahanoṣmaṇārdyate |
īyate bhavadupāśrayastadā vedhasaḥ padamataḥ puraiva vā ||12||
tatra vā tava pade'thavā vasan prākṛtapralaya eti muktatām |
svecchayā khalu purā vimucyate saṃvibhidya jagadaṇḍamojasā ||13||
tasya ca kṣitipayomaho'niladyomahatprakṛtisaptakāvṛtīḥ |
tattadātmakatayā viśan sukhī yāti te padamanāvṛtaṃ vibho ||14||
arcirādigatimīdṛśīṃ vrajan vicyutiṃ na bhajate jagatpate |
saccidātmaka bhavat guṇodayānuccarantamanileśa pāhi mām ||15||
Sanskrit — Devanagari (original)
कल्यतां मम कुरुष्व तावतीं कल्यते भवदुपासनं यया ।
स्पष्टमष्टविधयोगचर्यया पुष्टयाशु तव तुष्टिमाप्नुयाम् ॥1॥
ब्रह्मचर्यदृढतादिभिर्यमैराप्लवादिनियमैश्च पाविताः ।
कुर्महे दृढममी सुखासनं पङ्कजाद्यमपि वा भवत्पराः ॥2॥
तारमन्तरनुचिन्त्य सन्ततं प्राणवायुमभियम्य निर्मलाः ।
इन्द्रियाणि विषयादथापहृत्यास्महे भवदुपासनोन्मुखाः ॥3॥
अस्फुटे वपुषि ते प्रयत्नतो धारयेम धिषणां मुहुर्मुहुः ।
तेन भक्तिरसमन्तरार्द्रतामुद्वहेम भवदङ्घ्रिचिन्तका ॥4॥
विस्फुटावयवभेदसुन्दरं त्वद्वपुः सुचिरशीलनावशात् ।
अश्रमं मनसि चिन्तयामहे ध्यानयोगनिरतास्त्वदाश्रयाः ॥5॥
ध्यायतां सकलमूर्तिमीदृशीमुन्मिषन्मधुरताहृतात्मनाम् ।
सान्द्रमोदरसरूपमान्तरं ब्रह्म रूपमयि तेऽवभासते ॥6॥
तत्समास्वदनरूपिणीं स्थितिं त्वत्समाधिमयि विश्वनायक ।
आश्रिताः पुनरतः परिच्युतावारभेमहि च धारणादिकम् ॥7॥
इत्थमभ्यसननिर्भरोल्लसत्त्वत्परात्मसुखकल्पितोत्सवाः ।
मुक्तभक्तकुलमौलितां गताः सञ्चरेम शुकनारदादिवत् ॥8॥
त्वत्समाधिविजये तु यः पुनर्मङ्क्षु मोक्षरसिकः क्रमेण वा ।
योगवश्यमनिलं षडाश्रयैरुन्नयत्यज सुषुम्नया शनैः ॥9॥
लिङ्गदेहमपि सन्त्यजन्नथो लीयते त्वयि परे निराग्रहः ।
ऊर्ध्वलोककुतुकी तु मूर्धतः सार्धमेव करणैर्निरीयते ॥10॥
अग्निवासरवलर्क्षपक्षगैरुत्तरायणजुषा च दैवतैः ।
प्रापितो रविपदं भवत्परो मोदवान् ध्रुवपदान्तमीयते ॥11॥
आस्थितोऽथ महरालये यदा शेषवक्त्रदहनोष्मणार्द्यते ।
ईयते भवदुपाश्रयस्तदा वेधसः पदमतः पुरैव वा ॥12॥
तत्र वा तव पदेऽथवा वसन् प्राकृतप्रलय एति मुक्तताम् ।
स्वेच्छया खलु पुरा विमुच्यते संविभिद्य जगदण्डमोजसा ॥13॥
तस्य च क्षितिपयोमहोऽनिलद्योमहत्प्रकृतिसप्तकावृतीः ।
तत्तदात्मकतया विशन् सुखी याति ते पदमनावृतं विभो ॥14॥
अर्चिरादिगतिमीदृशीं व्रजन् विच्युतिं न भजते जगत्पते ।
सच्चिदात्मक भवत् गुणोदयानुच्चरन्तमनिलेश पाहि माम् ॥15॥
kalyatāṃ mama kuruṣva tāvatīṃ kalyate bhavadupāsanaṃ yayā |
spaṣṭamaṣṭavidhayogacaryayā puṣṭayāśu tava tuṣṭimāpnuyām ||1||
brahmacaryadṛḍhatādibhiryamairāplavādiniyamaiśca pāvitāḥ |
kurmahe dṛḍhamamī sukhāsanaṃ paṅkajādyamapi vā bhavatparāḥ ||2||
tāramantaranucintya santataṃ prāṇavāyumabhiyamya nirmalāḥ |
indriyāṇi viṣayādathāpahṛtyāsmahe bhavadupāsanonmukhāḥ ||3||
asphuṭe vapuṣi te prayatnato dhārayema dhiṣaṇāṃ muhurmuhuḥ |
tena bhaktirasamantarārdratāmudvahema bhavadaṅghricintakā ||4||
visphuṭāvayavabhedasundaraṃ tvadvapuḥ suciraśīlanāvaśāt |
aśramaṃ manasi cintayāmahe dhyānayoganiratāstvadāśrayāḥ ||5||
dhyāyatāṃ sakalamūrtimīdṛśīmunmiṣanmadhuratāhṛtātmanām |
sāndramodarasarūpamāntaraṃ brahma rūpamayi te'vabhāsate ||6||
tatsamāsvadanarūpiṇīṃ sthitiṃ tvatsamādhimayi viśvanāyaka |
āśritāḥ punarataḥ paricyutāvārabhemahi ca dhāraṇādikam ||7||
itthamabhyasananirbharollasattvatparātmasukhakalpitotsavāḥ |
muktabhaktakulamaulitāṃ gatāḥ sañcarema śukanāradādivat ||8||
tvatsamādhivijaye tu yaḥ punarmaṅkṣu mokṣarasikaḥ krameṇa vā |
yogavaśyamanilaṃ ṣaḍāśrayairunnayatyaja suṣumnayā śanaiḥ ||9||
liṅgadehamapi santyajannatho līyate tvayi pare nirāgrahaḥ |
ūrdhvalokakutukī tu mūrdhataḥ sārdhameva karaṇairnirīyate ||10||
agnivāsaravalarkṣapakṣagairuttarāyaṇajuṣā ca daivataiḥ |
prāpito ravipadaṃ bhavatparo modavān dhruvapadāntamīyate ||11||
āsthito'tha maharālaye yadā śeṣavaktradahanoṣmaṇārdyate |
īyate bhavadupāśrayastadā vedhasaḥ padamataḥ puraiva vā ||12||
tatra vā tava pade'thavā vasan prākṛtapralaya eti muktatām |
svecchayā khalu purā vimucyate saṃvibhidya jagadaṇḍamojasā ||13||
tasya ca kṣitipayomaho'niladyomahatprakṛtisaptakāvṛtīḥ |
tattadātmakatayā viśan sukhī yāti te padamanāvṛtaṃ vibho ||14||
arcirādigatimīdṛśīṃ vrajan vicyutiṃ na bhajate jagatpate |
saccidātmaka bhavat guṇodayānuccarantamanileśa pāhi mām ||15||
🕉️ This is the original Sanskrit rendered in Malayalam script.
Pronunciation is identical to the Sanskrit Devanagari version.