அக்ரே பஶ்யாமி தேஜோ நிபிடதரகலாயாவலீலோபநீயம்
பீயூஷாப்லாவிதோऽஹம் ததநு ததுதரே திவ்யகைஶோரவேஷம் ।
தாருண்யாரம்பரம்யம் பரமஸுகரஸாஸ்வாதரோமாஞ்சிதாங்கை-
ராவீதம் நாரதாத்யைர்விலஸதுபநிஷத்ஸுந்தரீமண்டலைஶ்ச ॥1॥
நீலாபம் குஞ்சிதாக்ரம் கநமமலதரம் ஸம்யதம் சாருபங்க்யா
ரத்நோத்தம்ஸாபிராமம் வலயிதமுதயச்சந்த்ரகைஃ பிஞ்சஜாலைஃ ।
மந்தாரஸ்ரங்நிவீதம் தவ ப்ரு'துகபரீபாரமாலோகயேऽஹம்
2
ஸ்நிக்தஶ்வேதோர்த்வபுண்ட்ராமபி ச ஸுலலிதாம் பாலபாலேந்துவீதீம் ॥2
ஹ்ரு'த்யம் பூர்ணாநுகம்பார்ணவம்ரு'துலஹரீசஞ்சலப்ரூவிலாஸை-
ராநீலஸ்நிக்தபக்ஷ்மாவலிபரிலஸிதம் நேத்ரயுக்மம் விபோ தே ।
ஸாந்த்ரச்சாயம் விஶாலாருணகமலதலாகாரமாமுக்ததாரம்
காருண்யாலோகலீலாஶிஶிரிதபுவநம் க்ஷிப்யதாம் மய்யநாதே ॥3॥
உத்துங்கோல்லாஸிநாஸம் ஹரிமணிமுகுரப்ரோல்லஸத்கண்டபாலீ-
வ்யாலோலத்கர்ணபாஶாஞ்சிதமகரமணீகுண்டலத்வந்த்வதீப்ரம் ।
உந்மீலத்தந்தபங்க்திஸ்புரதருணதரச்சாயபிம்பாதராந்தஃ-
ப்ரீதிப்ரஸ்யந்திமந்தஸ்மிதமதுரதரம் வக்த்ரமுத்பாஸதாம் மே ॥4॥
பாஹுத்வந்த்வேந ரத்நோஜ்ஜ்வலவலயப்ரு'தா ஶோணபாணிப்ரவாலே-
நோபாத்தாம் வேணுநாலீ ப்ரஸ்ரு'தநகமயூகாங்குலீஸங்கஶாராம் ।
க்ரு'த்வா வக்த்ராரவிந்தே ஸுமதுரவிகஸத்ராகமுத்பாவ்யமாநைஃ
ஶப்தப்ரஹ்மாம்ரு'தைஸ்த்வம் ஶிஶிரிதபுவநைஃ ஸிஞ்ச மே கர்ணவீதீம் ॥5॥
உத்ஸர்பத்கௌஸ்துபஶ்ரீததிபிரருணிதம் கோமலம் கண்டதேஶம்
வக்ஷஃ ஶ்ரீவத்ஸரம்யம் தரலதரஸமுத்தீப்ரஹாரப்ரதாநம் ।
நாநாவர்ணப்ரஸூநாவலிகிஸலயிநீம் வந்யமாலாம் விலோல-
ல்லோலம்பாம் லம்பமாநாமுரஸி தவ ததா பாவயே ரத்நமாலாம் ॥6॥
அங்கே பஞ்சாங்கராகைரதிஶயவிகஸத்ஸௌரபாக்ரு'ஷ்டலோகம்
லீநாநேகத்ரிலோகீவிததிமபி க்ரு'ஶாம் பிப்ரதம் மத்யவல்லீம் ।
ஶக்ராஶ்மந்யஸ்ததப்தோஜ்ஜ்வலகநகநிபம் பீதசேலம் ததாநம்
த்யாயாமோ தீப்தரஶ்மிஸ்புடமணிரஶநாகிங்கிணீமண்டிதம் த்வாம் ॥7॥
ஊரூ சாரூ தவோரூ கநமஸ்ரு'ணருசௌ சித்தசோரௌ ரமாயாஃ
விஶ்வக்ஷோபம் விஶங்க்ய த்ருவமநிஶமுபௌ பீதசேலாவ்ரு'தாங்கௌ ।
ஆநம்ராணாம் புரஸ்தாந்ந்யஸநத்ரு'தஸமஸ்தார்தபாலீஸமுத்க-
ச்சாயம் ஜாநுத்வயம் ச க்ரமப்ரு'துலமநோஜ்ஞே ச ஜங்கே நிஷேவே ॥8॥
மஞ்ஜீரம் மஞ்ஜுநாதைரிவ பதபஜநம் ஶ்ரேய இத்யாலபந்தம்
பாதாக்ரம் ப்ராந்திமஜ்ஜத்ப்ரணதஜநமநோமந்தரோத்தாரகூர்மம் ।
உத்துங்காதாம்ரராஜந்நகரஹிமகரஜ்யோத்ஸ்நயா சாऽஶ்ரிதாநாம்
ஸந்தாபத்வாந்தஹந்த்ரீம் ததிமநுகலயே மங்கலாமங்குலீநாம் ॥9॥
யோகீந்த்ராணாம் த்வதங்கேஷ்வதிகஸுமதுரம் முக்திபாஜாம் நிவாஸோ
பக்தாநாம் காமவர்ஷத்யுதருகிஸலயம் நாத தே பாதமூலம் ।
நித்யம் சித்தஸ்திதம் மே பவநபுரபதே க்ரு'ஷ்ண காருண்யஸிந்தோ
ஹ்ரு'த்வா நிஶ்ஶேஷதாபாந் ப்ரதிஶது பரமாநந்தஸந்தோஹலக்ஷ்மீம் ॥10॥
அஜ்ஞாத்வா தே மஹத்வம் யதிஹ நிகதிதம் விஶ்வநாத க்ஷமேதாஃ
ஸ்தோத்ரம் சைதத்ஸஹஸ்ரோத்தரமதிகதரம் த்வத்ப்ரஸாதாய பூயாத் ।
த்வேதா நாராயணீயம் ஶ்ருதிஷு ச ஜநுஷா ஸ்துத்யதாவர்ணநேந
ஸ்பீதம் லீலாவதாரைரிதமிஹ குருதாமாயுராரோக்யஸௌக்யம் ॥11॥
Roman (IAST) Transliteration
agre paśyāmi tejo nibiḍatarakalāyāvalīlobhanīyaṃ
pīyūṣāplāvito'haṃ tadanu tadudare divyakaiśoraveṣam |
tāruṇyārambharamyaṃ paramasukharasāsvādaromāñcitāṅgai-
rāvītaṃ nāradādyairvilasadupaniṣatsundarīmaṇḍalaiśca ||1||
nīlābhaṃ kuñcitāgraṃ ghanamamalataraṃ saṃyataṃ cārubhaṅgyā
ratnottaṃsābhirāmaṃ valayitamudayaccandrakaiḥ piñchajālaiḥ |
mandārasraṅnivītaṃ tava pṛthukabarībhāramālokaye'haṃ
snigdhaśvetordhvapuṇḍrāmapi ca sulalitāṃ phālabālenduvīthīm ||2
hṛdyaṃ pūrṇānukampārṇavamṛdulaharīcañcalabhrūvilāsai-
rānīlasnigdhapakṣmāvaliparilasitaṃ netrayugmaṃ vibho te |
sāndracchāyaṃ viśālāruṇakamaladalākāramāmugdhatāraṃ
kāruṇyālokalīlāśiśiritabhuvanaṃ kṣipyatāṃ mayyanāthe ||3||
uttuṅgollāsināsaṃ harimaṇimukuraprollasadgaṇḍapālī-
vyālolatkarṇapāśāñcitamakaramaṇīkuṇḍaladvandvadīpram |
unmīladdantapaṅktisphuradaruṇataracchāyabimbādharāntaḥ-
prītiprasyandimandasmitamadhurataraṃ vaktramudbhāsatāṃ me ||4||
bāhudvandvena ratnojjvalavalayabhṛtā śoṇapāṇipravāle-
nopāttāṃ veṇunālī prasṛtanakhamayūkhāṅgulīsaṅgaśārām |
kṛtvā vaktrāravinde sumadhuravikasadrāgamudbhāvyamānaiḥ
śabdabrahmāmṛtaistvaṃ śiśiritabhuvanaiḥ siñca me karṇavīthīm ||5||
utsarpatkaustubhaśrītatibhiraruṇitaṃ komalaṃ kaṇṭhadeśaṃ
vakṣaḥ śrīvatsaramyaṃ taralatarasamuddīprahārapratānam |
nānāvarṇaprasūnāvalikisalayinīṃ vanyamālāṃ vilola-
llolambāṃ lambamānāmurasi tava tathā bhāvaye ratnamālām ||6||
aṅge pañcāṅgarāgairatiśayavikasatsaurabhākṛṣṭalokaṃ
līnānekatrilokīvitatimapi kṛśāṃ bibhrataṃ madhyavallīm |
śakrāśmanyastataptojjvalakanakanibhaṃ pītacelaṃ dadhānaṃ
dhyāyāmo dīptaraśmisphuṭamaṇiraśanākiṅkiṇīmaṇḍitaṃ tvām ||7||
ūrū cārū tavorū ghanamasṛṇarucau cittacorau ramāyāḥ
viśvakṣobhaṃ viśaṅkya dhruvamaniśamubhau pītacelāvṛtāṅgau |
ānamrāṇāṃ purastānnyasanadhṛtasamastārthapālīsamudga-
cchāyaṃ jānudvayaṃ ca kramapṛthulamanojñe ca jaṅghe niṣeve ||8||
mañjīraṃ mañjunādairiva padabhajanaṃ śreya ityālapantaṃ
pādāgraṃ bhrāntimajjatpraṇatajanamanomandaroddhārakūrmam |
uttuṅgātāmrarājannakharahimakarajyotsnayā cā'śritānāṃ
santāpadhvāntahantrīṃ tatimanukalaye maṅgalāmaṅgulīnām ||9||
yogīndrāṇāṃ tvadaṅgeṣvadhikasumadhuraṃ muktibhājāṃ nivāso
bhaktānāṃ kāmavarṣadyutarukisalayaṃ nātha te pādamūlam |
nityaṃ cittasthitaṃ me pavanapurapate kṛṣṇa kāruṇyasindho
hṛtvā niśśeṣatāpān pradiśatu paramānandasandohalakṣmīm ||10||
ajñātvā te mahatvaṃ yadiha nigaditaṃ viśvanātha kṣamethāḥ
stotraṃ caitatsahasrottaramadhikataraṃ tvatprasādāya bhūyāt |
dvedhā nārāyaṇīyaṃ śrutiṣu ca januṣā stutyatāvarṇanena
sphītaṃ līlāvatārairidamiha kurutāmāyurārogyasaukhyam ||11||
Sanskrit — Devanagari (original)
अग्रे पश्यामि तेजो निबिडतरकलायावलीलोभनीयं
पीयूषाप्लावितोऽहं तदनु तदुदरे दिव्यकैशोरवेषम् ।
तारुण्यारम्भरम्यं परमसुखरसास्वादरोमाञ्चिताङ्गै-
रावीतं नारदाद्यैर्विलसदुपनिषत्सुन्दरीमण्डलैश्च ॥1॥
नीलाभं कुञ्चिताग्रं घनममलतरं संयतं चारुभङ्ग्या
रत्नोत्तंसाभिरामं वलयितमुदयच्चन्द्रकैः पिञ्छजालैः ।
मन्दारस्रङ्निवीतं तव पृथुकबरीभारमालोकयेऽहं
स्निग्धश्वेतोर्ध्वपुण्ड्रामपि च सुललितां फालबालेन्दुवीथीम् ॥2
हृद्यं पूर्णानुकम्पार्णवमृदुलहरीचञ्चलभ्रूविलासै-
रानीलस्निग्धपक्ष्मावलिपरिलसितं नेत्रयुग्मं विभो ते ।
सान्द्रच्छायं विशालारुणकमलदलाकारमामुग्धतारं
कारुण्यालोकलीलाशिशिरितभुवनं क्षिप्यतां मय्यनाथे ॥3॥
उत्तुङ्गोल्लासिनासं हरिमणिमुकुरप्रोल्लसद्गण्डपाली-
व्यालोलत्कर्णपाशाञ्चितमकरमणीकुण्डलद्वन्द्वदीप्रम् ।
उन्मीलद्दन्तपङ्क्तिस्फुरदरुणतरच्छायबिम्बाधरान्तः-
प्रीतिप्रस्यन्दिमन्दस्मितमधुरतरं वक्त्रमुद्भासतां मे ॥4॥
बाहुद्वन्द्वेन रत्नोज्ज्वलवलयभृता शोणपाणिप्रवाले-
नोपात्तां वेणुनाली प्रसृतनखमयूखाङ्गुलीसङ्गशाराम् ।
कृत्वा वक्त्रारविन्दे सुमधुरविकसद्रागमुद्भाव्यमानैः
शब्दब्रह्मामृतैस्त्वं शिशिरितभुवनैः सिञ्च मे कर्णवीथीम् ॥5॥
उत्सर्पत्कौस्तुभश्रीततिभिररुणितं कोमलं कण्ठदेशं
वक्षः श्रीवत्सरम्यं तरलतरसमुद्दीप्रहारप्रतानम् ।
नानावर्णप्रसूनावलिकिसलयिनीं वन्यमालां विलोल-
ल्लोलम्बां लम्बमानामुरसि तव तथा भावये रत्नमालाम् ॥6॥
अङ्गे पञ्चाङ्गरागैरतिशयविकसत्सौरभाकृष्टलोकं
लीनानेकत्रिलोकीविततिमपि कृशां बिभ्रतं मध्यवल्लीम् ।
शक्राश्मन्यस्ततप्तोज्ज्वलकनकनिभं पीतचेलं दधानं
ध्यायामो दीप्तरश्मिस्फुटमणिरशनाकिङ्किणीमण्डितं त्वाम् ॥7॥
ऊरू चारू तवोरू घनमसृणरुचौ चित्तचोरौ रमायाः
विश्वक्षोभं विशङ्क्य ध्रुवमनिशमुभौ पीतचेलावृताङ्गौ ।
आनम्राणां पुरस्तान्न्यसनधृतसमस्तार्थपालीसमुद्ग-
च्छायं जानुद्वयं च क्रमपृथुलमनोज्ञे च जङ्घे निषेवे ॥8॥
मञ्जीरं मञ्जुनादैरिव पदभजनं श्रेय इत्यालपन्तं
पादाग्रं भ्रान्तिमज्जत्प्रणतजनमनोमन्दरोद्धारकूर्मम् ।
उत्तुङ्गाताम्रराजन्नखरहिमकरज्योत्स्नया चाऽश्रितानां
सन्तापध्वान्तहन्त्रीं ततिमनुकलये मङ्गलामङ्गुलीनाम् ॥9॥
योगीन्द्राणां त्वदङ्गेष्वधिकसुमधुरं मुक्तिभाजां निवासो
भक्तानां कामवर्षद्युतरुकिसलयं नाथ ते पादमूलम् ।
नित्यं चित्तस्थितं मे पवनपुरपते कृष्ण कारुण्यसिन्धो
हृत्वा निश्शेषतापान् प्रदिशतु परमानन्दसन्दोहलक्ष्मीम् ॥10॥
अज्ञात्वा ते महत्वं यदिह निगदितं विश्वनाथ क्षमेथाः
स्तोत्रं चैतत्सहस्रोत्तरमधिकतरं त्वत्प्रसादाय भूयात् ।
द्वेधा नारायणीयं श्रुतिषु च जनुषा स्तुत्यतावर्णनेन
स्फीतं लीलावतारैरिदमिह कुरुतामायुरारोग्यसौख्यम् ॥11॥
agre paśyāmi tejo nibiḍatarakalāyāvalīlobhanīyaṃ
pīyūṣāplāvito'haṃ tadanu tadudare divyakaiśoraveṣam |
tāruṇyārambharamyaṃ paramasukharasāsvādaromāñcitāṅgai-
rāvītaṃ nāradādyairvilasadupaniṣatsundarīmaṇḍalaiśca ||1||
nīlābhaṃ kuñcitāgraṃ ghanamamalataraṃ saṃyataṃ cārubhaṅgyā
ratnottaṃsābhirāmaṃ valayitamudayaccandrakaiḥ piñchajālaiḥ |
mandārasraṅnivītaṃ tava pṛthukabarībhāramālokaye'haṃ
snigdhaśvetordhvapuṇḍrāmapi ca sulalitāṃ phālabālenduvīthīm ||2
hṛdyaṃ pūrṇānukampārṇavamṛdulaharīcañcalabhrūvilāsai-
rānīlasnigdhapakṣmāvaliparilasitaṃ netrayugmaṃ vibho te |
sāndracchāyaṃ viśālāruṇakamaladalākāramāmugdhatāraṃ
kāruṇyālokalīlāśiśiritabhuvanaṃ kṣipyatāṃ mayyanāthe ||3||
uttuṅgollāsināsaṃ harimaṇimukuraprollasadgaṇḍapālī-
vyālolatkarṇapāśāñcitamakaramaṇīkuṇḍaladvandvadīpram |
unmīladdantapaṅktisphuradaruṇataracchāyabimbādharāntaḥ-
prītiprasyandimandasmitamadhurataraṃ vaktramudbhāsatāṃ me ||4||
bāhudvandvena ratnojjvalavalayabhṛtā śoṇapāṇipravāle-
nopāttāṃ veṇunālī prasṛtanakhamayūkhāṅgulīsaṅgaśārām |
kṛtvā vaktrāravinde sumadhuravikasadrāgamudbhāvyamānaiḥ
śabdabrahmāmṛtaistvaṃ śiśiritabhuvanaiḥ siñca me karṇavīthīm ||5||
utsarpatkaustubhaśrītatibhiraruṇitaṃ komalaṃ kaṇṭhadeśaṃ
vakṣaḥ śrīvatsaramyaṃ taralatarasamuddīprahārapratānam |
nānāvarṇaprasūnāvalikisalayinīṃ vanyamālāṃ vilola-
llolambāṃ lambamānāmurasi tava tathā bhāvaye ratnamālām ||6||
aṅge pañcāṅgarāgairatiśayavikasatsaurabhākṛṣṭalokaṃ
līnānekatrilokīvitatimapi kṛśāṃ bibhrataṃ madhyavallīm |
śakrāśmanyastataptojjvalakanakanibhaṃ pītacelaṃ dadhānaṃ
dhyāyāmo dīptaraśmisphuṭamaṇiraśanākiṅkiṇīmaṇḍitaṃ tvām ||7||
ūrū cārū tavorū ghanamasṛṇarucau cittacorau ramāyāḥ
viśvakṣobhaṃ viśaṅkya dhruvamaniśamubhau pītacelāvṛtāṅgau |
ānamrāṇāṃ purastānnyasanadhṛtasamastārthapālīsamudga-
cchāyaṃ jānudvayaṃ ca kramapṛthulamanojñe ca jaṅghe niṣeve ||8||
mañjīraṃ mañjunādairiva padabhajanaṃ śreya ityālapantaṃ
pādāgraṃ bhrāntimajjatpraṇatajanamanomandaroddhārakūrmam |
uttuṅgātāmrarājannakharahimakarajyotsnayā cā'śritānāṃ
santāpadhvāntahantrīṃ tatimanukalaye maṅgalāmaṅgulīnām ||9||
yogīndrāṇāṃ tvadaṅgeṣvadhikasumadhuraṃ muktibhājāṃ nivāso
bhaktānāṃ kāmavarṣadyutarukisalayaṃ nātha te pādamūlam |
nityaṃ cittasthitaṃ me pavanapurapate kṛṣṇa kāruṇyasindho
hṛtvā niśśeṣatāpān pradiśatu paramānandasandohalakṣmīm ||10||
ajñātvā te mahatvaṃ yadiha nigaditaṃ viśvanātha kṣamethāḥ
stotraṃ caitatsahasrottaramadhikataraṃ tvatprasādāya bhūyāt |
dvedhā nārāyaṇīyaṃ śrutiṣu ca januṣā stutyatāvarṇanena
sphītaṃ līlāvatārairidamiha kurutāmāyurārogyasaukhyam ||11||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.