ஸால்வோ பைஷ்மீவிவாஹே யதுபலவிஜிதஶ்சந்த்ரசூடாத்விமாநம்
விந்தந் ஸௌபம் ஸ மாயீ த்வயி வஸதி குரும்ஸ்த்வத்புரீமப்யபாங்க்ஷீத் ।
ப்ரத்யும்நஸ்தம் நிருந்தந்நிகிலயதுபடைர்ந்யக்ரஹீதுக்ரவீர்யம்
தஸ்யாமாத்யம் த்யுமந்தம் வ்யஜநி ச ஸமரஃ ஸப்தவிம்ஶத்யஹாந்தஃ ॥1॥
தாவத்த்வம் ராமஶாலீ த்வரிதமுபகதஃ கண்டிதப்ராயஸைந்யம்
ஸௌபேஶம் தம் ந்யருந்தாஃ ஸ ச கில கதயா ஶார்ங்கமப்ரம்ஶயத்தே ।
மாயாதாதம் வ்யஹிம்ஸீதபி தவ புரதஸ்தத்த்வயாபி க்ஷணார்தம்
நாஜ்ஞாயீத்யாஹுரேகே ததிதமவமதம் வ்யாஸ ஏவ ந்யஷேதீத் ॥2॥
க்ஷிப்த்வா ஸௌபம் கதாசூர்ணிதமுதகநிதௌ மங்க்ஷு ஸால்வேऽபி சக்ரே-
ணோத்க்ரு'த்தே தந்தவக்த்ரஃ ப்ரஸபமபிபதந்நப்யமுஞ்சத்கதாம் தே ।
கௌமோதக்யா ஹதோऽஸாவபி ஸுக்ரு'தநிதிஶ்சைத்யவத்ப்ராபதைக்யம்
ஸர்வேஷாமேஷ பூர்வம் த்வயி த்ரு'தமநஸாம் மோக்ஷணார்தோऽவதாரஃ ॥3॥
த்வய்யாயாதேऽத ஜாதே கில குருஸதஸி த்யூதகே ஸம்யதாயாஃ
க்ரந்தந்த்யா யாஜ்ஞஸேந்யாஃ ஸகருணமக்ரு'தாஶ்சேலமாலாமநந்தாம் ।
அந்நாந்தப்ராப்தஶர்வாம்ஶஜமுநிசகிதத்ரௌபதீசிந்திதோऽத
ப்ராப்தஃ ஶாகாந்நமஶ்நந் முநிகணமக்ரு'தாஸ்த்ரு'ப்திமந்தம் வநாந்தே ॥4॥
யுத்தோத்யோகேऽத மந்த்ரே மிலதி ஸதி வ்ரு'தஃ பல்குநேந த்வமேகஃ
கௌரவ்யே தத்தஸைந்யஃ கரிபுரமகமோ தூத்யக்ரு'த் பாண்டவார்தம் ।
பீஷ்மத்ரோணாதிமாந்யே தவ கலு வசநே திக்க்ரு'தே கௌரவேண
வ்யாவ்ரு'ண்வந் விஶ்வரூபம் முநிஸதஸி புரீம் க்ஷோபயித்வாகதோऽபூஃ ॥5॥
ஜிஷ்ணோஸ்த்வம் க்ரு'ஷ்ண ஸூதஃ கலு ஸமரமுகே பந்துகாதே தயாலும்
கிந்நம் தம் வீக்ஷ்ய வீரம் கிமிதமயி ஸகே நித்ய ஏகோऽயமாத்மா ।
கோ வத்யஃ கோऽத்ர ஹந்தா ததிஹ வதபியம் ப்ரோஜ்ச்ய மய்யர்பிதாத்மா
தர்ம்யம் யுத்தம் சரேதி ப்ரக்ரு'திமநயதா தர்ஶயந் விஶ்வரூபம் ॥6॥
பக்தோத்தம்ஸேऽத பீஷ்மே தவ தரணிபரக்ஷேபக்ரு'த்யைகஸக்தே
நித்யம் நித்யம் விபிந்தத்யயுதஸமதிகம் ப்ராப்தஸாதே ச பார்தே ।
நிஶ்ஶஸ்த்ரத்வப்ரதிஜ்ஞாம் விஜஹதரிவரம் தாரயந் க்ரோதஶாலீ-
வாதாவந் ப்ராஞ்ஜலிம் தம் நதஶிரஸமதோ வீக்ஷ்ய மோதாதபாகாஃ ॥7॥
யுத்தே த்ரோணஸ்ய ஹஸ்திஸ்திரரணபகதத்தேரிதம் வைஷ்ணவாஸ்த்ரம்
வக்ஷஸ்யாதத்த சக்ரஸ்தகிதரவிமஹாஃ ப்ரார்தயத்ஸிந்துராஜம் ।
நாகாஸ்த்ரே கர்ணமுக்தே க்ஷிதிமவநமயந் கேவலம் க்ரு'த்தமௌலிம்
தத்ரே த்ராபி பார்தம் கிமிவ நஹி பவாந் பாண்டவாநாமகார்ஷீத் ॥8॥
யுத்தாதௌ தீர்தகாமீ ஸ கலு ஹலதரோ நைமிஶக்ஷேத்ரம்ரு'ச்ச-
ந்நப்ரத்யுத்தாயிஸூதக்ஷயக்ரு'தத ஸுதம் தத்பதே கல்பயித்வா ।
யஜ்ஞக்நம் வல்கலம் பர்வணி பரிதலயந் ஸ்நாததீர்தோ ரணாந்தே
ஸம்ப்ராப்தோ பீமதுர்யோதநரணமஶமம் வீக்ஷ்ய யாதஃ புரீம் தே ॥9॥
ஸம்ஸுப்தத்ரௌபதேயக்ஷபணஹததியம் த்ரௌணிமேத்ய த்வதுக்த்யா
தந்முக்தம் ப்ராஹ்மமஸ்த்ரம் ஸமஹ்ரு'த விஜயோ மௌலிரத்நம் ச ஜஹ்ரே ।
உச்சித்யை பாண்டவாநாம் புநரபி ச விஶத்யுத்தராகர்பமஸ்த்ரே
ரக்ஷந்நங்குஷ்டமாத்ரஃ கில ஜடரமகாஶ்சக்ரபாணிர்விபோ த்வம் ॥10॥
தர்மௌகம் தர்மஸூநோரபிதததகிலம் சந்தம்ரு'த்யுஸ்ஸ பீஷ்ம-
ஸ்த்வாம் பஶ்யந் பக்திபூம்நைவ ஹி ஸபதி யயௌ நிஷ்கலப்ரஹ்மபூயம் ।
ஸம்யாஜ்யாதாஶ்வமேதைஸ்த்ரிபிரதிமஹிதைர்தர்மஜம் பூர்ணகாமம்
ஸ்ம்ப்ராப்தோ த்வரகாம் த்வம் பவநபுரபதே பாஹி மாம் ஸர்வரோகாத் ॥11॥
Roman (IAST) Transliteration
sālvo bhaiṣmīvivāhe yadubalavijitaścandracūḍādvimānaṃ
vindan saubhaṃ sa māyī tvayi vasati kuruṃstvatpurīmabhyabhāṅkṣīt |
pradyumnastaṃ nirundhannikhilayadubhaṭairnyagrahīdugravīryaṃ
tasyāmātyaṃ dyumantaṃ vyajani ca samaraḥ saptaviṃśatyahāntaḥ ||1||
tāvattvaṃ rāmaśālī tvaritamupagataḥ khaṇḍitaprāyasainyaṃ
saubheśaṃ taṃ nyarundhāḥ sa ca kila gadayā śārṅgamabhraṃśayatte |
māyātātaṃ vyahiṃsīdapi tava puratastattvayāpi kṣaṇārdhaṃ
nājñāyītyāhureke tadidamavamataṃ vyāsa eva nyaṣedhīt ||2||
kṣiptvā saubhaṃ gadācūrṇitamudakanidhau maṅkṣu sālve'pi cakre-
ṇotkṛtte dantavaktraḥ prasabhamabhipatannabhyamuñcadgadāṃ te |
kaumodakyā hato'sāvapi sukṛtanidhiścaidyavatprāpadaikyaṃ
sarveṣāmeṣa pūrvaṃ tvayi dhṛtamanasāṃ mokṣaṇārtho'vatāraḥ ||3||
tvayyāyāte'tha jāte kila kurusadasi dyūtake saṃyatāyāḥ
krandantyā yājñasenyāḥ sakaruṇamakṛthāścelamālāmanantām |
annāntaprāptaśarvāṃśajamunicakitadraupadīcintito'tha
prāptaḥ śākānnamaśnan munigaṇamakṛthāstṛptimantaṃ vanānte ||4||
yuddhodyoge'tha mantre milati sati vṛtaḥ phalgunena tvamekaḥ
kauravye dattasainyaḥ karipuramagamo dūtyakṛt pāṇḍavārtham |
bhīṣmadroṇādimānye tava khalu vacane dhikkṛte kauraveṇa
vyāvṛṇvan viśvarūpaṃ munisadasi purīṃ kṣobhayitvāgato'bhūḥ ||5||
jiṣṇostvaṃ kṛṣṇa sūtaḥ khalu samaramukhe bandhughāte dayāluṃ
khinnaṃ taṃ vīkṣya vīraṃ kimidamayi sakhe nitya eko'yamātmā |
ko vadhyaḥ ko'tra hantā tadiha vadhabhiyaṃ projjhya mayyarpitātmā
dharmyaṃ yuddhaṃ careti prakṛtimanayathā darśayan viśvarūpam ||6||
bhaktottaṃse'tha bhīṣme tava dharaṇibharakṣepakṛtyaikasakte
nityaṃ nityaṃ vibhindatyayutasamadhikaṃ prāptasāde ca pārthe |
niśśastratvapratijñāṃ vijahadarivaraṃ dhārayan krodhaśālī-
vādhāvan prāñjaliṃ taṃ nataśirasamatho vīkṣya modādapāgāḥ ||7||
yuddhe droṇasya hastisthiraraṇabhagadatteritaṃ vaiṣṇavāstraṃ
vakṣasyādhatta cakrasthagitaravimahāḥ prārdayatsindhurājam |
nāgāstre karṇamukte kṣitimavanamayan kevalaṃ kṛttamauliṃ
tatre trāpi pārthaṃ kimiva nahi bhavān pāṇḍavānāmakārṣīt ||8||
yuddhādau tīrthagāmī sa khalu haladharo naimiśakṣetramṛccha-
nnapratyutthāyisūtakṣayakṛdatha sutaṃ tatpade kalpayitvā |
yajñaghnaṃ valkalaṃ parvaṇi paridalayan snātatīrtho raṇānte
samprāpto bhīmaduryodhanaraṇamaśamaṃ vīkṣya yātaḥ purīṃ te ||9||
saṃsuptadraupadeyakṣapaṇahatadhiyaṃ drauṇimetya tvaduktyā
tanmuktaṃ brāhmamastraṃ samahṛta vijayo mauliratnaṃ ca jahre |
ucchityai pāṇḍavānāṃ punarapi ca viśatyuttarāgarbhamastre
rakṣannaṅguṣṭhamātraḥ kila jaṭharamagāścakrapāṇirvibho tvam ||10||
dharmaughaṃ dharmasūnorabhidadhadakhilaṃ chandamṛtyussa bhīṣma-
stvāṃ paśyan bhaktibhūmnaiva hi sapadi yayau niṣkalabrahmabhūyam |
saṃyājyāthāśvamedhaistribhiratimahitairdharmajaṃ pūrṇakāmaṃ
smprāpto dvarakāṃ tvaṃ pavanapurapate pāhi māṃ sarvarogāt ||11||
Sanskrit — Devanagari (original)
साल्वो भैष्मीविवाहे यदुबलविजितश्चन्द्रचूडाद्विमानं
विन्दन् सौभं स मायी त्वयि वसति कुरुंस्त्वत्पुरीमभ्यभाङ्क्षीत् ।
प्रद्युम्नस्तं निरुन्धन्निखिलयदुभटैर्न्यग्रहीदुग्रवीर्यं
तस्यामात्यं द्युमन्तं व्यजनि च समरः सप्तविंशत्यहान्तः ॥1॥
तावत्त्वं रामशाली त्वरितमुपगतः खण्डितप्रायसैन्यं
सौभेशं तं न्यरुन्धाः स च किल गदया शार्ङ्गमभ्रंशयत्ते ।
मायातातं व्यहिंसीदपि तव पुरतस्तत्त्वयापि क्षणार्धं
नाज्ञायीत्याहुरेके तदिदमवमतं व्यास एव न्यषेधीत् ॥2॥
क्षिप्त्वा सौभं गदाचूर्णितमुदकनिधौ मङ्क्षु साल्वेऽपि चक्रे-
णोत्कृत्ते दन्तवक्त्रः प्रसभमभिपतन्नभ्यमुञ्चद्गदां ते ।
कौमोदक्या हतोऽसावपि सुकृतनिधिश्चैद्यवत्प्रापदैक्यं
सर्वेषामेष पूर्वं त्वयि धृतमनसां मोक्षणार्थोऽवतारः ॥3॥
त्वय्यायातेऽथ जाते किल कुरुसदसि द्यूतके संयतायाः
क्रन्दन्त्या याज्ञसेन्याः सकरुणमकृथाश्चेलमालामनन्ताम् ।
अन्नान्तप्राप्तशर्वांशजमुनिचकितद्रौपदीचिन्तितोऽथ
प्राप्तः शाकान्नमश्नन् मुनिगणमकृथास्तृप्तिमन्तं वनान्ते ॥4॥
युद्धोद्योगेऽथ मन्त्रे मिलति सति वृतः फल्गुनेन त्वमेकः
कौरव्ये दत्तसैन्यः करिपुरमगमो दूत्यकृत् पाण्डवार्थम् ।
भीष्मद्रोणादिमान्ये तव खलु वचने धिक्कृते कौरवेण
व्यावृण्वन् विश्वरूपं मुनिसदसि पुरीं क्षोभयित्वागतोऽभूः ॥5॥
जिष्णोस्त्वं कृष्ण सूतः खलु समरमुखे बन्धुघाते दयालुं
खिन्नं तं वीक्ष्य वीरं किमिदमयि सखे नित्य एकोऽयमात्मा ।
को वध्यः कोऽत्र हन्ता तदिह वधभियं प्रोज्झ्य मय्यर्पितात्मा
धर्म्यं युद्धं चरेति प्रकृतिमनयथा दर्शयन् विश्वरूपम् ॥6॥
भक्तोत्तंसेऽथ भीष्मे तव धरणिभरक्षेपकृत्यैकसक्ते
नित्यं नित्यं विभिन्दत्ययुतसमधिकं प्राप्तसादे च पार्थे ।
निश्शस्त्रत्वप्रतिज्ञां विजहदरिवरं धारयन् क्रोधशाली-
वाधावन् प्राञ्जलिं तं नतशिरसमथो वीक्ष्य मोदादपागाः ॥7॥
युद्धे द्रोणस्य हस्तिस्थिररणभगदत्तेरितं वैष्णवास्त्रं
वक्षस्याधत्त चक्रस्थगितरविमहाः प्रार्दयत्सिन्धुराजम् ।
नागास्त्रे कर्णमुक्ते क्षितिमवनमयन् केवलं कृत्तमौलिं
तत्रे त्रापि पार्थं किमिव नहि भवान् पाण्डवानामकार्षीत् ॥8॥
युद्धादौ तीर्थगामी स खलु हलधरो नैमिशक्षेत्रमृच्छ-
न्नप्रत्युत्थायिसूतक्षयकृदथ सुतं तत्पदे कल्पयित्वा ।
यज्ञघ्नं वल्कलं पर्वणि परिदलयन् स्नाततीर्थो रणान्ते
सम्प्राप्तो भीमदुर्योधनरणमशमं वीक्ष्य यातः पुरीं ते ॥9॥
संसुप्तद्रौपदेयक्षपणहतधियं द्रौणिमेत्य त्वदुक्त्या
तन्मुक्तं ब्राह्ममस्त्रं समहृत विजयो मौलिरत्नं च जह्रे ।
उच्छित्यै पाण्डवानां पुनरपि च विशत्युत्तरागर्भमस्त्रे
रक्षन्नङ्गुष्ठमात्रः किल जठरमगाश्चक्रपाणिर्विभो त्वम् ॥10॥
धर्मौघं धर्मसूनोरभिदधदखिलं छन्दमृत्युस्स भीष्म-
स्त्वां पश्यन् भक्तिभूम्नैव हि सपदि ययौ निष्कलब्रह्मभूयम् ।
संयाज्याथाश्वमेधैस्त्रिभिरतिमहितैर्धर्मजं पूर्णकामं
स्म्प्राप्तो द्वरकां त्वं पवनपुरपते पाहि मां सर्वरोगात् ॥11॥
sālvo bhaiṣmīvivāhe yadubalavijitaścandracūḍādvimānaṃ
vindan saubhaṃ sa māyī tvayi vasati kuruṃstvatpurīmabhyabhāṅkṣīt |
pradyumnastaṃ nirundhannikhilayadubhaṭairnyagrahīdugravīryaṃ
tasyāmātyaṃ dyumantaṃ vyajani ca samaraḥ saptaviṃśatyahāntaḥ ||1||
tāvattvaṃ rāmaśālī tvaritamupagataḥ khaṇḍitaprāyasainyaṃ
saubheśaṃ taṃ nyarundhāḥ sa ca kila gadayā śārṅgamabhraṃśayatte |
māyātātaṃ vyahiṃsīdapi tava puratastattvayāpi kṣaṇārdhaṃ
nājñāyītyāhureke tadidamavamataṃ vyāsa eva nyaṣedhīt ||2||
kṣiptvā saubhaṃ gadācūrṇitamudakanidhau maṅkṣu sālve'pi cakre-
ṇotkṛtte dantavaktraḥ prasabhamabhipatannabhyamuñcadgadāṃ te |
kaumodakyā hato'sāvapi sukṛtanidhiścaidyavatprāpadaikyaṃ
sarveṣāmeṣa pūrvaṃ tvayi dhṛtamanasāṃ mokṣaṇārtho'vatāraḥ ||3||
tvayyāyāte'tha jāte kila kurusadasi dyūtake saṃyatāyāḥ
krandantyā yājñasenyāḥ sakaruṇamakṛthāścelamālāmanantām |
annāntaprāptaśarvāṃśajamunicakitadraupadīcintito'tha
prāptaḥ śākānnamaśnan munigaṇamakṛthāstṛptimantaṃ vanānte ||4||
yuddhodyoge'tha mantre milati sati vṛtaḥ phalgunena tvamekaḥ
kauravye dattasainyaḥ karipuramagamo dūtyakṛt pāṇḍavārtham |
bhīṣmadroṇādimānye tava khalu vacane dhikkṛte kauraveṇa
vyāvṛṇvan viśvarūpaṃ munisadasi purīṃ kṣobhayitvāgato'bhūḥ ||5||
jiṣṇostvaṃ kṛṣṇa sūtaḥ khalu samaramukhe bandhughāte dayāluṃ
khinnaṃ taṃ vīkṣya vīraṃ kimidamayi sakhe nitya eko'yamātmā |
ko vadhyaḥ ko'tra hantā tadiha vadhabhiyaṃ projjhya mayyarpitātmā
dharmyaṃ yuddhaṃ careti prakṛtimanayathā darśayan viśvarūpam ||6||
bhaktottaṃse'tha bhīṣme tava dharaṇibharakṣepakṛtyaikasakte
nityaṃ nityaṃ vibhindatyayutasamadhikaṃ prāptasāde ca pārthe |
niśśastratvapratijñāṃ vijahadarivaraṃ dhārayan krodhaśālī-
vādhāvan prāñjaliṃ taṃ nataśirasamatho vīkṣya modādapāgāḥ ||7||
yuddhe droṇasya hastisthiraraṇabhagadatteritaṃ vaiṣṇavāstraṃ
vakṣasyādhatta cakrasthagitaravimahāḥ prārdayatsindhurājam |
nāgāstre karṇamukte kṣitimavanamayan kevalaṃ kṛttamauliṃ
tatre trāpi pārthaṃ kimiva nahi bhavān pāṇḍavānāmakārṣīt ||8||
yuddhādau tīrthagāmī sa khalu haladharo naimiśakṣetramṛccha-
nnapratyutthāyisūtakṣayakṛdatha sutaṃ tatpade kalpayitvā |
yajñaghnaṃ valkalaṃ parvaṇi paridalayan snātatīrtho raṇānte
samprāpto bhīmaduryodhanaraṇamaśamaṃ vīkṣya yātaḥ purīṃ te ||9||
saṃsuptadraupadeyakṣapaṇahatadhiyaṃ drauṇimetya tvaduktyā
tanmuktaṃ brāhmamastraṃ samahṛta vijayo mauliratnaṃ ca jahre |
ucchityai pāṇḍavānāṃ punarapi ca viśatyuttarāgarbhamastre
rakṣannaṅguṣṭhamātraḥ kila jaṭharamagāścakrapāṇirvibho tvam ||10||
dharmaughaṃ dharmasūnorabhidadhadakhilaṃ chandamṛtyussa bhīṣma-
stvāṃ paśyan bhaktibhūmnaiva hi sapadi yayau niṣkalabrahmabhūyam |
saṃyājyāthāśvamedhaistribhiratimahitairdharmajaṃ pūrṇakāmaṃ
smprāpto dvarakāṃ tvaṃ pavanapurapate pāhi māṃ sarvarogāt ||11||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.