Narayaniyam Dashaka 44 - Namakaranasamskaradi — Tamil Script

கூடம் வஸுதேவகிரா கர்தும் தே நிஷ்க்ரியஸ்ய ஸம்ஸ்காராந் ।

ஹ்ரு'த்கதஹோராதத்த்வோ கர்கமுநிஸ்த்வத் க்ரு'ஹம் விபோ கதவாந் ॥1॥

நந்தோऽத நந்திதாத்மா வ்ரு'ந்திஷ்டம் மாநயந்நமும் யமிநாம் ।

மந்தஸ்மிதார்த்ரமூசே த்வத்ஸம்ஸ்காராந் விதாதுமுத்ஸுகதீஃ ॥2॥

யதுவம்ஶாசார்யத்வாத் ஸுநிப்ரு'தமிதமார்ய கார்யமிதி கதயந் ।

கர்கோ நிர்கதபுலகஶ்சக்ரே தவ ஸாக்ரஜஸ்ய நாமாநி ॥3॥

கதமஸ்ய நாம குர்வே ஸஹஸ்ரநாம்நோ ஹ்யநந்தநாம்நோ வா ।

இதி நூநம் கர்கமுநிஶ்சக்ரே தவ நாம நாம ரஹஸி விபோ ॥4॥

க்ரு'ஷிதாதுணகாராப்யாம் ஸத்தாநந்தாத்மதாம் கிலாபிலபத் ।

ஜகதககர்ஷித்வம் வா கதயத்ரு'ஷிஃ க்ரு'ஷ்ணநாம தே வ்யதநோத் ॥5॥

அந்யாம்ஶ்ச நாமபேதாந் வ்யாகுர்வந்நக்ரஜே ச ராமாதீந் ।

அதிமாநுஷாநுபாவம் ந்யகதத்த்வாமப்ரகாஶயந் பித்ரே ॥6॥

ஸ்நிஹ்யதி யஸ்தவ புத்ரே முஹ்யதி ஸ ந மாயிகைஃ புநஃ ஶோகைஃ ।

த்ருஹ்யதி யஃ ஸ து நஶ்யேதித்யவதத்தே மஹத்த்வம்ரு'ஷிவர்யஃ ॥7॥

ஜேஷ்யதி பஹுதரதைத்யாந் நேஷ்யதி நிஜபந்துலோகமமலபதம் ।

ஶ்ரோஷ்யஸி ஸுவிமலகீர்தீரஸ்யேதி பவத்விபூதிம்ரு'ஷிரூசே ॥8॥

அமுநைவ ஸர்வதுர்கம் தரிதாஸ்த க்ரு'தாஸ்தமத்ர திஷ்டத்வம் ।

ஹரிரேவேத்யநபிலபந்நித்யாதி த்வாமவர்ணயத் ஸ முநிஃ ॥9॥

கர்கேऽத நிர்கதேऽஸ்மிந் நந்திதநந்தாதிநந்த்யமாநஸ்த்வம் ।

மத்கதமுத்கதகருணோ நிர்கமய ஶ்ரீமருத்புராதீஶ ॥10॥

Roman (IAST) Transliteration

gūḍhaṃ vasudevagirā kartuṃ te niṣkriyasya saṃskārān |

hṛdgatahorātattvo gargamunistvat gṛhaṃ vibho gatavān ||1||

nando'tha nanditātmā vṛndiṣṭaṃ mānayannamuṃ yaminām |

mandasmitārdramūce tvatsaṃskārān vidhātumutsukadhīḥ ||2||

yaduvaṃśācāryatvāt sunibhṛtamidamārya kāryamiti kathayan |

gargo nirgatapulakaścakre tava sāgrajasya nāmāni ||3||

kathamasya nāma kurve sahasranāmno hyanantanāmno vā |

iti nūnaṃ gargamuniścakre tava nāma nāma rahasi vibho ||4||

kṛṣidhātuṇakārābhyāṃ sattānandātmatāṃ kilābhilapat |

jagadaghakarṣitvaṃ vā kathayadṛṣiḥ kṛṣṇanāma te vyatanot ||5||

anyāṃśca nāmabhedān vyākurvannagraje ca rāmādīn |

atimānuṣānubhāvaṃ nyagadattvāmaprakāśayan pitre ||6||

snihyati yastava putre muhyati sa na māyikaiḥ punaḥ śokaiḥ |

druhyati yaḥ sa tu naśyedityavadatte mahattvamṛṣivaryaḥ ||7||

jeṣyati bahutaradaityān neṣyati nijabandhulokamamalapadam |

śroṣyasi suvimalakīrtīrasyeti bhavadvibhūtimṛṣirūce ||8||

amunaiva sarvadurgaṃ taritāstha kṛtāsthamatra tiṣṭhadhvam |

harirevetyanabhilapannityādi tvāmavarṇayat sa muniḥ ||9||

garge'tha nirgate'smin nanditanandādinandyamānastvam |

madgadamudgatakaruṇo nirgamaya śrīmarutpurādhīśa ||10||

Sanskrit — Devanagari (original)

गूढं वसुदेवगिरा कर्तुं ते निष्क्रियस्य संस्कारान् ।

हृद्गतहोरातत्त्वो गर्गमुनिस्त्वत् गृहं विभो गतवान् ॥1॥

नन्दोऽथ नन्दितात्मा वृन्दिष्टं मानयन्नमुं यमिनाम् ।

मन्दस्मितार्द्रमूचे त्वत्संस्कारान् विधातुमुत्सुकधीः ॥2॥

यदुवंशाचार्यत्वात् सुनिभृतमिदमार्य कार्यमिति कथयन् ।

गर्गो निर्गतपुलकश्चक्रे तव साग्रजस्य नामानि ॥3॥

कथमस्य नाम कुर्वे सहस्रनाम्नो ह्यनन्तनाम्नो वा ।

इति नूनं गर्गमुनिश्चक्रे तव नाम नाम रहसि विभो ॥4॥

कृषिधातुणकाराभ्यां सत्तानन्दात्मतां किलाभिलपत् ।

जगदघकर्षित्वं वा कथयदृषिः कृष्णनाम ते व्यतनोत् ॥5॥

अन्यांश्च नामभेदान् व्याकुर्वन्नग्रजे च रामादीन् ।

अतिमानुषानुभावं न्यगदत्त्वामप्रकाशयन् पित्रे ॥6॥

स्निह्यति यस्तव पुत्रे मुह्यति स न मायिकैः पुनः शोकैः ।

द्रुह्यति यः स तु नश्येदित्यवदत्ते महत्त्वमृषिवर्यः ॥7॥

जेष्यति बहुतरदैत्यान् नेष्यति निजबन्धुलोकममलपदम् ।

श्रोष्यसि सुविमलकीर्तीरस्येति भवद्विभूतिमृषिरूचे ॥8॥

अमुनैव सर्वदुर्गं तरितास्थ कृतास्थमत्र तिष्ठध्वम् ।

हरिरेवेत्यनभिलपन्नित्यादि त्वामवर्णयत् स मुनिः ॥9॥

गर्गेऽथ निर्गतेऽस्मिन् नन्दितनन्दादिनन्द्यमानस्त्वम् ।

मद्गदमुद्गतकरुणो निर्गमय श्रीमरुत्पुराधीश ॥10॥