Narayaniyam Dashaka 50 - Vatsasura-bakasurayoh Vadham — Sinhala Script

තරලමධුකෘත් වෘන්දේ වෘන්දාවනේ(අ)ථ මනෝහරේ

පශුපශිශුභිඃ සාකං වත්සානුපාලනලෝලුපඃ .

හලධරසඛෝ දේව ශ්රීමන් විචේරිථ ධාරයන්

ගවලමුරලීවේත්රං නේත්රාභිරාමතනුද්යුතිඃ ..1..

විහිතජගතීරක්ෂං ලක්ෂ්මීකරාම්බුජලාලිතං

දදති චරණද්වන්ද්වං වෘන්දාවනේ ත්වයි පාවනේ .

කිමිව න බභෞ සම්පත්සම්පූරිතං තරුවල්ලරී-

සලිලධරණීගෝත්රක්ෂේත්රාදිකං කමලාපතේ ..2..

විලසදුලපේ කාන්තාරාන්තේ සමීරණශීතලේ

විපුලයමුනාතීරේ ගෝවර්ධනාචලමූර්ධසු .

ලලිතමුරලීනාදඃ සඤ්චාරයන් ඛලු වාත්සකං

ක්වචන දිවසේ දෛත්යං වත්සාකෘතිං ත්වමුදෛක්ෂථාඃ ..3..

රභසවිලසත්පුච්ඡං විච්ඡායතෝ(අ)ස්ය විලෝකයන්

කිමපි වලිතස්කන්ධං රන්ධ්රප්රතීක්ෂමුදීක්ෂිතම් .

තමථ චරණේ බිභ්රද්විභ්රාමයන් මුහුරුච්චකෛඃ

කුහචන මහාවෘක්ෂේ චික්ෂේපිථ ක්ෂතජීවිතම් ..4..

නිපතති මහාදෛත්යේ ජාත්යා දුරාත්මනි තත්ක්ෂණං

නිපතනජවක්ෂුණ්ණක්ෂෝණීරුහක්ෂතකානනේ .

දිවි පරිමිලත් වෘන්දා වෘන්දාරකාඃ කුසුමෝත්කරෛඃ

ශිරසි භවතෝ හර්ෂාද්වර්ෂන්ති නාම තදා හරේ ..5..

සුරභිලතමා මූර්ධන්යූර්ධ්වං කුතඃ කුසුමාවලී

නිපතති තවේත්යුක්තෝ බාලෛඃ සහේලමුදෛරයඃ .

ඣටිති දනුජක්ෂේපේණෝර්ධ්වං ගතස්තරුමණ්ඩලාත්

කුසුමනිකරඃ සෝ(අ)යං නූනං සමේති ශනෛරිති ..6..

ක්වචන දිවසේ භූයෝ භූයස්තරේ පරුෂාතපේ

තපනතනයාපාථඃ පාතුං ගතා භවදාදයඃ .

චලිතගරුතං ප්රේක්ෂාමාසුර්බකං ඛලු විස්ම්රෘතං

ක්ෂිතිධරගරුච්ඡේදේ කෛලාසශෛලමිවාපරම් ..7..

පිබති සලිලං ගෝපව්රාතේ භවන්තමභිද්රුතඃ

ස කිල නිගිලන්නග්නිප්රඛ්යං පුනර්ද්රුතමුද්වමන් .

දලයිතුමගාත්ත්රෝට්යාඃ කෝට්යා තදා(අ)(අ)ශු භවාන් විභෝ

ඛලජනභිදාචුඤ්චුශ්චඤ්චූ ප්රගෘහ්ය දදාර තම් ..8..

සපදි සහජාං සන්ද්රෂ්ටුං වා මෘතාං ඛලු පූතනා-

මනුජමඝමප්යග්රේ ගත්වා ප්රතීක්ෂිතුමේව වා .

ශමනනිලයං යාතේ තස්මින් බකේ සුමනෝගණේ

කිරති සුමනෝවෘන්දං වෘන්දාවනාත් ගෘහමෛයථාඃ ..9..

ලලිතමුරලීනාදං දූරාන්නිශම්ය වධූජනෛ-

ස්ත්වරිතමුපගම්යාරාදාරූඪමෝදමුදීක්ෂිතඃ .

ජනිතජනනීනන්දානන්දඃ සමීරණමන්දිර-

ප්රථිතවසතේ ශෞරේ දූරීකුරුෂ්ව මමාමයාන් ..10..

Roman (IAST) Transliteration

taralamadhukṛt vṛnde vṛndāvane'tha manohare

paśupaśiśubhiḥ sākaṃ vatsānupālanalolupaḥ |

haladharasakho deva śrīman viceritha dhārayan

gavalamuralīvetraṃ netrābhirāmatanudyutiḥ ||1||

vihitajagatīrakṣaṃ lakṣmīkarāmbujalālitaṃ

dadati caraṇadvandvaṃ vṛndāvane tvayi pāvane |

kimiva na babhau sampatsampūritaṃ taruvallarī-

saliladharaṇīgotrakṣetrādikaṃ kamalāpate ||2||

vilasadulape kāntārānte samīraṇaśītale

vipulayamunātīre govardhanācalamūrdhasu |

lalitamuralīnādaḥ sañcārayan khalu vātsakaṃ

kvacana divase daityaṃ vatsākṛtiṃ tvamudaikṣathāḥ ||3||

rabhasavilasatpucchaṃ vicchāyato'sya vilokayan

kimapi valitaskandhaṃ randhrapratīkṣamudīkṣitam |

tamatha caraṇe bibhradvibhrāmayan muhuruccakaiḥ

kuhacana mahāvṛkṣe cikṣepitha kṣatajīvitam ||4||

nipatati mahādaitye jātyā durātmani tatkṣaṇaṃ

nipatanajavakṣuṇṇakṣoṇīruhakṣatakānane |

divi parimilat vṛndā vṛndārakāḥ kusumotkaraiḥ

śirasi bhavato harṣādvarṣanti nāma tadā hare ||5||

surabhilatamā mūrdhanyūrdhvaṃ kutaḥ kusumāvalī

nipatati tavetyukto bālaiḥ sahelamudairayaḥ |

jhaṭiti danujakṣepeṇordhvaṃ gatastarumaṇḍalāt

kusumanikaraḥ so'yaṃ nūnaṃ sameti śanairiti ||6||

kvacana divase bhūyo bhūyastare paruṣātape

tapanatanayāpāthaḥ pātuṃ gatā bhavadādayaḥ |

calitagarutaṃ prekṣāmāsurbakaṃ khalu vismrṛtaṃ

kṣitidharagarucchede kailāsaśailamivāparam ||7||

pibati salilaṃ gopavrāte bhavantamabhidrutaḥ

sa kila nigilannagniprakhyaṃ punardrutamudvaman |

dalayitumagāttroṭyāḥ koṭyā tadā''śu bhavān vibho

khalajanabhidācuñcuścañcū pragṛhya dadāra tam ||8||

sapadi sahajāṃ sandraṣṭuṃ vā mṛtāṃ khalu pūtanā-

manujamaghamapyagre gatvā pratīkṣitumeva vā |

śamananilayaṃ yāte tasmin bake sumanogaṇe

kirati sumanovṛndaṃ vṛndāvanāt gṛhamaiyathāḥ ||9||

lalitamuralīnādaṃ dūrānniśamya vadhūjanai-

stvaritamupagamyārādārūḍhamodamudīkṣitaḥ |

janitajananīnandānandaḥ samīraṇamandira-

prathitavasate śaure dūrīkuruṣva mamāmayān ||10||

Sanskrit — Devanagari (original)

तरलमधुकृत् वृन्दे वृन्दावनेऽथ मनोहरे

पशुपशिशुभिः साकं वत्सानुपालनलोलुपः ।

हलधरसखो देव श्रीमन् विचेरिथ धारयन्

गवलमुरलीवेत्रं नेत्राभिरामतनुद्युतिः ॥1॥

विहितजगतीरक्षं लक्ष्मीकराम्बुजलालितं

ददति चरणद्वन्द्वं वृन्दावने त्वयि पावने ।

किमिव न बभौ सम्पत्सम्पूरितं तरुवल्लरी-

सलिलधरणीगोत्रक्षेत्रादिकं कमलापते ॥2॥

विलसदुलपे कान्तारान्ते समीरणशीतले

विपुलयमुनातीरे गोवर्धनाचलमूर्धसु ।

ललितमुरलीनादः सञ्चारयन् खलु वात्सकं

क्वचन दिवसे दैत्यं वत्साकृतिं त्वमुदैक्षथाः ॥3॥

रभसविलसत्पुच्छं विच्छायतोऽस्य विलोकयन्

किमपि वलितस्कन्धं रन्ध्रप्रतीक्षमुदीक्षितम् ।

तमथ चरणे बिभ्रद्विभ्रामयन् मुहुरुच्चकैः

कुहचन महावृक्षे चिक्षेपिथ क्षतजीवितम् ॥4॥

निपतति महादैत्ये जात्या दुरात्मनि तत्क्षणं

निपतनजवक्षुण्णक्षोणीरुहक्षतकानने ।

दिवि परिमिलत् वृन्दा वृन्दारकाः कुसुमोत्करैः

शिरसि भवतो हर्षाद्वर्षन्ति नाम तदा हरे ॥5॥

सुरभिलतमा मूर्धन्यूर्ध्वं कुतः कुसुमावली

निपतति तवेत्युक्तो बालैः सहेलमुदैरयः ।

झटिति दनुजक्षेपेणोर्ध्वं गतस्तरुमण्डलात्

कुसुमनिकरः सोऽयं नूनं समेति शनैरिति ॥6॥

क्वचन दिवसे भूयो भूयस्तरे परुषातपे

तपनतनयापाथः पातुं गता भवदादयः ।

चलितगरुतं प्रेक्षामासुर्बकं खलु विस्म्रृतं

क्षितिधरगरुच्छेदे कैलासशैलमिवापरम् ॥7॥

पिबति सलिलं गोपव्राते भवन्तमभिद्रुतः

स किल निगिलन्नग्निप्रख्यं पुनर्द्रुतमुद्वमन् ।

दलयितुमगात्त्रोट्याः कोट्या तदाऽऽशु भवान् विभो

खलजनभिदाचुञ्चुश्चञ्चू प्रगृह्य ददार तम् ॥8॥

सपदि सहजां सन्द्रष्टुं वा मृतां खलु पूतना-

मनुजमघमप्यग्रे गत्वा प्रतीक्षितुमेव वा ।

शमननिलयं याते तस्मिन् बके सुमनोगणे

किरति सुमनोवृन्दं वृन्दावनात् गृहमैयथाः ॥9॥

ललितमुरलीनादं दूरान्निशम्य वधूजनै-

स्त्वरितमुपगम्यारादारूढमोदमुदीक्षितः ।

जनितजननीनन्दानन्दः समीरणमन्दिर-

प्रथितवसते शौरे दूरीकुरुष्व ममामयान् ॥10॥