ஸத்ராஜிதஸ்த்வமத லுப்தவதர்கலப்தம்
திவ்யம் ஸ்யமந்தகமணிம் பகவந்நயாசீஃ ।
தத்காரணம் பஹுவிதம் மம பாதி நூநம்
தஸ்யாத்மஜாம் த்வயி ரதாம் சலதோ விவோடும் ॥1॥
அதத்தம் தம் துப்யம் மணிவரமநேநால்பமநஸா
ப்ரஸேநஸ்தத்ப்ராதா கலபுவி வஹந் ப்ராப ம்ரு'கயாம் ।
அஹந்நேநம் ஸிம்ஹோ மணிமஹஸி மாம்ஸப்ரமவஶாத்
கபீந்த்ரஸ்தம் ஹத்வா மணிமபி ச பாலாய ததிவாந் ॥2॥
ஶஶம்ஸுஃ ஸத்ராஜித்கிரமநு ஜநாஸ்த்வாம் மணிஹரம்
ஜநாநாம் பீயூஷம் பவதி குணிநாம் தோஷகணிகா ।
ததஃ ஸர்வஜ்ஞோऽபி ஸ்வஜநஸஹிதோ மார்கணபரஃ
ப்ரஸேநம் தம் த்ரு'ஷ்ட்வா ஹரிமபி கதோऽபூஃ கபிகுஹாம் ॥3॥
பவந்தமவிதர்கயந்நதிவயாஃ ஸ்வயம் ஜாம்பவாந்
முகுந்தஶரணம் ஹி மாம் க இஹ ரோத்துமித்யாலபந் ।
விபோ ரகுபதே ஹரே ஜய ஜயேத்யலம் முஷ்டிபி-
ஶ்சிரம் தவ ஸமர்சநம் வ்யதித பக்தசூடாமணிஃ ॥4॥
புத்வாऽத தேந தத்தாம் நவரமணீம் வரமணிம் ச பரிக்ரு'ஹ்ணந் ।
அநுக்ரு'ஹ்ணந்நமுமாகாஃ ஸபதி ச ஸத்ராஜிதே மணிம் ப்ராதாஃ ॥5॥
ததநு ஸ கலு ப்ரீலாலோலோ விலோலவிலோசநாம்
துஹிதரமஹோ தீமாந் பாமாம் கிரைவ பரார்பிதாம் ।
அதித மணிநா துப்யம் லப்யம் ஸமேத்ய பவாநபி
ப்ரமுதிதமநாஸ்தஸ்யைவாதாந்மணிம் கஹநாஶயஃ ॥6॥
வ்ரீலாகுலாம் ரமயதி த்வயி ஸத்யபாமாம்
கௌந்தேயதாஹகதயாத குரூந் ப்ரயாதே ।
ஹீ காந்திநேயக்ரு'தவர்மகிரா நிபாத்ய
ஸத்ராஜிதம் ஶததநுர்மணிமாஜஹார ॥7॥
ஶோகாத் குரூநுபகதாமவலோக்ய காந்தாம்
ஹத்வா த்ருதம் ஶததநும் ஸமஹர்ஷயஸ்தாம் ।
ரத்நே ஸஶங்க இவ மைதிலகேஹமேத்ய
ராமோ கதாம் ஸமஶிஶிக்ஷத தார்தராஷ்ட்ரம் ॥8॥
அக்ரூர ஏஷ பகவந் பவதிச்சயைவ
ஸத்ராஜிதஃ குசரிதஸ்ய யுயோஜ ஹிம்ஸாம் ।
அக்ரூரதோ மணிமநாஹ்ரு'தவாந் புநஸ்த்வம்
தஸ்யைவ பூதிமுபதாதுமிதி ப்ருவந்தி ॥9॥
பக்தஸ்த்வயி ஸ்திரதரஃ ஸ ஹி காந்திநேய-
ஸ்தஸ்யைவ காபதமதிஃ கதமீஶ ஜாதா ।
விஜ்ஞாநவாந் ப்ரஶமவாநஹமித்யுதீர்ணம்
கர்வம் த்ருவம் ஶமயிதும் பவதா க்ரு'தைவ ॥10॥
யாதம் பயேந க்ரு'தவர்மயுதம் புநஸ்த-
மாஹூய தத்விநிஹிதம் ச மணிம் ப்ரகாஶ்ய ।
தத்ரைவ ஸுவ்ரததரே விநிதாய துஷ்யந்
பாமாகுசாந்தஶயநஃ பவநேஶ பாயாஃ ॥11॥
Roman (IAST) Transliteration
satrājitastvamatha lubdhavadarkalabdhaṃ
divyaṃ syamantakamaṇiṃ bhagavannayācīḥ |
tatkāraṇaṃ bahuvidhaṃ mama bhāti nūnaṃ
tasyātmajāṃ tvayi ratāṃ chalato vivoḍhum ||1||
adattaṃ taṃ tubhyaṃ maṇivaramanenālpamanasā
prasenastadbhrātā galabhuvi vahan prāpa mṛgayām |
ahannenaṃ siṃho maṇimahasi māṃsabhramavaśāt
kapīndrastaṃ hatvā maṇimapi ca bālāya dadivān ||2||
śaśaṃsuḥ satrājidgiramanu janāstvāṃ maṇiharaṃ
janānāṃ pīyūṣaṃ bhavati guṇināṃ doṣakaṇikā |
tataḥ sarvajño'pi svajanasahito mārgaṇaparaḥ
prasenaṃ taṃ dṛṣṭvā harimapi gato'bhūḥ kapiguhām ||3||
bhavantamavitarkayannativayāḥ svayaṃ jāmbavān
mukundaśaraṇaṃ hi māṃ ka iha roddhumityālapan |
vibho raghupate hare jaya jayetyalaṃ muṣṭibhi-
ściraṃ tava samarcanaṃ vyadhita bhaktacūḍāmaṇiḥ ||4||
budhvā'tha tena dattāṃ navaramaṇīṃ varamaṇiṃ ca parigṛhṇan |
anugṛhṇannamumāgāḥ sapadi ca satrājite maṇiṃ prādāḥ ||5||
tadanu sa khalu brīlālolo vilolavilocanāṃ
duhitaramaho dhīmān bhāmāṃ giraiva parārpitām |
adita maṇinā tubhyaṃ labhyaṃ sametya bhavānapi
pramuditamanāstasyaivādānmaṇiṃ gahanāśayaḥ ||6||
vrīlākulāṃ ramayati tvayi satyabhāmāṃ
kaunteyadāhakathayātha kurūn prayāte |
hī gāndineyakṛtavarmagirā nipātya
satrājitaṃ śatadhanurmaṇimājahāra ||7||
śokāt kurūnupagatāmavalokya kāntāṃ
hatvā drutaṃ śatadhanuṃ samaharṣayastām |
ratne saśaṅka iva maithilagehametya
rāmo gadāṃ samaśiśikṣata dhārtarāṣṭram ||8||
akrūra eṣa bhagavan bhavadicchayaiva
satrājitaḥ kucaritasya yuyoja hiṃsām |
akrūrato maṇimanāhṛtavān punastvaṃ
tasyaiva bhūtimupadhātumiti bruvanti ||9||
bhaktastvayi sthirataraḥ sa hi gāndineya-
stasyaiva kāpathamatiḥ kathamīśa jātā |
vijñānavān praśamavānahamityudīrṇaṃ
garvaṃ dhruvaṃ śamayituṃ bhavatā kṛtaiva ||10||
yātaṃ bhayena kṛtavarmayutaṃ punasta-
māhūya tadvinihitaṃ ca maṇiṃ prakāśya |
tatraiva suvratadhare vinidhāya tuṣyan
bhāmākucāntaśayanaḥ pavaneśa pāyāḥ ||11||
Sanskrit — Devanagari (original)
सत्राजितस्त्वमथ लुब्धवदर्कलब्धं
दिव्यं स्यमन्तकमणिं भगवन्नयाचीः ।
तत्कारणं बहुविधं मम भाति नूनं
तस्यात्मजां त्वयि रतां छलतो विवोढुम् ॥1॥
अदत्तं तं तुभ्यं मणिवरमनेनाल्पमनसा
प्रसेनस्तद्भ्राता गलभुवि वहन् प्राप मृगयाम् ।
अहन्नेनं सिंहो मणिमहसि मांसभ्रमवशात्
कपीन्द्रस्तं हत्वा मणिमपि च बालाय ददिवान् ॥2॥
शशंसुः सत्राजिद्गिरमनु जनास्त्वां मणिहरं
जनानां पीयूषं भवति गुणिनां दोषकणिका ।
ततः सर्वज्ञोऽपि स्वजनसहितो मार्गणपरः
प्रसेनं तं दृष्ट्वा हरिमपि गतोऽभूः कपिगुहाम् ॥3॥
भवन्तमवितर्कयन्नतिवयाः स्वयं जाम्बवान्
मुकुन्दशरणं हि मां क इह रोद्धुमित्यालपन् ।
विभो रघुपते हरे जय जयेत्यलं मुष्टिभि-
श्चिरं तव समर्चनं व्यधित भक्तचूडामणिः ॥4॥
बुध्वाऽथ तेन दत्तां नवरमणीं वरमणिं च परिगृह्णन् ।
अनुगृह्णन्नमुमागाः सपदि च सत्राजिते मणिं प्रादाः ॥5॥
तदनु स खलु ब्रीलालोलो विलोलविलोचनां
दुहितरमहो धीमान् भामां गिरैव परार्पिताम् ।
अदित मणिना तुभ्यं लभ्यं समेत्य भवानपि
प्रमुदितमनास्तस्यैवादान्मणिं गहनाशयः ॥6॥
व्रीलाकुलां रमयति त्वयि सत्यभामां
कौन्तेयदाहकथयाथ कुरून् प्रयाते ।
ही गान्दिनेयकृतवर्मगिरा निपात्य
सत्राजितं शतधनुर्मणिमाजहार ॥7॥
शोकात् कुरूनुपगतामवलोक्य कान्तां
हत्वा द्रुतं शतधनुं समहर्षयस्ताम् ।
रत्ने सशङ्क इव मैथिलगेहमेत्य
रामो गदां समशिशिक्षत धार्तराष्ट्रम् ॥8॥
अक्रूर एष भगवन् भवदिच्छयैव
सत्राजितः कुचरितस्य युयोज हिंसाम् ।
अक्रूरतो मणिमनाहृतवान् पुनस्त्वं
तस्यैव भूतिमुपधातुमिति ब्रुवन्ति ॥9॥
भक्तस्त्वयि स्थिरतरः स हि गान्दिनेय-
स्तस्यैव कापथमतिः कथमीश जाता ।
विज्ञानवान् प्रशमवानहमित्युदीर्णं
गर्वं ध्रुवं शमयितुं भवता कृतैव ॥10॥
यातं भयेन कृतवर्मयुतं पुनस्त-
माहूय तद्विनिहितं च मणिं प्रकाश्य ।
तत्रैव सुव्रतधरे विनिधाय तुष्यन्
भामाकुचान्तशयनः पवनेश पायाः ॥11॥
satrājitastvamatha lubdhavadarkalabdhaṃ
divyaṃ syamantakamaṇiṃ bhagavannayācīḥ |
tatkāraṇaṃ bahuvidhaṃ mama bhāti nūnaṃ
tasyātmajāṃ tvayi ratāṃ chalato vivoḍhum ||1||
adattaṃ taṃ tubhyaṃ maṇivaramanenālpamanasā
prasenastadbhrātā galabhuvi vahan prāpa mṛgayām |
ahannenaṃ siṃho maṇimahasi māṃsabhramavaśāt
kapīndrastaṃ hatvā maṇimapi ca bālāya dadivān ||2||
śaśaṃsuḥ satrājidgiramanu janāstvāṃ maṇiharaṃ
janānāṃ pīyūṣaṃ bhavati guṇināṃ doṣakaṇikā |
tataḥ sarvajño'pi svajanasahito mārgaṇaparaḥ
prasenaṃ taṃ dṛṣṭvā harimapi gato'bhūḥ kapiguhām ||3||
bhavantamavitarkayannativayāḥ svayaṃ jāmbavān
mukundaśaraṇaṃ hi māṃ ka iha roddhumityālapan |
vibho raghupate hare jaya jayetyalaṃ muṣṭibhi-
ściraṃ tava samarcanaṃ vyadhita bhaktacūḍāmaṇiḥ ||4||
budhvā'tha tena dattāṃ navaramaṇīṃ varamaṇiṃ ca parigṛhṇan |
anugṛhṇannamumāgāḥ sapadi ca satrājite maṇiṃ prādāḥ ||5||
tadanu sa khalu brīlālolo vilolavilocanāṃ
duhitaramaho dhīmān bhāmāṃ giraiva parārpitām |
adita maṇinā tubhyaṃ labhyaṃ sametya bhavānapi
pramuditamanāstasyaivādānmaṇiṃ gahanāśayaḥ ||6||
vrīlākulāṃ ramayati tvayi satyabhāmāṃ
kaunteyadāhakathayātha kurūn prayāte |
hī gāndineyakṛtavarmagirā nipātya
satrājitaṃ śatadhanurmaṇimājahāra ||7||
śokāt kurūnupagatāmavalokya kāntāṃ
hatvā drutaṃ śatadhanuṃ samaharṣayastām |
ratne saśaṅka iva maithilagehametya
rāmo gadāṃ samaśiśikṣata dhārtarāṣṭram ||8||
akrūra eṣa bhagavan bhavadicchayaiva
satrājitaḥ kucaritasya yuyoja hiṃsām |
akrūrato maṇimanāhṛtavān punastvaṃ
tasyaiva bhūtimupadhātumiti bruvanti ||9||
bhaktastvayi sthirataraḥ sa hi gāndineya-
stasyaiva kāpathamatiḥ kathamīśa jātā |
vijñānavān praśamavānahamityudīrṇaṃ
garvaṃ dhruvaṃ śamayituṃ bhavatā kṛtaiva ||10||
yātaṃ bhayena kṛtavarmayutaṃ punasta-
māhūya tadvinihitaṃ ca maṇiṃ prakāśya |
tatraiva suvratadhare vinidhāya tuṣyan
bhāmākucāntaśayanaḥ pavaneśa pāyāḥ ||11||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.