யத்நேஷு ஸர்வேஷ்வபி நாவகேஶீ கேஶீ ஸ போஜேஶிதுரிஷ்டபந்துஃ ।
த்வாம் ஸிந்துஜாவாப்ய இதீவ மத்வா ஸம்ப்ராப்தவாந் ஸிந்துஜவாஜிரூபஃ ॥1॥
கந்தர்வதாமேஷ கதோऽபி ரூக்ஷைர்நாதைஃ ஸமுத்வேஜிதஸர்வலோகஃ ।
பவத்விலோகாவதி கோபவாடீம் ப்ரமர்த்ய பாபஃ புநராபதத்த்வாம் ॥2॥
தார்க்ஷ்யார்பிதாங்க்ரேஸ்தவ தார்க்ஷ்ய ஏஷ சிக்ஷேப வக்ஷோபுவி நாம பாதம் ।
ப்ரு'கோஃ பதாகாதகதாம் நிஶம்ய ஸ்வேநாபி ஶக்யம் ததிதீவ மோஹாத் ॥3॥
ப்ரவஞ்சயந்நஸ்ய குராஞ்சலம் த்ராகமுஞ்ச சிக்ஷேபித தூரதூரம்
ஸம்மூர்ச்சிதோऽபி ஹ்யதிமூர்ச்சிதேந க்ரோதோஷ்மணா காதிதுமாத்ருதஸ்த்வாம் ॥4॥
த்வம் வாஹதண்டே க்ரு'ததீஶ்ச வாஹாதண்டம் ந்யதாஸ்தஸ்ய முகே ததாநீம் ।
தத் வ்ரு'த்திருத்தஶ்வஸநோ கதாஸுஃ ஸப்தீபவந்நப்யயமைக்யமாகாத் ॥5॥
ஆலம்பமாத்ரேண பஶோஃ ஸுராணாம் ப்ரஸாதகே நூத்ந இவாஶ்வமேதே ।
க்ரு'தே த்வயா ஹர்ஷவஶாத் ஸுரேந்த்ராஸ்த்வாம் துஷ்டுவுஃ கேஶவநாமதேயம் ॥6॥
கம்ஸாய தே ஶௌரிஸுதத்வமுக்த்வா தம் தத்வதோத்கம் ப்ரதிருத்ய வாசா।
ப்ராப்தேந கேஶிக்ஷபணாவஸாநே ஶ்ரீநாரதேந த்வமபிஷ்டுதோऽபூஃ ॥7॥
கதாபி கோபைஃ ஸஹ காநநாந்தே நிலாயநக்ரீடநலோலுபம் த்வாம் ।
மயாத்மஜஃ ப்ராப துரந்தமாயோ வ்யோமாபிதோ வ்யோமசரோபரோதீ ॥8॥
ஸ சோரபாலாயிதவல்லவேஷு சோராயிதோ கோபஶிஶூந் பஶூம்ஶ்ச
குஹாஸு க்ரு'த்வா பிததே ஶிலாபிஸ்த்வயா ச புத்த்வா பரிமர்திதோऽபூத் ॥9॥
ஏவம் விதைஶ்சாத்புதகேலிபேதைராநந்தமூர்ச்சாமதுலாம் வ்ரஜஸ்ய ।
பதே பதே நூதநயந்நஸீமாம் பராத்மரூபிந் பவநேஶ பாயாஃ ॥10॥
Roman (IAST) Transliteration
yatneṣu sarveṣvapi nāvakeśī keśī sa bhojeśituriṣṭabandhuḥ |
tvāṃ sindhujāvāpya itīva matvā samprāptavān sindhujavājirūpaḥ ||1||
gandharvatāmeṣa gato'pi rūkṣairnādaiḥ samudvejitasarvalokaḥ |
bhavadvilokāvadhi gopavāṭīṃ pramardya pāpaḥ punarāpatattvām ||2||
tārkṣyārpitāṅghrestava tārkṣya eṣa cikṣepa vakṣobhuvi nāma pādam |
bhṛgoḥ padāghātakathāṃ niśamya svenāpi śakyaṃ taditīva mohāt ||3||
pravañcayannasya khurāñcalaṃ drāgamuñca cikṣepitha dūradūram
sammūrcchito'pi hyatimūrcchitena krodhoṣmaṇā khāditumādrutastvām ||4||
tvaṃ vāhadaṇḍe kṛtadhīśca vāhādaṇḍaṃ nyadhāstasya mukhe tadānīm |
tad vṛddhiruddhaśvasano gatāsuḥ saptībhavannapyayamaikyamāgāt ||5||
ālambhamātreṇa paśoḥ surāṇāṃ prasādake nūtna ivāśvamedhe |
kṛte tvayā harṣavaśāt surendrāstvāṃ tuṣṭuvuḥ keśavanāmadheyam ||6||
kaṃsāya te śaurisutatvamuktvā taṃ tadvadhotkaṃ pratirudhya vācā|
prāptena keśikṣapaṇāvasāne śrīnāradena tvamabhiṣṭuto'bhūḥ ||7||
kadāpi gopaiḥ saha kānanānte nilāyanakrīḍanalolupaṃ tvām |
mayātmajaḥ prāpa durantamāyo vyomābhidho vyomacaroparodhī ||8||
sa corapālāyitavallaveṣu corāyito gopaśiśūn paśūṃśca
guhāsu kṛtvā pidadhe śilābhistvayā ca buddhvā parimardito'bhūt ||9||
evaṃ vidhaiścādbhutakelibhedairānandamūrcchāmatulāṃ vrajasya |
pade pade nūtanayannasīmāṃ parātmarūpin pavaneśa pāyāḥ ||10||
Sanskrit — Devanagari (original)
यत्नेषु सर्वेष्वपि नावकेशी केशी स भोजेशितुरिष्टबन्धुः ।
त्वां सिन्धुजावाप्य इतीव मत्वा सम्प्राप्तवान् सिन्धुजवाजिरूपः ॥1॥
गन्धर्वतामेष गतोऽपि रूक्षैर्नादैः समुद्वेजितसर्वलोकः ।
भवद्विलोकावधि गोपवाटीं प्रमर्द्य पापः पुनरापतत्त्वाम् ॥2॥
तार्क्ष्यार्पिताङ्घ्रेस्तव तार्क्ष्य एष चिक्षेप वक्षोभुवि नाम पादम् ।
भृगोः पदाघातकथां निशम्य स्वेनापि शक्यं तदितीव मोहात् ॥3॥
प्रवञ्चयन्नस्य खुराञ्चलं द्रागमुञ्च चिक्षेपिथ दूरदूरम्
सम्मूर्च्छितोऽपि ह्यतिमूर्च्छितेन क्रोधोष्मणा खादितुमाद्रुतस्त्वाम् ॥4॥
त्वं वाहदण्डे कृतधीश्च वाहादण्डं न्यधास्तस्य मुखे तदानीम् ।
तद् वृद्धिरुद्धश्वसनो गतासुः सप्तीभवन्नप्ययमैक्यमागात् ॥5॥
आलम्भमात्रेण पशोः सुराणां प्रसादके नूत्न इवाश्वमेधे ।
कृते त्वया हर्षवशात् सुरेन्द्रास्त्वां तुष्टुवुः केशवनामधेयम् ॥6॥
कंसाय ते शौरिसुतत्वमुक्त्वा तं तद्वधोत्कं प्रतिरुध्य वाचा।
प्राप्तेन केशिक्षपणावसाने श्रीनारदेन त्वमभिष्टुतोऽभूः ॥7॥
कदापि गोपैः सह काननान्ते निलायनक्रीडनलोलुपं त्वाम् ।
मयात्मजः प्राप दुरन्तमायो व्योमाभिधो व्योमचरोपरोधी ॥8॥
स चोरपालायितवल्लवेषु चोरायितो गोपशिशून् पशूंश्च
गुहासु कृत्वा पिदधे शिलाभिस्त्वया च बुद्ध्वा परिमर्दितोऽभूत् ॥9॥
एवं विधैश्चाद्भुतकेलिभेदैरानन्दमूर्च्छामतुलां व्रजस्य ।
पदे पदे नूतनयन्नसीमां परात्मरूपिन् पवनेश पायाः ॥10॥
yatneṣu sarveṣvapi nāvakeśī keśī sa bhojeśituriṣṭabandhuḥ |
tvāṃ sindhujāvāpya itīva matvā samprāptavān sindhujavājirūpaḥ ||1||
gandharvatāmeṣa gato'pi rūkṣairnādaiḥ samudvejitasarvalokaḥ |
bhavadvilokāvadhi gopavāṭīṃ pramardya pāpaḥ punarāpatattvām ||2||
tārkṣyārpitāṅghrestava tārkṣya eṣa cikṣepa vakṣobhuvi nāma pādam |
bhṛgoḥ padāghātakathāṃ niśamya svenāpi śakyaṃ taditīva mohāt ||3||
pravañcayannasya khurāñcalaṃ drāgamuñca cikṣepitha dūradūram
sammūrcchito'pi hyatimūrcchitena krodhoṣmaṇā khāditumādrutastvām ||4||
tvaṃ vāhadaṇḍe kṛtadhīśca vāhādaṇḍaṃ nyadhāstasya mukhe tadānīm |
tad vṛddhiruddhaśvasano gatāsuḥ saptībhavannapyayamaikyamāgāt ||5||
ālambhamātreṇa paśoḥ surāṇāṃ prasādake nūtna ivāśvamedhe |
kṛte tvayā harṣavaśāt surendrāstvāṃ tuṣṭuvuḥ keśavanāmadheyam ||6||
kaṃsāya te śaurisutatvamuktvā taṃ tadvadhotkaṃ pratirudhya vācā|
prāptena keśikṣapaṇāvasāne śrīnāradena tvamabhiṣṭuto'bhūḥ ||7||
kadāpi gopaiḥ saha kānanānte nilāyanakrīḍanalolupaṃ tvām |
mayātmajaḥ prāpa durantamāyo vyomābhidho vyomacaroparodhī ||8||
sa corapālāyitavallaveṣu corāyito gopaśiśūn paśūṃśca
guhāsu kṛtvā pidadhe śilābhistvayā ca buddhvā parimardito'bhūt ||9||
evaṃ vidhaiścādbhutakelibhedairānandamūrcchāmatulāṃ vrajasya |
pade pade nūtanayannasīmāṃ parātmarūpin pavaneśa pāyāḥ ||10||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.