Narayaniyam Dashaka 44 - Namakaranasamskaradi — Gujarati Script

ગૂઢં વસુદેવગિરા કર્તું તે નિષ્ક્રિયસ્ય સંસ્કારાન્ ।

હૃદ્ગતહોરાતત્ત્વો ગર્ગમુનિસ્ત્વત્ ગૃહં વિભો ગતવાન્ ॥1॥

નન્દોઽથ નન્દિતાત્મા વૃન્દિષ્ટં માનયન્નમું યમિનામ્ ।

મન્દસ્મિતાર્દ્રમૂચે ત્વત્સંસ્કારાન્ વિધાતુમુત્સુકધીઃ ॥2॥

યદુવંશાચાર્યત્વાત્ સુનિભૃતમિદમાર્ય કાર્યમિતિ કથયન્ ।

ગર્ગો નિર્ગતપુલકશ્ચક્રે તવ સાગ્રજસ્ય નામાનિ ॥3॥

કથમસ્ય નામ કુર્વે સહસ્રનામ્નો હ્યનન્તનામ્નો વા ।

ઇતિ નૂનં ગર્ગમુનિશ્ચક્રે તવ નામ નામ રહસિ વિભો ॥4॥

કૃષિધાતુણકારાભ્યાં સત્તાનન્દાત્મતાં કિલાભિલપત્ ।

જગદઘકર્ષિત્વં વા કથયદૃષિઃ કૃષ્ણનામ તે વ્યતનોત્ ॥5॥

અન્યાંશ્ચ નામભેદાન્ વ્યાકુર્વન્નગ્રજે ચ રામાદીન્ ।

અતિમાનુષાનુભાવં ન્યગદત્ત્વામપ્રકાશયન્ પિત્રે ॥6॥

સ્નિહ્યતિ યસ્તવ પુત્રે મુહ્યતિ સ ન માયિકૈઃ પુનઃ શોકૈઃ ।

દ્રુહ્યતિ યઃ સ તુ નશ્યેદિત્યવદત્તે મહત્ત્વમૃષિવર્યઃ ॥7॥

જેષ્યતિ બહુતરદૈત્યાન્ નેષ્યતિ નિજબન્ધુલોકમમલપદમ્ ।

શ્રોષ્યસિ સુવિમલકીર્તીરસ્યેતિ ભવદ્વિભૂતિમૃષિરૂચે ॥8॥

અમુનૈવ સર્વદુર્ગં તરિતાસ્થ કૃતાસ્થમત્ર તિષ્ઠધ્વમ્ ।

હરિરેવેત્યનભિલપન્નિત્યાદિ ત્વામવર્ણયત્ સ મુનિઃ ॥9॥

ગર્ગેઽથ નિર્ગતેઽસ્મિન્ નન્દિતનન્દાદિનન્દ્યમાનસ્ત્વમ્ ।

મદ્ગદમુદ્ગતકરુણો નિર્ગમય શ્રીમરુત્પુરાધીશ ॥10॥

Roman (IAST) Transliteration

gūḍhaṃ vasudevagirā kartuṃ te niṣkriyasya saṃskārān |

hṛdgatahorātattvo gargamunistvat gṛhaṃ vibho gatavān ||1||

nando'tha nanditātmā vṛndiṣṭaṃ mānayannamuṃ yaminām |

mandasmitārdramūce tvatsaṃskārān vidhātumutsukadhīḥ ||2||

yaduvaṃśācāryatvāt sunibhṛtamidamārya kāryamiti kathayan |

gargo nirgatapulakaścakre tava sāgrajasya nāmāni ||3||

kathamasya nāma kurve sahasranāmno hyanantanāmno vā |

iti nūnaṃ gargamuniścakre tava nāma nāma rahasi vibho ||4||

kṛṣidhātuṇakārābhyāṃ sattānandātmatāṃ kilābhilapat |

jagadaghakarṣitvaṃ vā kathayadṛṣiḥ kṛṣṇanāma te vyatanot ||5||

anyāṃśca nāmabhedān vyākurvannagraje ca rāmādīn |

atimānuṣānubhāvaṃ nyagadattvāmaprakāśayan pitre ||6||

snihyati yastava putre muhyati sa na māyikaiḥ punaḥ śokaiḥ |

druhyati yaḥ sa tu naśyedityavadatte mahattvamṛṣivaryaḥ ||7||

jeṣyati bahutaradaityān neṣyati nijabandhulokamamalapadam |

śroṣyasi suvimalakīrtīrasyeti bhavadvibhūtimṛṣirūce ||8||

amunaiva sarvadurgaṃ taritāstha kṛtāsthamatra tiṣṭhadhvam |

harirevetyanabhilapannityādi tvāmavarṇayat sa muniḥ ||9||

garge'tha nirgate'smin nanditanandādinandyamānastvam |

madgadamudgatakaruṇo nirgamaya śrīmarutpurādhīśa ||10||

Sanskrit — Devanagari (original)

गूढं वसुदेवगिरा कर्तुं ते निष्क्रियस्य संस्कारान् ।

हृद्गतहोरातत्त्वो गर्गमुनिस्त्वत् गृहं विभो गतवान् ॥1॥

नन्दोऽथ नन्दितात्मा वृन्दिष्टं मानयन्नमुं यमिनाम् ।

मन्दस्मितार्द्रमूचे त्वत्संस्कारान् विधातुमुत्सुकधीः ॥2॥

यदुवंशाचार्यत्वात् सुनिभृतमिदमार्य कार्यमिति कथयन् ।

गर्गो निर्गतपुलकश्चक्रे तव साग्रजस्य नामानि ॥3॥

कथमस्य नाम कुर्वे सहस्रनाम्नो ह्यनन्तनाम्नो वा ।

इति नूनं गर्गमुनिश्चक्रे तव नाम नाम रहसि विभो ॥4॥

कृषिधातुणकाराभ्यां सत्तानन्दात्मतां किलाभिलपत् ।

जगदघकर्षित्वं वा कथयदृषिः कृष्णनाम ते व्यतनोत् ॥5॥

अन्यांश्च नामभेदान् व्याकुर्वन्नग्रजे च रामादीन् ।

अतिमानुषानुभावं न्यगदत्त्वामप्रकाशयन् पित्रे ॥6॥

स्निह्यति यस्तव पुत्रे मुह्यति स न मायिकैः पुनः शोकैः ।

द्रुह्यति यः स तु नश्येदित्यवदत्ते महत्त्वमृषिवर्यः ॥7॥

जेष्यति बहुतरदैत्यान् नेष्यति निजबन्धुलोकममलपदम् ।

श्रोष्यसि सुविमलकीर्तीरस्येति भवद्विभूतिमृषिरूचे ॥8॥

अमुनैव सर्वदुर्गं तरितास्थ कृतास्थमत्र तिष्ठध्वम् ।

हरिरेवेत्यनभिलपन्नित्यादि त्वामवर्णयत् स मुनिः ॥9॥

गर्गेऽथ निर्गतेऽस्मिन् नन्दितनन्दादिनन्द्यमानस्त्वम् ।

मद्गदमुद्गतकरुणो निर्गमय श्रीमरुत्पुराधीश ॥10॥