Narayaniyam Dashaka 29 - Mohinyavataram Adi — Tamil Script

உத்கச்சதஸ்தவ கராதம்ரு'தம் ஹரத்ஸு

தைத்யேஷு தாநஶரணாநநுநீய தேவாந் ।

ஸத்யஸ்திரோததித தேவ பவத்ப்ரபாவா-

துத்யத்ஸ்வயூத்யகலஹா திதிஜா பபூவுஃ ॥1॥

ஶ்யாமாம் ருசாऽபி வயஸாऽபி தநும் ததாநீம்

ப்ராப்தோऽஸி துங்ககுசமண்டலபங்குராம் த்வம் ।

பீயூஷகும்பகலஹம் பரிமுச்ய ஸர்வே

த்ரு'ஷ்ணாகுலாஃ ப்ரதியயுஸ்த்வதுரோஜகும்பே ॥2॥

கா த்வம் ம்ரு'காக்ஷி விபஜஸ்வ ஸுதாமிமாமி-

த்யாரூடராகவிவஶாநபியாசதோऽமூந் ।

விஶ்வஸ்யதே மயி கதம் குலடாऽஸ்மி தைத்யா

இத்யாலபந்நபி ஸுவிஶ்வஸிதாநதாநீஃ ॥3॥

மோதாத் ஸுதாகலஶமேஷு ததத்ஸு ஸா த்வம்

துஶ்சேஷ்டிதம் மம ஸஹத்வமிதி ப்ருவாணா ।

பங்க்திப்ரபேதவிநிவேஶிததேவதைத்யா

லீலாவிலாஸகதிபிஃ ஸமதாஃ ஸுதாம் தாம் ॥4॥

அஸ்மாஸ்வியம் ப்ரணயிணீத்யஸுரேஷு தேஷு

ஜோஷம் ஸ்திதேஷ்வத ஸமாப்ய ஸுதாம் ஸுரேஷு ।

த்வம் பக்தலோகவஶகோ நிஜரூபமேத்ய

ஸ்வர்பாநுமர்தபரிபீதஸுதம் வ்யலாவீஃ ॥5॥

த்வத்தஃ ஸுதாஹரணயோக்யபலம் பரேஷு

தத்வா கதே த்வயி ஸுரைஃ கலு தே வ்யக்ரு'ஹ்ணந் ।

கோரேऽத மூர்சதி ரணே பலிதைத்யமாயா-

வ்யாமோஹிதே ஸுரகணே த்வமிஹாவிராஸீஃ ॥6॥

த்வம் காலநேமிமத மாலிமுகாஞ்ஜகந்த

ஶக்ரோ ஜகாந பலிஜம்பவலாந் ஸபாகாந் ।

ஶுஷ்கார்த்ரதுஷ்கரவதே நமுசௌ ச லூநே

பேநேந நாரதகிரா ந்யருணோ ரணம் த்வம் ॥7॥

யோஷாவபுர்தநுஜமோஹநமாஹிதம் தே

ஶ்ருத்வா விலோகநகுதூஹலவாந் மஹேஶஃ ।

பூதைஸ்ஸமம் கிரிஜயா ச கதஃ பதம் தே

ஸ்துத்வாऽப்ரவீதபிமதம் த்வமதோ திரோதாஃ ॥8॥

ஆராமஸீமநி ச கந்துககாதலீலா-

லோலாயமாநநயநாம் கமநீம் மநோஜ்ஞாம் ।

த்வாமேஷ வீக்ஷ்ய விகலத்வஸநாம் மநோபூ-

வேகாதநங்கரிபுரங்க ஸமாலிலிங்க ॥9॥

பூயோऽபி வித்ருதவதீமுபதாவ்ய தேவோ

வீர்யப்ரமோக்ஷவிகஸத்பரமார்தபோதஃ ।

த்வந்மாநிதஸ்தவ மஹத்த்வமுவாச தேவ்யை

தத்தாத்ரு'ஶஸ்த்வமவ வாதநிகேதநாத ॥10॥

Roman (IAST) Transliteration

udgacchatastava karādamṛtaṃ haratsu

daityeṣu tānaśaraṇānanunīya devān |

sadyastirodadhitha deva bhavatprabhāvā-

dudyatsvayūthyakalahā ditijā babhūvuḥ ||1||

śyāmāṃ rucā'pi vayasā'pi tanuṃ tadānīṃ

prāpto'si tuṅgakucamaṇḍalabhaṅgurāṃ tvam |

pīyūṣakumbhakalahaṃ parimucya sarve

tṛṣṇākulāḥ pratiyayustvadurojakumbhe ||2||

kā tvaṃ mṛgākṣi vibhajasva sudhāmimāmi-

tyārūḍharāgavivaśānabhiyācato'mūn |

viśvasyate mayi kathaṃ kulaṭā'smi daityā

ityālapannapi suviśvasitānatānīḥ ||3||

modāt sudhākalaśameṣu dadatsu sā tvaṃ

duśceṣṭitaṃ mama sahadhvamiti bruvāṇā |

paṅktiprabhedaviniveśitadevadaityā

līlāvilāsagatibhiḥ samadāḥ sudhāṃ tām ||4||

asmāsviyaṃ praṇayiṇītyasureṣu teṣu

joṣaṃ sthiteṣvatha samāpya sudhāṃ sureṣu |

tvaṃ bhaktalokavaśago nijarūpametya

svarbhānumardhaparipītasudhaṃ vyalāvīḥ ||5||

tvattaḥ sudhāharaṇayogyaphalaṃ pareṣu

datvā gate tvayi suraiḥ khalu te vyagṛhṇan |

ghore'tha mūrchati raṇe balidaityamāyā-

vyāmohite suragaṇe tvamihāvirāsīḥ ||6||

tvaṃ kālanemimatha mālimukhāñjaghantha

śakro jaghāna balijambhavalān sapākān |

śuṣkārdraduṣkaravadhe namucau ca lūne

phenena nāradagirā nyaruṇo raṇaṃ tvam ||7||

yoṣāvapurdanujamohanamāhitaṃ te

śrutvā vilokanakutūhalavān maheśaḥ |

bhūtaissamaṃ girijayā ca gataḥ padaṃ te

stutvā'bravīdabhimataṃ tvamatho tirodhāḥ ||8||

ārāmasīmani ca kandukaghātalīlā-

lolāyamānanayanāṃ kamanīṃ manojñām |

tvāmeṣa vīkṣya vigaladvasanāṃ manobhū-

vegādanaṅgaripuraṅga samāliliṅga ||9||

bhūyo'pi vidrutavatīmupadhāvya devo

vīryapramokṣavikasatparamārthabodhaḥ |

tvanmānitastava mahattvamuvāca devyai

tattādṛśastvamava vātaniketanātha ||10||

Sanskrit — Devanagari (original)

उद्गच्छतस्तव करादमृतं हरत्सु

दैत्येषु तानशरणाननुनीय देवान् ।

सद्यस्तिरोदधिथ देव भवत्प्रभावा-

दुद्यत्स्वयूथ्यकलहा दितिजा बभूवुः ॥1॥

श्यामां रुचाऽपि वयसाऽपि तनुं तदानीं

प्राप्तोऽसि तुङ्गकुचमण्डलभङ्गुरां त्वम् ।

पीयूषकुम्भकलहं परिमुच्य सर्वे

तृष्णाकुलाः प्रतिययुस्त्वदुरोजकुम्भे ॥2॥

का त्वं मृगाक्षि विभजस्व सुधामिमामि-

त्यारूढरागविवशानभियाचतोऽमून् ।

विश्वस्यते मयि कथं कुलटाऽस्मि दैत्या

इत्यालपन्नपि सुविश्वसितानतानीः ॥3॥

मोदात् सुधाकलशमेषु ददत्सु सा त्वं

दुश्चेष्टितं मम सहध्वमिति ब्रुवाणा ।

पङ्क्तिप्रभेदविनिवेशितदेवदैत्या

लीलाविलासगतिभिः समदाः सुधां ताम् ॥4॥

अस्मास्वियं प्रणयिणीत्यसुरेषु तेषु

जोषं स्थितेष्वथ समाप्य सुधां सुरेषु ।

त्वं भक्तलोकवशगो निजरूपमेत्य

स्वर्भानुमर्धपरिपीतसुधं व्यलावीः ॥5॥

त्वत्तः सुधाहरणयोग्यफलं परेषु

दत्वा गते त्वयि सुरैः खलु ते व्यगृह्णन् ।

घोरेऽथ मूर्छति रणे बलिदैत्यमाया-

व्यामोहिते सुरगणे त्वमिहाविरासीः ॥6॥

त्वं कालनेमिमथ मालिमुखाञ्जघन्थ

शक्रो जघान बलिजम्भवलान् सपाकान् ।

शुष्कार्द्रदुष्करवधे नमुचौ च लूने

फेनेन नारदगिरा न्यरुणो रणं त्वम् ॥7॥

योषावपुर्दनुजमोहनमाहितं ते

श्रुत्वा विलोकनकुतूहलवान् महेशः ।

भूतैस्समं गिरिजया च गतः पदं ते

स्तुत्वाऽब्रवीदभिमतं त्वमथो तिरोधाः ॥8॥

आरामसीमनि च कन्दुकघातलीला-

लोलायमाननयनां कमनीं मनोज्ञाम् ।

त्वामेष वीक्ष्य विगलद्वसनां मनोभू-

वेगादनङ्गरिपुरङ्ग समालिलिङ्ग ॥9॥

भूयोऽपि विद्रुतवतीमुपधाव्य देवो

वीर्यप्रमोक्षविकसत्परमार्थबोधः ।

त्वन्मानितस्तव महत्त्वमुवाच देव्यै

तत्तादृशस्त्वमव वातनिकेतनाथ ॥10॥