Narayaniyam Dashaka 100 - Bhagavatah Keshadipadavarnanam — Sinhala Script

අග්රේ පශ්යාමි තේජෝ නිබිඩතරකලායාවලීලෝභනීයං

පීයූෂාප්ලාවිතෝ(අ)හං තදනු තදුදරේ දිව්යකෛශෝරවේෂම් .

තාරුණ්යාරම්භරම්යං පරමසුඛරසාස්වාදරෝමාඤ්චිතාඞ්ගෛ-

රාවීතං නාරදාද්යෛර්විලසදුපනිෂත්සුන්දරීමණ්ඩලෛශ්ච ..1..

නීලාභං කුඤ්චිතාග්රං ඝනමමලතරං සංයතං චාරුභඞ්ග්යා

රත්නෝත්තංසාභිරාමං වලයිතමුදයච්චන්ද්රකෛඃ පිඤ්ඡජාලෛඃ .

මන්දාරස්රඞ්නිවීතං තව පෘථුකබරීභාරමාලෝකයේ(අ)හං

ස්නිග්ධශ්වේතෝර්ධ්වපුණ්ඩ්රාමපි ච සුලලිතාං ඵාලබාලේන්දුවීථීම් ..2

හෘද්යං පූර්ණානුකම්පාර්ණවමෘදුලහරීචඤ්චලභ්රූවිලාසෛ-

රානීලස්නිග්ධපක්ෂ්මාවලිපරිලසිතං නේත්රයුග්මං විභෝ තේ .

සාන්ද්රච්ඡායං විශාලාරුණකමලදලාකාරමාමුග්ධතාරං

කාරුණ්යාලෝකලීලාශිශිරිතභුවනං ක්ෂිප්යතාං මය්යනාථේ ..3..

උත්තුඞ්ගෝල්ලාසිනාසං හරිමණිමුකුරප්රෝල්ලසද්ගණ්ඩපාලී-

ව්යාලෝලත්කර්ණපාශාඤ්චිතමකරමණීකුණ්ඩලද්වන්ද්වදීප්රම් .

උන්මීලද්දන්තපඞ්ක්තිස්ඵුරදරුණතරච්ඡායබිම්බාධරාන්තඃ-

ප්රීතිප්රස්යන්දිමන්දස්මිතමධුරතරං වක්ත්රමුද්භාසතාං මේ ..4..

බාහුද්වන්ද්වේන රත්නෝජ්ජ්වලවලයභෘතා ශෝණපාණිප්රවාලේ-

නෝපාත්තාං වේණුනාලී ප්රසෘතනඛමයූඛාඞ්ගුලීසඞ්ගශාරාම් .

කෘත්වා වක්ත්රාරවින්දේ සුමධුරවිකසද්රාගමුද්භාව්යමානෛඃ

ශබ්දබ්රහ්මාමෘතෛස්ත්වං ශිශිරිතභුවනෛඃ සිඤ්ච මේ කර්ණවීථීම් ..5..

උත්සර්පත්කෞස්තුභශ්රීතතිභිරරුණිතං කෝමලං කණ්ඨදේශං

වක්ෂඃ ශ්රීවත්සරම්යං තරලතරසමුද්දීප්රහාරප්රතානම් .

නානාවර්ණප්රසූනාවලිකිසලයිනීං වන්යමාලාං විලෝල-

ල්ලෝලම්බාං ලම්බමානාමුරසි තව තථා භාවයේ රත්නමාලාම් ..6..

අඞ්ගේ පඤ්චාඞ්ගරාගෛරතිශයවිකසත්සෞරභාකෘෂ්ටලෝකං

ලීනානේකත්රිලෝකීවිතතිමපි කෘශාං බිභ්රතං මධ්යවල්ලීම් .

ශක්රාශ්මන්යස්තතප්තෝජ්ජ්වලකනකනිභං පීතචේලං දධානං

ධ්යායාමෝ දීප්තරශ්මිස්ඵුටමණිරශනාකිඞ්කිණීමණ්ඩිතං ත්වාම් ..7..

ඌරූ චාරූ තවෝරූ ඝනමසෘණරුචෞ චිත්තචෝරෞ රමායාඃ

විශ්වක්ෂෝභං විශඞ්ක්ය ධ්රුවමනිශමුභෞ පීතචේලාවෘතාඞ්ගෞ .

ආනම්රාණාං පුරස්තාන්න්යසනධෘතසමස්තාර්ථපාලීසමුද්ග-

ච්ඡායං ජානුද්වයං ච ක්රමපෘථුලමනෝජ්ඤේ ච ජඞ්ඝේ නිෂේවේ ..8..

මඤ්ජීරං මඤ්ජුනාදෛරිව පදභජනං ශ්රේය ඉත්යාලපන්තං

පාදාග්රං භ්රාන්තිමජ්ජත්ප්රණතජනමනෝමන්දරෝද්ධාරකූර්මම් .

උත්තුඞ්ගාතාම්රරාජන්නඛරහිමකරජ්යෝත්ස්නයා චා(අ)ශ්රිතානාං

සන්තාපධ්වාන්තහන්ත්රීං තතිමනුකලයේ මඞ්ගලාමඞ්ගුලීනාම් ..9..

යෝගීන්ද්රාණාං ත්වදඞ්ගේෂ්වධිකසුමධුරං මුක්තිභාජාං නිවාසෝ

භක්තානාං කාමවර්ෂද්යුතරුකිසලයං නාථ තේ පාදමූලම් .

නිත්යං චිත්තස්ථිතං මේ පවනපුරපතේ කෘෂ්ණ කාරුණ්යසින්ධෝ

හෘත්වා නිශ්ශේෂතාපාන් ප්රදිශතු පරමානන්දසන්දෝහලක්ෂ්මීම් ..10..

අජ්ඤාත්වා තේ මහත්වං යදිහ නිගදිතං විශ්වනාථ ක්ෂමේථාඃ

ස්තෝත්රං චෛතත්සහස්රෝත්තරමධිකතරං ත්වත්ප්රසාදාය භූයාත් .

ද්වේධා නාරායණීයං ශ්රුතිෂු ච ජනුෂා ස්තුත්යතාවර්ණනේන

ස්ඵීතං ලීලාවතාරෛරිදමිහ කුරුතාමායුරාරෝග්යසෞඛ්යම් ..11..

Roman (IAST) Transliteration

agre paśyāmi tejo nibiḍatarakalāyāvalīlobhanīyaṃ

pīyūṣāplāvito'haṃ tadanu tadudare divyakaiśoraveṣam |

tāruṇyārambharamyaṃ paramasukharasāsvādaromāñcitāṅgai-

rāvītaṃ nāradādyairvilasadupaniṣatsundarīmaṇḍalaiśca ||1||

nīlābhaṃ kuñcitāgraṃ ghanamamalataraṃ saṃyataṃ cārubhaṅgyā

ratnottaṃsābhirāmaṃ valayitamudayaccandrakaiḥ piñchajālaiḥ |

mandārasraṅnivītaṃ tava pṛthukabarībhāramālokaye'haṃ

snigdhaśvetordhvapuṇḍrāmapi ca sulalitāṃ phālabālenduvīthīm ||2

hṛdyaṃ pūrṇānukampārṇavamṛdulaharīcañcalabhrūvilāsai-

rānīlasnigdhapakṣmāvaliparilasitaṃ netrayugmaṃ vibho te |

sāndracchāyaṃ viśālāruṇakamaladalākāramāmugdhatāraṃ

kāruṇyālokalīlāśiśiritabhuvanaṃ kṣipyatāṃ mayyanāthe ||3||

uttuṅgollāsināsaṃ harimaṇimukuraprollasadgaṇḍapālī-

vyālolatkarṇapāśāñcitamakaramaṇīkuṇḍaladvandvadīpram |

unmīladdantapaṅktisphuradaruṇataracchāyabimbādharāntaḥ-

prītiprasyandimandasmitamadhurataraṃ vaktramudbhāsatāṃ me ||4||

bāhudvandvena ratnojjvalavalayabhṛtā śoṇapāṇipravāle-

nopāttāṃ veṇunālī prasṛtanakhamayūkhāṅgulīsaṅgaśārām |

kṛtvā vaktrāravinde sumadhuravikasadrāgamudbhāvyamānaiḥ

śabdabrahmāmṛtaistvaṃ śiśiritabhuvanaiḥ siñca me karṇavīthīm ||5||

utsarpatkaustubhaśrītatibhiraruṇitaṃ komalaṃ kaṇṭhadeśaṃ

vakṣaḥ śrīvatsaramyaṃ taralatarasamuddīprahārapratānam |

nānāvarṇaprasūnāvalikisalayinīṃ vanyamālāṃ vilola-

llolambāṃ lambamānāmurasi tava tathā bhāvaye ratnamālām ||6||

aṅge pañcāṅgarāgairatiśayavikasatsaurabhākṛṣṭalokaṃ

līnānekatrilokīvitatimapi kṛśāṃ bibhrataṃ madhyavallīm |

śakrāśmanyastataptojjvalakanakanibhaṃ pītacelaṃ dadhānaṃ

dhyāyāmo dīptaraśmisphuṭamaṇiraśanākiṅkiṇīmaṇḍitaṃ tvām ||7||

ūrū cārū tavorū ghanamasṛṇarucau cittacorau ramāyāḥ

viśvakṣobhaṃ viśaṅkya dhruvamaniśamubhau pītacelāvṛtāṅgau |

ānamrāṇāṃ purastānnyasanadhṛtasamastārthapālīsamudga-

cchāyaṃ jānudvayaṃ ca kramapṛthulamanojñe ca jaṅghe niṣeve ||8||

mañjīraṃ mañjunādairiva padabhajanaṃ śreya ityālapantaṃ

pādāgraṃ bhrāntimajjatpraṇatajanamanomandaroddhārakūrmam |

uttuṅgātāmrarājannakharahimakarajyotsnayā cā'śritānāṃ

santāpadhvāntahantrīṃ tatimanukalaye maṅgalāmaṅgulīnām ||9||

yogīndrāṇāṃ tvadaṅgeṣvadhikasumadhuraṃ muktibhājāṃ nivāso

bhaktānāṃ kāmavarṣadyutarukisalayaṃ nātha te pādamūlam |

nityaṃ cittasthitaṃ me pavanapurapate kṛṣṇa kāruṇyasindho

hṛtvā niśśeṣatāpān pradiśatu paramānandasandohalakṣmīm ||10||

ajñātvā te mahatvaṃ yadiha nigaditaṃ viśvanātha kṣamethāḥ

stotraṃ caitatsahasrottaramadhikataraṃ tvatprasādāya bhūyāt |

dvedhā nārāyaṇīyaṃ śrutiṣu ca januṣā stutyatāvarṇanena

sphītaṃ līlāvatārairidamiha kurutāmāyurārogyasaukhyam ||11||

Sanskrit — Devanagari (original)

अग्रे पश्यामि तेजो निबिडतरकलायावलीलोभनीयं

पीयूषाप्लावितोऽहं तदनु तदुदरे दिव्यकैशोरवेषम् ।

तारुण्यारम्भरम्यं परमसुखरसास्वादरोमाञ्चिताङ्गै-

रावीतं नारदाद्यैर्विलसदुपनिषत्सुन्दरीमण्डलैश्च ॥1॥

नीलाभं कुञ्चिताग्रं घनममलतरं संयतं चारुभङ्ग्या

रत्नोत्तंसाभिरामं वलयितमुदयच्चन्द्रकैः पिञ्छजालैः ।

मन्दारस्रङ्निवीतं तव पृथुकबरीभारमालोकयेऽहं

स्निग्धश्वेतोर्ध्वपुण्ड्रामपि च सुललितां फालबालेन्दुवीथीम् ॥2

हृद्यं पूर्णानुकम्पार्णवमृदुलहरीचञ्चलभ्रूविलासै-

रानीलस्निग्धपक्ष्मावलिपरिलसितं नेत्रयुग्मं विभो ते ।

सान्द्रच्छायं विशालारुणकमलदलाकारमामुग्धतारं

कारुण्यालोकलीलाशिशिरितभुवनं क्षिप्यतां मय्यनाथे ॥3॥

उत्तुङ्गोल्लासिनासं हरिमणिमुकुरप्रोल्लसद्गण्डपाली-

व्यालोलत्कर्णपाशाञ्चितमकरमणीकुण्डलद्वन्द्वदीप्रम् ।

उन्मीलद्दन्तपङ्क्तिस्फुरदरुणतरच्छायबिम्बाधरान्तः-

प्रीतिप्रस्यन्दिमन्दस्मितमधुरतरं वक्त्रमुद्भासतां मे ॥4॥

बाहुद्वन्द्वेन रत्नोज्ज्वलवलयभृता शोणपाणिप्रवाले-

नोपात्तां वेणुनाली प्रसृतनखमयूखाङ्गुलीसङ्गशाराम् ।

कृत्वा वक्त्रारविन्दे सुमधुरविकसद्रागमुद्भाव्यमानैः

शब्दब्रह्मामृतैस्त्वं शिशिरितभुवनैः सिञ्च मे कर्णवीथीम् ॥5॥

उत्सर्पत्कौस्तुभश्रीततिभिररुणितं कोमलं कण्ठदेशं

वक्षः श्रीवत्सरम्यं तरलतरसमुद्दीप्रहारप्रतानम् ।

नानावर्णप्रसूनावलिकिसलयिनीं वन्यमालां विलोल-

ल्लोलम्बां लम्बमानामुरसि तव तथा भावये रत्नमालाम् ॥6॥

अङ्गे पञ्चाङ्गरागैरतिशयविकसत्सौरभाकृष्टलोकं

लीनानेकत्रिलोकीविततिमपि कृशां बिभ्रतं मध्यवल्लीम् ।

शक्राश्मन्यस्ततप्तोज्ज्वलकनकनिभं पीतचेलं दधानं

ध्यायामो दीप्तरश्मिस्फुटमणिरशनाकिङ्किणीमण्डितं त्वाम् ॥7॥

ऊरू चारू तवोरू घनमसृणरुचौ चित्तचोरौ रमायाः

विश्वक्षोभं विशङ्क्य ध्रुवमनिशमुभौ पीतचेलावृताङ्गौ ।

आनम्राणां पुरस्तान्न्यसनधृतसमस्तार्थपालीसमुद्ग-

च्छायं जानुद्वयं च क्रमपृथुलमनोज्ञे च जङ्घे निषेवे ॥8॥

मञ्जीरं मञ्जुनादैरिव पदभजनं श्रेय इत्यालपन्तं

पादाग्रं भ्रान्तिमज्जत्प्रणतजनमनोमन्दरोद्धारकूर्मम् ।

उत्तुङ्गाताम्रराजन्नखरहिमकरज्योत्स्नया चाऽश्रितानां

सन्तापध्वान्तहन्त्रीं ततिमनुकलये मङ्गलामङ्गुलीनाम् ॥9॥

योगीन्द्राणां त्वदङ्गेष्वधिकसुमधुरं मुक्तिभाजां निवासो

भक्तानां कामवर्षद्युतरुकिसलयं नाथ ते पादमूलम् ।

नित्यं चित्तस्थितं मे पवनपुरपते कृष्ण कारुण्यसिन्धो

हृत्वा निश्शेषतापान् प्रदिशतु परमानन्दसन्दोहलक्ष्मीम् ॥10॥

अज्ञात्वा ते महत्वं यदिह निगदितं विश्वनाथ क्षमेथाः

स्तोत्रं चैतत्सहस्रोत्तरमधिकतरं त्वत्प्रसादाय भूयात् ।

द्वेधा नारायणीयं श्रुतिषु च जनुषा स्तुत्यतावर्णनेन

स्फीतं लीलावतारैरिदमिह कुरुतामायुरारोग्यसौख्यम् ॥11॥