Narayaniyam Dashaka 90 - Vishnumahattattvasthapanam — Tamil Script

வ்ரு'கப்ரு'குமுநிமோஹிந்யம்பரீஷாதிவ்ரு'த்தே-

ஷ்வயி தவ ஹி மஹத்த்வம் ஸர்வஶர்வாதிஜைத்ரம் ।

ஸ்திதமிஹ பரமாத்மந் நிஷ்கலார்வாகபிந்நம்

கிமபி யதவபாதம் தத்தி ரூபம் தவைவ ॥1॥

மூர்தித்ரயேஶ்வரஸதாஶிவபஞ்சகம் யத்

ப்ராஹுஃ பராத்மவபுரேவ ஸதாஶிவோऽஸ்மிந் ।

தத்ரேஶ்வரஸ்து ஸ விகுண்டபதஸ்த்வமேவ

த்ரித்வம் புநர்பஜஸி ஸத்யபதே த்ரிபாகே ॥2॥

தத்ராபி ஸாத்த்விகதநும் தவ விஷ்ணுமாஹு-

ர்தாதா து ஸத்த்வவிரலோ ரஜஸைவ பூர்ணஃ ।

ஸத்த்வோத்கடத்வமபி சாஸ்தி தமோவிகார-

சேஷ்டாதிகஞ்ச தவ ஶங்கரநாம்நி மூர்தௌ ॥3॥

தம் ச த்ரிமூர்த்யதிகதம் பரபூருஷம் த்வாம்

ஶர்வாத்மநாபி கலு ஸர்வமயத்வஹேதோஃ ।

ஶம்ஸந்த்யுபாஸநவிதௌ ததபி ஸ்வதஸ்து

த்வத்ரூபமித்யதித்ரு'டம் பஹு நஃ ப்ரமாணம் ॥4॥

ஶ்ரீஶங்கரோऽபி பகவாந் ஸகலேஷு தாவ-

த்த்வாமேவ மாநயதி யோ ந ஹி பக்ஷபாதீ ।

த்வந்நிஷ்டமேவ ஸ ஹி நாமஸஹஸ்ரகாதி

வ்யாக்யாத் பவத்ஸ்துதிபரஶ்ச கதிம் கதோऽந்தே ॥5॥

மூர்தித்ரயாதிகமுவாச ச மந்த்ரஶாஸ்த்ர-

ஸ்யாதௌ கலாயஸுஷமம் ஸகலேஶ்வரம் த்வாம் ।

த்யாநம் ச நிஷ்கலமஸௌ ப்ரணவே கலூக்த்வா

த்வாமேவ தத்ர ஸகலம் நிஜகாத நாந்யம் ॥6॥

ஸமஸ்தஸாரே ச புராணஸங்க்ரஹே

விஸம்ஶயம் த்வந்மஹிமைவ வர்ண்யதே ।

த்ரிமூர்தியுக்ஸத்யபதத்ரிபாகதஃ

பரம் பதம் தே கதிதம் ந ஶூலிநஃ ॥7॥

யத் ப்ராஹ்மகல்ப இஹ பாகவதத்விதீய-

ஸ்கந்தோதிதம் வபுரநாவ்ரு'தமீஶ தாத்ரே ।

தஸ்யைவ நாம ஹரிஶர்வமுகம் ஜகாத

ஶ்ரீமாதவஃ ஶிவபரோऽபி புராணஸாரே ॥8॥

யே ஸ்வப்ரக்ரு'த்யநுகுணா கிரிஶம் பஜந்தே

தேஷாம் பலம் ஹி த்ரு'டயைவ ததீயபக்த்யா।

வ்யாஸோ ஹி தேந க்ரு'தவாநதிகாரிஹேதோஃ

ஸ்கந்தாதிகேஷு தவ ஹாநிவசோऽர்தவாதைஃ ॥9॥

பூதார்தகீர்திரநுவாதவிருத்தவாதௌ

த்ரேதார்தவாதகதயஃ கலு ரோசநார்தாஃ ।

ஸ்காந்தாதிகேஷு பஹவோऽத்ர விருத்தவாதா-

ஸ்த்வத்தாமஸத்வபரிபூத்யுபஶிக்ஷணாத்யாஃ ॥10॥

யத் கிஞ்சிதப்யவிதுஷாऽபி விபோ மயோக்தம்

தந்மந்த்ரஶாஸ்த்ரவசநாத்யபித்ரு'ஷ்டமேவ ।

வ்யாஸோக்திஸாரமயபாகவதோபகீத

க்லேஶாந் விதூய குரு பக்திபரம் பராத்மந் ॥11॥

Roman (IAST) Transliteration

vṛkabhṛgumunimohinyambarīṣādivṛtte-

ṣvayi tava hi mahattvaṃ sarvaśarvādijaitram |

sthitamiha paramātman niṣkalārvāgabhinnaṃ

kimapi yadavabhātaṃ taddhi rūpaṃ tavaiva ||1||

mūrtitrayeśvarasadāśivapañcakaṃ yat

prāhuḥ parātmavapureva sadāśivo'smin |

tatreśvarastu sa vikuṇṭhapadastvameva

tritvaṃ punarbhajasi satyapade tribhāge ||2||

tatrāpi sāttvikatanuṃ tava viṣṇumāhu-

rdhātā tu sattvaviralo rajasaiva pūrṇaḥ |

sattvotkaṭatvamapi cāsti tamovikāra-

ceṣṭādikañca tava śaṅkaranāmni mūrtau ||3||

taṃ ca trimūrtyatigataṃ parapūruṣaṃ tvāṃ

śarvātmanāpi khalu sarvamayatvahetoḥ |

śaṃsantyupāsanavidhau tadapi svatastu

tvadrūpamityatidṛḍhaṃ bahu naḥ pramāṇam ||4||

śrīśaṅkaro'pi bhagavān sakaleṣu tāva-

ttvāmeva mānayati yo na hi pakṣapātī |

tvanniṣṭhameva sa hi nāmasahasrakādi

vyākhyāt bhavatstutiparaśca gatiṃ gato'nte ||5||

mūrtitrayātigamuvāca ca mantraśāstra-

syādau kalāyasuṣamaṃ sakaleśvaraṃ tvām |

dhyānaṃ ca niṣkalamasau praṇave khalūktvā

tvāmeva tatra sakalaṃ nijagāda nānyam ||6||

samastasāre ca purāṇasaṅgrahe

visaṃśayaṃ tvanmahimaiva varṇyate |

trimūrtiyuksatyapadatribhāgataḥ

paraṃ padaṃ te kathitaṃ na śūlinaḥ ||7||

yat brāhmakalpa iha bhāgavatadvitīya-

skandhoditaṃ vapuranāvṛtamīśa dhātre |

tasyaiva nāma hariśarvamukhaṃ jagāda

śrīmādhavaḥ śivaparo'pi purāṇasāre ||8||

ye svaprakṛtyanuguṇā giriśaṃ bhajante

teṣāṃ phalaṃ hi dṛḍhayaiva tadīyabhaktyā|

vyāso hi tena kṛtavānadhikārihetoḥ

skandādikeṣu tava hānivaco'rthavādaiḥ ||9||

bhūtārthakīrtiranuvādaviruddhavādau

tredhārthavādagatayaḥ khalu rocanārthāḥ |

skāndādikeṣu bahavo'tra viruddhavādā-

stvattāmasatvaparibhūtyupaśikṣaṇādyāḥ ||10||

yat kiñcidapyaviduṣā'pi vibho mayoktaṃ

tanmantraśāstravacanādyabhidṛṣṭameva |

vyāsoktisāramayabhāgavatopagīta

kleśān vidhūya kuru bhaktibharaṃ parātman ||11||

Sanskrit — Devanagari (original)

वृकभृगुमुनिमोहिन्यम्बरीषादिवृत्ते-

ष्वयि तव हि महत्त्वं सर्वशर्वादिजैत्रम् ।

स्थितमिह परमात्मन् निष्कलार्वागभिन्नं

किमपि यदवभातं तद्धि रूपं तवैव ॥1॥

मूर्तित्रयेश्वरसदाशिवपञ्चकं यत्

प्राहुः परात्मवपुरेव सदाशिवोऽस्मिन् ।

तत्रेश्वरस्तु स विकुण्ठपदस्त्वमेव

त्रित्वं पुनर्भजसि सत्यपदे त्रिभागे ॥2॥

तत्रापि सात्त्विकतनुं तव विष्णुमाहु-

र्धाता तु सत्त्वविरलो रजसैव पूर्णः ।

सत्त्वोत्कटत्वमपि चास्ति तमोविकार-

चेष्टादिकञ्च तव शङ्करनाम्नि मूर्तौ ॥3॥

तं च त्रिमूर्त्यतिगतं परपूरुषं त्वां

शर्वात्मनापि खलु सर्वमयत्वहेतोः ।

शंसन्त्युपासनविधौ तदपि स्वतस्तु

त्वद्रूपमित्यतिदृढं बहु नः प्रमाणम् ॥4॥

श्रीशङ्करोऽपि भगवान् सकलेषु ताव-

त्त्वामेव मानयति यो न हि पक्षपाती ।

त्वन्निष्ठमेव स हि नामसहस्रकादि

व्याख्यात् भवत्स्तुतिपरश्च गतिं गतोऽन्ते ॥5॥

मूर्तित्रयातिगमुवाच च मन्त्रशास्त्र-

स्यादौ कलायसुषमं सकलेश्वरं त्वाम् ।

ध्यानं च निष्कलमसौ प्रणवे खलूक्त्वा

त्वामेव तत्र सकलं निजगाद नान्यम् ॥6॥

समस्तसारे च पुराणसङ्ग्रहे

विसंशयं त्वन्महिमैव वर्ण्यते ।

त्रिमूर्तियुक्सत्यपदत्रिभागतः

परं पदं ते कथितं न शूलिनः ॥7॥

यत् ब्राह्मकल्प इह भागवतद्वितीय-

स्कन्धोदितं वपुरनावृतमीश धात्रे ।

तस्यैव नाम हरिशर्वमुखं जगाद

श्रीमाधवः शिवपरोऽपि पुराणसारे ॥8॥

ये स्वप्रकृत्यनुगुणा गिरिशं भजन्ते

तेषां फलं हि दृढयैव तदीयभक्त्या।

व्यासो हि तेन कृतवानधिकारिहेतोः

स्कन्दादिकेषु तव हानिवचोऽर्थवादैः ॥9॥

भूतार्थकीर्तिरनुवादविरुद्धवादौ

त्रेधार्थवादगतयः खलु रोचनार्थाः ।

स्कान्दादिकेषु बहवोऽत्र विरुद्धवादा-

स्त्वत्तामसत्वपरिभूत्युपशिक्षणाद्याः ॥10॥

यत् किञ्चिदप्यविदुषाऽपि विभो मयोक्तं

तन्मन्त्रशास्त्रवचनाद्यभिदृष्टमेव ।

व्यासोक्तिसारमयभागवतोपगीत

क्लेशान् विधूय कुरु भक्तिभरं परात्मन् ॥11॥