සාල්වෝ භෛෂ්මීවිවාහේ යදුබලවිජිතශ්චන්ද්රචූඩාද්විමානං
වින්දන් සෞභං ස මායී ත්වයි වසති කුරුංස්ත්වත්පුරීමභ්යභාඞ්ක්ෂීත් .
ප්රද්යුම්නස්තං නිරුන්ධන්නිඛිලයදුභටෛර්න්යග්රහීදුග්රවීර්යං
තස්යාමාත්යං ද්යුමන්තං ව්යජනි ච සමරඃ සප්තවිංශත්යහාන්තඃ ..1..
තාවත්ත්වං රාමශාලී ත්වරිතමුපගතඃ ඛණ්ඩිතප්රායසෛන්යං
සෞභේශං තං න්යරුන්ධාඃ ස ච කිල ගදයා ශාර්ඞ්ගමභ්රංශයත්තේ .
මායාතාතං ව්යහිංසීදපි තව පුරතස්තත්ත්වයාපි ක්ෂණාර්ධං
නාජ්ඤායීත්යාහුරේකේ තදිදමවමතං ව්යාස ඒව න්යෂේධීත් ..2..
ක්ෂිප්ත්වා සෞභං ගදාචූර්ණිතමුදකනිධෞ මඞ්ක්ෂු සාල්වේ(අ)පි චක්රේ-
ණෝත්කෘත්තේ දන්තවක්ත්රඃ ප්රසභමභිපතන්නභ්යමුඤ්චද්ගදාං තේ .
කෞමෝදක්යා හතෝ(අ)සාවපි සුකෘතනිධිශ්චෛද්යවත්ප්රාපදෛක්යං
සර්වේෂාමේෂ පූර්වං ත්වයි ධෘතමනසාං මෝක්ෂණාර්ථෝ(අ)වතාරඃ ..3..
ත්වය්යායාතේ(අ)ථ ජාතේ කිල කුරුසදසි ද්යූතකේ සංයතායාඃ
ක්රන්දන්ත්යා යාජ්ඤසේන්යාඃ සකරුණමකෘථාශ්චේලමාලාමනන්තාම් .
අන්නාන්තප්රාප්තශර්වාංශජමුනිචකිතද්රෞපදීචින්තිතෝ(අ)ථ
ප්රාප්තඃ ශාකාන්නමශ්නන් මුනිගණමකෘථාස්තෘප්තිමන්තං වනාන්තේ ..4..
යුද්ධෝද්යෝගේ(අ)ථ මන්ත්රේ මිලති සති වෘතඃ ඵල්ගුනේන ත්වමේකඃ
කෞරව්යේ දත්තසෛන්යඃ කරිපුරමගමෝ දූත්යකෘත් පාණ්ඩවාර්ථම් .
භීෂ්මද්රෝණාදිමාන්යේ තව ඛලු වචනේ ධික්කෘතේ කෞරවේණ
ව්යාවෘණ්වන් විශ්වරූපං මුනිසදසි පුරීං ක්ෂෝභයිත්වාගතෝ(අ)භූඃ ..5..
ජිෂ්ණෝස්ත්වං කෘෂ්ණ සූතඃ ඛලු සමරමුඛේ බන්ධුඝාතේ දයාලුං
ඛින්නං තං වීක්ෂ්ය වීරං කිමිදමයි සඛේ නිත්ය ඒකෝ(අ)යමාත්මා .
කෝ වධ්යඃ කෝ(අ)ත්ර හන්තා තදිහ වධභියං ප්රෝජ්ඣ්ය මය්යර්පිතාත්මා
ධර්ම්යං යුද්ධං චරේති ප්රකෘතිමනයථා දර්ශයන් විශ්වරූපම් ..6..
භක්තෝත්තංසේ(අ)ථ භීෂ්මේ තව ධරණිභරක්ෂේපකෘත්යෛකසක්තේ
නිත්යං නිත්යං විභින්දත්යයුතසමධිකං ප්රාප්තසාදේ ච පාර්ථේ .
නිශ්ශස්ත්රත්වප්රතිජ්ඤාං විජහදරිවරං ධාරයන් ක්රෝධශාලී-
වාධාවන් ප්රාඤ්ජලිං තං නතශිරසමථෝ වීක්ෂ්ය මෝදාදපාගාඃ ..7..
යුද්ධේ ද්රෝණස්ය හස්තිස්ථිරරණභගදත්තේරිතං වෛෂ්ණවාස්ත්රං
වක්ෂස්යාධත්ත චක්රස්ථගිතරවිමහාඃ ප්රාර්දයත්සින්ධුරාජම් .
නාගාස්ත්රේ කර්ණමුක්තේ ක්ෂිතිමවනමයන් කේවලං කෘත්තමෞලිං
තත්රේ ත්රාපි පාර්ථං කිමිව නහි භවාන් පාණ්ඩවානාමකාර්ෂීත් ..8..
යුද්ධාදෞ තීර්ථගාමී ස ඛලු හලධරෝ නෛමිශක්ෂේත්රමෘච්ඡ-
න්නප්රත්යුත්ථායිසූතක්ෂයකෘදථ සුතං තත්පදේ කල්පයිත්වා .
යජ්ඤඝ්නං වල්කලං පර්වණි පරිදලයන් ස්නාතතීර්ථෝ රණාන්තේ
සම්ප්රාප්තෝ භීමදුර්යෝධනරණමශමං වීක්ෂ්ය යාතඃ පුරීං තේ ..9..
සංසුප්තද්රෞපදේයක්ෂපණහතධියං ද්රෞණිමේත්ය ත්වදුක්ත්යා
තන්මුක්තං බ්රාහ්මමස්ත්රං සමහෘත විජයෝ මෞලිරත්නං ච ජහ්රේ .
උච්ඡිත්යෛ පාණ්ඩවානාං පුනරපි ච විශත්යුත්තරාගර්භමස්ත්රේ
රක්ෂන්නඞ්ගුෂ්ඨමාත්රඃ කිල ජඨරමගාශ්චක්රපාණිර්විභෝ ත්වම් ..10..
ධර්මෞඝං ධර්මසූනෝරභිදධදඛිලං ඡන්දමෘත්යුස්ස භීෂ්ම-
ස්ත්වාං පශ්යන් භක්තිභූම්නෛව හි සපදි යයෞ නිෂ්කලබ්රහ්මභූයම් .
සංයාජ්යාථාශ්වමේධෛස්ත්රිභිරතිමහිතෛර්ධර්මජං පූර්ණකාමං
ස්ම්ප්රාප්තෝ ද්වරකාං ත්වං පවනපුරපතේ පාහි මාං සර්වරෝගාත් ..11..
Roman (IAST) Transliteration
sālvo bhaiṣmīvivāhe yadubalavijitaścandracūḍādvimānaṃ
vindan saubhaṃ sa māyī tvayi vasati kuruṃstvatpurīmabhyabhāṅkṣīt |
pradyumnastaṃ nirundhannikhilayadubhaṭairnyagrahīdugravīryaṃ
tasyāmātyaṃ dyumantaṃ vyajani ca samaraḥ saptaviṃśatyahāntaḥ ||1||
tāvattvaṃ rāmaśālī tvaritamupagataḥ khaṇḍitaprāyasainyaṃ
saubheśaṃ taṃ nyarundhāḥ sa ca kila gadayā śārṅgamabhraṃśayatte |
māyātātaṃ vyahiṃsīdapi tava puratastattvayāpi kṣaṇārdhaṃ
nājñāyītyāhureke tadidamavamataṃ vyāsa eva nyaṣedhīt ||2||
kṣiptvā saubhaṃ gadācūrṇitamudakanidhau maṅkṣu sālve'pi cakre-
ṇotkṛtte dantavaktraḥ prasabhamabhipatannabhyamuñcadgadāṃ te |
kaumodakyā hato'sāvapi sukṛtanidhiścaidyavatprāpadaikyaṃ
sarveṣāmeṣa pūrvaṃ tvayi dhṛtamanasāṃ mokṣaṇārtho'vatāraḥ ||3||
tvayyāyāte'tha jāte kila kurusadasi dyūtake saṃyatāyāḥ
krandantyā yājñasenyāḥ sakaruṇamakṛthāścelamālāmanantām |
annāntaprāptaśarvāṃśajamunicakitadraupadīcintito'tha
prāptaḥ śākānnamaśnan munigaṇamakṛthāstṛptimantaṃ vanānte ||4||
yuddhodyoge'tha mantre milati sati vṛtaḥ phalgunena tvamekaḥ
kauravye dattasainyaḥ karipuramagamo dūtyakṛt pāṇḍavārtham |
bhīṣmadroṇādimānye tava khalu vacane dhikkṛte kauraveṇa
vyāvṛṇvan viśvarūpaṃ munisadasi purīṃ kṣobhayitvāgato'bhūḥ ||5||
jiṣṇostvaṃ kṛṣṇa sūtaḥ khalu samaramukhe bandhughāte dayāluṃ
khinnaṃ taṃ vīkṣya vīraṃ kimidamayi sakhe nitya eko'yamātmā |
ko vadhyaḥ ko'tra hantā tadiha vadhabhiyaṃ projjhya mayyarpitātmā
dharmyaṃ yuddhaṃ careti prakṛtimanayathā darśayan viśvarūpam ||6||
bhaktottaṃse'tha bhīṣme tava dharaṇibharakṣepakṛtyaikasakte
nityaṃ nityaṃ vibhindatyayutasamadhikaṃ prāptasāde ca pārthe |
niśśastratvapratijñāṃ vijahadarivaraṃ dhārayan krodhaśālī-
vādhāvan prāñjaliṃ taṃ nataśirasamatho vīkṣya modādapāgāḥ ||7||
yuddhe droṇasya hastisthiraraṇabhagadatteritaṃ vaiṣṇavāstraṃ
vakṣasyādhatta cakrasthagitaravimahāḥ prārdayatsindhurājam |
nāgāstre karṇamukte kṣitimavanamayan kevalaṃ kṛttamauliṃ
tatre trāpi pārthaṃ kimiva nahi bhavān pāṇḍavānāmakārṣīt ||8||
yuddhādau tīrthagāmī sa khalu haladharo naimiśakṣetramṛccha-
nnapratyutthāyisūtakṣayakṛdatha sutaṃ tatpade kalpayitvā |
yajñaghnaṃ valkalaṃ parvaṇi paridalayan snātatīrtho raṇānte
samprāpto bhīmaduryodhanaraṇamaśamaṃ vīkṣya yātaḥ purīṃ te ||9||
saṃsuptadraupadeyakṣapaṇahatadhiyaṃ drauṇimetya tvaduktyā
tanmuktaṃ brāhmamastraṃ samahṛta vijayo mauliratnaṃ ca jahre |
ucchityai pāṇḍavānāṃ punarapi ca viśatyuttarāgarbhamastre
rakṣannaṅguṣṭhamātraḥ kila jaṭharamagāścakrapāṇirvibho tvam ||10||
dharmaughaṃ dharmasūnorabhidadhadakhilaṃ chandamṛtyussa bhīṣma-
stvāṃ paśyan bhaktibhūmnaiva hi sapadi yayau niṣkalabrahmabhūyam |
saṃyājyāthāśvamedhaistribhiratimahitairdharmajaṃ pūrṇakāmaṃ
smprāpto dvarakāṃ tvaṃ pavanapurapate pāhi māṃ sarvarogāt ||11||
Sanskrit — Devanagari (original)
साल्वो भैष्मीविवाहे यदुबलविजितश्चन्द्रचूडाद्विमानं
विन्दन् सौभं स मायी त्वयि वसति कुरुंस्त्वत्पुरीमभ्यभाङ्क्षीत् ।
प्रद्युम्नस्तं निरुन्धन्निखिलयदुभटैर्न्यग्रहीदुग्रवीर्यं
तस्यामात्यं द्युमन्तं व्यजनि च समरः सप्तविंशत्यहान्तः ॥1॥
तावत्त्वं रामशाली त्वरितमुपगतः खण्डितप्रायसैन्यं
सौभेशं तं न्यरुन्धाः स च किल गदया शार्ङ्गमभ्रंशयत्ते ।
मायातातं व्यहिंसीदपि तव पुरतस्तत्त्वयापि क्षणार्धं
नाज्ञायीत्याहुरेके तदिदमवमतं व्यास एव न्यषेधीत् ॥2॥
क्षिप्त्वा सौभं गदाचूर्णितमुदकनिधौ मङ्क्षु साल्वेऽपि चक्रे-
णोत्कृत्ते दन्तवक्त्रः प्रसभमभिपतन्नभ्यमुञ्चद्गदां ते ।
कौमोदक्या हतोऽसावपि सुकृतनिधिश्चैद्यवत्प्रापदैक्यं
सर्वेषामेष पूर्वं त्वयि धृतमनसां मोक्षणार्थोऽवतारः ॥3॥
त्वय्यायातेऽथ जाते किल कुरुसदसि द्यूतके संयतायाः
क्रन्दन्त्या याज्ञसेन्याः सकरुणमकृथाश्चेलमालामनन्ताम् ।
अन्नान्तप्राप्तशर्वांशजमुनिचकितद्रौपदीचिन्तितोऽथ
प्राप्तः शाकान्नमश्नन् मुनिगणमकृथास्तृप्तिमन्तं वनान्ते ॥4॥
युद्धोद्योगेऽथ मन्त्रे मिलति सति वृतः फल्गुनेन त्वमेकः
कौरव्ये दत्तसैन्यः करिपुरमगमो दूत्यकृत् पाण्डवार्थम् ।
भीष्मद्रोणादिमान्ये तव खलु वचने धिक्कृते कौरवेण
व्यावृण्वन् विश्वरूपं मुनिसदसि पुरीं क्षोभयित्वागतोऽभूः ॥5॥
जिष्णोस्त्वं कृष्ण सूतः खलु समरमुखे बन्धुघाते दयालुं
खिन्नं तं वीक्ष्य वीरं किमिदमयि सखे नित्य एकोऽयमात्मा ।
को वध्यः कोऽत्र हन्ता तदिह वधभियं प्रोज्झ्य मय्यर्पितात्मा
धर्म्यं युद्धं चरेति प्रकृतिमनयथा दर्शयन् विश्वरूपम् ॥6॥
भक्तोत्तंसेऽथ भीष्मे तव धरणिभरक्षेपकृत्यैकसक्ते
नित्यं नित्यं विभिन्दत्ययुतसमधिकं प्राप्तसादे च पार्थे ।
निश्शस्त्रत्वप्रतिज्ञां विजहदरिवरं धारयन् क्रोधशाली-
वाधावन् प्राञ्जलिं तं नतशिरसमथो वीक्ष्य मोदादपागाः ॥7॥
युद्धे द्रोणस्य हस्तिस्थिररणभगदत्तेरितं वैष्णवास्त्रं
वक्षस्याधत्त चक्रस्थगितरविमहाः प्रार्दयत्सिन्धुराजम् ।
नागास्त्रे कर्णमुक्ते क्षितिमवनमयन् केवलं कृत्तमौलिं
तत्रे त्रापि पार्थं किमिव नहि भवान् पाण्डवानामकार्षीत् ॥8॥
युद्धादौ तीर्थगामी स खलु हलधरो नैमिशक्षेत्रमृच्छ-
न्नप्रत्युत्थायिसूतक्षयकृदथ सुतं तत्पदे कल्पयित्वा ।
यज्ञघ्नं वल्कलं पर्वणि परिदलयन् स्नाततीर्थो रणान्ते
सम्प्राप्तो भीमदुर्योधनरणमशमं वीक्ष्य यातः पुरीं ते ॥9॥
संसुप्तद्रौपदेयक्षपणहतधियं द्रौणिमेत्य त्वदुक्त्या
तन्मुक्तं ब्राह्ममस्त्रं समहृत विजयो मौलिरत्नं च जह्रे ।
उच्छित्यै पाण्डवानां पुनरपि च विशत्युत्तरागर्भमस्त्रे
रक्षन्नङ्गुष्ठमात्रः किल जठरमगाश्चक्रपाणिर्विभो त्वम् ॥10॥
धर्मौघं धर्मसूनोरभिदधदखिलं छन्दमृत्युस्स भीष्म-
स्त्वां पश्यन् भक्तिभूम्नैव हि सपदि ययौ निष्कलब्रह्मभूयम् ।
संयाज्याथाश्वमेधैस्त्रिभिरतिमहितैर्धर्मजं पूर्णकामं
स्म्प्राप्तो द्वरकां त्वं पवनपुरपते पाहि मां सर्वरोगात् ॥11॥
sālvo bhaiṣmīvivāhe yadubalavijitaścandracūḍādvimānaṃ
vindan saubhaṃ sa māyī tvayi vasati kuruṃstvatpurīmabhyabhāṅkṣīt |
pradyumnastaṃ nirundhannikhilayadubhaṭairnyagrahīdugravīryaṃ
tasyāmātyaṃ dyumantaṃ vyajani ca samaraḥ saptaviṃśatyahāntaḥ ||1||
tāvattvaṃ rāmaśālī tvaritamupagataḥ khaṇḍitaprāyasainyaṃ
saubheśaṃ taṃ nyarundhāḥ sa ca kila gadayā śārṅgamabhraṃśayatte |
māyātātaṃ vyahiṃsīdapi tava puratastattvayāpi kṣaṇārdhaṃ
nājñāyītyāhureke tadidamavamataṃ vyāsa eva nyaṣedhīt ||2||
kṣiptvā saubhaṃ gadācūrṇitamudakanidhau maṅkṣu sālve'pi cakre-
ṇotkṛtte dantavaktraḥ prasabhamabhipatannabhyamuñcadgadāṃ te |
kaumodakyā hato'sāvapi sukṛtanidhiścaidyavatprāpadaikyaṃ
sarveṣāmeṣa pūrvaṃ tvayi dhṛtamanasāṃ mokṣaṇārtho'vatāraḥ ||3||
tvayyāyāte'tha jāte kila kurusadasi dyūtake saṃyatāyāḥ
krandantyā yājñasenyāḥ sakaruṇamakṛthāścelamālāmanantām |
annāntaprāptaśarvāṃśajamunicakitadraupadīcintito'tha
prāptaḥ śākānnamaśnan munigaṇamakṛthāstṛptimantaṃ vanānte ||4||
yuddhodyoge'tha mantre milati sati vṛtaḥ phalgunena tvamekaḥ
kauravye dattasainyaḥ karipuramagamo dūtyakṛt pāṇḍavārtham |
bhīṣmadroṇādimānye tava khalu vacane dhikkṛte kauraveṇa
vyāvṛṇvan viśvarūpaṃ munisadasi purīṃ kṣobhayitvāgato'bhūḥ ||5||
jiṣṇostvaṃ kṛṣṇa sūtaḥ khalu samaramukhe bandhughāte dayāluṃ
khinnaṃ taṃ vīkṣya vīraṃ kimidamayi sakhe nitya eko'yamātmā |
ko vadhyaḥ ko'tra hantā tadiha vadhabhiyaṃ projjhya mayyarpitātmā
dharmyaṃ yuddhaṃ careti prakṛtimanayathā darśayan viśvarūpam ||6||
bhaktottaṃse'tha bhīṣme tava dharaṇibharakṣepakṛtyaikasakte
nityaṃ nityaṃ vibhindatyayutasamadhikaṃ prāptasāde ca pārthe |
niśśastratvapratijñāṃ vijahadarivaraṃ dhārayan krodhaśālī-
vādhāvan prāñjaliṃ taṃ nataśirasamatho vīkṣya modādapāgāḥ ||7||
yuddhe droṇasya hastisthiraraṇabhagadatteritaṃ vaiṣṇavāstraṃ
vakṣasyādhatta cakrasthagitaravimahāḥ prārdayatsindhurājam |
nāgāstre karṇamukte kṣitimavanamayan kevalaṃ kṛttamauliṃ
tatre trāpi pārthaṃ kimiva nahi bhavān pāṇḍavānāmakārṣīt ||8||
yuddhādau tīrthagāmī sa khalu haladharo naimiśakṣetramṛccha-
nnapratyutthāyisūtakṣayakṛdatha sutaṃ tatpade kalpayitvā |
yajñaghnaṃ valkalaṃ parvaṇi paridalayan snātatīrtho raṇānte
samprāpto bhīmaduryodhanaraṇamaśamaṃ vīkṣya yātaḥ purīṃ te ||9||
saṃsuptadraupadeyakṣapaṇahatadhiyaṃ drauṇimetya tvaduktyā
tanmuktaṃ brāhmamastraṃ samahṛta vijayo mauliratnaṃ ca jahre |
ucchityai pāṇḍavānāṃ punarapi ca viśatyuttarāgarbhamastre
rakṣannaṅguṣṭhamātraḥ kila jaṭharamagāścakrapāṇirvibho tvam ||10||
dharmaughaṃ dharmasūnorabhidadhadakhilaṃ chandamṛtyussa bhīṣma-
stvāṃ paśyan bhaktibhūmnaiva hi sapadi yayau niṣkalabrahmabhūyam |
saṃyājyāthāśvamedhaistribhiratimahitairdharmajaṃ pūrṇakāmaṃ
smprāpto dvarakāṃ tvaṃ pavanapurapate pāhi māṃ sarvarogāt ||11||
🕉️ This is the original Sanskrit rendered in Sinhala script.
Pronunciation is identical to the Sanskrit Devanagari version.