Narayaniyam Dashaka 58 - Davagnisamrakshanam Tatha Rituvarnanam — Tamil Script

த்வயி விஹரணலோலே பாலஜாலைஃ ப்ரலம்ப-

ப்ரமதநஸவிலம்பே தேநவஃ ஸ்வைரசாராஃ ।

த்ரு'ணகுதுகநிவிஷ்டா தூரதூரம் சரந்த்யஃ

கிமபி விபிநமைஷீகாக்யமீஷாம்பபூவுஃ ॥1॥

அநதிகதநிதாகக்ரௌர்யவ்ரு'ந்தாவநாந்தாத்

பஹிரிதமுபயாதாஃ காநநம் தேநவஸ்தாஃ ।

தவ விரஹவிஷண்ணா ஊஷ்மலக்ரீஷ்மதாப-

ப்ரஸரவிஸரதம்பஸ்யாகுலாஃ ஸ்தம்பமாபுஃ ॥2॥

ததநு ஸஹ ஸஹாயைர்தூரமந்விஷ்ய ஶௌரே

கலிதஸரணிமுஞ்ஜாரண்யஸஞ்ஜாதகேதம் ।

பஶுகுலமபிவீக்ஷ்ய க்ஷிப்ரமாநேதுமாரா-

த்த்வயி கதவதி ஹீ ஹீ ஸர்வதோऽக்நிர்ஜஜ்ரு'ம்பே ॥3॥

ஸகலஹரிதி தீப்தே கோரபாங்காரபீமே

ஶிகிநி விஹதமார்கா அர்ததக்தா இவார்தாஃ ।

அஹஹ புவநபந்தோ பாஹி பாஹீதி ஸர்வே

ஶரணமுபகதாஸ்த்வாம் தாபஹர்தாரமேகம் ॥4॥

அலமலமதிபீத்யா ஸர்வதோ மீலயத்வம்

த்ரு'ஶமிதி தவ வாசா மீலிதாக்ஷேஷு தேஷு ।

க்வ நு தவதஹநோऽஸௌ குத்ர முஞ்ஜாடவீ ஸா

ஸபதி வவ்ரு'திரே தே ஹந்த பாண்டீரதேஶே ॥5॥

ஜய ஜய தவ மாயா கேயமீஶேதி தேஷாம்

நுதிபிருதிதஹாஸோ பத்தநாநாவிலாஸஃ ।

புநரபி விபிநாந்தே ப்ராசரஃ பாடலாதி-

ப்ரஸவநிகரமாத்ரக்ராஹ்யகர்மாநுபாவே ॥6॥

த்வயி விமுகமிவோச்சைஸ்தாபபாரம் வஹந்தம்

தவ பஜநவதந்தஃ பங்கமுச்சோஷயந்தம் ।

தவ புஜவதுதஞ்சத்பூரிதேஜஃப்ரவாஹம்

தபஸமயமநைஷீர்யாமுநேஷு ஸ்தலேஷு ॥7॥

ததநு ஜலதஜாலைஸ்த்வத்வபுஸ்துல்யபாபி-

ர்விகஸதமலவித்யுத்பீதவாஸோவிலாஸைஃ ।

ஸகலபுவநபாஜாம் ஹர்ஷதாம் வர்ஷவேலாம்

க்ஷிதிதரகுஹரேஷு ஸ்வைரவாஸீ வ்யநைஷீஃ ॥8॥

குஹரதலநிவிஷ்டம் த்வாம் கரிஷ்டம் கிரீந்த்ரஃ

ஶிகிகுலநவகேகாகாகுபிஃ ஸ்தோத்ரகாரீ ।

ஸ்புடகுடஜகதம்பஸ்தோமபுஷ்பாஞ்ஜலிம் ச

ப்ரவிதததநுபேஜே தேவ கோவர்தநோऽஸௌ ॥9॥

அத ஶரதமுபேதாம் தாம் பவத்பக்தசேதோ-

விமலஸலிலபூராம் மாநயந் காநநேஷு ।

த்ரு'ணமமலவநாந்தே சாரு ஸஞ்சாரயந் காஃ

பவநபுரபதே த்வம் தேஹி மே தேஹஸௌக்யம் ॥10॥

Roman (IAST) Transliteration

tvayi viharaṇalole bālajālaiḥ pralamba-

pramathanasavilambe dhenavaḥ svairacārāḥ |

tṛṇakutukaniviṣṭā dūradūraṃ carantyaḥ

kimapi vipinamaiṣīkākhyamīṣāmbabhūvuḥ ||1||

anadhigatanidāghakrauryavṛndāvanāntāt

bahiridamupayātāḥ kānanaṃ dhenavastāḥ |

tava virahaviṣaṇṇā ūṣmalagrīṣmatāpa-

prasaravisaradambhasyākulāḥ stambhamāpuḥ ||2||

tadanu saha sahāyairdūramanviṣya śaure

galitasaraṇimuñjāraṇyasañjātakhedam |

paśukulamabhivīkṣya kṣipramānetumārā-

ttvayi gatavati hī hī sarvato'gnirjajṛmbhe ||3||

sakalahariti dīpte ghorabhāṅkārabhīme

śikhini vihatamārgā ardhadagdhā ivārtāḥ |

ahaha bhuvanabandho pāhi pāhīti sarve

śaraṇamupagatāstvāṃ tāpahartāramekam ||4||

alamalamatibhītyā sarvato mīlayadhvaṃ

dṛśamiti tava vācā mīlitākṣeṣu teṣu |

kva nu davadahano'sau kutra muñjāṭavī sā

sapadi vavṛtire te hanta bhāṇḍīradeśe ||5||

jaya jaya tava māyā keyamīśeti teṣāṃ

nutibhiruditahāso baddhanānāvilāsaḥ |

punarapi vipinānte prācaraḥ pāṭalādi-

prasavanikaramātragrāhyagharmānubhāve ||6||

tvayi vimukhamivoccaistāpabhāraṃ vahantaṃ

tava bhajanavadantaḥ paṅkamucchoṣayantam |

tava bhujavadudañcadbhūritejaḥpravāhaṃ

tapasamayamanaiṣīryāmuneṣu sthaleṣu ||7||

tadanu jaladajālaistvadvapustulyabhābhi-

rvikasadamalavidyutpītavāsovilāsaiḥ |

sakalabhuvanabhājāṃ harṣadāṃ varṣavelāṃ

kṣitidharakuhareṣu svairavāsī vyanaiṣīḥ ||8||

kuharatalaniviṣṭaṃ tvāṃ gariṣṭhaṃ girīndraḥ

śikhikulanavakekākākubhiḥ stotrakārī |

sphuṭakuṭajakadambastomapuṣpāñjaliṃ ca

pravidadhadanubheje deva govardhano'sau ||9||

atha śaradamupetāṃ tāṃ bhavadbhaktaceto-

vimalasalilapūrāṃ mānayan kānaneṣu |

tṛṇamamalavanānte cāru sañcārayan gāḥ

pavanapurapate tvaṃ dehi me dehasaukhyam ||10||

Sanskrit — Devanagari (original)

त्वयि विहरणलोले बालजालैः प्रलम्ब-

प्रमथनसविलम्बे धेनवः स्वैरचाराः ।

तृणकुतुकनिविष्टा दूरदूरं चरन्त्यः

किमपि विपिनमैषीकाख्यमीषाम्बभूवुः ॥1॥

अनधिगतनिदाघक्रौर्यवृन्दावनान्तात्

बहिरिदमुपयाताः काननं धेनवस्ताः ।

तव विरहविषण्णा ऊष्मलग्रीष्मताप-

प्रसरविसरदम्भस्याकुलाः स्तम्भमापुः ॥2॥

तदनु सह सहायैर्दूरमन्विष्य शौरे

गलितसरणिमुञ्जारण्यसञ्जातखेदम् ।

पशुकुलमभिवीक्ष्य क्षिप्रमानेतुमारा-

त्त्वयि गतवति ही ही सर्वतोऽग्निर्जजृम्भे ॥3॥

सकलहरिति दीप्ते घोरभाङ्कारभीमे

शिखिनि विहतमार्गा अर्धदग्धा इवार्ताः ।

अहह भुवनबन्धो पाहि पाहीति सर्वे

शरणमुपगतास्त्वां तापहर्तारमेकम् ॥4॥

अलमलमतिभीत्या सर्वतो मीलयध्वं

दृशमिति तव वाचा मीलिताक्षेषु तेषु ।

क्व नु दवदहनोऽसौ कुत्र मुञ्जाटवी सा

सपदि ववृतिरे ते हन्त भाण्डीरदेशे ॥5॥

जय जय तव माया केयमीशेति तेषां

नुतिभिरुदितहासो बद्धनानाविलासः ।

पुनरपि विपिनान्ते प्राचरः पाटलादि-

प्रसवनिकरमात्रग्राह्यघर्मानुभावे ॥6॥

त्वयि विमुखमिवोच्चैस्तापभारं वहन्तं

तव भजनवदन्तः पङ्कमुच्छोषयन्तम् ।

तव भुजवदुदञ्चद्भूरितेजःप्रवाहं

तपसमयमनैषीर्यामुनेषु स्थलेषु ॥7॥

तदनु जलदजालैस्त्वद्वपुस्तुल्यभाभि-

र्विकसदमलविद्युत्पीतवासोविलासैः ।

सकलभुवनभाजां हर्षदां वर्षवेलां

क्षितिधरकुहरेषु स्वैरवासी व्यनैषीः ॥8॥

कुहरतलनिविष्टं त्वां गरिष्ठं गिरीन्द्रः

शिखिकुलनवकेकाकाकुभिः स्तोत्रकारी ।

स्फुटकुटजकदम्बस्तोमपुष्पाञ्जलिं च

प्रविदधदनुभेजे देव गोवर्धनोऽसौ ॥9॥

अथ शरदमुपेतां तां भवद्भक्तचेतो-

विमलसलिलपूरां मानयन् काननेषु ।

तृणममलवनान्ते चारु सञ्चारयन् गाः

पवनपुरपते त्वं देहि मे देहसौख्यम् ॥10॥