ഭവത്പ്രഭാവാവിദുരാ ഹി ഗോപാസ്തരുപ്രപാതാദികമത്ര ഗോഷ്ഠേ ।
അഹേതുമുത്പാതഗണം വിശങ്ക്യ പ്രയാതുമന്യത്ര മനോ വിതേനുഃ ॥1॥
തത്രോപനന്ദാഭിധഗോപവര്യോ ജഗൌ ഭവത്പ്രേരണയൈവ നൂനമ് ।
ഇതഃ പ്രതീച്യാം വിപിനം മനോജ്ഞം വൃന്ദാവനം നാമ വിരാജതീതി ॥2॥
ബൃഹദ്വനം തത് ഖലു നന്ദമുഖ്യാ വിധായ ഗൌഷ്ഠീനമഥ ക്ഷണേന ।
ത്വദന്വിതത്വജ്ജനനീനിവിഷ്ടഗരിഷ്ഠയാനാനുഗതാ വിചേലുഃ ॥3॥
അനോമനോജ്ഞധ്വനിധേനുപാലീഖുരപ്രണാദാന്തരതോ വധൂഭിഃ ।
ഭവദ്വിനോദാലപിതാക്ഷരാണി പ്രപീയ നാജ്ഞായത മാര്ഗദൈര്ഘ്യമ് ॥4॥
നിരീക്ഷ്യ വൃന്ദാവനമീശ നന്ദത്പ്രസൂനകുന്ദപ്രമുഖദ്രുമൌഘമ് ।
അമോദഥാഃ ശാദ്വലസാന്ദ്രലക്ഷ്മ്യാ ഹരിന്മണീകുട്ടിമപുഷ്ടശോഭമ് ॥5॥
നവാകനിര്വ്യൂഢനിവാസഭേദേഷ്വശേഷഗോപേഷു സുഖാസിതേഷു ।
വനശ്രിയം ഗോപകിശോരപാലീവിമിശ്രിതഃ പര്യഗലോകഥാസ്ത്വമ് ॥6॥
അരാലമാര്ഗാഗതനിര്മലാപാം മരാലകൂജാകൃതനര്മലാപാമ് ।
നിരന്തരസ്മേരസരോജവക്ത്രാം കലിന്ദകന്യാം സമലോകയസ്ത്വമ് ॥7॥
മയൂരകേകാശതലോഭനീയം മയൂഖമാലാശബലം മണീനാമ് ।
വിരിഞ്ചലോകസ്പൃശമുച്ചശൃങ്ഗൈര്ഗിരിം ച ഗോവര്ധനമൈക്ഷഥാസ്ത്വമ് ॥8॥
സമം തതോ ഗോപകുമാരകൈസ്ത്വം സമന്തതോ യത്ര വനാന്തമാഗാഃ ।
തതസ്തതസ്താം കുടിലാമപശ്യഃ കലിന്ദജാം രാഗവതീമിവൈകാമ് ॥9॥
തഥാവിധേഽസ്മിന് വിപിനേ പശവ്യേ സമുത്സുകോ വത്സഗണപ്രചാരേ ।
ചരന് സരാമോഽഥ കുമാരകൈസ്ത്വം സമീരഗേഹാധിപ പാഹി രോഗാത് ॥10॥
Roman (IAST) Transliteration
bhavatprabhāvāvidurā hi gopāstaruprapātādikamatra goṣṭhe |
ahetumutpātagaṇaṃ viśaṅkya prayātumanyatra mano vitenuḥ ||1||
tatropanandābhidhagopavaryo jagau bhavatpreraṇayaiva nūnam |
itaḥ pratīcyāṃ vipinaṃ manojñaṃ vṛndāvanaṃ nāma virājatīti ||2||
bṛhadvanaṃ tat khalu nandamukhyā vidhāya gauṣṭhīnamatha kṣaṇena |
tvadanvitatvajjananīniviṣṭagariṣṭhayānānugatā viceluḥ ||3||
anomanojñadhvanidhenupālīkhurapraṇādāntarato vadhūbhiḥ |
bhavadvinodālapitākṣarāṇi prapīya nājñāyata mārgadairghyam ||4||
nirīkṣya vṛndāvanamīśa nandatprasūnakundapramukhadrumaugham |
amodathāḥ śādvalasāndralakṣmyā harinmaṇīkuṭṭimapuṣṭaśobham ||5||
navākanirvyūḍhanivāsabhedeṣvaśeṣagopeṣu sukhāsiteṣu |
vanaśriyaṃ gopakiśorapālīvimiśritaḥ paryagalokathāstvam ||6||
arālamārgāgatanirmalāpāṃ marālakūjākṛtanarmalāpām |
nirantarasmerasarojavaktrāṃ kalindakanyāṃ samalokayastvam ||7||
mayūrakekāśatalobhanīyaṃ mayūkhamālāśabalaṃ maṇīnām |
viriñcalokaspṛśamuccaśṛṅgairgiriṃ ca govardhanamaikṣathāstvam ||8||
samaṃ tato gopakumārakaistvaṃ samantato yatra vanāntamāgāḥ |
tatastatastāṃ kuṭilāmapaśyaḥ kalindajāṃ rāgavatīmivaikām ||9||
tathāvidhe'smin vipine paśavye samutsuko vatsagaṇapracāre |
caran sarāmo'tha kumārakaistvaṃ samīragehādhipa pāhi rogāt ||10||
Sanskrit — Devanagari (original)
भवत्प्रभावाविदुरा हि गोपास्तरुप्रपातादिकमत्र गोष्ठे ।
अहेतुमुत्पातगणं विशङ्क्य प्रयातुमन्यत्र मनो वितेनुः ॥1॥
तत्रोपनन्दाभिधगोपवर्यो जगौ भवत्प्रेरणयैव नूनम् ।
इतः प्रतीच्यां विपिनं मनोज्ञं वृन्दावनं नाम विराजतीति ॥2॥
बृहद्वनं तत् खलु नन्दमुख्या विधाय गौष्ठीनमथ क्षणेन ।
त्वदन्वितत्वज्जननीनिविष्टगरिष्ठयानानुगता विचेलुः ॥3॥
अनोमनोज्ञध्वनिधेनुपालीखुरप्रणादान्तरतो वधूभिः ।
भवद्विनोदालपिताक्षराणि प्रपीय नाज्ञायत मार्गदैर्घ्यम् ॥4॥
निरीक्ष्य वृन्दावनमीश नन्दत्प्रसूनकुन्दप्रमुखद्रुमौघम् ।
अमोदथाः शाद्वलसान्द्रलक्ष्म्या हरिन्मणीकुट्टिमपुष्टशोभम् ॥5॥
नवाकनिर्व्यूढनिवासभेदेष्वशेषगोपेषु सुखासितेषु ।
वनश्रियं गोपकिशोरपालीविमिश्रितः पर्यगलोकथास्त्वम् ॥6॥
अरालमार्गागतनिर्मलापां मरालकूजाकृतनर्मलापाम् ।
निरन्तरस्मेरसरोजवक्त्रां कलिन्दकन्यां समलोकयस्त्वम् ॥7॥
मयूरकेकाशतलोभनीयं मयूखमालाशबलं मणीनाम् ।
विरिञ्चलोकस्पृशमुच्चशृङ्गैर्गिरिं च गोवर्धनमैक्षथास्त्वम् ॥8॥
समं ततो गोपकुमारकैस्त्वं समन्ततो यत्र वनान्तमागाः ।
ततस्ततस्तां कुटिलामपश्यः कलिन्दजां रागवतीमिवैकाम् ॥9॥
तथाविधेऽस्मिन् विपिने पशव्ये समुत्सुको वत्सगणप्रचारे ।
चरन् सरामोऽथ कुमारकैस्त्वं समीरगेहाधिप पाहि रोगात् ॥10॥
bhavatprabhāvāvidurā hi gopāstaruprapātādikamatra goṣṭhe |
ahetumutpātagaṇaṃ viśaṅkya prayātumanyatra mano vitenuḥ ||1||
tatropanandābhidhagopavaryo jagau bhavatpreraṇayaiva nūnam |
itaḥ pratīcyāṃ vipinaṃ manojñaṃ vṛndāvanaṃ nāma virājatīti ||2||
bṛhadvanaṃ tat khalu nandamukhyā vidhāya gauṣṭhīnamatha kṣaṇena |
tvadanvitatvajjananīniviṣṭagariṣṭhayānānugatā viceluḥ ||3||
anomanojñadhvanidhenupālīkhurapraṇādāntarato vadhūbhiḥ |
bhavadvinodālapitākṣarāṇi prapīya nājñāyata mārgadairghyam ||4||
nirīkṣya vṛndāvanamīśa nandatprasūnakundapramukhadrumaugham |
amodathāḥ śādvalasāndralakṣmyā harinmaṇīkuṭṭimapuṣṭaśobham ||5||
navākanirvyūḍhanivāsabhedeṣvaśeṣagopeṣu sukhāsiteṣu |
vanaśriyaṃ gopakiśorapālīvimiśritaḥ paryagalokathāstvam ||6||
arālamārgāgatanirmalāpāṃ marālakūjākṛtanarmalāpām |
nirantarasmerasarojavaktrāṃ kalindakanyāṃ samalokayastvam ||7||
mayūrakekāśatalobhanīyaṃ mayūkhamālāśabalaṃ maṇīnām |
viriñcalokaspṛśamuccaśṛṅgairgiriṃ ca govardhanamaikṣathāstvam ||8||
samaṃ tato gopakumārakaistvaṃ samantato yatra vanāntamāgāḥ |
tatastatastāṃ kuṭilāmapaśyaḥ kalindajāṃ rāgavatīmivaikām ||9||
tathāvidhe'smin vipine paśavye samutsuko vatsagaṇapracāre |
caran sarāmo'tha kumārakaistvaṃ samīragehādhipa pāhi rogāt ||10||
🕉️ This is the original Sanskrit rendered in Malayalam script.
Pronunciation is identical to the Sanskrit Devanagari version.