Narayaniyam Dashakam 90 — Sinhala Script

Meaning —

වෘකභෘගුමුනිමෝහින්යම්බරීෂාදිවෘත්තේ-
ෂ්වයි තව හි මහත්ත්වං සර්වශර්වාදිජෛත්රම් .
ස්ථිතමිහ පරමාත්මන් නිෂ්කලාර්වාගභින්නං
කිමපි යදවභාතං තද්ධි රූපං තවෛව ..1..

vṛkabhṛgumunimohinyambarīṣādivṛtte-
ṣvayi tava hi mahattvaṃ sarvaśarvādijaitram |
sthitamiha paramātman niṣkalārvāgabhinnaṃ
kimapi yadavabhātaṃ taddhi rūpaṃ tavaiva ||1||

Verse 2

මූර්තිත්රයේශ්වරසදාශිවපඤ්චකං යත්
ප්රාහුඃ පරාත්මවපුරේව සදාශිවෝ(අ)ස්මින් .
තත්රේශ්වරස්තු ස විකුණ්ඨපදස්ත්වමේව
ත්රිත්වං පුනර්භජසි සත්යපදේ ත්රිභාගේ ..2..

mūrtitrayeśvarasadāśivapañcakaṃ yat
prāhuḥ parātmavapureva sadāśivo'smin |
tatreśvarastu sa vikuṇṭhapadastvameva
tritvaṃ punarbhajasi satyapade tribhāge ||2||

Verse 3

තත්රාපි සාත්ත්විකතනුං තව විෂ්ණුමාහු-
ර්ධාතා තු සත්ත්වවිරලෝ රජසෛව පූර්ණඃ .
සත්ත්වෝත්කටත්වමපි චාස්ති තමෝවිකාර-
චේෂ්ටාදිකඤ්ච තව ශඞ්කරනාම්නි මූර්තෞ ..3..

tatrāpi sāttvikatanuṃ tava viṣṇumāhu-
rdhātā tu sattvaviralo rajasaiva pūrṇaḥ |
sattvotkaṭatvamapi cāsti tamovikāra-
ceṣṭādikañca tava śaṅkaranāmni mūrtau ||3||

Verse 4

තං ච ත්රිමූර්ත්යතිගතං පරපූරුෂං ත්වාං
ශර්වාත්මනාපි ඛලු සර්වමයත්වහේතෝඃ .
ශංසන්ත්යුපාසනවිධෞ තදපි ස්වතස්තු
ත්වද්රූපමිත්යතිදෘඪං බහු නඃ ප්රමාණම් ..4..

taṃ ca trimūrtyatigataṃ parapūruṣaṃ tvāṃ
śarvātmanāpi khalu sarvamayatvahetoḥ |
śaṃsantyupāsanavidhau tadapi svatastu
tvadrūpamityatidṛḍhaṃ bahu naḥ pramāṇam ||4||

Verse 5

ශ්රීශඞ්කරෝ(අ)පි භගවාන් සකලේෂු තාව-
ත්ත්වාමේව මානයති යෝ න හි පක්ෂපාතී .
ත්වන්නිෂ්ඨමේව ස හි නාමසහස්රකාදි
ව්යාඛ්යාත් භවත්ස්තුතිපරශ්ච ගතිං ගතෝ(අ)න්තේ ..5..

śrīśaṅkaro'pi bhagavān sakaleṣu tāva-
ttvāmeva mānayati yo na hi pakṣapātī |
tvanniṣṭhameva sa hi nāmasahasrakādi
vyākhyāt bhavatstutiparaśca gatiṃ gato'nte ||5||

Verse 6

මූර්තිත්රයාතිගමුවාච ච මන්ත්රශාස්ත්ර-
ස්යාදෞ කලායසුෂමං සකලේශ්වරං ත්වාම් .
ධ්යානං ච නිෂ්කලමසෞ ප්රණවේ ඛලූක්ත්වා
ත්වාමේව තත්ර සකලං නිජගාද නාන්යම් ..6..

mūrtitrayātigamuvāca ca mantraśāstra-
syādau kalāyasuṣamaṃ sakaleśvaraṃ tvām |
dhyānaṃ ca niṣkalamasau praṇave khalūktvā
tvāmeva tatra sakalaṃ nijagāda nānyam ||6||

Verse 7

සමස්තසාරේ ච පුරාණසඞ්ග්රහේ
විසංශයං ත්වන්මහිමෛව වර්ණ්යතේ .
ත්රිමූර්තියුක්සත්යපදත්රිභාගතඃ
පරං පදං තේ කථිතං න ශූලිනඃ ..7..

samastasāre ca purāṇasaṅgrahe
visaṃśayaṃ tvanmahimaiva varṇyate |
trimūrtiyuksatyapadatribhāgataḥ
paraṃ padaṃ te kathitaṃ na śūlinaḥ ||7||

Verse 8

යත් බ්රාහ්මකල්ප ඉහ භාගවතද්විතීය-
ස්කන්ධෝදිතං වපුරනාවෘතමීශ ධාත්රේ .
තස්යෛව නාම හරිශර්වමුඛං ජගාද
ශ්රීමාධවඃ ශිවපරෝ(අ)පි පුරාණසාරේ ..8..

yat brāhmakalpa iha bhāgavatadvitīya-
skandhoditaṃ vapuranāvṛtamīśa dhātre |
tasyaiva nāma hariśarvamukhaṃ jagāda
śrīmādhavaḥ śivaparo'pi purāṇasāre ||8||

Verse 9

යේ ස්වප්රකෘත්යනුගුණා ගිරිශං භජන්තේ
තේෂාං ඵලං හි දෘඪයෛව තදීයභක්ත්යා.
ව්යාසෝ හි තේන කෘතවානධිකාරිහේතෝඃ
ස්කන්දාදිකේෂු තව හානිවචෝ(අ)ර්ථවාදෛඃ ..9..

ye svaprakṛtyanuguṇā giriśaṃ bhajante
teṣāṃ phalaṃ hi dṛḍhayaiva tadīyabhaktyā|
vyāso hi tena kṛtavānadhikārihetoḥ
skandādikeṣu tava hānivaco'rthavādaiḥ ||9||

Verse 10

භූතාර්ථකීර්තිරනුවාදවිරුද්ධවාදෞ
ත්රේධාර්ථවාදගතයඃ ඛලු රෝචනාර්ථාඃ .
ස්කාන්දාදිකේෂු බහවෝ(අ)ත්ර විරුද්ධවාදා-
ස්ත්වත්තාමසත්වපරිභූත්යුපශික්ෂණාද්යාඃ ..10..

bhūtārthakīrtiranuvādaviruddhavādau
tredhārthavādagatayaḥ khalu rocanārthāḥ |
skāndādikeṣu bahavo'tra viruddhavādā-
stvattāmasatvaparibhūtyupaśikṣaṇādyāḥ ||10||

Verse 11

යත් කිඤ්චිදප්යවිදුෂා(අ)පි විභෝ මයෝක්තං
තන්මන්ත්රශාස්ත්රවචනාද්යභිදෘෂ්ටමේව .
ව්යාසෝක්තිසාරමයභාගවතෝපගීත
ක්ලේශාන් විධූය කුරු භක්තිභරං පරාත්මන් ..11..

yat kiñcidapyaviduṣā'pi vibho mayoktaṃ
tanmantraśāstravacanādyabhidṛṣṭameva |
vyāsoktisāramayabhāgavatopagīta
kleśān vidhūya kuru bhaktibharaṃ parātman ||11||

Sanskrit — Devanagari (original)

वृकभृगुमुनिमोहिन्यम्बरीषादिवृत्ते-

ष्वयि तव हि महत्त्वं सर्वशर्वादिजैत्रम् ।

स्थितमिह परमात्मन् निष्कलार्वागभिन्नं

किमपि यदवभातं तद्धि रूपं तवैव ॥1॥

मूर्तित्रयेश्वरसदाशिवपञ्चकं यत्

प्राहुः परात्मवपुरेव सदाशिवोऽस्मिन् ।

तत्रेश्वरस्तु स विकुण्ठपदस्त्वमेव

त्रित्वं पुनर्भजसि सत्यपदे त्रिभागे ॥2॥

तत्रापि सात्त्विकतनुं तव विष्णुमाहु-

र्धाता तु सत्त्वविरलो रजसैव पूर्णः ।

सत्त्वोत्कटत्वमपि चास्ति तमोविकार-

चेष्टादिकञ्च तव शङ्करनाम्नि मूर्तौ ॥3॥

तं च त्रिमूर्त्यतिगतं परपूरुषं त्वां

शर्वात्मनापि खलु सर्वमयत्वहेतोः ।

शंसन्त्युपासनविधौ तदपि स्वतस्तु

त्वद्रूपमित्यतिदृढं बहु नः प्रमाणम् ॥4॥

श्रीशङ्करोऽपि भगवान् सकलेषु ताव-

त्त्वामेव मानयति यो न हि पक्षपाती ।

त्वन्निष्ठमेव स हि नामसहस्रकादि

व्याख्यात् भवत्स्तुतिपरश्च गतिं गतोऽन्ते ॥5॥

मूर्तित्रयातिगमुवाच च मन्त्रशास्त्र-

स्यादौ कलायसुषमं सकलेश्वरं त्वाम् ।

ध्यानं च निष्कलमसौ प्रणवे खलूक्त्वा

त्वामेव तत्र सकलं निजगाद नान्यम् ॥6॥

समस्तसारे च पुराणसङ्ग्रहे

विसंशयं त्वन्महिमैव वर्ण्यते ।

त्रिमूर्तियुक्सत्यपदत्रिभागतः

परं पदं ते कथितं न शूलिनः ॥7॥

यत् ब्राह्मकल्प इह भागवतद्वितीय-

स्कन्धोदितं वपुरनावृतमीश धात्रे ।

तस्यैव नाम हरिशर्वमुखं जगाद

श्रीमाधवः शिवपरोऽपि पुराणसारे ॥8॥

ये स्वप्रकृत्यनुगुणा गिरिशं भजन्ते

तेषां फलं हि दृढयैव तदीयभक्त्या।

व्यासो हि तेन कृतवानधिकारिहेतोः

स्कन्दादिकेषु तव हानिवचोऽर्थवादैः ॥9॥

भूतार्थकीर्तिरनुवादविरुद्धवादौ

त्रेधार्थवादगतयः खलु रोचनार्थाः ।

स्कान्दादिकेषु बहवोऽत्र विरुद्धवादा-

स्त्वत्तामसत्वपरिभूत्युपशिक्षणाद्याः ॥10॥

यत् किञ्चिदप्यविदुषाऽपि विभो मयोक्तं

तन्मन्त्रशास्त्रवचनाद्यभिदृष्टमेव ।

व्यासोक्तिसारमयभागवतोपगीत

क्लेशान् विधूय कुरु भक्तिभरं परात्मन् ॥11॥

🕉️ This is the original Sanskrit rendered in Sinhala script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

නාරායණීයං දශක 90 - විෂ්ණුමහත්තත්ත්වස්ථාපනම්