Narayaniyam Dashaka 10 - Srishtivaividhyam — Tamil Script

வைகுண்ட வர்திதபலோऽத பவத்ப்ரஸாதா-

தம்போஜயோநிரஸ்ரு'ஜத் கில ஜீவதேஹாந் ।

ஸ்தாஸ்நூநி பூருஹமயாநி ததா திரஶ்சாம்

ஜாதிம் மநுஷ்யநிவஹாநபி தேவபேதாந் ॥1॥

மித்யாக்ரஹாஸ்மிமதிராகவிகோபபீதி-

ரஜ்ஞாநவ்ரு'த்திமிதி பஞ்சவிதாம் ஸ ஸ்ரு'ஷ்ட்வா ।

உத்தாமதாமஸபதார்தவிதாநதூந -

ஸ்தேநே த்வதீயசரணஸ்மரணம் விஶுத்த்யை ॥2॥

தாவத் ஸஸர்ஜ மநஸா ஸநகம் ஸநந்தம்

பூயஃ ஸநாதநமுநிம் ச ஸநத்குமாரம் ।

தே ஸ்ரு'ஷ்டிகர்மணி து தேந நியுஜ்யமாநா-

ஸ்த்வத்பாதபக்திரஸிகா ஜக்ரு'ஹுர்ந வாணீம் ॥3॥

தாவத் ப்ரகோபமுதிதம் ப்ரதிருந்ததோऽஸ்ய

ப்ரூமத்யதோऽஜநி ம்ரு'டோ பவதேகதேஶஃ ।

நாமாநி மே குரு பதாநி ச ஹா விரிஞ்சே-

த்யாதௌ ருரோத கில தேந ஸ ருத்ரநாமா ॥4॥

ஏகாதஶாஹ்வயதயா ச விபிந்நரூபம்

ருத்ரம் விதாய தயிதா வநிதாஶ்ச தத்வா ।

தாவந்த்யதத்த ச பதாநி பவத்ப்ரணுந்நஃ

ப்ராஹ ப்ரஜாவிரசநாய ச ஸாதரம் தம் ॥5॥

ருத்ராபிஸ்ரு'ஷ்டபயதாக்ரு'திருத்ரஸங்க-

ஸம்பூர்யமாணபுவநத்ரயபீதசேதாஃ ।

மா மா ப்ரஜாஃ ஸ்ரு'ஜ தபஶ்சர மங்கலாயே-

த்யாசஷ்ட தம் கமலபூர்பவதீரிதாத்மா ॥6॥

தஸ்யாத ஸர்கரஸிகஸ்ய மரீசிரத்ரி-

ஸ்தத்ராஙிகராஃ க்ரதுமுநிஃ புலஹஃ புலஸ்த்யஃ ।

அங்காதஜாயத ப்ரு'குஶ்ச வஸிஷ்டதக்ஷௌ

ஶ்ரீநாரதஶ்ச பகவந் பவதங்க்ரிதாஸஃ ॥7॥

தர்மாதிகாநபிஸ்ரு'ஜந்நத கர்தமம் ச

வாணீம் விதாய விதிரங்கஜஸங்குலோऽபூத் ।

த்வத்போதிதைஸ்ஸநகதக்ஷமுகைஸ்தநூஜை-

ருத்போதிதஶ்ச விரராம தமோ விமுஞ்சந் ॥8॥

வேதாந் புராணநிவஹாநபி ஸர்வவித்யாஃ

குர்வந் நிஜாநநகணாச்சதுராநநோऽஸௌ ।

புத்ரேஷு தேஷு விநிதாய ஸ ஸர்கவ்ரு'த்தி-

மப்ராப்நுவம்ஸ்தவ பதாம்புஜமாஶ்ரிதோபூத் ॥9॥

ஜாநந்நுபாயமத தேஹமஜோ விபஜ்ய

ஸ்ரீபும்ஸபாவமபஜந்மநுதத்வதூப்யாம் ।

தாப்யாம் ச மாநுஷகுலாநி விவர்தயம்ஸ்த்வம்

கோவிந்த மாருதபுரேஶ நிருந்தி ரோகாந் ॥10॥

Roman (IAST) Transliteration

vaikuṇṭha vardhitabalo'tha bhavatprasādā-

dambhojayonirasṛjat kila jīvadehān |

sthāsnūni bhūruhamayāni tathā tiraścāṃ

jātiṃ manuṣyanivahānapi devabhedān ||1||

mithyāgrahāsmimatirāgavikopabhīti-

rajñānavṛttimiti pañcavidhāṃ sa sṛṣṭvā |

uddāmatāmasapadārthavidhānadūna -

stene tvadīyacaraṇasmaraṇaṃ viśuddhyai ||2||

tāvat sasarja manasā sanakaṃ sanandaṃ

bhūyaḥ sanātanamuniṃ ca sanatkumāram |

te sṛṣṭikarmaṇi tu tena niyujyamānā-

stvatpādabhaktirasikā jagṛhurna vāṇīm ||3||

tāvat prakopamuditaṃ pratirundhato'sya

bhrūmadhyato'jani mṛḍo bhavadekadeśaḥ |

nāmāni me kuru padāni ca hā viriñce-

tyādau ruroda kila tena sa rudranāmā ||4||

ekādaśāhvayatayā ca vibhinnarūpaṃ

rudraṃ vidhāya dayitā vanitāśca datvā |

tāvantyadatta ca padāni bhavatpraṇunnaḥ

prāha prajāviracanāya ca sādaraṃ tam ||5||

rudrābhisṛṣṭabhayadākṛtirudrasaṅgha-

sampūryamāṇabhuvanatrayabhītacetāḥ |

mā mā prajāḥ sṛja tapaścara maṅgalāye-

tyācaṣṭa taṃ kamalabhūrbhavadīritātmā ||6||

tasyātha sargarasikasya marīciratri-

statrāṅigarāḥ kratumuniḥ pulahaḥ pulastyaḥ |

aṅgādajāyata bhṛguśca vasiṣṭhadakṣau

śrīnāradaśca bhagavan bhavadaṅghridāsaḥ ||7||

dharmādikānabhisṛjannatha kardamaṃ ca

vāṇīṃ vidhāya vidhiraṅgajasaṅkulo'bhūt |

tvadbodhitaissanakadakṣamukhaistanūjai-

rudbodhitaśca virarāma tamo vimuñcan ||8||

vedān purāṇanivahānapi sarvavidyāḥ

kurvan nijānanagaṇāccaturānano'sau |

putreṣu teṣu vinidhāya sa sargavṛddhi-

maprāpnuvaṃstava padāmbujamāśritobhūt ||9||

jānannupāyamatha dehamajo vibhajya

srīpuṃsabhāvamabhajanmanutadvadhūbhyām |

tābhyāṃ ca mānuṣakulāni vivardhayaṃstvaṃ

govinda mārutapureśa nirundhi rogān ||10||

Sanskrit — Devanagari (original)

वैकुण्ठ वर्धितबलोऽथ भवत्प्रसादा-

दम्भोजयोनिरसृजत् किल जीवदेहान् ।

स्थास्नूनि भूरुहमयानि तथा तिरश्चां

जातिं मनुष्यनिवहानपि देवभेदान् ॥1॥

मिथ्याग्रहास्मिमतिरागविकोपभीति-

रज्ञानवृत्तिमिति पञ्चविधां स सृष्ट्वा ।

उद्दामतामसपदार्थविधानदून -

स्तेने त्वदीयचरणस्मरणं विशुद्ध्यै ॥2॥

तावत् ससर्ज मनसा सनकं सनन्दं

भूयः सनातनमुनिं च सनत्कुमारम् ।

ते सृष्टिकर्मणि तु तेन नियुज्यमाना-

स्त्वत्पादभक्तिरसिका जगृहुर्न वाणीम् ॥3॥

तावत् प्रकोपमुदितं प्रतिरुन्धतोऽस्य

भ्रूमध्यतोऽजनि मृडो भवदेकदेशः ।

नामानि मे कुरु पदानि च हा विरिञ्चे-

त्यादौ रुरोद किल तेन स रुद्रनामा ॥4॥

एकादशाह्वयतया च विभिन्नरूपं

रुद्रं विधाय दयिता वनिताश्च दत्वा ।

तावन्त्यदत्त च पदानि भवत्प्रणुन्नः

प्राह प्रजाविरचनाय च सादरं तम् ॥5॥

रुद्राभिसृष्टभयदाकृतिरुद्रसङ्घ-

सम्पूर्यमाणभुवनत्रयभीतचेताः ।

मा मा प्रजाः सृज तपश्चर मङ्गलाये-

त्याचष्ट तं कमलभूर्भवदीरितात्मा ॥6॥

तस्याथ सर्गरसिकस्य मरीचिरत्रि-

स्तत्राङिगराः क्रतुमुनिः पुलहः पुलस्त्यः ।

अङ्गादजायत भृगुश्च वसिष्ठदक्षौ

श्रीनारदश्च भगवन् भवदङ्घ्रिदासः ॥7॥

धर्मादिकानभिसृजन्नथ कर्दमं च

वाणीं विधाय विधिरङ्गजसङ्कुलोऽभूत् ।

त्वद्बोधितैस्सनकदक्षमुखैस्तनूजै-

रुद्बोधितश्च विरराम तमो विमुञ्चन् ॥8॥

वेदान् पुराणनिवहानपि सर्वविद्याः

कुर्वन् निजाननगणाच्चतुराननोऽसौ ।

पुत्रेषु तेषु विनिधाय स सर्गवृद्धि-

मप्राप्नुवंस्तव पदाम्बुजमाश्रितोभूत् ॥9॥

जानन्नुपायमथ देहमजो विभज्य

स्रीपुंसभावमभजन्मनुतद्वधूभ्याम् ।

ताभ्यां च मानुषकुलानि विवर्धयंस्त्वं

गोविन्द मारुतपुरेश निरुन्धि रोगान् ॥10॥