கத்வா ஸாந்தீபநிமத சதுஷ்ஷஷ்டிமாத்ரைரஹோபிஃ
ஸர்வஜ்ஞஸ்த்வம் ஸஹ முஸலிநா ஸர்வவித்யா க்ரு'ஹீத்வா ।
புத்ரம் நஷ்டம் யமநிலயநாதாஹ்ரு'தம் தக்ஷிணார்தம்
தத்வா தஸ்மை நிஜபுரமகா நாதயந் பாஞ்சஜந்யம் ॥1॥
ஸ்ம்ரு'த்வா ஸ்ம்ரு'த்வா பஶுபஸுத்ரு'ஶஃ ப்ரேமபாரப்ரணுந்நாஃ
காருண்யேந த்வமபி விவஶஃ ப்ராஹிணோருத்தவம் தம் ।
கிஞ்சாமுஷ்மை பரமஸுஹ்ரு'தே பக்தவர்யாய தாஸாம்
பக்த்யுத்ரேகம் ஸகலபுவநே துர்லபம் தர்ஶயிஷ்யந் ॥2॥
த்வந்மாஹாத்ம்யப்ரதிமபிஶுநம் கோகுலம் ப்ராப்ய ஸாயம்
த்வத்வார்தாபிர்பஹு ஸ ரமயாமாஸ நந்தம் யஶோதாம் ।
ப்ராதர்த்த்ரு'ஷ்ட்வா மணிமயரதம் ஶங்கிதாஃ பங்கஜாக்ஷ்யஃ
ஶ்ருத்வா ப்ராப்தம் பவதநுசரம் த்யக்தகார்யாஃ ஸமீயுஃ ॥3॥
த்ரு'ஷ்ட்வா சைநம் த்வதுபமலஸத்வேஷபூஷாபிராமம்
ஸ்ம்ரு'த்வா ஸ்ம்ரு'த்வா தவ விலஸிதாந்யுச்சகைஸ்தாநி தாநி ।
ருத்தாலாபாஃ கதமபி புநர்கத்கதாம் வாசமூசுஃ
ஸௌஜந்யாதீந் நிஜபரபிதாமப்யலம் விஸ்மரந்த்யஃ ॥4॥
ஶ்ரீமாந் கிம் த்வம் பித்ரு'ஜநக்ரு'தே ப்ரேஷிதோ நிர்தயேந
க்வாஸௌ காந்தோ நகரஸுத்ரு'ஶாம் ஹா ஹரே நாத பாயாஃ ।
ஆஶ்லேஷாணாமம்ரு'தவபுஷோ ஹந்த தே சும்பநாநா-
முந்மாதாநாம் குஹகவசஸாம் விஸ்மரேத் காந்த கா வா ॥5॥
ராஸக்ரீடாலுலிதலலிதம் விஶ்லதத்கேஶபாஶம்
மந்தோத்பிந்நஶ்ரமஜலகணம் லோபநீயம் த்வதங்கம் ।
காருண்யாப்தே ஸக்ரு'தபி ஸமாலிங்கிதும் தர்ஶயேதி
ப்ரேமோந்மாதாத்புவநமதந த்வத்ப்ரியாஸ்த்வாம் விலேபுஃ ॥6॥
ஏவம்ப்ராயைர்விவஶவசநைராகுலா கோபிகாஸ்தா-
ஸ்த்வத்ஸந்தேஶைஃ ப்ரக்ரு'திமநயத் ஸோऽத விஜ்ஞாநகர்பைஃ ।
பூயஸ்தாபிர்முதிதமதிபிஸ்த்வந்மயீபிர்வதூபி-
ஸ்தத்தத்வார்தாஸரஸமநயத் காநிசித்வாஸராணி ॥7॥
த்வத்ப்ரோத்காநைஃ ஸஹிதமநிஶம் ஸர்வதோ கேஹக்ரு'த்யம்
த்வத்வார்தைவ ப்ரஸரதி மிதஃ ஸைவ சோத்ஸ்வாபலாபாஃ ।
சேஷ்டாஃ ப்ராயஸ்த்வதநுக்ரு'தயஸ்த்வந்மயம் ஸர்வமேவம்
த்ரு'ஷ்ட்வா தத்ர வ்யமுஹததிகம் விஸ்மயாதுத்தவோऽயம் ॥8॥
ராதாயா மே ப்ரியதமமிதம் மத்ப்ரியைவம் ப்ரவீதி
த்வம் கிம் மௌநம் கலயஸி ஸகே மாநிநீமத்ப்ரியேவ।
இத்யாத்யேவ ப்ரவததி ஸகி த்வத்ப்ரியோ நிர்ஜநே மா-
மித்தம்வாதைரரமதயம் த்வத்ப்ரியாமுத்பலாக்ஷீம் ॥9॥
ஏஷ்யாமி த்ராகநுபகமநம் கேவலம் கார்யபாரா-
த்விஶ்லேஷேऽபி ஸ்மரணத்ரு'டதாஸம்பவாந்மாஸ்து கேதஃ ।
ப்ரஹ்மாநந்தே மிலதி நசிராத் ஸங்கமோ வா வியோக-
ஸ்துல்யோ வஃ ஸ்யாதிதி தவ கிரா ஸோऽகரோந்நிர்வ்யதாஸ்தாஃ ॥10॥
ஏவம் பக்தி ஸகலபுவநே நேக்ஷிதா ந ஶ்ருதா வா
கிம் ஶாஸ்த்ரௌகைஃ கிமிஹ தபஸா கோபிகாப்யோ நமோऽஸ்து ।
இத்யாநந்தாகுலமுபகதம் கோகுலாதுத்தவம் தம்
த்ரு'ஷ்ட்வா ஹ்ரு'ஷ்டோ குருபுரபதே பாஹி மாமாமயௌகாத் ॥11॥
Roman (IAST) Transliteration
gatvā sāndīpanimatha catuṣṣaṣṭimātrairahobhiḥ
sarvajñastvaṃ saha musalinā sarvavidyā gṛhītvā |
putraṃ naṣṭaṃ yamanilayanādāhṛtaṃ dakṣiṇārthaṃ
datvā tasmai nijapuramagā nādayan pāñcajanyam ||1||
smṛtvā smṛtvā paśupasudṛśaḥ premabhārapraṇunnāḥ
kāruṇyena tvamapi vivaśaḥ prāhiṇoruddhavaṃ tam |
kiñcāmuṣmai paramasuhṛde bhaktavaryāya tāsāṃ
bhaktyudrekaṃ sakalabhuvane durlabhaṃ darśayiṣyan ||2||
tvanmāhātmyaprathimapiśunaṃ gokulaṃ prāpya sāyaṃ
tvadvārtābhirbahu sa ramayāmāsa nandaṃ yaśodām |
prātarddṛṣṭvā maṇimayarathaṃ śaṅkitāḥ paṅkajākṣyaḥ
śrutvā prāptaṃ bhavadanucaraṃ tyaktakāryāḥ samīyuḥ ||3||
dṛṣṭvā cainaṃ tvadupamalasadveṣabhūṣābhirāmaṃ
smṛtvā smṛtvā tava vilasitānyuccakaistāni tāni |
ruddhālāpāḥ kathamapi punargadgadāṃ vācamūcuḥ
saujanyādīn nijaparabhidāmapyalaṃ vismarantyaḥ ||4||
śrīmān kiṃ tvaṃ pitṛjanakṛte preṣito nirdayena
kvāsau kānto nagarasudṛśāṃ hā hare nātha pāyāḥ |
āśleṣāṇāmamṛtavapuṣo hanta te cumbanānā-
munmādānāṃ kuhakavacasāṃ vismaret kānta kā vā ||5||
rāsakrīḍālulitalalitaṃ viślathatkeśapāśaṃ
mandodbhinnaśramajalakaṇaṃ lobhanīyaṃ tvadaṅgam |
kāruṇyābdhe sakṛdapi samāliṅgituṃ darśayeti
premonmādādbhuvanamadana tvatpriyāstvāṃ vilepuḥ ||6||
evamprāyairvivaśavacanairākulā gopikāstā-
stvatsandeśaiḥ prakṛtimanayat so'tha vijñānagarbhaiḥ |
bhūyastābhirmuditamatibhistvanmayībhirvadhūbhi-
stattadvārtāsarasamanayat kānicidvāsarāṇi ||7||
tvatprodgānaiḥ sahitamaniśaṃ sarvato gehakṛtyaṃ
tvadvārtaiva prasarati mithaḥ saiva cotsvāpalāpāḥ |
ceṣṭāḥ prāyastvadanukṛtayastvanmayaṃ sarvamevaṃ
dṛṣṭvā tatra vyamuhadadhikaṃ vismayāduddhavo'yam ||8||
rādhāyā me priyatamamidaṃ matpriyaivaṃ bravīti
tvaṃ kiṃ maunaṃ kalayasi sakhe māninīmatpriyeva|
ityādyeva pravadati sakhi tvatpriyo nirjane mā-
mitthaṃvādairaramadayaṃ tvatpriyāmutpalākṣīm ||9||
eṣyāmi drāganupagamanaṃ kevalaṃ kāryabhārā-
dviśleṣe'pi smaraṇadṛḍhatāsambhavānmāstu khedaḥ |
brahmānande milati nacirāt saṅgamo vā viyoga-
stulyo vaḥ syāditi tava girā so'karonnirvyathāstāḥ ||10||
evaṃ bhakti sakalabhuvane nekṣitā na śrutā vā
kiṃ śāstraughaiḥ kimiha tapasā gopikābhyo namo'stu |
ityānandākulamupagataṃ gokulāduddhavaṃ taṃ
dṛṣṭvā hṛṣṭo gurupurapate pāhi māmāmayaughāt ||11||
Sanskrit — Devanagari (original)
गत्वा सान्दीपनिमथ चतुष्षष्टिमात्रैरहोभिः
सर्वज्ञस्त्वं सह मुसलिना सर्वविद्या गृहीत्वा ।
पुत्रं नष्टं यमनिलयनादाहृतं दक्षिणार्थं
दत्वा तस्मै निजपुरमगा नादयन् पाञ्चजन्यम् ॥1॥
स्मृत्वा स्मृत्वा पशुपसुदृशः प्रेमभारप्रणुन्नाः
कारुण्येन त्वमपि विवशः प्राहिणोरुद्धवं तम् ।
किञ्चामुष्मै परमसुहृदे भक्तवर्याय तासां
भक्त्युद्रेकं सकलभुवने दुर्लभं दर्शयिष्यन् ॥2॥
त्वन्माहात्म्यप्रथिमपिशुनं गोकुलं प्राप्य सायं
त्वद्वार्ताभिर्बहु स रमयामास नन्दं यशोदाम् ।
प्रातर्द्दृष्ट्वा मणिमयरथं शङ्किताः पङ्कजाक्ष्यः
श्रुत्वा प्राप्तं भवदनुचरं त्यक्तकार्याः समीयुः ॥3॥
दृष्ट्वा चैनं त्वदुपमलसद्वेषभूषाभिरामं
स्मृत्वा स्मृत्वा तव विलसितान्युच्चकैस्तानि तानि ।
रुद्धालापाः कथमपि पुनर्गद्गदां वाचमूचुः
सौजन्यादीन् निजपरभिदामप्यलं विस्मरन्त्यः ॥4॥
श्रीमान् किं त्वं पितृजनकृते प्रेषितो निर्दयेन
क्वासौ कान्तो नगरसुदृशां हा हरे नाथ पायाः ।
आश्लेषाणाममृतवपुषो हन्त ते चुम्बनाना-
मुन्मादानां कुहकवचसां विस्मरेत् कान्त का वा ॥5॥
रासक्रीडालुलितललितं विश्लथत्केशपाशं
मन्दोद्भिन्नश्रमजलकणं लोभनीयं त्वदङ्गम् ।
कारुण्याब्धे सकृदपि समालिङ्गितुं दर्शयेति
प्रेमोन्मादाद्भुवनमदन त्वत्प्रियास्त्वां विलेपुः ॥6॥
एवम्प्रायैर्विवशवचनैराकुला गोपिकास्ता-
स्त्वत्सन्देशैः प्रकृतिमनयत् सोऽथ विज्ञानगर्भैः ।
भूयस्ताभिर्मुदितमतिभिस्त्वन्मयीभिर्वधूभि-
स्तत्तद्वार्तासरसमनयत् कानिचिद्वासराणि ॥7॥
त्वत्प्रोद्गानैः सहितमनिशं सर्वतो गेहकृत्यं
त्वद्वार्तैव प्रसरति मिथः सैव चोत्स्वापलापाः ।
चेष्टाः प्रायस्त्वदनुकृतयस्त्वन्मयं सर्वमेवं
दृष्ट्वा तत्र व्यमुहदधिकं विस्मयादुद्धवोऽयम् ॥8॥
राधाया मे प्रियतममिदं मत्प्रियैवं ब्रवीति
त्वं किं मौनं कलयसि सखे मानिनीमत्प्रियेव।
इत्याद्येव प्रवदति सखि त्वत्प्रियो निर्जने मा-
मित्थंवादैररमदयं त्वत्प्रियामुत्पलाक्षीम् ॥9॥
एष्यामि द्रागनुपगमनं केवलं कार्यभारा-
द्विश्लेषेऽपि स्मरणदृढतासम्भवान्मास्तु खेदः ।
ब्रह्मानन्दे मिलति नचिरात् सङ्गमो वा वियोग-
स्तुल्यो वः स्यादिति तव गिरा सोऽकरोन्निर्व्यथास्ताः ॥10॥
एवं भक्ति सकलभुवने नेक्षिता न श्रुता वा
किं शास्त्रौघैः किमिह तपसा गोपिकाभ्यो नमोऽस्तु ।
इत्यानन्दाकुलमुपगतं गोकुलादुद्धवं तं
दृष्ट्वा हृष्टो गुरुपुरपते पाहि मामामयौघात् ॥11॥
gatvā sāndīpanimatha catuṣṣaṣṭimātrairahobhiḥ
sarvajñastvaṃ saha musalinā sarvavidyā gṛhītvā |
putraṃ naṣṭaṃ yamanilayanādāhṛtaṃ dakṣiṇārthaṃ
datvā tasmai nijapuramagā nādayan pāñcajanyam ||1||
smṛtvā smṛtvā paśupasudṛśaḥ premabhārapraṇunnāḥ
kāruṇyena tvamapi vivaśaḥ prāhiṇoruddhavaṃ tam |
kiñcāmuṣmai paramasuhṛde bhaktavaryāya tāsāṃ
bhaktyudrekaṃ sakalabhuvane durlabhaṃ darśayiṣyan ||2||
tvanmāhātmyaprathimapiśunaṃ gokulaṃ prāpya sāyaṃ
tvadvārtābhirbahu sa ramayāmāsa nandaṃ yaśodām |
prātarddṛṣṭvā maṇimayarathaṃ śaṅkitāḥ paṅkajākṣyaḥ
śrutvā prāptaṃ bhavadanucaraṃ tyaktakāryāḥ samīyuḥ ||3||
dṛṣṭvā cainaṃ tvadupamalasadveṣabhūṣābhirāmaṃ
smṛtvā smṛtvā tava vilasitānyuccakaistāni tāni |
ruddhālāpāḥ kathamapi punargadgadāṃ vācamūcuḥ
saujanyādīn nijaparabhidāmapyalaṃ vismarantyaḥ ||4||
śrīmān kiṃ tvaṃ pitṛjanakṛte preṣito nirdayena
kvāsau kānto nagarasudṛśāṃ hā hare nātha pāyāḥ |
āśleṣāṇāmamṛtavapuṣo hanta te cumbanānā-
munmādānāṃ kuhakavacasāṃ vismaret kānta kā vā ||5||
rāsakrīḍālulitalalitaṃ viślathatkeśapāśaṃ
mandodbhinnaśramajalakaṇaṃ lobhanīyaṃ tvadaṅgam |
kāruṇyābdhe sakṛdapi samāliṅgituṃ darśayeti
premonmādādbhuvanamadana tvatpriyāstvāṃ vilepuḥ ||6||
evamprāyairvivaśavacanairākulā gopikāstā-
stvatsandeśaiḥ prakṛtimanayat so'tha vijñānagarbhaiḥ |
bhūyastābhirmuditamatibhistvanmayībhirvadhūbhi-
stattadvārtāsarasamanayat kānicidvāsarāṇi ||7||
tvatprodgānaiḥ sahitamaniśaṃ sarvato gehakṛtyaṃ
tvadvārtaiva prasarati mithaḥ saiva cotsvāpalāpāḥ |
ceṣṭāḥ prāyastvadanukṛtayastvanmayaṃ sarvamevaṃ
dṛṣṭvā tatra vyamuhadadhikaṃ vismayāduddhavo'yam ||8||
rādhāyā me priyatamamidaṃ matpriyaivaṃ bravīti
tvaṃ kiṃ maunaṃ kalayasi sakhe māninīmatpriyeva|
ityādyeva pravadati sakhi tvatpriyo nirjane mā-
mitthaṃvādairaramadayaṃ tvatpriyāmutpalākṣīm ||9||
eṣyāmi drāganupagamanaṃ kevalaṃ kāryabhārā-
dviśleṣe'pi smaraṇadṛḍhatāsambhavānmāstu khedaḥ |
brahmānande milati nacirāt saṅgamo vā viyoga-
stulyo vaḥ syāditi tava girā so'karonnirvyathāstāḥ ||10||
evaṃ bhakti sakalabhuvane nekṣitā na śrutā vā
kiṃ śāstraughaiḥ kimiha tapasā gopikābhyo namo'stu |
ityānandākulamupagataṃ gokulāduddhavaṃ taṃ
dṛṣṭvā hṛṣṭo gurupurapate pāhi māmāmayaughāt ||11||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.