புரா ஹயக்ரீவமஹாஸுரேண ஷஷ்டாந்தராந்தோத்யதகாண்டகல்பே ।
நித்ரோந்முகப்ரஹ்மமுகாத் ஹ்ரு'தேஷு வேதேஷ்வதித்ஸஃ கில மத்ஸ்யரூபம் ॥1॥
ஸத்யவ்ரதஸ்ய த்ரமிலாதிபர்துர்நதீஜலே தர்பயதஸ்ததாநீம் ।
கராஞ்ஜலௌ ஸஞ்ஜ்வலிதாக்ரு'திஸ்த்வமத்ரு'ஶ்யதாஃ கஶ்சந பாலமீநஃ ॥2॥
க்ஷிப்தம் ஜலே த்வாம் சகிதம் விலோக்ய நிந்யேऽம்புபாத்ரேண முநிஃ ஸ்வகேஹம் ।
ஸ்வல்பைரஹோபிஃ கலஶீம் ச கூபம் வாபீம் ஸரஶ்சாநஶிஷே விபோ த்வம் ॥3॥
யோகப்ரபாவாத்பவதாஜ்ஞயைவ நீதஸ்ததஸ்த்வம் முநிநா பயோதிம் ।
ப்ரு'ஷ்டோऽமுநா கல்பதித்ரு'க்ஷுமேநம் ஸப்தாஹமாஸ்வேதி வதந்நயாஸீஃ ॥4॥
ப்ராப்தே த்வதுக்தேऽஹநி வாரிதாராபரிப்லுதே பூமிதலே முநீந்த்ரஃ ।
ஸப்தர்ஷிபிஃ ஸார்தமபாரவாரிண்யுத்கூர்ணமாநஃ ஶரணம் யயௌ த்வாம் ॥5॥
தராம் த்வதாதேஶகரீமவாப்தாம் நௌரூபிணீமாருருஹுஸ்ததா தே
தத்கம்பகம்ப்ரேஷு ச தேஷு பூயஸ்த்வமம்புதேராவிரபூர்மஹீயாந் ॥6॥
சஷாக்ரு'திம் யோஜநலக்ஷதீர்காம் ததாநமுச்சைஸ்தரதேஜஸம் த்வாம் ।
நிரீக்ஷ்ய துஷ்டா முநயஸ்த்வதுக்த்யா த்வத்துங்கஶ்ரு'ங்கே தரணிம் பபந்துஃ ॥7॥
ஆக்ரு'ஷ்டநௌகோ முநிமண்டலாய ப்ரதர்ஶயந் விஶ்வஜகத்விபாகாந் ।
ஸம்ஸ்தூயமாநோ ந்ரு'வரேண தேந ஜ்ஞாநம் பரம் சோபதிஶந்நசாரீஃ ॥8॥
கல்பாவதௌ ஸப்தமுநீந் புரோவத் ப்ரஸ்தாப்ய ஸத்யவ்ரதபூமிபம் தம் ।
வைவஸ்வதாக்யம் மநுமாததாநஃ க்ரோதாத் ஹயக்ரீவமபித்ருதோऽபூஃ ॥9॥
ஸ்வதுங்கஶ்ரு'ங்கக்ஷதவக்ஷஸம் தம் நிபாத்ய தைத்யம் நிகமாந் க்ரு'ஹீத்வா ।
விரிஞ்சயே ப்ரீதஹ்ரு'தே ததாநஃ ப்ரபஞ்ஜநாகாரபதே ப்ரபாயாஃ ॥10॥
Roman (IAST) Transliteration
purā hayagrīvamahāsureṇa ṣaṣṭhāntarāntodyadakāṇḍakalpe |
nidronmukhabrahmamukhāt hṛteṣu vedeṣvadhitsaḥ kila matsyarūpam ||1||
satyavratasya dramilādhibharturnadījale tarpayatastadānīm |
karāñjalau sañjvalitākṛtistvamadṛśyathāḥ kaścana bālamīnaḥ ||2||
kṣiptaṃ jale tvāṃ cakitaṃ vilokya ninye'mbupātreṇa muniḥ svageham |
svalpairahobhiḥ kalaśīṃ ca kūpaṃ vāpīṃ saraścānaśiṣe vibho tvam ||3||
yogaprabhāvādbhavadājñayaiva nītastatastvaṃ muninā payodhim |
pṛṣṭo'munā kalpadidṛkṣumenaṃ saptāhamāsveti vadannayāsīḥ ||4||
prāpte tvadukte'hani vāridhārāpariplute bhūmitale munīndraḥ |
saptarṣibhiḥ sārdhamapāravāriṇyudghūrṇamānaḥ śaraṇaṃ yayau tvām ||5||
dharāṃ tvadādeśakarīmavāptāṃ naurūpiṇīmāruruhustadā te
tatkampakampreṣu ca teṣu bhūyastvamambudherāvirabhūrmahīyān ||6||
jhaṣākṛtiṃ yojanalakṣadīrghāṃ dadhānamuccaistaratejasaṃ tvām |
nirīkṣya tuṣṭā munayastvaduktyā tvattuṅgaśṛṅge taraṇiṃ babandhuḥ ||7||
ākṛṣṭanauko munimaṇḍalāya pradarśayan viśvajagadvibhāgān |
saṃstūyamāno nṛvareṇa tena jñānaṃ paraṃ copadiśannacārīḥ ||8||
kalpāvadhau saptamunīn purovat prasthāpya satyavratabhūmipaṃ tam |
vaivasvatākhyaṃ manumādadhānaḥ krodhād hayagrīvamabhidruto'bhūḥ ||9||
svatuṅgaśṛṅgakṣatavakṣasaṃ taṃ nipātya daityaṃ nigamān gṛhītvā |
viriñcaye prītahṛde dadānaḥ prabhañjanāgārapate prapāyāḥ ||10||
Sanskrit — Devanagari (original)
पुरा हयग्रीवमहासुरेण षष्ठान्तरान्तोद्यदकाण्डकल्पे ।
निद्रोन्मुखब्रह्ममुखात् हृतेषु वेदेष्वधित्सः किल मत्स्यरूपम् ॥1॥
सत्यव्रतस्य द्रमिलाधिभर्तुर्नदीजले तर्पयतस्तदानीम् ।
कराञ्जलौ सञ्ज्वलिताकृतिस्त्वमदृश्यथाः कश्चन बालमीनः ॥2॥
क्षिप्तं जले त्वां चकितं विलोक्य निन्येऽम्बुपात्रेण मुनिः स्वगेहम् ।
स्वल्पैरहोभिः कलशीं च कूपं वापीं सरश्चानशिषे विभो त्वम् ॥3॥
योगप्रभावाद्भवदाज्ञयैव नीतस्ततस्त्वं मुनिना पयोधिम् ।
पृष्टोऽमुना कल्पदिदृक्षुमेनं सप्ताहमास्वेति वदन्नयासीः ॥4॥
प्राप्ते त्वदुक्तेऽहनि वारिधारापरिप्लुते भूमितले मुनीन्द्रः ।
सप्तर्षिभिः सार्धमपारवारिण्युद्घूर्णमानः शरणं ययौ त्वाम् ॥5॥
धरां त्वदादेशकरीमवाप्तां नौरूपिणीमारुरुहुस्तदा ते
तत्कम्पकम्प्रेषु च तेषु भूयस्त्वमम्बुधेराविरभूर्महीयान् ॥6॥
झषाकृतिं योजनलक्षदीर्घां दधानमुच्चैस्तरतेजसं त्वाम् ।
निरीक्ष्य तुष्टा मुनयस्त्वदुक्त्या त्वत्तुङ्गशृङ्गे तरणिं बबन्धुः ॥7॥
आकृष्टनौको मुनिमण्डलाय प्रदर्शयन् विश्वजगद्विभागान् ।
संस्तूयमानो नृवरेण तेन ज्ञानं परं चोपदिशन्नचारीः ॥8॥
कल्पावधौ सप्तमुनीन् पुरोवत् प्रस्थाप्य सत्यव्रतभूमिपं तम् ।
वैवस्वताख्यं मनुमादधानः क्रोधाद् हयग्रीवमभिद्रुतोऽभूः ॥9॥
स्वतुङ्गशृङ्गक्षतवक्षसं तं निपात्य दैत्यं निगमान् गृहीत्वा ।
विरिञ्चये प्रीतहृदे ददानः प्रभञ्जनागारपते प्रपायाः ॥10॥
purā hayagrīvamahāsureṇa ṣaṣṭhāntarāntodyadakāṇḍakalpe |
nidronmukhabrahmamukhāt hṛteṣu vedeṣvadhitsaḥ kila matsyarūpam ||1||
satyavratasya dramilādhibharturnadījale tarpayatastadānīm |
karāñjalau sañjvalitākṛtistvamadṛśyathāḥ kaścana bālamīnaḥ ||2||
kṣiptaṃ jale tvāṃ cakitaṃ vilokya ninye'mbupātreṇa muniḥ svageham |
svalpairahobhiḥ kalaśīṃ ca kūpaṃ vāpīṃ saraścānaśiṣe vibho tvam ||3||
yogaprabhāvādbhavadājñayaiva nītastatastvaṃ muninā payodhim |
pṛṣṭo'munā kalpadidṛkṣumenaṃ saptāhamāsveti vadannayāsīḥ ||4||
prāpte tvadukte'hani vāridhārāpariplute bhūmitale munīndraḥ |
saptarṣibhiḥ sārdhamapāravāriṇyudghūrṇamānaḥ śaraṇaṃ yayau tvām ||5||
dharāṃ tvadādeśakarīmavāptāṃ naurūpiṇīmāruruhustadā te
tatkampakampreṣu ca teṣu bhūyastvamambudherāvirabhūrmahīyān ||6||
jhaṣākṛtiṃ yojanalakṣadīrghāṃ dadhānamuccaistaratejasaṃ tvām |
nirīkṣya tuṣṭā munayastvaduktyā tvattuṅgaśṛṅge taraṇiṃ babandhuḥ ||7||
ākṛṣṭanauko munimaṇḍalāya pradarśayan viśvajagadvibhāgān |
saṃstūyamāno nṛvareṇa tena jñānaṃ paraṃ copadiśannacārīḥ ||8||
kalpāvadhau saptamunīn purovat prasthāpya satyavratabhūmipaṃ tam |
vaivasvatākhyaṃ manumādadhānaḥ krodhād hayagrīvamabhidruto'bhūḥ ||9||
svatuṅgaśṛṅgakṣatavakṣasaṃ taṃ nipātya daityaṃ nigamān gṛhītvā |
viriñcaye prītahṛde dadānaḥ prabhañjanāgārapate prapāyāḥ ||10||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.