பவத்ப்ரபாவாவிதுரா ஹி கோபாஸ்தருப்ரபாதாதிகமத்ர கோஷ்டே ।
அஹேதுமுத்பாதகணம் விஶங்க்ய ப்ரயாதுமந்யத்ர மநோ விதேநுஃ ॥1॥
தத்ரோபநந்தாபிதகோபவர்யோ ஜகௌ பவத்ப்ரேரணயைவ நூநம் ।
இதஃ ப்ரதீச்யாம் விபிநம் மநோஜ்ஞம் வ்ரு'ந்தாவநம் நாம விராஜதீதி ॥2॥
ப்ரு'ஹத்வநம் தத் கலு நந்தமுக்யா விதாய கௌஷ்டீநமத க்ஷணேந ।
த்வதந்விதத்வஜ்ஜநநீநிவிஷ்டகரிஷ்டயாநாநுகதா விசேலுஃ ॥3॥
அநோமநோஜ்ஞத்வநிதேநுபாலீகுரப்ரணாதாந்தரதோ வதூபிஃ ।
பவத்விநோதாலபிதாக்ஷராணி ப்ரபீய நாஜ்ஞாயத மார்கதைர்க்யம் ॥4॥
நிரீக்ஷ்ய வ்ரு'ந்தாவநமீஶ நந்தத்ப்ரஸூநகுந்தப்ரமுகத்ருமௌகம் ।
அமோததாஃ ஶாத்வலஸாந்த்ரலக்ஷ்ம்யா ஹரிந்மணீகுட்டிமபுஷ்டஶோபம் ॥5॥
நவாகநிர்வ்யூடநிவாஸபேதேஷ்வஶேஷகோபேஷு ஸுகாஸிதேஷு ।
வநஶ்ரியம் கோபகிஶோரபாலீவிமிஶ்ரிதஃ பர்யகலோகதாஸ்த்வம் ॥6॥
அராலமார்காகதநிர்மலாபாம் மராலகூஜாக்ரு'தநர்மலாபாம் ।
நிரந்தரஸ்மேரஸரோஜவக்த்ராம் கலிந்தகந்யாம் ஸமலோகயஸ்த்வம் ॥7॥
மயூரகேகாஶதலோபநீயம் மயூகமாலாஶபலம் மணீநாம் ।
விரிஞ்சலோகஸ்ப்ரு'ஶமுச்சஶ்ரு'ங்கைர்கிரிம் ச கோவர்தநமைக்ஷதாஸ்த்வம் ॥8॥
ஸமம் ததோ கோபகுமாரகைஸ்த்வம் ஸமந்ததோ யத்ர வநாந்தமாகாஃ ।
ததஸ்ததஸ்தாம் குடிலாமபஶ்யஃ கலிந்தஜாம் ராகவதீமிவைகாம் ॥9॥
ததாவிதேऽஸ்மிந் விபிநே பஶவ்யே ஸமுத்ஸுகோ வத்ஸகணப்ரசாரே ।
சரந் ஸராமோऽத குமாரகைஸ்த்வம் ஸமீரகேஹாதிப பாஹி ரோகாத் ॥10॥
Roman (IAST) Transliteration
bhavatprabhāvāvidurā hi gopāstaruprapātādikamatra goṣṭhe |
ahetumutpātagaṇaṃ viśaṅkya prayātumanyatra mano vitenuḥ ||1||
tatropanandābhidhagopavaryo jagau bhavatpreraṇayaiva nūnam |
itaḥ pratīcyāṃ vipinaṃ manojñaṃ vṛndāvanaṃ nāma virājatīti ||2||
bṛhadvanaṃ tat khalu nandamukhyā vidhāya gauṣṭhīnamatha kṣaṇena |
tvadanvitatvajjananīniviṣṭagariṣṭhayānānugatā viceluḥ ||3||
anomanojñadhvanidhenupālīkhurapraṇādāntarato vadhūbhiḥ |
bhavadvinodālapitākṣarāṇi prapīya nājñāyata mārgadairghyam ||4||
nirīkṣya vṛndāvanamīśa nandatprasūnakundapramukhadrumaugham |
amodathāḥ śādvalasāndralakṣmyā harinmaṇīkuṭṭimapuṣṭaśobham ||5||
navākanirvyūḍhanivāsabhedeṣvaśeṣagopeṣu sukhāsiteṣu |
vanaśriyaṃ gopakiśorapālīvimiśritaḥ paryagalokathāstvam ||6||
arālamārgāgatanirmalāpāṃ marālakūjākṛtanarmalāpām |
nirantarasmerasarojavaktrāṃ kalindakanyāṃ samalokayastvam ||7||
mayūrakekāśatalobhanīyaṃ mayūkhamālāśabalaṃ maṇīnām |
viriñcalokaspṛśamuccaśṛṅgairgiriṃ ca govardhanamaikṣathāstvam ||8||
samaṃ tato gopakumārakaistvaṃ samantato yatra vanāntamāgāḥ |
tatastatastāṃ kuṭilāmapaśyaḥ kalindajāṃ rāgavatīmivaikām ||9||
tathāvidhe'smin vipine paśavye samutsuko vatsagaṇapracāre |
caran sarāmo'tha kumārakaistvaṃ samīragehādhipa pāhi rogāt ||10||
Sanskrit — Devanagari (original)
भवत्प्रभावाविदुरा हि गोपास्तरुप्रपातादिकमत्र गोष्ठे ।
अहेतुमुत्पातगणं विशङ्क्य प्रयातुमन्यत्र मनो वितेनुः ॥1॥
तत्रोपनन्दाभिधगोपवर्यो जगौ भवत्प्रेरणयैव नूनम् ।
इतः प्रतीच्यां विपिनं मनोज्ञं वृन्दावनं नाम विराजतीति ॥2॥
बृहद्वनं तत् खलु नन्दमुख्या विधाय गौष्ठीनमथ क्षणेन ।
त्वदन्वितत्वज्जननीनिविष्टगरिष्ठयानानुगता विचेलुः ॥3॥
अनोमनोज्ञध्वनिधेनुपालीखुरप्रणादान्तरतो वधूभिः ।
भवद्विनोदालपिताक्षराणि प्रपीय नाज्ञायत मार्गदैर्घ्यम् ॥4॥
निरीक्ष्य वृन्दावनमीश नन्दत्प्रसूनकुन्दप्रमुखद्रुमौघम् ।
अमोदथाः शाद्वलसान्द्रलक्ष्म्या हरिन्मणीकुट्टिमपुष्टशोभम् ॥5॥
नवाकनिर्व्यूढनिवासभेदेष्वशेषगोपेषु सुखासितेषु ।
वनश्रियं गोपकिशोरपालीविमिश्रितः पर्यगलोकथास्त्वम् ॥6॥
अरालमार्गागतनिर्मलापां मरालकूजाकृतनर्मलापाम् ।
निरन्तरस्मेरसरोजवक्त्रां कलिन्दकन्यां समलोकयस्त्वम् ॥7॥
मयूरकेकाशतलोभनीयं मयूखमालाशबलं मणीनाम् ।
विरिञ्चलोकस्पृशमुच्चशृङ्गैर्गिरिं च गोवर्धनमैक्षथास्त्वम् ॥8॥
समं ततो गोपकुमारकैस्त्वं समन्ततो यत्र वनान्तमागाः ।
ततस्ततस्तां कुटिलामपश्यः कलिन्दजां रागवतीमिवैकाम् ॥9॥
तथाविधेऽस्मिन् विपिने पशव्ये समुत्सुको वत्सगणप्रचारे ।
चरन् सरामोऽथ कुमारकैस्त्वं समीरगेहाधिप पाहि रोगात् ॥10॥
bhavatprabhāvāvidurā hi gopāstaruprapātādikamatra goṣṭhe |
ahetumutpātagaṇaṃ viśaṅkya prayātumanyatra mano vitenuḥ ||1||
tatropanandābhidhagopavaryo jagau bhavatpreraṇayaiva nūnam |
itaḥ pratīcyāṃ vipinaṃ manojñaṃ vṛndāvanaṃ nāma virājatīti ||2||
bṛhadvanaṃ tat khalu nandamukhyā vidhāya gauṣṭhīnamatha kṣaṇena |
tvadanvitatvajjananīniviṣṭagariṣṭhayānānugatā viceluḥ ||3||
anomanojñadhvanidhenupālīkhurapraṇādāntarato vadhūbhiḥ |
bhavadvinodālapitākṣarāṇi prapīya nājñāyata mārgadairghyam ||4||
nirīkṣya vṛndāvanamīśa nandatprasūnakundapramukhadrumaugham |
amodathāḥ śādvalasāndralakṣmyā harinmaṇīkuṭṭimapuṣṭaśobham ||5||
navākanirvyūḍhanivāsabhedeṣvaśeṣagopeṣu sukhāsiteṣu |
vanaśriyaṃ gopakiśorapālīvimiśritaḥ paryagalokathāstvam ||6||
arālamārgāgatanirmalāpāṃ marālakūjākṛtanarmalāpām |
nirantarasmerasarojavaktrāṃ kalindakanyāṃ samalokayastvam ||7||
mayūrakekāśatalobhanīyaṃ mayūkhamālāśabalaṃ maṇīnām |
viriñcalokaspṛśamuccaśṛṅgairgiriṃ ca govardhanamaikṣathāstvam ||8||
samaṃ tato gopakumārakaistvaṃ samantato yatra vanāntamāgāḥ |
tatastatastāṃ kuṭilāmapaśyaḥ kalindajāṃ rāgavatīmivaikām ||9||
tathāvidhe'smin vipine paśavye samutsuko vatsagaṇapracāre |
caran sarāmo'tha kumārakaistvaṃ samīragehādhipa pāhi rogāt ||10||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.