வேதைஸ்ஸர்வாணி கர்மாண்யபலபரதயா வர்ணிதாநீதி புத்வா
தாநி த்வய்யர்பிதாந்யேவ ஹி ஸமநுசரந் யாநி நைஷ்கர்ம்யமீஶ ।
மா பூத்வேதைர்நிஷித்தே குஹசிதபி மநஃகர்மவாசாம் ப்ரவ்ரு'த்தி-
ர்துர்வர்ஜம் சேதவாப்தம் ததபி கலு பவத்யர்பயே சித்ப்ரகாஶே ॥1॥
யஸ்த்வந்யஃ கர்மயோகஸ்தவ பஜநமயஸ்தத்ர சாபீஷ்டமூர்திம்
ஹ்ரு'த்யாம் ஸத்த்வைகரூபாம் த்ரு'ஷதி ஹ்ரு'தி ம்ரு'தி க்வாபி வா பாவயித்வா ।
புஷ்பைர்கந்தைர்நிவேத்யைரபி ச விரசிதைஃ ஶக்திதோ பக்திபூதை-
ர்நித்யம் வர்யாம் ஸபர்யாம் விதததயி விபோ த்வத்ப்ரஸாதம் பஜேயம் ॥2॥
ஸ்த்ரீஶூத்ராஸ்த்வத்கதாதிஶ்ரவணவிரஹிதா ஆஸதாம் தே தயார்ஹா-
ஸ்த்வத்பாதாஸந்நயாதாந் த்விஜகுலஜநுஷோ ஹந்த ஶோசாம்யஶாந்தாந் ।
வ்ரு'த்த்யர்தம் தே யஜந்தோ பஹுகதிதமபி த்வாமநாகர்ணயந்தோ
த்ரு'ப்தா வித்யாபிஜாத்யைஃ கிமு ந விதததே தாத்ரு'ஶம் மா க்ரு'தா மாம் ॥3॥
பாபோऽயம் க்ரு'ஷ்ணராமேத்யபிலபதி நிஜம் கூஹிதும் துஶ்சரித்ரம்
நிர்லஜ்ஜஸ்யாஸ்ய வாசா பஹுதரகதநீயாநி மே விக்நிதாநி ।
ப்ராதா மே வந்த்யஶீலோ பஜதி கில ஸதா விஷ்ணுமித்தம் புதாம்ஸ்தே
நிந்தந்த்யுச்சைர்ஹஸந்தி த்வயி நிஹிதமதீம்ஸ்தாத்ரு'ஶம் மா க்ரு'தா மாம் ॥4॥
ஶ்வேதச்சாயம் க்ரு'தே த்வாம் முநிவரவபுஷம் ப்ரீணயந்தே தபோபி-
ஸ்த்ரேதாயாம் ஸ்ருக்ஸ்ருவாத்யங்கிதமருணதநும் யஜ்ஞரூபம் யஜந்தே ।
ஸேவந்தே தந்த்ரமார்கைர்விலஸதரிகதம் த்வாபரே ஶ்யாமலாங்கம்
நீலம் ஸங்கீர்தநாத்யைரிஹ கலிஸமயே மாநுஷாஸ்த்வாம் பஜந்தே ॥5॥
ஸோऽயம் காலேயகாலோ ஜயதி முரரிபோ யத்ர ஸங்கீர்தநாத்யை-
ர்நிர்யத்நைரேவ மார்கைரகிலத ந சிராத்த்வத்ப்ரஸாதம் பஜந்தே ।
ஜாதாஸ்த்ரேதாக்ரு'தாதாவபி ஹி கில கலௌ ஸம்பவம் காமயந்தே
தைவாத்தத்ரைவ ஜாதாந் விஷயவிஷரஸைர்மா விபோ வஞ்சயாஸ்மாந் ॥6॥
பக்தாஸ்தாவத்கலௌ ஸ்யுர்த்ரமிலபுவி ததோ பூரிஶஸ்தத்ர சோச்சை:
காவேரீம் தாம்ரபர்ணீமநு கில க்ரு'தமாலாம் ச புண்யாம் ப்ரதீசீம் ।
ஹா மாமப்யேததந்தர்பவமபி ச விபோ கிஞ்சிதஞ்சத்ரஸம் த்வ-
ய்யாஶாபாஶைர்நிபத்ய ப்ரமய ந பகவந் பூரய த்வந்நிஷேவாம் ॥7॥
த்ரு'ஷ்ட்வா தர்மத்ருஹம் தம் கலிமபகருணம் ப்ராங்மஹீக்ஷித் பரீக்ஷித்
ஹந்தும் வ்யாக்ரு'ஷ்டகட்கோऽபி ந விநிஹதவாந் ஸாரவேதீ குணாம்ஶாத் ।
த்வத்ஸேவாத்யாஶு ஸித்த்யேதஸதிஹ ந ததா த்வத்பரே சைஷ பீரு-
ர்யத்து ப்ராகேவ ரோகாதிபிரபஹரதே தத்ர ஹா ஶிக்ஷயைநம் ॥8॥
கங்கா கீதா ச காயத்ர்யபி ச துலஸிகா கோபிகாசந்தநம் தத்
ஸாலக்ராமாபிபூஜா பரபுருஷ ததைகாதஶீ நாமவர்ணாஃ ।
ஏதாந்யஷ்டாப்யயத்நாந்யபி கலிஸமயே த்வத்ப்ரஸாதப்ரவ்ரு'த்த்யா
க்ஷிப்ரம் முக்திப்ரதாநீத்யபிததுஃ ரு'ஷயஸ்தேஷு மாம் ஸஜ்ஜயேதாஃ ॥9॥
தேவர்ஷீணாம் பித்ரு'ணாமபி ந புநஃ ரு'ணீ கிங்கரோ வா ஸ பூமந் ।
யோऽஸௌ ஸர்வாத்மநா த்வாம் ஶரணமுபகதஸ்ஸர்வக்ரு'த்யாநி ஹித்வா ।
தஸ்யோத்பந்நம் விகர்மாப்யகிலமபநுதஸ்யேவ சித்தஸ்திதஸ்த்வம்
தந்மே பாபோத்ததாபாந் பவநபுரபதே ருந்தி பக்திம் ப்ரணீயாஃ ॥10॥
Roman (IAST) Transliteration
vedaissarvāṇi karmāṇyaphalaparatayā varṇitānīti budhvā
tāni tvayyarpitānyeva hi samanucaran yāni naiṣkarmyamīśa |
mā bhūdvedairniṣiddhe kuhacidapi manaḥkarmavācāṃ pravṛtti-
rdurvarjaṃ cedavāptaṃ tadapi khalu bhavatyarpaye citprakāśe ||1||
yastvanyaḥ karmayogastava bhajanamayastatra cābhīṣṭamūrtiṃ
hṛdyāṃ sattvaikarūpāṃ dṛṣadi hṛdi mṛdi kvāpi vā bhāvayitvā |
puṣpairgandhairnivedyairapi ca viracitaiḥ śaktito bhaktipūtai-
rnityaṃ varyāṃ saparyāṃ vidadhadayi vibho tvatprasādaṃ bhajeyam ||2||
strīśūdrāstvatkathādiśravaṇavirahitā āsatāṃ te dayārhā-
stvatpādāsannayātān dvijakulajanuṣo hanta śocāmyaśāntān |
vṛttyarthaṃ te yajanto bahukathitamapi tvāmanākarṇayanto
dṛptā vidyābhijātyaiḥ kimu na vidadhate tādṛśaṃ mā kṛthā mām ||3||
pāpo'yaṃ kṛṣṇarāmetyabhilapati nijaṃ gūhituṃ duścaritraṃ
nirlajjasyāsya vācā bahutarakathanīyāni me vighnitāni |
bhrātā me vandhyaśīlo bhajati kila sadā viṣṇumitthaṃ budhāṃste
nindantyuccairhasanti tvayi nihitamatīṃstādṛśaṃ mā kṛthā mām ||4||
śvetacchāyaṃ kṛte tvāṃ munivaravapuṣaṃ prīṇayante tapobhi-
stretāyāṃ sruksruvādyaṅkitamaruṇatanuṃ yajñarūpaṃ yajante |
sevante tantramārgairvilasadarigadaṃ dvāpare śyāmalāṅgaṃ
nīlaṃ saṅkīrtanādyairiha kalisamaye mānuṣāstvāṃ bhajante ||5||
so'yaṃ kāleyakālo jayati muraripo yatra saṅkīrtanādyai-
rniryatnaireva mārgairakhilada na cirāttvatprasādaṃ bhajante |
jātāstretākṛtādāvapi hi kila kalau sambhavaṃ kāmayante
daivāttatraiva jātān viṣayaviṣarasairmā vibho vañcayāsmān ||6||
bhaktāstāvatkalau syurdramilabhuvi tato bhūriśastatra coccai:
kāverīṃ tāmraparṇīmanu kila kṛtamālāṃ ca puṇyāṃ pratīcīm |
hā māmapyetadantarbhavamapi ca vibho kiñcidañcadrasaṃ tva-
yyāśāpāśairnibadhya bhramaya na bhagavan pūraya tvanniṣevām ||7||
dṛṣṭvā dharmadruhaṃ taṃ kalimapakaruṇaṃ prāṅmahīkṣit parīkṣit
hantuṃ vyākṛṣṭakhaḍgo'pi na vinihatavān sāravedī guṇāṃśāt |
tvatsevādyāśu siddhyedasadiha na tathā tvatpare caiṣa bhīru-
ryattu prāgeva rogādibhirapaharate tatra hā śikṣayainam ||8||
gaṅgā gītā ca gāyatryapi ca tulasikā gopikācandanaṃ tat
sālagrāmābhipūjā parapuruṣa tathaikādaśī nāmavarṇāḥ |
etānyaṣṭāpyayatnānyapi kalisamaye tvatprasādapravṛddhyā
kṣipraṃ muktipradānītyabhidadhuḥ ṛṣayasteṣu māṃ sajjayethāḥ ||9||
devarṣīṇāṃ pitṛṇāmapi na punaḥ ṛṇī kiṅkaro vā sa bhūman |
yo'sau sarvātmanā tvāṃ śaraṇamupagatassarvakṛtyāni hitvā |
tasyotpannaṃ vikarmāpyakhilamapanudasyeva cittasthitastvaṃ
tanme pāpotthatāpān pavanapurapate rundhi bhaktiṃ praṇīyāḥ ||10||
Sanskrit — Devanagari (original)
वेदैस्सर्वाणि कर्माण्यफलपरतया वर्णितानीति बुध्वा
तानि त्वय्यर्पितान्येव हि समनुचरन् यानि नैष्कर्म्यमीश ।
मा भूद्वेदैर्निषिद्धे कुहचिदपि मनःकर्मवाचां प्रवृत्ति-
र्दुर्वर्जं चेदवाप्तं तदपि खलु भवत्यर्पये चित्प्रकाशे ॥1॥
यस्त्वन्यः कर्मयोगस्तव भजनमयस्तत्र चाभीष्टमूर्तिं
हृद्यां सत्त्वैकरूपां दृषदि हृदि मृदि क्वापि वा भावयित्वा ।
पुष्पैर्गन्धैर्निवेद्यैरपि च विरचितैः शक्तितो भक्तिपूतै-
र्नित्यं वर्यां सपर्यां विदधदयि विभो त्वत्प्रसादं भजेयम् ॥2॥
स्त्रीशूद्रास्त्वत्कथादिश्रवणविरहिता आसतां ते दयार्हा-
स्त्वत्पादासन्नयातान् द्विजकुलजनुषो हन्त शोचाम्यशान्तान् ।
वृत्त्यर्थं ते यजन्तो बहुकथितमपि त्वामनाकर्णयन्तो
दृप्ता विद्याभिजात्यैः किमु न विदधते तादृशं मा कृथा माम् ॥3॥
पापोऽयं कृष्णरामेत्यभिलपति निजं गूहितुं दुश्चरित्रं
निर्लज्जस्यास्य वाचा बहुतरकथनीयानि मे विघ्नितानि ।
भ्राता मे वन्ध्यशीलो भजति किल सदा विष्णुमित्थं बुधांस्ते
निन्दन्त्युच्चैर्हसन्ति त्वयि निहितमतींस्तादृशं मा कृथा माम् ॥4॥
श्वेतच्छायं कृते त्वां मुनिवरवपुषं प्रीणयन्ते तपोभि-
स्त्रेतायां स्रुक्स्रुवाद्यङ्कितमरुणतनुं यज्ञरूपं यजन्ते ।
सेवन्ते तन्त्रमार्गैर्विलसदरिगदं द्वापरे श्यामलाङ्गं
नीलं सङ्कीर्तनाद्यैरिह कलिसमये मानुषास्त्वां भजन्ते ॥5॥
सोऽयं कालेयकालो जयति मुररिपो यत्र सङ्कीर्तनाद्यै-
र्निर्यत्नैरेव मार्गैरखिलद न चिरात्त्वत्प्रसादं भजन्ते ।
जातास्त्रेताकृतादावपि हि किल कलौ सम्भवं कामयन्ते
दैवात्तत्रैव जातान् विषयविषरसैर्मा विभो वञ्चयास्मान् ॥6॥
भक्तास्तावत्कलौ स्युर्द्रमिलभुवि ततो भूरिशस्तत्र चोच्चै:
कावेरीं ताम्रपर्णीमनु किल कृतमालां च पुण्यां प्रतीचीम् ।
हा मामप्येतदन्तर्भवमपि च विभो किञ्चिदञ्चद्रसं त्व-
य्याशापाशैर्निबध्य भ्रमय न भगवन् पूरय त्वन्निषेवाम् ॥7॥
दृष्ट्वा धर्मद्रुहं तं कलिमपकरुणं प्राङ्महीक्षित् परीक्षित्
हन्तुं व्याकृष्टखड्गोऽपि न विनिहतवान् सारवेदी गुणांशात् ।
त्वत्सेवाद्याशु सिद्ध्येदसदिह न तथा त्वत्परे चैष भीरु-
र्यत्तु प्रागेव रोगादिभिरपहरते तत्र हा शिक्षयैनम् ॥8॥
गङ्गा गीता च गायत्र्यपि च तुलसिका गोपिकाचन्दनं तत्
सालग्रामाभिपूजा परपुरुष तथैकादशी नामवर्णाः ।
एतान्यष्टाप्ययत्नान्यपि कलिसमये त्वत्प्रसादप्रवृद्ध्या
क्षिप्रं मुक्तिप्रदानीत्यभिदधुः ऋषयस्तेषु मां सज्जयेथाः ॥9॥
देवर्षीणां पितृणामपि न पुनः ऋणी किङ्करो वा स भूमन् ।
योऽसौ सर्वात्मना त्वां शरणमुपगतस्सर्वकृत्यानि हित्वा ।
तस्योत्पन्नं विकर्माप्यखिलमपनुदस्येव चित्तस्थितस्त्वं
तन्मे पापोत्थतापान् पवनपुरपते रुन्धि भक्तिं प्रणीयाः ॥10॥
vedaissarvāṇi karmāṇyaphalaparatayā varṇitānīti budhvā
tāni tvayyarpitānyeva hi samanucaran yāni naiṣkarmyamīśa |
mā bhūdvedairniṣiddhe kuhacidapi manaḥkarmavācāṃ pravṛtti-
rdurvarjaṃ cedavāptaṃ tadapi khalu bhavatyarpaye citprakāśe ||1||
yastvanyaḥ karmayogastava bhajanamayastatra cābhīṣṭamūrtiṃ
hṛdyāṃ sattvaikarūpāṃ dṛṣadi hṛdi mṛdi kvāpi vā bhāvayitvā |
puṣpairgandhairnivedyairapi ca viracitaiḥ śaktito bhaktipūtai-
rnityaṃ varyāṃ saparyāṃ vidadhadayi vibho tvatprasādaṃ bhajeyam ||2||
strīśūdrāstvatkathādiśravaṇavirahitā āsatāṃ te dayārhā-
stvatpādāsannayātān dvijakulajanuṣo hanta śocāmyaśāntān |
vṛttyarthaṃ te yajanto bahukathitamapi tvāmanākarṇayanto
dṛptā vidyābhijātyaiḥ kimu na vidadhate tādṛśaṃ mā kṛthā mām ||3||
pāpo'yaṃ kṛṣṇarāmetyabhilapati nijaṃ gūhituṃ duścaritraṃ
nirlajjasyāsya vācā bahutarakathanīyāni me vighnitāni |
bhrātā me vandhyaśīlo bhajati kila sadā viṣṇumitthaṃ budhāṃste
nindantyuccairhasanti tvayi nihitamatīṃstādṛśaṃ mā kṛthā mām ||4||
śvetacchāyaṃ kṛte tvāṃ munivaravapuṣaṃ prīṇayante tapobhi-
stretāyāṃ sruksruvādyaṅkitamaruṇatanuṃ yajñarūpaṃ yajante |
sevante tantramārgairvilasadarigadaṃ dvāpare śyāmalāṅgaṃ
nīlaṃ saṅkīrtanādyairiha kalisamaye mānuṣāstvāṃ bhajante ||5||
so'yaṃ kāleyakālo jayati muraripo yatra saṅkīrtanādyai-
rniryatnaireva mārgairakhilada na cirāttvatprasādaṃ bhajante |
jātāstretākṛtādāvapi hi kila kalau sambhavaṃ kāmayante
daivāttatraiva jātān viṣayaviṣarasairmā vibho vañcayāsmān ||6||
bhaktāstāvatkalau syurdramilabhuvi tato bhūriśastatra coccai:
kāverīṃ tāmraparṇīmanu kila kṛtamālāṃ ca puṇyāṃ pratīcīm |
hā māmapyetadantarbhavamapi ca vibho kiñcidañcadrasaṃ tva-
yyāśāpāśairnibadhya bhramaya na bhagavan pūraya tvanniṣevām ||7||
dṛṣṭvā dharmadruhaṃ taṃ kalimapakaruṇaṃ prāṅmahīkṣit parīkṣit
hantuṃ vyākṛṣṭakhaḍgo'pi na vinihatavān sāravedī guṇāṃśāt |
tvatsevādyāśu siddhyedasadiha na tathā tvatpare caiṣa bhīru-
ryattu prāgeva rogādibhirapaharate tatra hā śikṣayainam ||8||
gaṅgā gītā ca gāyatryapi ca tulasikā gopikācandanaṃ tat
sālagrāmābhipūjā parapuruṣa tathaikādaśī nāmavarṇāḥ |
etānyaṣṭāpyayatnānyapi kalisamaye tvatprasādapravṛddhyā
kṣipraṃ muktipradānītyabhidadhuḥ ṛṣayasteṣu māṃ sajjayethāḥ ||9||
devarṣīṇāṃ pitṛṇāmapi na punaḥ ṛṇī kiṅkaro vā sa bhūman |
yo'sau sarvātmanā tvāṃ śaraṇamupagatassarvakṛtyāni hitvā |
tasyotpannaṃ vikarmāpyakhilamapanudasyeva cittasthitastvaṃ
tanme pāpotthatāpān pavanapurapate rundhi bhaktiṃ praṇīyāḥ ||10||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.